عايز مقاس الكاوتش ده ..

[KHALED AYMAN]

nexen قريت عنه تقارير ممتازه و فى المانيا بيستخدموه و لما كنت بشترى الراجل فضل ينصحنى بيه لكن كنت اول مره اسمع عنه و قلت بلاش منه لكن بعدها عرفت انه ممتاز

هو كان كورى و لقيت اسمه على النت كتييير roadstone-nexen يعنى اعتقد هو رودستون اللى سيادتك تقصده

لو عايز توفر هاته و اتأكد من النت بردوا من تقييماته علشان انا نعرفش المقاس ده و كمان ممكن تلاقى كذا موديل من نفس المقاس.. بالتوفيق

فعلا زى ما حضرتك قلت ..
انا كنت مركب رودستون فى الاسترا ..
و كان كويس جدا ..
بس مكنش عاجب والدى !!!
و بيقولى النقشه شكلها وحش ...!!!

طب بالله عليك ممكن تقولي النقشة بتاعتها عاملة ازاي لأن برده الكورولا نفس المقاس وقربت اغير الكاوتش.

يا باشا ..
انت تؤمر ..
لو حضرتك مش مستعجل استنى على ما اجيب الكاوتش و اصوره و ابعتلك الصوره و التفاصيل كمان ...
لو مستعجل ..
هى عباره عن 4 خطوط فى العجله ...
و الفواصل بينهم بالعرض عباره عن خطوط برده ...
هى قريبه اوى من الكونتننتال الى نازل فى الاوكتافيا و الجيتا ال 17 ...

[محمد محمد]

يا باشا ..
انت تؤمر ..
لو حضرتك مش مستعجل استنى على ما اجيب الكاوتش و اصوره و ابعتلك الصوره و التفاصيل كمان ...
لو مستعجل ..
هى عباره عن 4 خطوط فى العجله ...
و الفواصل بينهم بالعرض عباره عن خطوط برده ...
هى قريبه اوى من الكونتننتال الى نازل فى الاوكتافيا و الجيتا ال 17 ...

جزاك الله خير.
ممكن تجيب اسم النقشة وانا اطلع صورها من علي جوجل.

[KHALED AYMAN]

انا النهارده روحت جيبت الكاوتش ...
طلع ب 805 مش 850 ...
يابانى ..
ركبت عجله الاستبن و بالباقى هيجبهولى بعد بكره ...
التوكيل محترم ما شاء الله و قمه السرعه ...
النقشه هصورهالك و اجيبلك اسمها ...
و اى خدمه انا تخت امركو ..

[islamaboelnaga]

الكونتيننتال ال 17 بتاع الجيتا موجود فى المنصوره ب 1200 الفرده

[beeboo2005]

فين بالضبط؟

الكونتيننتال ال 17 بتاع الجيتا موجود فى المنصوره ب 1200 الفرده

فين بالضبط فى المنصورة، رجاء كتابة العنوان و شكرا

[islamaboelnaga]

عند ياسر بتاع الكاوتش اللى فى شارع الجلاء

[KHALED AYMAN]

الاستاذ ابو وليد ..
كود النقشه ea01
و لو معرفتش توصلها قولى و انا اصورلك الكاوتش ..

[محمد محمد]

الاستاذ ابو وليد ..
كود النقشه ea01
و لو معرفتش توصلها قولى و انا اصورلك الكاوتش ..

جزاك الله خيرا.
هي دي

لو هي قولي عاملة ايه معاك ليها صوت ولا لأ اخبارها في المياه والتراب ايه كده يعني.

[KHALED AYMAN]

فعلا هى دى ..
بس انا ركبت واحده فى الاستبن و التلاته التانيين مش هركبهم دلوقتى ...
هستنى شويه على ما الى فيها يتعب شويه ..
بس عموما انا عندى فى الفيكترا برجستون برده ...
ما شاء الله عجله طريه جدا ناعمه جدا و ملهاش صوت خااااالص على الارض ....
و ده من الحاجات الى خلتنى اجيب برجستون للاوكتافيا ..
على فكره فى كمان برجستون تايلندى العجله عامله 595 ...
بقس نقشه تانيه و احلى من دى كمان ...

[محمد محمد]

فعلا هى دى ..
بس انا ركبت واحده فى الاستبن و التلاته التانيين مش هركبهم دلوقتى ...
هستنى شويه على ما الى فيها يتعب شويه ..
بس عموما انا عندى فى الفيكترا برجستون برده ...
ما شاء الله عجله طريه جدا ناعمه جدا و ملهاش صوت خااااالص على الارض ....
و ده من الحاجات الى خلتنى اجيب برجستون للاوكتافيا ..
على فكره فى كمان برجستون تايلندى العجله عامله 595 ...
بقس نقشه تانيه و احلى من دى كمان ...

طب هي نقشة الشجرة تفرق ايه عن دي.
والنقشة التايلاندي احلي من دي في ايه.
معلش هاتعبك معايا في الأسئلة شوية

[KHALED AYMAN]

طب هي نقشة الشجرة تفرق ايه عن دي.
والنقشة التايلاندي احلي من دي في ايه.
معلش هاتعبك معايا في الأسئلة شوية

يا باشا انا تحت امرك ...
نقشه الشجره بتبقى زى ما تكون سهم ..
يعنى الخطوط جايه من يمين العجله و شمالها لحد ما بتوصل لنص العجله بالظبط ..
فبتكون النقشه على شكل سهم ...
و شكلها بيكون جميل جدا و رياضى ..
و بتبقى حلوه على الطريق من ناحيه الثبات ..
النقشه الى فى التايلاندى تقريبا زى دى ..
بس الخطوط الى بعرض العجله دى بدل ما هى فى ناحيه واحده ..فى الناحيتين ..يمين و شمال ..
فمخلياها عامله زى نقشه الشجره ...
هى كشياكه اليابانى اشيك ...
انما التايلاندى شكلها رياضى ...
نقشه الشجره موجوده فى الرودستون و النيكسين ...

[islamaboelnaga]

طب محدش يعرف البريدجستون ال 17 بتاع الجيتا بكااام ؟؟؟

[KHALED AYMAN]

اعتقد انه هيكون فى حدود ال 800 ...
على فرض انها نفس العجله اليابانى ..
بس 17 ...

[islamaboelnaga]

طب دا كدا حلو اوى الكونتيننتال 1200 ( بعمل حساب البلالين اللى هتطلع ربنا يبعدها عننا :d )

[levelpower]

على فكرا فولدا ده واحد صحبى مركبه على bmw 316i و جامد جدا و بتاع سرعات عليا و طرى متحسش بالمطب مع العلم انه مركبه على جنط 17