ماذا تفعل إذا كانت أرضية سيارتك موكيت ؟؟

[الريس]

و علشان الكلام بتاع التزييق ده بالذات
انا عملت الحل الاسهل
3 متر مشمع شفاف من قدام كلية الهندسة
المتر ب 3 جنيه من اللي بيشدوه على الشاسيهات بتاعة الرسم
و مقص صغير و ساعة زمن
و بغيره كل شهر او شهرين
مش بيكلكع الدنيا علشان رفيع
مش بيبان متوسخ علشان شفاف
و سهل جدا انه يدخل تحت الكراسي من غير خلع و لا فك و لا تركيب
و لا ايه

[السيد أحمد]

فكرة تانية

انا عربيتى سيات 133 معمول فى الارضية فكرة انا شايفها كويسة ومريحة السروجى مخيط فى الموكيت
دواسات جلد فى اماكن الدواسات ، وغالبا التراب والرمل بيتجمع فى النص فيسهل على شفطه وبعدين بفوطة
مبلولة فمسح الجلد وكمان بكده مفيش سمك زيادة يعوق عملية تثبيت الجوانب.
السيد أحمد

[PAYOO]

بالنسبه للخامه أسمها مشمع أرضيه

وفي منه بـ 35جنيه للمتر (عرض 140سم) ومنه نوع بـ45جنيه للمتر (عرض 200سم)

وفي نوع تاني أرخص من كده ولكنه ناشف وغير مرن على الأطلاق مما يجعله عرضه للتشققات وخلافه

والسياره تحتاج في حدود ثلاثة أمتار ونصف في المتوسط من العرض 200سم (على ما اتذكر)

أنا عن نفسي قمت بدفع مبلغ 150 جنيه خامات ومصنعيه (وعلى فكره ما فيش حد بيعمل الشغل ده بالسعر ده أبدا) أقل ورشة سروجي قاللي 250جنيه

[samirpop2]

هي الفكره جميله يا استاز هاني بس خلي بالك خلي بالك لو في مكان سرب مياه علي الموكيت هيخلي ريحة الربيه مش كويسه اهم حاجه ان السروجي يكون مسبش ولا حته ممكن المياه تدخل منها

[Karim_Monir]

انا عملتها ب 180
بس مش مشمع
ده جلد زي بتاع الكراسي
ميزنة انه مبطن من تحت وسمك قليل وطري
ميزة الطري وقلة السمك انه لما يتركب من تحت الحلية البلاستيك بتاعت الباب مايخد اي تخانة
تحفة فعلا
ويا معتز باشا او اي حد عايز يركبة في الحرفييين انا تحت امرة اودية للسروجي واقف معاه كمان

انا مركبة من اول اسبوع جبت فيه العربية
اجاركم الله من العيال ومن الصيف والبحر والرمل الغلسة بتاعت العجمي اللي بتلزق في الموكيت مش بتطلع ابدا

[PAYOO]

بس مش مشمع
ده جلد زي بتاع الكراسي

فعلا يا كريم هوه جلد زي جلد الكراسي وكمان متبطن بحاجه كده زي الموكيت بس همه مسمينه مشمع أرضيه

المهم

المشكله بقى يا كيمو أنه بيزحلق الدواسات (يعني الدواسات إللي ورا تلاقيها بقت تحت الكراسي وإللي قدام تلاقيها دايما بتتزحلق للأمام)

محدش يعرف حل في الموضوع ده يا جماعه ؟؟؟

[align=justify:1fcf4fc9cc]أنا فكرت أني اجيب لزق من "راديو شاك" بيقى عباره عن قطعتين كل قطعه لها ظهر لاصق الوجه جزء خشن وجزء عباره عن شعر (زي اللزق بتاع الكوتشي شوز كده) وقلت ألزق في الأرضيه والدواسات في الأركان الأربعه للدواسه الواحده عشان ابقى أقدر اشيلهم عند التنظيف[/align:1fcf4fc9cc]

في حد عنده حل تاني ؟

[e1a2f]

ممكن الحل المتبع يف علبة المناديل وهو قطعة كاوتش مربع ثمنها 5 جنيهات من التوفيقية تقوم بتثبيت ما فوقها مع اسفلها بدون لاصق

[أبو_حمزة]

استاذ كريم
أنا عيز أعمله جلد و كمان عايز اعمل كسوة للكراسى
ياريت تدلنى اعمله فين

[TAREKSHEIR]

السؤال بقى ياجماعة بالنسبه للـ 620 عاوز أركب ارضيه بس خايف أشيل كرسى السواق علشان بالكهرباء مفيش حد يعرف حاجه عن الموضوع ده

[Karim_Monir]

اصل الهرباء دي علي فيش
وانا برضة عندي في حساسات في الكرسي بفيش
هما فكوا الفيش كلها وبعدين رجعوها تاني زي ما كانت
وكمان الفيش بتاعت سنسور الاير باج اللي تحت الكرسي
يعني مفيش خوف ولا حاجة
وكمان انا قرييبي عملها مرسيدس 200 موديل 2006
وديه كراسيها بالكهرباء برضة
يعني مفيش اي مشكلة ان شاء الله

[waleedrahmy]

ممكن الحل المتبع يف علبة المناديل وهو قطعة كاوتش مربع ثمنها 5 جنيهات من التوفيقية تقوم بتثبيت ما فوقها مع اسفلها بدون لاصق

اسمها ايه بالضبط قطعة الكاوتش ديه عشان دي فكرة ممتازة