ساعدوني اركب تكييف للأونو ولالأ

[unounobebo]

ارجوكم ساعدوني أنا معايا أونو 98 1000 cc عاملة 55ألف وحالتها كويسة ينفع أركب لها تكييف و لا لأ و أذا لأ أنا ممكن أستني سنة أو سنة و نصف و أجيب سيتي أو ياريس أو سيريون أو ماتريكس وعايزة أعرف آرائكم بالنسبة للعربيات دي من حيث قوة الموتور مع تشغيل التكييف علشلن اتعقدت من الأونو و من حيث آداء العربية لو محملة كتير في السفر و مشغلة التكييف وقطع الغيار و التوكيل و كمان لو فيها رزالة العربية المعمرة فيهم لأني ما بأمشيش كتير ارينج بتاعي 6000كم في السنة تقريبا و شكرا و أسفة علي الاطالة :-) :-) :-) :-) :-)

[MMamdouh]

اعتقد ممكن تركبى تكييف فى الانو لان فى منها بتكييف بس طبعا مش حيبقى تكييف جامد لان العربية موتورها صغير اساسا و يفضل انك تغيرى العربية طالما فى امكانية لذلك

كل العربيات اللى ذكرتيها كويسة مقارنة باسعمالك اللى بيعتبر خفيف... قطع غيار اليابانى حتبقى اغلى من الكورى و ان كان فيه اقاويل على توكيل غبور... عموما العربيات اللى رشحتيها لنفسك كويسة بالنسبالك

MMamdouh

[sab3aawy]

1- الأونو بيتركب لها تكييف صغير زى تكييف الماتيس، لكن طبعا بيحمل بشدة على موتور العربية لأن الموتور صغير (1000 سى سى 50 حصان)
وبالتالى لو الحاجة ملحة لتركيب التكييف هنقبل بالتنازل عن قوة سحب العربية وقدرتها على الجرى اثناء شتغيل التكييف، هى هتمشى وتؤدى الغرض منها لكن مش هتكون طيعة فى السحب اثناء تشغيل التكييف

2- لو قرار الإنتظار موجود فالأربعة سيارات من اختيارك كلها سيارات متميزة، لكن ممكن نعمل لهم بعض اوجه المقارنة البسيطة جدا ، فالسيارتين السيتى والياريس برستيجهم اعلى من باقى السيارات، فى حين ان السيريون تتميز انها الوحيدة من ضمن المجموعة الى تناسب الفتيات والسيدات بشكلها المميز وابعادها المدمجة، تقل السيريون فى حجمها عن باقى المجموعة، تتميز الماتريكس عن السيارات الثلاث الأخرى بتوافر قطع الغيار وسهولة الصيانة الى جانب مكان الجلوس المرتفع الذى يعطى احساس مميز بالطريق وشعور بالامان
ادائيا لا توجد فروق ضخمة وان كان لنا ان نتوقع ان السيارات ذات الاصول اليابانية محركاتها انعم فى الاداء وافضل فى التسارع من الماتريكس ،
لو باعتبارك من راكبى الاونو يوجد لديك ميل للسيارات الهاتش باك، الى جانب السيارات سهلة الصيانة وهما ميزتين تتميز بهم الاونو، تكون الماتريكس هى المرشحة الاولى، يعنى نقدر نعتبر الماتريكس هى الاختيار الشعبى الآمن ، لكن لو اننا بنبحث عن قليل من التميز ففى هذة الحالة يجب اننا نبحث عن فرصة لرؤية كل سيارة من الثلاثة الاخريات من الداخل والخارج ونختار السيارة التى نستريح لها نفسيا حيث ان الفروق بين هذة السيارات من وجهة نظر الأداء واسعار الصيانة وتوقعات اعادة البيع لا تذكر تقريبا

[unounobebo]

شكرا يا جماعة جدا علي آرائكم و اقتراحتكم بس الحقيقة أنا ميالة للهوندا سيتي علشان ياباني و فيها شنطة كبيرة وانا عندي عقدة من الشنطة في السفر وان كان السفر ده بيبقي مرتين في السنة بس برضو بأزهق بأحط حاجات تحت الكراسي و أستف الشنطة كذا مرة علشان تأخد حاجاتي انا و بناتي 2 و مامتي و مش عارفة أقرر الماتريكس من جوة حلوة أوي و شنطتها زي الأونو بس الفرق في الإرتفاع يعني نفس المشكلة غير إني ساعات أشوفها حلوة و ساعات لأ و هي 1600 يعني أكيد سحبها مع التكييف أحسن من السيتي 1300 السيتي شنطتها بحر بس خايفة تقرفني طول الوقت مش في السفر بس زي الأونو بس هي عربية حلوة أحسن من الياريس بالنسبة للشكل بس اللي مخليني أفكر في الياريس كلام كل الناس إن الياريس احسن في قطع الغيار من الياريس بس الياريس قطغ غيارها أحسن و أرخص كمان سامعة ان السيتي هيبطلو يجيبوها كتير علشان يشغلو السيفيك :-) :-) :-) أنا حيرتكم بس أنا ان شاء الله عايزة أقرر صح علشان لا أندم لأني لما جيبت الأونو كان ممكن سلعتها أجيب أكسنت بس كل الناس قالتلي لأ الكوري اوعي كان زماني معايا أكسنت عاملة 53000كم يعني جديدة و هما نفس الناس دي بيقولولي دلوقتي هاتي أكسنت مستعملة :roll: :roll: :roll: :roll: حاجة غريبة يلا قدر الله وماشاء فعل الحمدلله علي كل حال ......أنا دوشتكم بس عايزة رأي الناس اللي بتفهم مش عايزة أسمع كلام أي حد و خلاص ..... و آخر حاجة بقي ممكن رأيكم في الجن2 علشان العربية دي عجباني جدا موت بس الناس مش مستقرة علي رأي فيها و شكرا صدعتكو معلهش :-) :-) :-) :-)

[abo3bdolrahman]

لو عاوزة معلومات عن الجين 2 ممكن تشوفى روم البروتون. و هيا عربية ممتازة بس راجعى كل مشاركات الناس و ليكى القرار فى النهاية.

[tutankhamoun]

أولا .... بما أن حضرتك لا تسافري كثيرا فأرى أن موضوع الشنطة ده مش معضلة كبيرة
لأن حضرتك ستشعرين بتغير كبير في إستهلاك البنزين من سيارة 1000 إلى سيارات أكبر مثل 1300 أو 1600
و أنا بحب العربيات اللي بتوفر في البنزين زي عربية حضرتك الأونو
و بالنسبة لموضوع التكييف لا أعتقد انه عملي في سيارة صغيرة مثل الأونو صاحبة ال 1000 سم مكعب فقط.
أنا سيارتي بونتو 1300 سم مكعب و التكييف فيها ليس مثل التكييف في سيارة مثلا 1600
لذلك لا أنصح حضرتك بتركيب تكييف
المهم بالنسبة للسيارات اللي حضرتك ذكرتيها كلها ممتازة و إن كنت أفضل الجين 2 و لا تنسى أنها سيارة ذات موتور قوي 1600 سم مكعب ........ يعني قوة و سحب عالي ...... شنطتها كبيرة نوعا ما و أكبر مما يتخيل الناس
صالون جميل و رحب
و لكن كل هذا ممتاز و أنا أعشق السيارة عشق خالص ................ و لكن ستشعرين بفارق كبير في استهلاك الوقود
فارق محسوس نظرا لقوة موتورها و مقارنته بموتور سيارتك
و أنا أرشحها هي قبل كل السيارات الأخرى إذا حضرتك تبحثين عن سيارة قوية و جميلة و لكن لا تهتمين بموضوع استهلاك البنزين

[MMamdouh]

السيتى حلوة من كل النواحى و على فكرة ال1300 سى سى بتنزل بفتيس CVT و دة بيخلى اداء العربية عالى بالرغم من انها 1300... يكفى اقولك ان الستى ال 1300 طلعت من نوبيرا 1600 اوتوماتيك

اما موضوع الشنطة فا الماتركس مفيهاش شنطة مقارنة بالستى او اليارس دا غير انى شخصيا شايف ان شكلها وحش و عن موضوع الهوندا السيفيك فا التاثير الوحيد على الستى كان الغاء استيراد الستى ال1500 اما ال1300 فا هى موجودة و واحد صاحبى لسة جايبها لمراته

انا مش حتكلم عن التكييف لان الكل عارف تكييف اليابانى عامل ازاى

MMamdouh

[unounobebo]

شكرا علي اهتمامكم و ربنا يسهل انا ميالة للسيتي بس ابعادها خايفة منها شوية بس متهيألي هو اسبوع و خلاص هأخد عليها , هي بس في عربية حلوة برضة بس حاسة انها صغيرة أوي (سيريون 1300) انا رحت شوفتها تقعد فيها من جوة لايمكن تتخيل حجمها من برة واسعة جدا و مريحة و هيبقي فيها نفس ميزة الأونو في شوارع مصر المحروسة و إشاراتها الجميلة . ولا هآخد علي السيتي انا شفت السيتي أكبر من الأونو في طول العربية 60 سم و طبعا أعرض بس العرض مش مشكلة المهم الطول و السيريون اقصر من الاونو 9سم بس أعرض يعني ثبات أحسن بس شنطة أصغر أوي وهل يركب للسيريون الباج اللي في السقف ولا هتبقي شكلها مضحك (ده في السفر بس طبعا ) .كفاية كدة زهأتكو بس ربنا ما يحير م}من حاجة بايخة .

[unounobebo]

تصحيح أنا قصدى (ربنا ما يحير مؤمن ) وجب التصحيح.

[MMamdouh]

you are going to spend alot of money so ge the best you can... buy a City

my 2 cents

MMamdouh

[unounobebo]

اية يا جماعة ماحدش رد عليا تاني لية البخل دة

[tutankhamoun]

حضرتك محتاجة تسألي حد معاه سيريون ؟؟

[OsKaR]

عايزه تركبي تكيف للاونو :D :D :D
بجد ضحكتيني على الاخر
منصحكيش تعملي كده ابدا
لأنك لو عملتي كده يا اما تمشي بالعربيه يا تشغلي التكييف

:lol: :lol:

[unounobebo]

ضحكتك لية يعني غريبة أوى امال هما منزلينها بالتكييف و من غير لية ؟ مش معني كدة انها جامدة بالتكييف بس أكيد أحسن من الماتيز مثلا و لا إية و بعدين انا ما ركبتش علشان باسمع اتها لازم تكون اصلا بالتكييف من الاول و ناس تقول ركبى و ناس تقول لأ أمال انا بأسأل لية ؟

[Abdallah]

الاونو التكييف هيكتف العربية جدا وهيضايقك فى المشى, بالنسبة للعربية الى حضرتك بتفكرى فيها اعتقد لسة بدرى سنة او سنة ونصف ممكن حاجات كتير تتغير وعربيات تنزل وعربيات تبان عيوبها, دعى الملك للمالك وفكى فى الوقت الحالى وسيبى الموضوع التانى دة لما يبقى يجى وقته علشان متحتاريش وتشغلى تفكيرك اكتر من اللازم.