سيفيك 92 و البنزين

[kalmah]

السلام عليكم
انا بقالي فترة طويلة منقطع عن المنتدي بسبب الشغل بس بحاول ارجع تاني
انا كنت جيبت سيفيك 92 من شهرين تلاتة كدة بس في حاجة غريبة ابتديت تحصل
العربية بعد ما خدتها ع طول قولت اعمل سيرفيس ليها و روحتن علي مسعد و هناك زبطلي التكيهات العربية صوت الموتور كان عالي قبل الزبط
بعد الزبط صوت فضل زي ما هوا وزاد علية صوت تخبيط الموتور صوت زي دق كدة قالي ان وش السلندر عندي وحش عاوز يتغير انا محطتش في دماغي عشان انا حاسس انو نصاب و الصنيعية بتوعوا بيقلبوا

المهم رحت لمركز في منشية البكري و استريحت في التعامل بتاعهم و الصنعة و زبطوا التكيهات تاني و بردة الصوت فضل موجود بس قالولي ان في بستم ابتدي يهوي هوا اللي عامل الصوت

انا الزيت بينقص عندي بس العربية مش بدخن ابيض و السحب معقول
بس العربية بقالها كام يوم استهلاك البنزين مبقاش طبيعي
ال 20 لتر بيعملوا تقريبا 140 كيلو
*انا بجري و بحرق ع النقل*
قبل كدة ال 30 لتر كانوا بيدوني 240 كيلو

فياتري ااية السبب للخبطة دي؟
ممكن يكون ليها علاقة بالايدل انو عاوز يتغير.؟

و حاجة تانية العربية بتبقي علي طول سخنة اوي اوي اوي و الحرارة بتبقيء تحط النص بس العربية يتكون المية بتغلي
سلكت الراديتير و لسة الموضوع زي ما هوا
هوا دة كدة طبيعي؟

[SAMEH_FOUAD]

شوف انت ماقولتش معاك ex ولا si بس عموما انت بتحرق على الغيارات يبقى لازم تلاقى استهلاك بنزين عالى
ثانى حاجة صوت خبط دة ممكن يكون فية صمام معوج شوية هو اللى عامل كدة ,
الايدل مالوش دعوة خالص بحاجة زى دية الايدل بس لية علاقة بظبط المكنة والسلانسية بتاعها

شوف سخنة دية طبيعى جدا بس مش اوى اوى اوى هية هتبقى سخنة بس ,انت بتقول انك بتحرق فلازم تلاقيها كدة بس اهم حاجة مايكونش عندك نقص فى المية ,والزيت كويس وبتغيرة فى مواعيدة ,ونظف الفلاتر
ولو فية اى استفسار انا فى الخدمة

[kalmah]

s معلش سقط المعلومة دية هيا SI هوا الايدل مخلي العربية مش مظبوطة ع السرنسية يعني مرة يبقيء الار بي ام ع 2 مرة ع 10 و لا بيقرص او شغلت تكيف و ققلتة العربية بتعد تزود بنزين مع نفسها يعني العداد يطنطط بين 10 لي 15بالنسبة الزيت هوا بينقص عندي يعني خلاا شهر تقريبا نقص نص كيلوالمية ثابتة هيا العربية كانت خنت و انا طالع اسكندرية لما اجي اجري تسخن!!!!! سكلت الرديداتر و جربت بعديها لاقيتها اتزبطت بس و المية ثابتة القربة بس هيا اللي بتنقص مش الرايدتير

[MegaDeth]

ايه العك ده ؟ مالها العربيه دى ؟؟؟؟
وش فيها حاجه فى الموتور

[kalmah]

بس الموتور كسحب مش باين علية انة تعبان
يرب بس يكمل معايا سنة كدة اكون جمعت تمن ال sir

[SAMEH_FOUAD]

كدة انت عندك عيب فى الايدل وطول مانت عندك عيب فى الايدل يبقى هتلاقى استهلاك عالى فى العربية ,هتلاقى العربية مش مظبوطة سواء مع التكيف او وهية باردة ,حكاية نقص القربة ممكن تكون القربة نفسها الغطاء بتاعها وحش فغيرها ,
الزيت دة لما بينقص كدة فى خلال شهرين نص كيلو كتير وممكن يكون فية تسريب عندك ,هاقولك على حاجة ,جرب تكون عارف مقاس الزيت ,وتمشى لمدة شهر من غير قرص وشوف الزيت هيبقى مقاسة عامل ازاى لو نقص بردة يبقى انت كدة عندك تسريب .لو منقصش يبقى ضغطك الكبير على البنزين كل شوية بيخلى الزيت يخف اوى فبيتسرب من الشمايز ,واظبط الحاجات دية وشوف

[elwad_crazy]

بكام تمن الـsir

[SAMEH_FOUAD]

10 الاف جنية بالكنترول

[ahmad--ezzat]

بس الموتور كسحب مش باين علية انة تعبان
يرب بس يكمل معايا سنة كدة اكون جمعت تمن ال sir

اعتقد ان السحب ملوش دعوه....لان انا كان معايا لادا كاربرتير...كانت عايز تتظبط وش سليندر لانه كان ضارب وكان االعربيه عايزه تتعمر....وفعلا لما تدوس بنزين فى السلانسيه او تحرق تسمع صوت خبط...

السحب كان تمااااام التمام انا فاكر واللى يدهشك ان الموتور كان فايق كمان

بس الصوت دة هو المشكله....
متقلقش لو عربيتك فيها الصوت دة حاول متقرص على الموتور لحد ما تجيب مكنه جديده ان شاء الله

[gaafar13]

دا اكيد فى حاجه فى المكنه

علما بان السيفك عمتا بتستحمل حتى لو فيها ايه مبتشتكيش بس اكتر حاجه تزعلها موضوع الحراره دى

فا حاول تخلى حد يشوفلك موضوع التخبيط دا لان دا ممكن يكون بستم معوج او مشروخ

بس فى حاله لو بتاكل منك زيت
او حوض العربيه مليان زيت ( بتترتش زيت فى الحوض )

وباذن الله تكمل معاك سنه بس لازم تعرف العربيه فيها ايه ونحافظ عليه يعنى بلاش موضوع الحرق دا لغايت لما تعرف على الاقل

وبالنسبه لسعر ال sir هوى بيبدا من 7 لغايت 25 الف على حسب ما انتا عايز بس سعر مكنه وضفيره وكنترول بيعملوا حدود 10 لو مكنه نضيفه وموديل جديد
والسعر بيزيد كل ما الموديل بيعلى زانتا وشطارتك مع التاجر


ولما تنوى ابقا عرفنا علشان فى شويه حاجات لازم تاخد بالك منها باذن الله

[Horsepower]

بقترح تشتري دماغك و تكشف عليها عند الوكيل ... أهو تاخد منهم الروشتة و تصلحها براحتك سواء عندهم أو برة بدال ما تصلح حاجة و تصرف عليها و تطلع المشكلة من حاجة تانية خالص (و ده عن تجربة شخصية) و ربنا يوفققك إن شاء الله.

[SAMEH_FOUAD]

سعر ماتور الsir بالضفيرة بالكنترول بالتركيب 14 الف جينة لسة جايلى السعر حالا من الحرفين

[ahmad--ezzat]

بيبقى جديد بقا ولا مستعمل؟؟؟؟؟؟

[gaafar13]

اكيد استعمال خارج

[mshamy]

سعر ماتور الsir بالضفيرة بالكنترول بالتركيب 14 الف جينة لسة جايلى السعر حالا من الحرفين

غالي جدا يا سمسم عندنا في بورسعيد بيعمل في حدود 10 الاف + العفشة
بس من غير تركيب (التركيب بيتراوح من 750 الى جنيه1000)