...::.: محتاج مساعدة منكم :.::...

[mr_x_007]

يا جماعة حد ينصحني لو حبيت أشتري هوندا سيفيك من الموديلات القديمة يا ترى أشتري موديل كام 1990-1995 و يا ترى اقتصادية في البنزين و لا لأ و هل انخفاضها مشكلة و لا ممكن حلها ؟؟؟؟

[SAMEH_FOUAD]

الموديلات من 89 الى 91
92 الى 95 فئة
96 الى 99 فئة
وكلهم واطيين بس عادى بتركب علايات على المساعد بس بتقل الاتزان شوية ومش هيبان فى العربية لانها اصلا ثابتة على الطريق وطبعا اقتصادية فى البنزين وعلى حسب السيارة اللى انت هاتشتريها 1500 /1600

[mr_x_007]

هوه مين أوفر في البنزين و خلينا في من 92-95 و ايه الفرق بين 1600 سي سي و ال1500 سي سي ؟؟؟؟؟ و الصراحة العربية عاجباني جدا جدا جدا و حقى كلام الجماعة اللي بيقولوا مو 92 هيتحل؟؟؟؟؟؟؟؟؟؟

[sadek2003]

خليك احسن فى 95 للانه فيها تحديثات افضل اما الفرق بين1500/16000 بيفرك حجات مشكبيره فى السحب اما موضوع الارتفاع فيما تركبلها جنط 15او 16 او عليات ولونى بسمع انها بتاثر على المساعد واخليك احسن فى محركات الانجيكشن لنها موفره فى البنزين واسرع فى السحب

[mr_x_007]

شكرا للنصيحة بس كنت عاوز أسأل على نظام العزل فيها و هل العربيات ال 1600 و 1500 بيسحبوا بنزين عن 1300 ؟؟؟ و بالنسبة لصاجها و عفشتها ؟؟؟؟؟؟ وتتكلف كام لو رفعت العربية و ركبت علايات للمساعد؟؟؟؟؟؟؟؟؟؟؟؟ و ايه الفرق بينها و بين التويوتا كورولا 95 و الكريستالة 98 ؟؟؟؟؟؟؟ و شكرا كمان مرة عالردود

[SAMEH_FOUAD]

اول حاجة ال1500 بتاع ال92الى 95 كربراتير لكن ال1600 انجيكشن طبعا موفر عن الكربراتر
وبعدين ال1600 130 حصان دية بعفشة رياضية
1500 92 حصان عفشة عادية
عايز بقى تقارن بينها وبين الكورولا والانسر ادخل على اللينك دة

http://www.nilemotors.net/Nile/100885-92-95-e30.html

[sadek2003]

اول حاجة ال1500 بتاع ال92الى 95 كربراتير لكن ال1600 انجيكشن طبعا موفر عن الكربراتر
وبعدين ال1600 130 حصان دية بعفشة رياضية
ياباشا انا اخويا معاه عربيه من منطقه حره94 يعنى 1500 انجيكشن اما موضوع العفشه فنت بتتكلم عن اى فئه si ex sir

[SAMEH_FOUAD]

عفشة الex متغيرة تماما عن الsi من حيث الكبالن الداخلية والخارجية ,طنابير فى ex وديسكات فى si لكى تتوائم مع قوة الماتور

sir حاجة تانية عنهم خالص هية شبية بالsi بس طبعا فية حاجات متغيرة واولهم حجم الطنابير اكبر ,طبعا اختلاف التيل ,وكبالن داخلية وخارجية اكبر من الsi
كل الex اللى هنا 1500 كربراتير وفية el موجودة بس قليلة
وفية هوندا تقريبا اسمها exl ودية فيها ايرباج ومثبت سرعة وكل الاوبشن التانى وكمان فيها اية بى اس

[sanhory]

السلام عليكم
اولا دي اول مشاركة ليا هنا و احب اقول رأي عن تجربتي المتواضعة مع الهوندا
نصيحتي ليك حاول تشوف شكل 96-2000 منها موديل اعلى وشوية الحاجات اللي حقولك عليها دي :
1- عفشه احسن بكتير عن موديلات 92-95 و قلة مشاكل العفشه
2- صوت موتور اهدا عن موديلات 92-95
3- تكيف احسن و بفرق ملاحظ
4- نقطه مهمه ان التجار اللي بيجيبو القطع الاستعمال من الخارج بقوا يلاقوا الشكل 92-95 بالعافيه برا و دا طبيعي لان الموديل مبقاش يتصنع من زمان وبيحصله استهلاك بمعنى ان قطع غيار الشكل دا حتبدي تغلى بعد كام سنه عشان حتبقى قليلة (دا اللي سمعته من مسعد بتاع الحرفين مع اني مش بتعامل معاه)
دول الكام حاجه اللي في بالي حاليا و ده بعد ما ركبت ex-93 خمس سنين و si-92 اربع سنين و حاليا vti-97 معايا بقالها سنتين و اسف عالاطالة و ارجو اني اكون افدتك .

[sanhory]

نسيت اقولك سيبك من حكايت العلايات دي خالص هيا حتعلي العربيه اه بس حتضيعلك طعم العربيه في مشيها الحل اللي من الاخر انك تركب 4 صدادات بتوع جولف اصلي في المساعدين و ده يخلي العربيه و هيا فاضيه نفس العلو لكن لما تحمل متزلش قوي زي ما بيحصل من غير الصدادات , حتنزل بس بدرجه معقولة , و حتفيدك جدا في مطبات الهوا . مش عايزك تقلق هات انت بس الهوندا و الدنيا حتتظبط

[mr_x_007]

متشكر موووووت يا جماعة عالنصايح دي و زي ما تقولوا كده السيفيك كلت عقلي و يارب ألاقي حاجه نضيفة و على مزاجي

[sanhory]

يا باشا انت تأمر و عقبال منقولك مبروك