ناوى ابقى هونداوى ان شاء الله بس محتاج مساعده

[م/محمد صلاح]

السلام عليكم ورحمة الله وبركاته

اخوكم ناوى ان شاء الله على الهوندا سيفيك بس محتاج حد يقيمهالى تقييم وافى زى مانتو عاملين للسيتى
وايه اخبار موديل 2008 ولا اشترى 2007 وخلاص؟
وفين الاقيها بسعر كويس؟ لانى لقيتها نادره قوى وكمان ب 158000 جنيه يعنى اغلى من الوكيل ب 18000 جنيه
الوكيل بيحجزها بس الاستلام بعد 3 شهور

ممكن تساعدونى؟

[hazem_khidr]

جربت ال 1800 بتاعها في الامارات لمده يومين .
عربيه محترمه جدا و ثباتها ممتاز و تسارعها ممتاز و الدركسيون بتاعها دقيق جدا و بينقل ليك احساس الطريق بالضبط.
استهلاك البنزين بالنسبه لل1800 كان معقول جدا و اكيد ال 1600 حتبقي احلي.
تابلوه وهمي و قعدتها مريحه و كل تجهيزات العربيه تحت اديك و المفاتيح كلها في متناول يد السائق و ترتيبها معقول مش تخلي نظرك مشتت عن الطريق.
عيبها الوحيد اللي لاحظته في الفتره القصيره دي انها واطيه شويه علي الارض و خصوصا اكصدامتها يعني لما تركن بالطول ما تقربها من رصيف علشان ما تحكش منك.
غير كده انا بعتبرها افضل عربيه متوسطه ركبتها في حياتي كلها

[Ahmed Hassan]

ده تقييم من احد ملاك العربيه

http://www.nilemotors.net/Forum/viewtopic.php?t=5250%E5%E6%E4%CF%C7+%D3%ED%DD%ED%DF

[modux]

توكل علي الله

عربية جميلة

[HNaga]

حسب اراء الناس السيفيك أحسن عربية فة الفئة بتاعتها برغم الأوبشنز اللى ناقصة
مبروك مقدما

[أبو عبدالله]

بصراحه نعم الأختيار وانا لو مكانك كنت اشترتها ولكن موضوع 18 الف دول كتير رايي انك تنتظر التوكيل لأنك كده دخلت في الأفينسيس والفيكترا

[م/محمد صلاح]

طيب ايه رايكو فى الفكترا...........انا شايف انها عربيه روعه

[Ahmed Hassan]

الفيكترا الجديده راقصه على السلم... كبيره... مش اوتوماتيك... و الموتور صغير و في نفس الوقت مش رخيصه... و الاهم من كل ده اتأخرت في النزول مصر لأن الشكل ده موجود على الأقل من 2004 لو مكانش من 2003 مش متاكد... يعني هيتغير قريب ده لو مكنش اتغير خلاص

[mina_ramsis]

الموتور صغير و في نفس الوقت مش رخيصه

نفس فكرة الهوندا بتنزل بره بموتور 1800 سى سى علشان كده انا رأيي انك لو لقيت الهوندا اغلى من سعرها حاجة بسيطة يعنى ما يبقاش الفرق 18 الف جنيه يبقى توكل على الله و جبها انما لو وصلت لل 160000 يبقى هات الفكترا طبعا علشان مش من المنطقى انى اشترى عربية اوفر برايس ب 18 الف جنيه اول ما اجى ابيعها اخسرهم فيها بالاضافة لمبلغ محترم تانى علشان سوق الهوندا مش ماشى فى مصر اساسا

[mohaismail]

عربية حلوة جدا جدا جدا بس بتمنها بتاع الوكيل اللى هوه تقريبا 139900 انما لو هتدفع كده هات فكترا من غير تفكير وبالنسبة للتوكيل الاتنين احسن من بعض يعنى فى الحالتين هتكسب عربية محترمة وتوكيل محترم جدا بس كل عربية تجيبها بتمنها مش سرقة وخلاص وربنا يوفقك

[Ahmed Anwer]

حازم خضر كتب

تابلوه وهمي

يا سيدي علي نور العدادات ،، و شاشة البيانات ،،
قاعد في مكوك فضاء :D :D :D

[hazem_khidr]

الشكل ده موجود على الأقل من 2004 لو مكانش من 2003 مش متاكد... يعني هيتغير قريب ده لو مكنش اتغير خلاص

الشكل دا بالفوانيس دي من 2005 مش 2003
و نفس البودي كان نازل من اخر 2002 بنفس الشكل مع اختلاف الفوانيس الاماميه و كانت قريبه من الكاديلك cts نوعا ما

[م/محمد صلاح]

حازم باسا انت تقصد الفيكترا ولا السيفيك؟

الشكل دا بالفوانيس دي من 2005 مش 2003
و نفس البودي كان نازل من اخر 2002 بنفس الشكل مع اختلاف الفوانيس الاماميه و كانت قريبه من الكاديلك cts نوعا ما

[Adham]

الفكترا دي تجميع مصري من منصور مش كدة ؟؟

[أبو عبدالله]

الفكترا دي تجميع مصري من منصور مش كدة ؟؟

لا الماني