إعـــــــلان

**A7MED_PHARMA** · 02-12-2009, 04:22 AM

ورجــــــــــــــــــــــــــــــاااااءءءء للإداره
عدم حذف الموضوع..وبرجاء تثبيته
الغرض مش التشهير بحد او اي شئ آخر
الامر ومافيه , ان الواحد بيتعب في الفلوس الي بيجبها..وحرام لما ييجي واحد نصاب ينصب عليك في فلوس انت طالع عينك عشان تجبها..والموضوع للإفاده
أنا إستفدت من المنتدى ده جدا..ويعلم ربنا اني بدخل على النت بس عشان افتح المنتدى بتاعنا
ويصعب عليا اوي لما الاقي واحد زميل معانا في النتدى يقع في غلطه وتكلفه فلوس,وأنا كان ممكن أحذره منها قبل مايقع فيها
والحرامي لازم الناس كلها تعرف انه حرامي..عشاننا كلنا
وشكرا

**Haitham10** · 02-12-2009, 10:47 AM

معلش يااحمد ربنا يعوض عليك
وما اكترهم فعلا وبالاخص مع الي مش فاهمين

**Eng.Geo** · 02-12-2009, 10:56 AM

ربنا يعوض عليك

**Ashraf_Ashraf** · 02-12-2009, 11:40 AM

المشاركة الأصلية كتبت بواسطة a7med_pharma مشاهدة المشاركة

ورجــــــــــــــــــــــــــــــاااااءءءء للإداره
عدم حذف الموضوع..وبرجاء تثبيته
الغرض مش التشهير بحد او اي شئ آخر
الامر ومافيه , ان الواحد بيتعب في الفلوس الي بيجبها..وحرام لما ييجي واحد نصاب ينصب عليك في فلوس انت طالع عينك عشان تجبها..والموضوع للإفاده
أنا إستفدت من المنتدى ده جدا..ويعلم ربنا اني بدخل على النت بس عشان افتح المنتدى بتاعنا
ويصعب عليا اوي لما الاقي واحد زميل معانا في النتدى يقع في غلطه وتكلفه فلوس,وأنا كان ممكن أحذره منها قبل مايقع فيها
والحرامي لازم الناس كلها تعرف انه حرامي..عشاننا كلنا
وشكرا

وانا بضم صوتى لصوتك ونفسى مايقفش الموضوع عند حد اننا نقول حسبى الله وخلاص على الاقل لما نفضح كل النصابين والحراميه اكيد هياثر عليهم
نفسى مره نكون لينا موقف من حاجه فى بلد السبهللله دى

**Imhotep** · 02-12-2009, 12:12 PM

فكرة جيدة فعلا و هتخلينا نستفيد من خبرات بعض فى تجنب الصنايعية اللى مش تمام.....

**kasten** · 02-12-2009, 01:08 PM

انا بضم صوتى لانشاء موضوع جديد عن حوادث النصب وكل واحد يحكى عن اللى حصل معاه

**hany121** · 02-12-2009, 01:22 PM

موضوع مفيد جدا..

انا كمان هقول تجربتي مع واحد منهم.. ميكانيكي ورشته في منطقة زينهم جنب موقف الاتوبيسات صاحب الورشه اسمه عاطف شعلان لكن ابنه اسامه هو اللي ماسك الورشه ..

اول ما جبت عربيتي كان سحبها جميل وصوت الموتور غير مسموع لكن كان خرطوم الفايظ متشال من العمه عشان بيدخن علي خفيف..

اول ما اسامه اتفرج علي العربيه شكر في الموتور وقالي انه محتاج بس طقم شنبر علشان الدخنه بتاعت الفايظ ولازم تتعمل بسرعه قبل الشنبر ما ياكل في الشمايز وقعد يحلف ان الموضوع مش هيتكلف اكتر من 200 جنيه وهتخلص في يوم وقعد يزن عليا علشان اعمله فقلت اعمل طقم الشنبر علشان العربيه مايبقاش فبها اي حاجه..

بعد ما فك وبدا يشتغل قعد يدلع وبعد اسبوع كتبلي لسته بقطع غيار تمنها 800جنيه منهم طقم دبرياج رغم ان العربيه كان سحبها حلو جدا عير انه قال وش السلندر الميه واكلاه ومحتاج يروح للخراط علشان يتملي الومنيا ويتمسح ويتعمله كاوتش صباب ودلايل وروديه وجابلي فاتوره من الخراط بمبلغ وقدره اكتشفت بعد كده انها مضروبه ده غير 10 جنيه تاكسي * 4 مرات رايح جاي علي الخراط وطبعا كله كدب وبعد التقفيل حصل الاتي..

* العربيه ما بتاخدش غيار. ليه يا اسطي ؟ اصل الاسطوانه لازقه .. المهم قعد يرزع في عصايه الفتيس علشان يديها غيار بالعافيه لما حسيت ان التروس هتتكسر واتخانقت معاه وفي الاخر قعد يهوي مسامير الدسك من فتحه في الفتيس وقرط علي الموتور علشان يفك لزقة الاسطوانه لما الاسطوانه طلعت شرار وال ار بي ام وصل للريد زون وبرضه قعدت ازعقله علشان الموتور لسه ملينش وهو كده بيبوظ اللي احنا عملناه ده غير انه كان غاسل الموتور ببنزين والشراره اللي طالعه من الاسطوانه مع البنزين ممكن تولع في العربيه وهو ياوح ويقولي انا عارف شغلي كويس متخافش!!!

* رغم انه كان حالل البلوك الا انه بعد التركيب الطبه اللي ورا الفتيس بقت بتجيب ميه وفضت مية الريداتير في 5 دقائق وطبعا سبت العربيه علشان يفك ويغير الطبه..

* تاني يوم قالي انه غير الطبه وطبعا طلب فلوس تاني واما دورت العربيه لقيت الشكمان بيطلع دخنه بيضه ما كانتش موجوده قبل كده وطبعا قعد يحلفلي انه زيت علي البساتم من التركيب وهيروح بعد 10 كيلو بالكتير.

* العربيه خدتها مشحمه من جوه (كراسي وفرش ابواب) ولما كلمته قال مش فيه شغل في العربيه يا بيه وطبعا هزقته وقلتلو شغلك في حوض الموتور ايه اللي بيدخلك الصالون؟ ده حتي كنت حاطط زجاجة برفان في التابلوه خلصها

* البيه لما شال الفتيس حطه بزيته في شنطة العربيه علي الموكيت وطبعا لقيت الموكيت عايم زيت غسلته لحد دلوقتي 3 مرات بجاز وكلور وجميع المنظفات ومفيش فايده وطبعا الشنطه دلوقت ما بأقدرش احط فيها حاجه..

حسيت بصوت في الفتيس مش طبيعي بعد ما استلمت العربيه بيومين فخفت ليكون فيه حاجه ووديتها لميكانيكي تاني وكانت المفاجئه. لقينا مفتاح 13 جوه الفتيس؟!! الاسطي لما كان بيهوي مسامير الدسك وقع منه المفتاح اللي بيهوي بيه جوه الفتيس وطبعا بدل ما يفك الفتيس تاني سابه وجاب مفتاح غيره وكمل عادي جدا.. وده كلفني مصنعية فك فتيس وكمان تغيير طقم دبرياج تاني..

* العربيه لحد دلوقتي عامله اكتر من 10000 كيلو والدخنه بتزيد والموتور بياكل زيت..

وفي النهايه دفعت اكتر من 1700 جنيه قطع غيار ده غير ال400 جنيه المصنعيه اللي خدها الاسطي الدكتور واللي خدهم قبل ما اتحرك بالعربيه او اجربها بحجة انه عايز يحاسب الصبيان اللي في الورشه وممعاهوش فلوس..

يعني اكتر من 200 جنيه والعربيه بقت اسوء من الاول بمراحل.. حسبي الله ونعم الوكيل وربنا ينتقم منه هو واللي زيه....

**hany121** · 02-12-2009, 01:31 PM

نسيت اقولكم انه لما الميكانيكي التاني فك الفتيس لقي الطبه اللي كانت بتجيب ميه واللي الاسطي اسامه قال انه غيرها وطلب مني تمنها ما اتغيرتش ولسه بتجيب ميه علي خفيف وطبعا غيرتها ده غير انه قطع كاوتشة الكوبلن وكانت بتسرب زيت الفتيس..

**hamedo0** · 02-12-2009, 01:41 PM

طيب انا اتنصب عليا في مجال تاني غير العربيات اتنصب عليا وانا بجيب الشبكه الخطوبه ينفع كده يا رجاله
بس الحمد الله والمال الحلال عمره ما يضيع رجعت الطقم الكنت جايبه وخت فلوسي تاني مع ان كل اكده انه مش حيرجع علي الاقل حيخليني ابدل بطقم نفس الوزن بس انا رجعت وخت فلوسي عشان اليغش مره يغش الف بعدها
نسيت اقول اتغشيت ازاى في طقم عجب خطبتي وحماتي روحت خت الحاجه وروحنا بس الحاجه عندى مش باصت في قالت ده حاجه العروسه وهي مش ليها دعوه لما روحت اختي بتبص في الطقم لاقته مستعمل قبل كده يعني مش جديد والراجل ابن التييييييييييت واخد مصنعيه 25 جنيه في الجرام بس انا الحمد الله ربنا وقف جنبي كل العاوز يجيب شبكه او دهب ياخد حد بيفهم معاه ويقلب في الحاجه كويس عشان دى فلوس الواحد تعبان فيها وربنا يسترها علي الجميع

**أحمد كمال** · 02-12-2009, 07:58 PM

طول عمري اقول الغالي رخيص

التوكيلات يا جماعة ممكن تكون ولعة في السمكرة و الدوكو ..... بس في الميكانيكا تمنها فيها

الميكانيكي زي ما شفنا في الامثلة السابقة بيجيب رجلك ب 100 و 200 و بتاع

و انت تسال في التوكيل تلاقي العمرة مثلا ب 3000

تقول دي سرقة

الميكانيكي يقعد يسحب فيك سنة سنة

100 في 200 في 100

مش عارف ايه بايظ و محتاجينه ...... 100

مادريش ايه ماكنتش عارف انه بايظ و مابانش الا بعد الفك ...... 200

و التيت و الشريط و الحكاية و الرواية

غير الحاجات اللي بيبوظها في السكة زي الميكانيكي اللي وسخ الصالون و الشنطة و اللي ساب مفتاج في الفتيس و بتاع و ما يقولش و مش هيطولك حاجة اما تهزأه لأن العالم دي جلدها تخين و ما بتحسش !!!!!!

و في الاخر تلاقي نفسك دفعت 2000 و لا 2500 ...... و العربية ما اتصلحتش صح ...... و يمكن ما بقيتش زي الأول ...... و كل شوية هتحتاج تظبيط تاني للحاجات اللي البيه بوظها او ما صلحهاش صح (يا اما بغشم يا اما متعمد عشان يفتح لنفسه شغل) ...

في حين انك لو كنت رحت التوكيل .... كنت هتدفع 3000 .....بس هتاخد العربية فلة عالمسطرة ....... و لو فيها اي حاجة ان شا الله بقعة شحم في كرسي هتطلع عينيهم و تاخد حقك ...... و لو بعد الاصلاح لقيت الشغل مش تمام هترجع و تاخد حقك ....... و مش هتهين نفسك و لا عربيتك و لا هتعطل نفسك بالاسابيع عشان البيه ضحك عليك و قال لك يومين و هي شهر و لا هتدفع اكتر من اللي انت كنت عارف من الاول انه هيتدفع ........

فعلا الغالي رخيص

**Mohamed.Ramah** · 02-12-2009, 08:56 PM

متابع باهتمام وشكررا لصاحب الموضوع على الفكرة الجميلة وربنا يعوض على اللى اتنصب علية

**A7MED_PHARMA** · 02-12-2009, 11:33 PM

شكرا يا شباب على المشاركه في موضوعي
بس والله الواحد بيطلع عينه في الفلوس الي بيجبها..وبيصعب عليا فلوسي وتعبي ووقتي وبهدله عربيتي مع ناس حراميه واغبياء ومش فاهمين حاجه
وعلى الباغي تدور الدوائر

.

.

.

Comment

Comment

إعـــــــلان

.

تجربه مع نصابين

تجربه مع نصابين

Comment

Comment

Comment

Comment

Comment

Comment

Comment

Comment

Comment

Comment

Comment

Comment