إعـــــــلان

Collapse

.

,
See more
See less

صيانة السيفيك 1992 si( أرجو الافادة بسرعةةةةةةةةةةةةة )

Collapse
X
 
  • Filter
  • الوقت
  • Show
Clear All
new posts

  • صيانة السيفيك 1992 si( أرجو الافادة بسرعةةةةةةةةةةةةة )

    كل سنة وانتم بخير

    اولا انا لسة شارى هوندا سيفيك si موديل 1992 من يومين قبل العيد وبصراحة كان فيها شوية حاجات كدة عايز اعملها فارجو المشورة من أهل المنتدى عشان انا لسة راكب هوندا جديد ومن الواضح ان بحر الهوندا واسع بس ما شاء الله ماتورها 1600 رهيب بصراحة انا كنت ماشى 170 وفى 3 معايا فى العربية ولسة عايزة تمشى تانى ( ربنا يستر على الواحد من الماتور دا )

    اولا الماتور مرشح زيت وعداد السرعة مش شغال وعوامة البنزين بتعلق مبتقراش صح واللمبة بتاعت التشيك منورة علطول اصفر
    وواحد صحبى فى المطرية ودانى عند ميكانيكى هوندا فى الاميرية باين او السواح تقريبا اسمه تامر هو فى شارع جانبى سد كدة وجنب منه واحد بتاع قطع غيار اسمه الحفناوى ’ المهم قالى الاول هات طقم اولسيهات وجيوان غطاء تاكيهات روحت جبتهم من اللى جنبه ب 168 جنيه وبعد كدة فتح الغطاء وبص على الجيوان والولسيهات قالى رجع دول وهات 8 وردة بتوع الغطاء عشان دول بايزين رجعت وجبت الورد ب 200 جنيه اد جلدة الانبوبة الواحدة وب 25 جنيه وبعد كدة ركبهم وقالى تمام كدة مفيش زيت هايرشح تانى وكشف على حساس عداد الكيلو متر وركب واحد من عنده اشتغل العداد فقالى دا استراد ب 200 جنيه انا مقتنعتش وسالت عند الحفناوى جبته ب 125 تايوانى واشتغل بس اللمبة لسة منورة فسالته ايه العيب جابلى صنايعى تانى اسمه عمرو قالى هوا دا شغلته الكهرباء هنا فقالى هاتكلفك مصنعية 150 جنيه عشان اقولك على العيب قولتله 150 جنيه قالى اه انا هاكشف على 37 حساس ودخلنى فى حوارات انا حسيت ان انهاردة الوقفة بقى وبيدخلنى فى حوارات عشان مش عايز يشتغل فقلتله بعد العيد ودفعت 50 مصنعية تغيير الورد ومشيت جيت اول يوم العيد انهاردة ببص على الماتور لقيته هايبتدى يرشح زيت تانى ومش عارف اعمل ايه منه لله خلانى اشتريت حاجات ( شويه جلد )ب 200 ومش هيا السبب وانا مش مستريحله كدة فى معاملته حد يفيدنى اعمل ايه معاه اروحله ولاخلاص مفيش فايدة كدة كدة لو روحتله مش هايطلع نفسه غلطان وهايقولى منتا كنت شايف الورد بايزة ادامك وهايدخلنى فى حوارات تانى ةانا مبحبش يبقى فى حاجى فى العربية اروح لمين عشان اللمبة والماتوراصل انا خايف ليكون اللمبة دى سببها حاجة تبوز العربية بس ارجو اللى هايقولى يكتب العنوان ورقم التليفون واغيثونى يا أهل الهوندا
    [I][B][SIZE=6][COLOR=Plum]TO BE OR NOT TO BE

    [/COLOR][/SIZE][/B][/I]

  • #2
    فى حاجه جميله اووى ممكن تعملها انت ودى العربيه توكيل هوندا و هتدفع فلوس شويه بس هيخلوا العربيه تمام اوى اوى اوى كمان عشان انت راكب عربيه سريعه و الغلطه على سرعه يبقى مع السلامه
    [mtohg=#ff0000]https://fbcdn-sphotos-g-a.akamaihd.net/hphotos-ak-snc6/205347_10150903499579227_1587588698_n.jpg[/mtohg]

    Comment


    • #3
      المكنيكى الى انت روحتلة دة كويس قوى انا ولا عندى هوندا ولا حاجة بس واحد قريبى عندة هوندا وبيتعامل معاة وهو على كلامة الافضل فى الهوندا روحلة تانى وقولة على الحصل وشوف هيقولك اية وربنا معاك

      Comment


      • #4
        الف شكر يا شباب بس انا عايز اروح لاى حد تانى غيره ارجو الافادة
        [I][B][SIZE=6][COLOR=Plum]TO BE OR NOT TO BE

        [/COLOR][/SIZE][/B][/I]

        Comment


        • #5
          فيه موضوع مثبت بميكانيكية الهوندا, اختر منهم الاقرب ليك

          Comment


          • #6
            اول حاجة مبروك على السيارة وربنا يديلك خيرها ويكفيك شرها
            *بالنسبة لترشيح الزيت فكدة هيبقى من الجوان وبردة بيبان من مكان ترشيح الزيت ,عشان ممكن يكون الفلتر وحش مش مربوط كويس ,فى جوان بايظ
            *بالنسبة للمبة التيشك:الطبيعى ان اللمبة اول لما بتيجى تفتح الكونتاكت بتخلية على وضع تشغيل المحرك وتسيبها لحد ماتشيك على الماتور وبتاخد حوالى 4 او 3 ثوانى فى الموضوع دة وبعد كدة بتطفى ,وبتدور عادى وبتنور بعد كدة خالص الا بعد ماتدور العربية تانى
            -نيجى بقى لموضوعك :لو انت اول لما بتخلى العربية على وضع تشغيل المحرك واللمبة بتشيك على العربية وبعد كدة بتطفى واول لما العربية بتدور بتنور تانى ,يبقى انت كدة عندك مشكلة فى واحد او اكتر من الحساسات الموجودة فى الماتور ولا زم تتحط على الاسكانر ,
            لكن لو النور بتاع لمبة التيشك مابيطفيش اصلا دية المفروض بتحصل فى حالة ان الماتور بيكون متسقط والضفيرة متركبة غلط ,او فية مشكلة فى ضفيرة العربية ,او فى حاجة متركبة مش متوافقة مع العربية وكل دة هيبان لما تحط السيارة على جهاز الاسكانر
            ولو عايز ميكانيى ممكن تروح الحرفيين وهناك هتلاقى ميكانيكة كتير عارفين وحافظين الهوندا عشان العربية دية حاجاتها صعبة وشم اى حد بيفهم فيها
            [CENTER][SIZE=6]SEMSEM KANE سابقا[/SIZE][/CENTER]

            [img2]http://nileup.com/up/uploads/nilemotors_13635570671.jpg[/img2]

            Comment


            • #7
              الف مبروك ع العربية يا كبير, هيا عاملة كام دلوقتي؟ اتوماتيك ولا مانيوال؟

              انا كنت عامل زيك كدة اول ما جبت العربية من 3-4 شهور مبدئيا ابعد عن اللي اسمة مسعد
              انا رحتلة اول ما جبت العربية ع اساس انة واخد سمعة جامدة كنت رايح اعمل سيرفيس ع العربية اغير فلاتر و اللذي منة ازبط تكيهات اغير سير كتينة المهم رايع و العربية فلة ملهاش صوت بعد ما خرجت من عندة

              1-صوت العربية بقي ولا موتور الفلشيا كأني ركبت سير جنزير و قالي العربية محتاجة وش سلندر
              2-ال rpm بقيء مهيس اخر حاجة و ياسلام لو شغلت تكيف العربية تبطل وو اول ما اقفلة تهيس اكتر يعني منالاخر بوظ زبطة الانجيكشن

              3- مش هقولك بقيء ع المصنعية الناس هناك كانت بتدبح
              المهم
              روحت بعد كدة لمركز صيانة عند مستشفي منشية البكري زبطلي الدنيا و هما هناك عندهم جهاز كشف الاعطال فا انا برشحلك المكان دة
              و علي فكرة الراجل اللي انتا بترحلة واخد سمعة حلوة اوي جرب تعدي علية تاني شوف هيقولك اية
              و في اي وقت عاوز تروح للمركز دة قولي نروح مع بعد بس بلاس جمعة و سبت عشان اللي بيبقيء ماسك وقتها صانيعي جعان و بيحور جامد خليك وسط الاسبوع افضل
              و بالنسبة للمبة الموتور هيا ممكن تكون
              1- لو وا انتا فاتح الكونتاكت نورت و فضلت منورة يبقيء ف حاجة في الموتور
              2- لو دورت و طفت بعد كدة و انتا ماشي نورت تاني يبقيء في حاجة في الحساسات او سلك بيلمس بس لو حاجة خطيرة العربية مش هتدور اصلن
              [url=http://www.postimage.org/image.php?v=aVKmV6A][img]http://www.postimage.org/aVKmV6A.jpg[/img][/url]

              Comment


              • #8
                كلام جميل قوى
                والله انا سمعت كلام كتير عن علاء حفنى و فى صحابى كانو بيتعملوا معاه و بعد كده شافو ناس تانيه
                بس المهم دلوقتى عايزين نعرف المركز اليبانى بتاع جسر السويس ده ايه نظامه؟
                يعنى الكشف بكام و المصنعيه و هل في حد اقرب من قوره جنبه بتاع قطع غيار يا ريت الاخ kalmah يقولنا بالتفصيل ايه نظامه
                علششان انا ناوى اروحلو ان شاء الله علشان تصقيفه بسيطه بين النقلات كده و مش عارف سببها ايه

                Comment


                • #9
                  واللهي يا اخ بسيوني انا مش فاكر كنت دفعت كام بالزبط بس هوا في مرة دفعت 100 دية كانت زبطة تكيهات و بنغير خراطيم دورة المية و شغل عفشة خفيف

                  المرة اللي بعديها كانت 170 و دي كانت عمرة في العفشة و دة كان شامل الزيوت و اللذي منة مكان المركز
                  انتا لما تعدي اشارة روكسي و تخش شمال هتمشي حبة مستشفي منشية البكري علي ايدك الشمال و شبراوي علي ايدك اليمين
                  تقوم داخل علي طول اليمين اللي قبل شبراوي و تمشي بتاع 100-200 متر هتلاقي بنزينة علي ايدك الشمال هوا دة المركز هوا واخدين الحتة اللي ورا
                  هناك في البشمهندس احمد دة صاحب الورشة راجل ذوق و ابن ناس اوي في تعاملة و في واحد تاني اسمة محمود دة مش عارف شريكة ولا اية بس صنيعي جعانننننن اخر حاجة هوا بيبقيء ماسك يوم الجمعة و السبت فحاول مترحش ساعتها
                  و في الاسطي محمود و عنتر دول ميكانكية و معاهم عفشجي جامد اخر حاجة
                  اما بالنسبة لمحل قطع غيار قريب اعتقد اقرب حاجة و انضفهم هوا حفني اللي في السواح و دة مفيش 5-10 دقايق تبقثيء عندة
                  [url=http://www.postimage.org/image.php?v=aVKmV6A][img]http://www.postimage.org/aVKmV6A.jpg[/img][/url]

                  Comment


                  • #10
                    0164769433
                    دة رقمي عشان لو اي حد احتاج اي حاجة و ممكن نزبط يوم كلنا نروح هناك من بدري
                    [url=http://www.postimage.org/image.php?v=aVKmV6A][img]http://www.postimage.org/aVKmV6A.jpg[/img][/url]

                    Comment


                    • #11
                      جميل قوى الكلام ده يا باشا انا عرفت المكان كده تمام و انشاء الله اروح قريب يمكن النهارده ان شاء الله و هبقى اقولكم على التقاصيل ان شاء الله

                      Comment


                      • #12
                        ألف شكر يا kalmah وكل الشباب على المعلومات الجميلة دى والحمد لله العيد خلص وانا عايز بقى اروح اظبط كل الكلام الى فى العربية ، على فكرة خلا ل3 أيام العيد انا لاحظت ان ساعات كتير اللمبة بتتطفى وانا ماشى ودقائق وتنور تانى عملت معايا كدة اكتر من مرة ، وبالنسبة لما اجى ادور هى مبتطفيش هى بتفضل منورة علطول مش بتطفى بعد التشيك ولا حاجة ، وهى العربية أوتوماتيك وعاملة 119000 كم
                        [I][B][SIZE=6][COLOR=Plum]TO BE OR NOT TO BE

                        [/COLOR][/SIZE][/B][/I]

                        Comment


                        • #13
                          بس انتوا ايه رأيكم أروح على المركز الى فى المنشية ونروح مع بعض كلنا ولا فى أى حد تانى ، عشان كمان سامع صوت فى المساعد اليمين الى ورا فكنت عايز أكشف عليه

                          وهو فعلا يا جماعة الجهاز دا بيقول العيب فى انى حساس علطول من غير مايكشف عليهم واحد واحد ولا ايه
                          [I][B][SIZE=6][COLOR=Plum]TO BE OR NOT TO BE

                          [/COLOR][/SIZE][/B][/I]

                          Comment


                          • #14
                            اللي انا شفتة انة بيركب الجهاز و يكشف و الجاهز يطلع ايرور بكود معين
                            كل كود لية معني لو هوا مش عارف بيشوفوا علي جهاز الكمبيوتر عندة بعد كدة بيراجع علي سلك الحساس اللي عامل مشكلة و يشوف دة عيب سلك و لا حساس ولا ااية بالزبط
                            [url=http://www.postimage.org/image.php?v=aVKmV6A][img]http://www.postimage.org/aVKmV6A.jpg[/img][/url]

                            Comment


                            • #15
                              الف شكر يا باشا انا ان شاء الله هاروحله واقولكم عملت ايه
                              [I][B][SIZE=6][COLOR=Plum]TO BE OR NOT TO BE

                              [/COLOR][/SIZE][/B][/I]

                              Comment

                              Working...
                              X