عايز اروح بريدجستون عمارات العبور

[monmonmon]

يا ريت يا جماعه حد يقولى فين بريدجستون اللى فى صلاح سالم بظبط؟؟

يعنى ناحية المحلات التجارية و لا من ناحية كوبرى الفنجرى؟

انا عايز ارصص من كام شهر و مش عارف طريقه

يا ريت لو حد رصص هناك و له تجربة يقولى... شكرا جزيلا

[SAMEH_FOUAD]

1:لو انت جاى من ميدان روكسى يبقى كمل على طول بعد مول سوق العصر وخد الدخلة بتاعة صلاح سالم ودية هتلاقيها تانى شمال بعد سوق العصر وبعد كدة كمل الشارع دة لاخرة هتلاقى نفسك طلعت على صلاح سالم ,بس هتلاقى شارعين موازيين لبعض ادخل فى الشارع الاولانى يعنى اول يمين ماتطلعش برة وامشى شوية هتلاقى المحل موجود

[أبو_حمزة]

فيما يخص العجل بتعامل مع بريدجستون عباس العقاد (كالتكس) و اكتر من زميل هنا لهم نفس الراى فى جودة شغلهم
بتوع صلاح سالم لم اتعمل معهم
الوصول لهم سهل انت فى صلاح سالم وفى اتجاه القادم من المطار أول ما توصل عند عمارات العبور خد الطريق الفرعى يمين (كأنك داخل عند معرض هيونداى) ها تلاقيه على اليمين قبل hsbc

[معتز]

لو تقدر توصل عباس العقاد عند محطة كالتكس .فرع العقاد....احس كثير من ناحية تجربتى الشخصية

[tamertamer]

هى بص بعد توكيل ججوار بكام عمارة يعنى هو فى عمارة 10 او 9 وهو فعلا بين المحلات محل كبير اوى فى كل حاجة

[monmonmon]

شكرا لكم جميعا يا جماعه

بس هل فعلا كالتكس عباس العقاد احسن؟؟؟ لانى عارفها و ساكن قريب منها

[tamertamer]

لا عمارات العبور افضل بكتير وهذا رئى شخصى بحت

[monmonmon]

لو تقدر توصل عباس العقاد عند محطة كالتكس .فرع العقاد....احس كثير من ناحية تجربتى الشخصية

عباس العقاد اقرب لى فعلا يا ريت

طيب عندهم جهاز الحصان علشان ميفكوش العجل و يركبوه تانى؟؟ انا سمعت انه افضل... شكرا

[monmonmon]

لا عمارات العبور افضل بكتير وهذا رئى شخصى بحت

شكرااااااا جداااااا.. انا قريت فى المنتدى من ناس كتيير فعلا انه افضل

بس قلت ممكن عباس العقاد يكون وحش فى حاجات تانيه لكن الترصيص امره سهل

متشكر لردك يا باشا

[monmonmon]

الحمد لله عرفت اوصل له

بس الجهاز بيتعاير و مش هيجى قبل يوم الاتنين علشان اللى عايز يروح يكون عارف.. شكرا

[A.Saad]

فيه حاجة
ان ناس بتشتكى من عباس العقاد يوم الجمعة
لان ما بيكونش فيه مهندسين والعمال مش بتهتم بشغلها
خدوا بالكم

واللى كتب اللتجربة دى كان
محمود موتورايزر