حب السواقة

[the-hero]

السلام عليكم ورحمه الله وبركاته
اعضائنا الافاضل
بما اننا بنحب سواقة العربيات بشكل خاص و السواقة بشكل عام احكيلنا عن تجاربك فى قيادة كل ماهو غريب عن السيارات الخاصة
وعن نفسى انا مغرم اسوق اى حاجة راكب فيها اى ان كانت . مدام بتمشى وتتساق يبقي لازم اجرب
سوقت حجات كتيرة وغريبة
ابتدى بمينى باص بتاع والد صحبى كنا نسرقة بليل ونتمشى بيه
كمان مكروباص وربع نقل السيزوكى ونص نقل وتلات تربع نقل
سوقت توكتوك مش كدا وبس لا حملت بيه كمان وانا باخد اللفة
جرار زراعى رومانى
سوقت التروسيكل .واغلب انواع المتوسكيلات(ام زد-يامها-جاوا-الصينى الجديد بمختلف مسمياته-التورو-السوزت-البطة بتاع الدليفرى-الهارلى-والريسنج) بس نفسي اسوق البى ام بتاع الشرطة
سوقت كمان عربية كرو.ههههههههههههههههههههه
وديه بقي طلعت مش سهلة زى مكنت متخيل ليها برضه طريقة تحكم معينة خصوصا على السرعات وفيها حساسية كبيرة فى المقود اللى هو اللجام لانها باور طبيعى وبتلف 180 درجة غير السينسور اللى فى مخ الحصان سرعة استجابة عالية .عاوزه تعود برضوا بس العربجى كان معايهوبيدينى توجيهاته
ركبت اتوبيس سياحى بس ممشتش غير 20 متر بس بس ايه روعة متعة فوق الوصف
ركبت مرة تريلا مرسيدس جنب السواق وقفلى مرة على الطريق كان نفسى اجرب بس للاسف معرفوش

ولسه فى انتظار كل ماهو اغرب واللي يعيش ياما يسوق

[bemocarlo]

لا انت بجد هيرو ههههههههههههه.
bemo,ire

[Ahmed Nouh]

اااه حبيبى

انا بستمتع جدا بسواقه اى حاجه غير الملاكى , سوقت سوزوكى ربع نقل محمله وفاضيه وشيفروليه دبابه وايسوزو الفاستر وشيفروليه جامبو بس كل ده جوا البلد

وسوقت تريله مرسيدس معرفش نوعها كانت فاضيه وسوقت تريلا اكتروس كانت محمله خفيف وده على طرق سريعه

وسوقت ميكروباص هاشم 26 وواحد تانى متسوبيشى فى اكتوبر وسوقت اتوبيس كاستور سياحه فى الاسماعيليه

ومن المعدات بقا سوقت بلدوزر كاتربيلر و حفار بجنزير معرفش اسمه وكان صعب جدااااااااااااااااا فى استعماله عكس اى حاجه جربتها قبل كدا

وفى مره صممت انى اسوق الونش الشوكه ( forklift) فى مخزن بضاعه بتاعت واحد صاحبى وتسببت فى تلفيات لأنى مكنتش عارف اوجهه صح بسبب موضوع ان العجل اللى بيلف ورا فالظهر بيلف قبل الوش

الموتسيكلات حاولت اسوقها بس التجربه الاولى كانت مؤلمه فحرمت اجرب تانى

والحاجات الغريبه اللى عملتها فى السواقه انى اشتغلت سواق اجره لمده ساعه فى الاسماعيليه وكانت حكم فى الشايب

بس كفايه كدا

[ashraf229]

تجربة ممتعة جدا موضوع سواقة الحاجات الغريبة دي و لو اني ما جربتوش بصراحة

أنا كل خبراتي في عشرات السيارات العادية و الجيب و معظم أنواع النص نقل سواء عادي أو دبل كابينة أو العاليين الدفع الرباعي (ايسوزو و نيسان و شفروليه و فورد و مازدا ) بس لكن ما سقتش أتوبيسات و تريلات و كده بصراحة.......

تحية عالموضوع المثير.........

[nour2007]

ميل اوي موضوع الكماليات فائقة الرفاهيه اللي في الكارو اللي انت بتكلم عنه في الكارو

[yoko]

طبعا غير الملاكي بالهبل (عشت بره مصر)
سقت نص نقل ميتسوبيشي ٢٥٠٠ سي سي توين تربو
سقت عربية نقل (مش فاكر نوعة) من إسبوع في حلوان كنت بوسعة عشان أعرف أطلع من الركنة كان قافل عليا صف تاني
سقت حنطور قبل كده
ده غير إني لعيب باتيناج ٣ جمهورية في سباقات السرعة

[kasten]

انا سوقت ريــــــــــــــــس هوندا مجررررررررررم صباح السرعه

[zalpany2000]

انا لما شوفت الموضوع قلت ايه هي السواقة بتعمل حبوب ولا ايه ... حب السواقة زي حب الشباب

تحياتي يا باشا
متابع باهتمام

[Ashraf_Ashraf]

انا سوقت تويوتا النص نقل فاضيه ومحمله وسوقت مايجروس المانى نقل رهيبه بجد استمتعت جدا بسواقتها اكتر من التويوتا وكان نفسى تبقى محمله واجرب بس بينى وبينكم كانت هتبقى صعبه على وعلى اى حد اول مره يركب نقل

[the-hero]

انا لما شوفت الموضوع قلت ايه هي السواقة بتعمل حبوب ولا ايه ... حب السواقة زي حب الشباب

تحياتي يا باشا
متابع باهتمام

فعلا زى حب العزيز
هههههههههههههه

[the-hero]

الف شكر يارجالة على مروركم بالموضوع وعى التجارب الشيقة

[mahmoud_magdy]

ههههههههههه
تحفه الموضوع
انا بقى سقت نص نقل داتسن قدييييييييييييييمه ههههههه كنت بطلع بيها على الخامس هههههههههههه بس هيا دي اللي علمتني السواقه بجد بجد
دا غير العربيات العائليه العاديه منها الجديد والقديم
وطبعا ابرزهم كانت لادا نيفا وكنت بطلع بيها عالرصيف كأني ماشي في الشارع عادي بالزبط
والباقي قادم

[حماده عزو]

أنا الحمد لله غير الملاكى بمختلف أنواعه سوقت ميكروباصات بتاعت الشركه الى أن اشغال فيها والنقل النصر القديم
وتريلا أسكانيا وتريلا فورد وجرار زراعى وأتوبيس 52 راكب كاستور ونصر مرسيدس ونص نقل ميتسوبيشى ونيسان
و أخيرا أشترتيت توكتوك أشتغلت بيه اعد معايا شهرين وغار مع الف مليون سلامه الله لا يعودها أيام

[the-hero]

ألف شكر

[the-hero]

اغرب حاجة سوقتها
التوك توك