استفسارات عن سايبا

[ziohausam]

السلام عليكم يا شباب.. ياريت تساعدوني في الاجابة عن الاستفسارات دي:

1- هل السايبا برايد هي هي الكيا برايد؟
2- ازاي قطع الغيار رخيصة مع ان العربية مش منتشرة؟ هل قطع غيارها متوفرة؟ ومين بيبيعها؟
4- هل جميع أنواع السايبا قطع غيارها رخيصة عموما زي البرايد؟ (تيبا-132)
3- فين التوكيل بتاعها اللي بتعملوا فيه الصيانة الدورية؟
4- فيه منها اوتو؟ ولا مانوال بس؟

ولكم جزيل الشكر

[ziohausam]

معذرة للترقيم الخاطيء

[elpasha1]

اللى اعرفة اها نفس الموتور واجزاء كتير من العفشة

[abohazm]

1 السيبا 132مش هي البرايد لكن في حاجات كتير من البرايد تركب عليها بس مش نفس الاداء زي تيل الفرامل انا ركبت الاتنين بتاع البرايد و من التوكيل في فرق كبير جدا التوكيل انضف بكتير و المساعدين البرايد بتركب عل السايبا بس مش نفس الاداء يعني العربيه بتعلي من ورا قوي عشان فرق الوزن و الثبات بيختلف جدا الخلاصه ممكن حاجات كتير من البرايد تركب عليها بس مش هتاخد نفس الاداء
2 احسن صيانه ممكن تعمله في 6 اكتوبر هناك الصيانه مش غاليه و المكان متوسط مش بيفرق كتير عن مصناعيه الورش بس انضف بكتير و مافيش اشتغالات
3 الثبات علي السرعات انا شغلي في السادات و قبليه كان في العاشر يعني سفر علي طول اقصي سرعه كانت 165 و مشيت عليها خمس دقايق و خفت السرعه المناسبه 140
4 التكييف زي الزفت و مافيش فايده فيه لان الكمبريسور صغير جدا و ده اكبر عيب فيها بليل و علي طريق مفتوح تمام بس في الزحمه هاتفتح الشباك احسن
5 مافيش منها اتوماتيك و كده احسن بكتير
6 التقفيل و العزل متواضع جدا
الخلاصه هي مش عربيه الاحلام ولكن بالنسبه لسعرها تعتبر عربيه ممتازة و احسن من مستعمل كتير
7 نصيحه لله ابعد عن الطيبه انا كنت في التوكيل فضيحه مش عربيه البرايد احسن منها بكتير
8 اخر حاجه و اي حد بيستلم تمم علي العربيه كويس جدا و اتاكد ان كل حاجه شغاله الدرج بيفتح و بيقفل الشماسه راكبه كويس الشنطه بتقفل و بتفتح من كل الاماكن وجربها اربع خمس مرات التكييف الانوار و خاصه لمبه المرشيدير نور الكابينه و جربه علي كل الاوضاع الباور هات الدركسيون علي الاخر و اتاكد ان مافيش اصوات غريبه الكوريك و مفتاح العجل و العده و مثلث العاكس

[ziohausam]

تسلم يا abohazm

[abohazm]

تسلم يا abohazm

العفو و الشكر ليك