اهمال جسيم ............

[memononos]

انا كنت لسه شارى عربيه 128 من شهر كده تقريبا وروحت علشان اغسلها كلها فى لمغسله وبعدين الراجل وهو بيغسل الموتور فى سلك من اسلاك البوجيهات الى واصل فى الاسبراتير فك المهم انا بعد ما العربيه اتغسلت مشيت بيها بس كنت حاسسس صوت اهتزاز غريب كده فى العربيه بس كانت ماشيه قلت ربما يكون الصوت ده من تغير البنزين من 80 الى 90 بس اتضحلى بعد ما مشيت مسافه 20 كيلو متر ان فى بستم كان واقف مكنش شغال وان العربيه كانت ماشيه ب3 بساتم فقط
السؤال دلوقى هل كده الموتور حصل فيه حاجه؟
يعنى البستم ده ممكن يكون اتنى مثلا او حاجه اتشرخت واعرف ازاى ؟

[doctor_eid]

السلام عليكم
ده ممكن يكون نتيجة دخول المياه من اثر الغسيل الى الأسبيراتيرو هذا عادة يجف بعد فترة بسيطة او الأفضل ان عامل الغسيل يجفف الموتور بالهوا بعد الانتهاء من الغسيل. او ان احد اغطية البوجيهات لم يحكم ربطه و سيادتك تتمم عليهم بنفسك.

[aymansaad]

مفيش مشكلة بس الغسيل فى البنزينة له اصول اول حاجة غطية الموبينة والاسبراتيربكيس بلاستيك لعدم دخول الماء لهما

[memononos]

انا الى قلقنى ان مثلا يكون البستم الى كان مش شغال ده مع السير مسافه 20 كيلو يكون اتشرخ او حصل حاجه فى الموتور زى ما بيحصل مثلا لما سير الكتينه يتقطع
هل الموضوع كما اظن ولا لاء؟ واعرف ازاى؟؟

[yoko]

انا الى قلقنى ان مثلا يكون البستم الى كان مش شغال ده مع السير مسافه 20 كيلو يكون اتشرخ او حصل حاجه فى الموتور زى ما بيحصل مثلا لما سير الكتينه يتقطع
هل الموضوع كما اظن ولا لاء؟ واعرف ازاى؟؟

لأ عادي مش هيحصل حاجة (والدي مشي بالعربية الفورد مقسمة على ٧ بدل ٨ أكتر من شهر) والحمد لله عادي جدا

[Dr Zezo]

انا كنت لسه شارى عربيه 128 من شهر كده تقريبا وروحت علشان اغسلها كلها فى لمغسله وبعدين الراجل وهو بيغسل الموتور فى سلك من اسلاك البوجيهات الى واصل فى الاسبراتير فك المهم انا بعد ما العربيه اتغسلت مشيت بيها بس كنت حاسسس صوت اهتزاز غريب كده فى العربيه بس كانت ماشيه قلت ربما يكون الصوت ده من تغير البنزين من 80 الى 90 بس اتضحلى بعد ما مشيت مسافه 20 كيلو متر ان فى بستم كان واقف مكنش شغال وان العربيه كانت ماشيه ب3 بساتم فقط
السؤال دلوقى هل كده الموتور حصل فيه حاجه؟
يعنى البستم ده ممكن يكون اتنى مثلا او حاجه اتشرخت واعرف ازاى ؟

مش عارف قصد حضرتك بس اللي فهمته

ان سلك من سلوك البوجيهات اللي واصلة في الاسبراتير فك

و ده خلي العربية متلته يعني ماشية بثلاث بوجيهات بدل اربعة

لو حضرتك تقصد كده ان شاء الله مفيش مشكلة

فقط رجة في المتور كما حصل و سخونة زائدة و زيادة في استهلاك البنزين و ضعف في السحب و ممكن تأخير في الدوارة الصبح او متدروش خالص

بس الأعراض دي كلها بتزول بمجرد توصيل السلك مرة أخري بدون أي اضرار جسيمة

يعني مفيش مشكلة ان شاء الله

[maka]

انا الى قلقنى ان مثلا يكون البستم الى كان مش شغال ده مع السير مسافه 20 كيلو يكون اتشرخ او حصل حاجه فى الموتور زى ما بيحصل مثلا لما سير الكتينه يتقطع
هل الموضوع كما اظن ولا لاء؟ واعرف ازاى؟؟

لا متقلقش عادى بتحصل كتيير و كمان البستم هيتحرك فى مكانه عادى بس هيبقى حمل على الكرنك

[kasten]

لا اله الا الله

[magyver]

لالالالالالا ماتقلقشي من حااااجة

[memononos]

متشكر جدا على الافاده ونصيحه لوجه خلو بالكم من الصنيعيه بجد لانهم في منهم مهملين جامد جدا
انا قبل كده كنت بغير تروس الفتيس المهم بعد ما الميكانيكى ركبه ومشيت ببص بالصدفه كده بعد ما روحت لقيت صموله من صمولات الداير مفكوكه وواقعه على الفتيس من فوق ولحسن الحظ انى شفتها قمت ربطها بايدى