إعـــــــلان

Collapse

.

,
See more
See less

شركة النصر لصناعة السيارات تنتج سايبا وبريليانس بمصر 2017 !

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة م/أحمد عبد الفتاح مشاهدة المشاركة
    الروا اللى نزلت دى كانت فكرتها فعلا ممتازة انها جر خلفى وموتور بالطول وقولنا انها حاترجع فعلا امجاد ال ٥٠٤ لكن للاسف خيبت الامال لانهم ماحطوش موتور من بيجو وحطوا موتور تانى اعتقد انجليزى بس قديم شويتين ولاهو نافع يشتغل زى المواتير القديمة ولاهو نافع يشتغل زى المواتير الحديثة بالكمبيوتر والسينسورات وعمل مشاكل كتيرة جدا حتى الان ولما كنت باشترى السمند كنت رايح اساسا اشوف الروا بس لقيت كمية عربيات روا مركونة فى قسم الصيانة واقفة من مده علشان عطل الموتور ولقيت اكتر من مالك ليها بيتخانقوا هناك وقدرت اتكلم معاهم وعرفت انهم مش مبسوطين من العربية من اول ماشتروها بسبب الموتور ومشاكله الكتيرة لدرجة تغيير البرنامج وتغيير كارتات الكونترول وبرضه مافيش فايدة البرنامج تعبان جدا والكارتة تعبانة هى كمان - وحاليا العربية انقرضت تقريبا - مش عارف ليه منزلوش العربية بموتور بيحو ؟ - اعتقد ان فيه زى قانون ماينفعش اى شركة تشترى خط انتاج بنفس الشكل من شركة تانية وتحط نفس الموتور وباقى المكونات لكن لو غيرت الشكل ممكن تحط نفس موتور الشركة ونفس باقى المكونات وهو ده اللى حصل فى السمند غيروا الشكل وحطوا موتور بيجو اعتقد بتاع البرستيج وحطوا كمبيوتر هوندا من اشهر واحسن الكمبيوترات اللى نزلت فى هوندا اسمه ٢٠٠٠ - وباقى المكونات الميكانيكية من بيجو فبكده جمعوا عربية فيها احسن الحاجات اللى فى بيجو مع تغيير الشكل الخارجى فقط والكونترول اللى يتناسب مع الموتور القديم وبالنسبة لقطع الشكل الخارجى فده كان مطمننى لانها كانت بتنتج فى سوريا بكثافة وتقريبا كل التاكسيات اللى فى سوريا كانت منها وبكده لو احتجت اى حاجه فى الموتور او العفشة او الميكانيكا حتلاقيها فى مصر نفس حاجات البيجو ولو عوزت حاجه من البودى او الفوانيس او الاكسسوارات رغم انها كانت متوفرة فى التوكيل لكن لو لعبوا بديلهم اى حد يجيبهالك من سوريا ايامها قبل ماسوريا تتبهدل ربنا يصلح حالهم وترجع سوريا زى زمان باذن الله - خلاصة كلامى ان التعاون مع الشركة الايرانى دى اعتقد لو تم حايكون مكسب لصناعة السيارات فى مصر لسابقة استخدامنا لعربيات ايرانى بغض النظر عن الاختلاف السياسى مع ايران - وكمان التعامل مع الشركات الايرانى افضل من التعامل مع الشركات الصينى بحكم خبرتى من التعامل مع شركات كتيرة فى مجالات مشابهة - الصينيين يلعبوا بالبيضة والحجر مش زى مالناس فاهمة انهم مؤدبين وعندهم ضمير - الشركة الصينى لما تحب تعمل معاها اتفاقية لازم يضمنوا مكسبهم الاول ويقبضوه كامل مكمل وبعدين يساعدك بمعنى انه لو انت عاوز تجمع عربية صينى فى مصر حايقولك تمام حاديلك خط الانتاج بس يشمل ١٠ الاف سيارة مثلا متجمعة فى الصين تبيعهم انت فى السوق المحلى بتاعك وبعد ماتحقق المطلوب يبدأ الانتاج فى مصر فبالتالى هو قبض تمن ال ١٠ الاف سيارة مقدما قبل مايمد ايده بأى مساعدة وده عن تجارب كتير مع الصينيين مش من فراغ والهنود برضه زيهم شوية .
    واسف عالاطالة
    طالما الحكايه كده بلاش منها احسن ويفضل الصينى هو المناسب للشعب المناسب

    Comment


    • #17
      المشاركة الأصلية كتبت بواسطة mohamed desoky مشاهدة المشاركة
      طالما الحكايه كده بلاش منها احسن ويفضل الصينى هو المناسب للشعب المناسب
      الصينيين شروطهم بتبقى مجحفه زى ماذكرت ان الاتفاق معاهم مش بالساهل وبيبص لمكسب فورى مش لمكسب بعيد ومش بيبص لبناء السمعة والثقة فى المستقبل - وكمان مش كل الصينى مناسب لينا ولو كانت كل العربيات الصينى كويسة كانوا ركبوها فى الصين - العربيات الصينى اللى ماشية فى شوارع الصين تكاد ماتشوفهاش انا رحت الصين ولفيت فى حوالى ١٠ مدن هناك كل اللى منتشر بكثافة فظيعة هى الاودى والباسات وطبعا البى ام واليابانى والتاكسيات فولكس امازون
      amadios سابقا

      Comment


      • #18
        روا موتورها كان كربراتير... ماجد الفطيم هوندا مصر كان عايز توكيل تاتا بجوار هوندا !

        المشاركة الأصلية كتبت بواسطة م/أحمد عبد الفتاح مشاهدة المشاركة
        الصينيين شروطهم بتبقى مجحفه زى ماذكرت ان الاتفاق معاهم مش بالساهل وبيبص لمكسب فورى مش لمكسب بعيد ومش بيبص لبناء السمعة والثقة فى المستقبل - وكمان مش كل الصينى مناسب لينا ولو كانت كل العربيات الصينى كويسة كانوا ركبوها فى الصين - العربيات الصينى اللى ماشية فى شوارع الصين تكاد ماتشوفهاش انا رحت الصين ولفيت فى حوالى ١٠ مدن هناك كل اللى منتشر بكثافة فظيعة هى الاودى والباسات وطبعا البى ام واليابانى والتاكسيات فولكس امازون
        انا بحب فولكس امازون جدا وكمان الباسات القديمة اللى هى بتتعمل فى الصين تاكسى !!
        وبعدين سيادتك بتقول اسف على الاطالة ليه؟! يا ريت كل الاطالة مفيدة وظريفة زى اطالة سيادتك !
        فعلا روا موتورها كان كربراتير وقبل مينزل مصر قلبوه انجيكشن !
        شوف كربراتير فى الصورة زى بتاع مرسيدس 200 موديل 1979!!
        والمحرك كرايزلر روتس



        كربراتير على اليمين واسبراتير جهة اليسار هو ده اللى يمشى معانا فى مصر وبنزين 80 قصدى 60 اوكتان وسوق !!

        يبقى علشان جشع شركة تاتا مش عارفين يتواجدوا فى السوق المصرى ؟؟!بالرغم من ان ماجد الفطيم هوندا مصر كان عايز توكيل تاتا بجوار هوندا !

        Comment


        • #19
          المشاركة الأصلية كتبت بواسطة colin chapman مشاهدة المشاركة
          انا بحب فولكس امازون جدا وكمان الباسات القديمة اللى هى بتتعمل فى الصين تاكسى !!
          وبعدين سيادتك بتقول اسف على الاطالة ليه؟! يا ريت كل الاطالة مفيدة وظريفة زى اطالة سيادتك !
          فعلا روا موتورها كان كربراتير وقبل مينزل مصر قلبوه انجيكشن !
          شوف كربراتير فى الصورة زى بتاع مرسيدس 200 موديل 1979!!
          والمحرك كرايزلر روتس


          :y_hi_3[1]:
          كربراتير على اليمين واسبراتير جهة اليسار هو ده اللى يمشى معانا فى مصر وبنزين 80 قصدى 60 اوكتان وسوق !!

          يبقى علشان جشع شركة تاتا مش عارفين يتواجدوا فى السوق المصرى ؟؟!بالرغم من ان ماجد الفطيم هوندا مصر كان عايز توكيل تاتا بجوار هوندا !
          ياباشا الصين والهند مش حايعملوا عربيات عندنا لأنهم خلاص بقوا عاملين زى طائر الرخ الشركات الكبيرة اللى بتقع أو بس بيحصل فيها أى مشكلة تلاقيهم نازلين عليها بفلوس زى الرز ويشتروها أو يشاركوا فيها زى حاليا بيجو فيها شريك صينى ولولا الحكومة الفرنسية كانت بيجو بالكامل بقت مملوكة للصينيين - وزى حاليا جاجوار ولاندروفر خلاص بقوا مملوكين لتاتا الهندية - فطبعاً تاتا مش حاتوجع دماغها معانا ولا مع الفطيم هى عاوزة حاجه فى الخالص اسم وسمعة وتنزل عليها بفلوسها لغاية ماتشتريها - لكن اى حاجه تانية لازم يديلك شروط مجحفة محدش يقدر عليها .
          ومتشكر على مجاملتك اللطيفة
          amadios سابقا

          Comment


          • #20
            يعنى هى تاتا اعرق من هوندا ؟!

            المشاركة الأصلية كتبت بواسطة م/أحمد عبد الفتاح مشاهدة المشاركة
            ياباشا الصين والهند مش حايعملوا عربيات عندنا لأنهم خلاص بقوا عاملين زى طائر الرخ الشركات الكبيرة اللى بتقع أو بس بيحصل فيها أى مشكلة تلاقيهم نازلين عليها بفلوس زى الرز ويشتروها أو يشاركوا فيها زى حاليا بيجو فيها شريك صينى ولولا الحكومة الفرنسية كانت بيجو بالكامل بقت مملوكة للصينيين - وزى حاليا جاجوار ولاندروفر خلاص بقوا مملوكين لتاتا الهندية - فطبعاً تاتا مش حاتوجع دماغها معانا ولا مع الفطيم هى عاوزة حاجه فى الخالص اسم وسمعة وتنزل عليها بفلوسها لغاية ماتشتريها - لكن اى حاجه تانية لازم يديلك شروط مجحفة محدش يقدر عليها .
            ومتشكر على مجاملتك اللطيفة

            والله مش مجاملة ابدا نهائى ده انا مستمتع بالنقاش معاك سواء نتفق او نختلف لكن فى النهاية جميل جدا تلاقى عقلية مستنيرة تتناقش معاها !!
            يعنى بكده يبقى الايرانيين فى الغالب اللى هيستلموا شركة النصر !! طيب وهو ماجد الفطيم اسم قليل؟! يعنى هى تاتا اعرق من هوندا ؟!وبروتون ماليزيا من اكتر من خمس سنوات مش عارفين يوصلوا الى اتفاق مع شركة النصر برضه!!


            SAIPA-Proton Deal on Horizon

            Comment


            • #21
              المشاركة الأصلية كتبت بواسطة colin chapman مشاهدة المشاركة
              والله مش مجاملة ابدا نهائى ده انا مستمتع بالنقاش معاك سواء نتفق او نختلف لكن فى النهاية جميل جدا تلاقى عقلية مستنيرة تتناقش معاها !!
              يعنى بكده يبقى الايرانيين فى الغالب اللى هيستلموا شركة النصر !! طيب وهو ماجد الفطيم اسم قليل؟! يعنى هى تاتا اعرق من هوندا ؟!وبروتون ماليزيا من اكتر من خمس سنوات مش عارفين يوصلوا الى اتفاق مع شركة النصر برضه!!


              saipa-proton deal on horizon
              الله يكرمك ياأستاذ كولن والاختلاف لايفسد للود قضية
              معلش حاطول عليك شوية
              بالنسبة لدول جنوب شرق اسيا فدى حكايتها حكاية كبيرة - اليابان وضعها مختلف شوية ويمكن تكون من احسن الدول اللى بتتعاون معانا فى صناعة السيارات بس بحرص شديد وشروطهم مش مجحفة قوى ومثال للتعاون معاهم هى شركة نيسان بس هما عندهم عقدة من التعاون معانا كحكومة مش قطاع خاص بسبب شركة الحديد والصلب اللى فى الدخيلة لدرجة إنهم طفشوا منها وسابوا الجمل بماحمل ونفدوا بجلدهم وحصل لهم عقدة وكانوا ساعتها بيفكروا يجمعوا التويوتا ايجيبت فى مصر (التويوتا ايجيبت معروفه فى شركة تويوتا بإنها سيارة قوية من حيث العفشة وتلاقى حتى المساعدين بتوعها اقوى من التويوتا العادية والخليجى) بس لما حصلت مشكلة مصنع الحديد لغوا الموضوع وعملوها فى جنوب افريقيا .
              بالنسبة للصين وماليزيا والهند فدول زى ماذكرت قبل كده بيشترطوا فى اتفاقاتهم شروط مجحفة زى انك الاول لازم تشترى عدد معين من العربيات من عندهم تبيعه وبعدين يبدأ ييجى يجمع عندك - أنا معرفش ايه اللى حصل فى الموضوع بتاع تجميع عربيات من الدول دى بالظبط بس اقدر استنتج ان اللى حصل وفشل الموضوع هو السبب اللى ذكرته .
              طبعاً سمعة الفطيم لاغبار عليها بس تاتا زى ماقولتلك تلاقيها برضه حطتله شروط مجحفة فشلت الموضوع - واعتقد إنه بص على تجربة قديمة شوية بتاعة الكومودو الصينى اللى فشلت برضه كانت معاه او مع حد تانى من الامارات مش متذكر التفاصيل كانت بنفس الطريقة.
              وبصراحة معرفش برضه اذا كان الاتفاق مع الايرانيين حاينجح ولا لأ بس هما أهون شوية من الصين والهند. ممكن الاتفاق بتاع بريليانس يكون كويس لأن العربية اتباع منها فى مصر كتير ودى ممكن تكون فرشة كويسة لإتمام الاتفاق .
              بس فى الاخر لو مصر عاوزة تعمل خط تجميع عربيات كبير فى شركة النصر لازم تسلمها لواحد خبير ليه اسم طلع معاش من تويوتا مثلا أو من اى شركة على نفس المستوى ييجى بطقم معاه تسويق وتدريب ورؤساء عنابر وأقسام ويسيبوه هو يشوف الاتفاق المناسب ويعمله وكمان خد بالك إن اسماء الشخصيات الكبيرة فى عالم صناعة السيارات بيبقى ليها وزن تانى فى الاتفاقات زى لعيبة الكورة كده :) - يعنى اى شركة حاتيجى حاتديله شروط احسن من اللى بتديها لنا لأن بيبقى بالنسبة لهم عنصر المخاطرة فى السوق بتاعنا قليل فى وجود شخصية كبيرة فى عالم صناعة السيارات - يعنى انت لو شارى نادى مثلاً حاتتفق فى الاول مع مدرب كبير وليه اسم علشان تقدر تشترى لعيبة كبار زى رونالدو وميسى :) لكن لو اتفقت مع مدرب محلى محدش يعرفه محدش من اللعيبة دى حايعبرك :)
              amadios سابقا

              Comment


              • #22
                المشاركة الأصلية كتبت بواسطة م/أحمد عبد الفتاح مشاهدة المشاركة
                الله يكرمك ياأستاذ كولن والاختلاف لايفسد للود قضية
                معلش حاطول عليك شوية
                بالنسبة لدول جنوب شرق اسيا فدى حكايتها حكاية كبيرة - اليابان وضعها مختلف شوية ويمكن تكون من احسن الدول اللى بتتعاون معانا فى صناعة السيارات بس بحرص شديد وشروطهم مش مجحفة قوى ومثال للتعاون معاهم هى شركة نيسان بس هما عندهم عقدة من التعاون معانا كحكومة مش قطاع خاص بسبب شركة الحديد والصلب اللى فى الدخيلة لدرجة إنهم طفشوا منها وسابوا الجمل بماحمل ونفدوا بجلدهم وحصل لهم عقدة وكانوا ساعتها بيفكروا يجمعوا التويوتا ايجيبت فى مصر (التويوتا ايجيبت معروفه فى شركة تويوتا بإنها سيارة قوية من حيث العفشة وتلاقى حتى المساعدين بتوعها اقوى من التويوتا العادية والخليجى) بس لما حصلت مشكلة مصنع الحديد لغوا الموضوع وعملوها فى جنوب افريقيا .
                بالنسبة للصين وماليزيا والهند فدول زى ماذكرت قبل كده بيشترطوا فى اتفاقاتهم شروط مجحفة زى انك الاول لازم تشترى عدد معين من العربيات من عندهم تبيعه وبعدين يبدأ ييجى يجمع عندك - أنا معرفش ايه اللى حصل فى الموضوع بتاع تجميع عربيات من الدول دى بالظبط بس اقدر استنتج ان اللى حصل وفشل الموضوع هو السبب اللى ذكرته .
                طبعاً سمعة الفطيم لاغبار عليها بس تاتا زى ماقولتلك تلاقيها برضه حطتله شروط مجحفة فشلت الموضوع - واعتقد إنه بص على تجربة قديمة شوية بتاعة الكومودو الصينى اللى فشلت برضه كانت معاه او مع حد تانى من الامارات مش متذكر التفاصيل كانت بنفس الطريقة.
                وبصراحة معرفش برضه اذا كان الاتفاق مع الايرانيين حاينجح ولا لأ بس هما أهون شوية من الصين والهند. ممكن الاتفاق بتاع بريليانس يكون كويس لأن العربية اتباع منها فى مصر كتير ودى ممكن تكون فرشة كويسة لإتمام الاتفاق .
                بس فى الاخر لو مصر عاوزة تعمل خط تجميع عربيات كبير فى شركة النصر لازم تسلمها لواحد خبير ليه اسم طلع معاش من تويوتا مثلا أو من اى شركة على نفس المستوى ييجى بطقم معاه تسويق وتدريب ورؤساء عنابر وأقسام ويسيبوه هو يشوف الاتفاق المناسب ويعمله وكمان خد بالك إن اسماء الشخصيات الكبيرة فى عالم صناعة السيارات بيبقى ليها وزن تانى فى الاتفاقات زى لعيبة الكورة كده :) - يعنى اى شركة حاتيجى حاتديله شروط احسن من اللى بتديها لنا لأن بيبقى بالنسبة لهم عنصر المخاطرة فى السوق بتاعنا قليل فى وجود شخصية كبيرة فى عالم صناعة السيارات - يعنى انت لو شارى نادى مثلاً حاتتفق فى الاول مع مدرب كبير وليه اسم علشان تقدر تشترى لعيبة كبار زى رونالدو وميسى :) لكن لو اتفقت مع مدرب محلى محدش يعرفه محدش من اللعيبة دى حايعبرك :)

                تمام يا افند م يعنى احنا كمصريين زهقنا تيوتا وعمرنا ما حاولنا فعلا بناء صناعة سيارات مصرية
                حقيقة بجدية !!
                شكرا جدا لتوضيح سيادتك

                Comment


                • #23
                  المشاركة الأصلية كتبت بواسطة colin chapman مشاهدة المشاركة
                  تمام يا افند م يعنى احنا كمصريين زهقنا تيوتا وعمرنا ما حاولنا فعلا بناء صناعة سيارات مصرية
                  حقيقة بجدية !!
                  شكرا جدا لتوضيح سيادتك

                  :y_hi_3[1]:
                  احنا زهقنا اليابان كلها مش تويوتا بس :)
                  احنا بنحاول جاهدين اننا نعمل سيارة مصرية من زمان بس زمان شئ ودلوقتى شئ تانى - لكن محاولاتنا بتبقى بإسلوب الفهلوة " هى يعنى العربية ايه غير موتور وشوية صاج واربع عجلات واحنا بنفهم وزى الفل " وده ماينفعش لأن العربية مش دول بس - العربية تسويق وسعر واعتمادية وخدمة مابعد البيع - ومش شرط ان مصر فيها عقليات محترمة انها تنجح فى المشروع ده - لازم نستعين بخبرات الخبراء فى الموضوع ده بمنظومة متكاملة تقوم الصناعة دى على حيلها ونحط خطة زمنية لإستلام الزمام واحدة واحدة - هو لما المانيا إستعانت بالمهندس هانى عازر فى خط القطار اللى طولوه وخلوه يعدى نهر ويتوصل بمحطة رئيسية من غير مايعطلوا حركة السفن فى النهر ولا يعطلوا حركة القطارات فى المحطة القديمة ده زعل الشعب الألمانى ولا الحكومة الالمانية فى حاجه ؟؟؟؟ هل ده نقص من شأنهم فى شئ ؟؟؟؟ نفس الوضع اللى نكسب به نلعب به - كمان احنا بيتحطلنا شروط مجحفة علشان نسبة المخاطرة كبيرة بسبب أول حاجه عدم وجود شخصية ليها وزن واسم كبير فى عالم صناعة السيارات - صدقنى النقطة دى بالذات حاتسهل علينا كتير قوى.
                  amadios سابقا

                  Comment


                  • #24
                    المشاركة الأصلية كتبت بواسطة م/أحمد عبد الفتاح مشاهدة المشاركة
                    احنا زهقنا اليابان كلها مش تويوتا بس :)
                    احنا بنحاول جاهدين اننا نعمل سيارة مصرية من زمان بس زمان شئ ودلوقتى شئ تانى - لكن محاولاتنا بتبقى بإسلوب الفهلوة " هى يعنى العربية ايه غير موتور وشوية صاج واربع عجلات واحنا بنفهم وزى الفل " وده ماينفعش لأن العربية مش دول بس - العربية تسويق وسعر واعتمادية وخدمة مابعد البيع - ومش شرط ان مصر فيها عقليات محترمة انها تنجح فى المشروع ده - لازم نستعين بخبرات الخبراء فى الموضوع ده بمنظومة متكاملة تقوم الصناعة دى على حيلها ونحط خطة زمنية لإستلام الزمام واحدة واحدة - هو لما المانيا إستعانت بالمهندس هانى عازر فى خط القطار اللى طولوه وخلوه يعدى نهر ويتوصل بمحطة رئيسية من غير مايعطلوا حركة السفن فى النهر ولا يعطلوا حركة القطارات فى المحطة القديمة ده زعل الشعب الألمانى ولا الحكومة الالمانية فى حاجه ؟؟؟؟ هل ده نقص من شأنهم فى شئ ؟؟؟؟ نفس الوضع اللى نكسب به نلعب به - كمان احنا بيتحطلنا شروط مجحفة علشان نسبة المخاطرة كبيرة بسبب أول حاجه عدم وجود شخصية ليها وزن واسم كبير فى عالم صناعة السيارات - صدقنى النقطة دى بالذات حاتسهل علينا كتير قوى.
                    اللى نكسب به نلعب به تمام لكن انا مش شايف حل فى مشكلة عدم وجود شخصية زات وزن فى عالم السيارات فى مصر

                    Comment


                    • #25






                      فورد كانت شركة مساهمة مصرية وتقريبا كان التجميع فى الاسكندرية

                      Comment


                      • #26

                        Comment


                        • #27
                          اتمنی ان نری فعلا سیارة صناعة مصر لان البلد قدها و الشعب ما ناقصه شی. بالنسبه الی سیاره roa فهی فی الاساس سیاره تجمع بین هیکل البیجو و محرک و ناقل السرعه و قطع اخری من سیاره بیکان و صنعت فی وقتها لتکون سیاره جمیلة و رخیصه بنفس الوقت للعوائل الفقیره لاکنها لم تنجح و سیارا سایبا بسبب جودتها الاعلی استولت علی السوق فی ایران.
                          [CENTER][SIGPIC][/SIGPIC][/CENTER]

                          Comment


                          • #28
                            المشاركة الأصلية كتبت بواسطة carrar مشاهدة المشاركة
                            اتمنی ان نری فعلا سیارة صناعة مصر لان البلد قدها و الشعب ما ناقصه شی. بالنسبه الی سیاره roa فهی فی الاساس سیاره تجمع بین هیکل البیجو و محرک و ناقل السرعه و قطع اخری من سیاره بیکان و صنعت فی وقتها لتکون سیاره جمیلة و رخیصه بنفس الوقت للعوائل الفقیره لاکنها لم تنجح و سیارا سایبا بسبب جودتها الاعلی استولت علی السوق فی ایران.
                            اهلا بمشاركتك اخى الكريم

                            Comment


                            • #29

                              Comment


                              • #30
                                صلب
                                طموح
                                مبتكرة
                                قوي
                                إنجاز
                                strong
                                ambitious
                                innovative
                                powerful
                                accomplished
                                saipa

                                Comment

                                Working...
                                X