هل يوجد حفر ومطبات بنت تيت زي الي عندنا في الخليخ ؟؟؟

[ahmed2000]

كنت عاوز اسال هما بردوة عندهم مطبات زينا ولا بيمشوا كدة

انا بصراحة عمري ماشوفت عربية العتبة مخبوطة عندهم هناك

واليي تلاقية ضارب العربية ارض ارض ولاهمة مطبات ولا حاجة

هل يوجد حفر عيون قطة ومطبات عالية وكلام من دة

[M.Osman]

هناك عيون القط لتحديد الطريق
و ليست كمطبات زي عندنا بعرض الطريق!!!

هناك لو في مطب بيكون في مكان عند عبور مشاه و بيكون مطب من اللي بيشيل العربية كلها .. اللي ممكن تاخده عالتاني بعربيتك (المهم تهدي شوية و خلاص) ..مفيش مطبات على الطرق السريعة!!

هناك لو في حفر من اي نوع لتصليح كابلات تحت الأرض او إلخ..
بيتم تصليح مكانها في الأسفلت كأنها اتصلحت بالليزر

هناك في رصيف ممكن تمشي عليه!!

هناك في إحترام للقانون


التوقيع..
مصري كان عايش في الإمارات

[gebreel]

يا باشا انا مهقلك غير حاجتين والدي سافر من الرياض لمكة مش عارف كام كيلو بس كتير و والدتي كانت جنبه تحطله كوباية الشاي و هو ماشي 180 متقعش منها نقطة على التابلوه لدرجة انو نام على الطريق مسافة بتاعة 30 كيلو و محصلش اي حاجة الحمد لله مفقش غير على مدخل مكة في عين القط في الارض قام عليها
و خلص الكلام

[samirayad]

بلا فخر
نحن نمتلك مطبات ولا جبال الهيمالايا
وخصوصا بالأرياف

[Eng_Mostafa_89]

احنا دخلنا موسوعة جينس بسبب المطبات
كنت مرة راح لواحد صحبي وبيوصفلى الطريق بيقلى عدى اول مطب وبعد تانى مطب خش يمين وزمر هتلاقينى نزلك

[gebreel]

احنا دخلنا موسوعة جينس بسبب المطبات
كنت مرة راح لواحد صحبي وبيوصفلى الطريق بيقلى عدى اول مطب وبعد تانى مطب خش يمين وزمر هتلاقينى نزلك

جامدة اوي دي ضحكتني اوي و بعدين نزلت لصورة التوقيع و اقعد اضحك كل ما شوفها :)

[Mi3d3]

هههههههههههههههههههههههههه

[tabeb]

اهم حاجة تاخد بالك وماتسوقش بسرعة عشان ممكن الطرق تغرك

[Ahmed Nouh]

على الجانب الاخر احنا بنتمتع بحاجات كتير مع المطبات هما هناك اكيد بيحسدونا عليها

اولها انك بتتعلم هنا تعوم بالعربيه , بمعنى انك لو مطب عالى بتاخده بالجنب و تطلع وتنزل عجله عجله من العربيه ودى حاجه لا يحترفها الا المصريين

وبرده احساس ادرينالينى عالى وانت بتاخد شمال واحد ومركز جامد علشان تعدى منه وفى نفس الوقت بتفادى المطبات والحفر اللى على شماله بدون ما يحصل كارثه ودى مهاره مصريه خالصه

وبرده مهاره تانيه فى سرعه التصرف لما تبقى ماشى 120 على طريق سريع ( حط تحت سريع دى 10 خطوط ) وتلاقى فى وشك مطب او حفره , ويا سلام لما تظهر مهاره السائق المصرى هنا فى تغيير الحاره فى لمح البصر بدون ما يفقد السيطره على العربيه او يفرمل ويدخل ورا اللى جنبه بحركه تلقائيه لا يتمتع بها الا المصريين

ولو حصل ولا قدر الله طرت من فوق المطب هتشوف الاسفلت من فوق وانت جوا عربيتك ودى اتحدى اى خليجى عملها قبل كدا

وبعد كل ده الحفر مفيده فى اظهار اى عيب فى العفشه بحيث ان لو فى اى مشكله هتحس بيها فورا لان مينفعش تروح مشوار من غير مطبات وحفر

وبرده بتبقى فرصه سعيده لكل من معاه عربيه زيرو وعايز يجيب عفشه رياضيه بس مستخسر يرمى القديمه فيقوم ياكل بيها شويه مطبات وتبوظ العفشه ويرميها وعلى وشه ابتسامه عريضه

وسلملى على الشعب اللى دايما ظالم الحكومه بتاعته

[M.Osman]

على فكرة..
انا عشان اوصل للطريق الرئيسي من عند بيتي بعدي على عدد 6 مطبات !!

[Ahmed Nouh]

على فكرة..
انا عشان اوصل للطريق الرئيسي من عند بيتي بعدي على عدد 6 مطبات !!

انا من مشوارى اليومى من البيت للجامعه بعدى على 24 مطب لفوق و 3 اخاديد فى الرايح

وفى الراجع بعدى على 21 و برده ال 3 اخاديد , طبعا ده مشوار الجامعه بس

[the-hero]

حلم حياتى اسوق العربية والشوارع متساوية وانسي هم المطبات
انا لما باكل مطب بفصل طول اليوم

[the-hero]

عظيمة يا مصر يا أرض الحفر

[ashraf229]

عفوا لا يوجد مقارنة................

هنقارن ايه ولا ايه!!!!!!!

جودة الطرق و لا الرصيف اللي زي الفل و متصل ببعضه و مستمر و متبلط بنفس الشكل ولا المطبات الهندسية الصحيحة و ادوات و دهانات التحذير الفسفورية عليها ولا الاتساع و الالتزام بالحارة المرورية و الوقوف في الأشارات و لا مواقف السيارات المقسمة بطريقة صحيحة و و لا البلاعات المتغطية و مساوية بالملي لمنسوب الشارع ولا الحفر و الاصلاحات اللي بيكون عليها حواجز و ارشادات و انوار و تحذيرات انه امامك تحويلة و نأسف على الازعاج و عشرات الاعتذارات انهم بيحفروا يعملوا للمواطنين تليفون ولا صرف ولا كهرباء و بيعتذرولهم كمان و يومين بالكتير و كله بيرجع لأصله متسفلت وزي الفل و بأشراف مهندسين!!!!!!!!


احنا في الهرم جه الحي اللهي ما يكسبوا كسروا الدنيا و شالوا المخالفات و المطبات الخرسانة و جابه كساحات ولوادر و قلق و قالولنا هنسفلت كل شوارع المنطقة اللي كانت متسفلته و باظت من البنا و الغاز و المية و الحفر المتكرر و الردم القذر المهم بعد ما قلبوا الدنيا مشيوا و ما سفلتوش!!!!!!!!!

المهم كل ما تسأل بواب مشيوا ليه يقولك اصلهم كانوا عايزين فلوس (اكرامية يعني ) و محدش اداهم فمشيوا و خدوا زفتهم و اسفلتهم و خسارة فيكم يا ولود الـ..............!!!

الناس كلها ندمانين انهم تأخروا في سداد الأتاوة و الرشوة و ياريتهم يرجعوا و احنا عينينا ليهم و مش هنتأخر المرة دي المشكلة انهم ما قالوش و ما حسناش انهم عايزين فلوس و لو كانوا قالوا كنا دفعنا لأن في شارع بعدنا بكتيرررر رقعوه مش سفلتوه و بقا مية مية و زي الفل

نداء لحي الهرم ولا العمرانية معرفي اسمه ايه.......ارجعوا و هنديلكم فلوس بس صلحولنا الشوارع اللي بوظتوها............

و تقولي مقارنة!!!!!!!!!!!!!!!!

[Michael_Lanos]

فى ايطاليا المطبات دي نادره جدا ولو فيه تلاقيه عاملك فرح قبل المطب كذا يافطه مضيئه وتنبيهات
والمطب من حلاوته تبقى عاوز تعدي عليه كمان مره، ومهما تكون عربيتك واطيه برده حلاوه وماتحكش

مش عارف ليه احنا مش بنقلدهم دول فى الحاجات دي