إنشاء كوبري مشاه أمام قرية "كفر الحصة" المشاغبة!!

[memoo305]

إنشاء كوبري مشاه أمام قرية "كفر الحصة" المشاغبة!!
أعلن المستشار عدلي حسين محافظ القليوبية البدء فوراً في إنشاء كوبري جديد للمشاة على الطريق الزراعي السريع لخدمة أهالي قرية "كفر الحصة" التابعة لمركز بنها ، وذلك بعد مصرع وإصابة شخصين في حادثي تصادم مختلفين ، ما دعا سكان القرية إلى قطع الطريق السريع مرتين أخرهم مساء الاثنين.

قرار المحافظ جاء بعد لقائه بأهالي القرية في مكتبه ، حيث استمع منهم إلى طلباتهم لوقف نزيف الأسفلت بهذه المنطقة. حسب صحيفة "الجمهورية" الصادرة يوم الأربعاء.

أكد المستشار حسين أن الحكومة حريصة على سلامة المواطنين ، مضيفا أنه منذ أحداث قرية "ميت نما" الشهيرة وحتى الآن نجحنا في إنشاء 10 كباري للمشاة على الطريق الزراعي السريع في المناطق التي تشكل خطورة على أرواح المواطنين.

وكان أهالي "ميت نما" قد قطعوا طريق (القاهرة-الإسكندرية) الزراعي للسبب ذاته بسبب إصابة ومصرع عدد من أبناء القرية في عدة حوادث متفرقة.
"منقول عن كونتاكت كارز"

بس أنا ليا تعليق يعني بالطريقة دية ننصح اي قرية عاوزة تعمل كوبري أو محتاجة خدمة من الحكومة أن هي تقطع الطريق وتدمر وتحرق عربيات في سلوك أخف مايقال عليله أنه مشين وهمجي وبلطجة... أيه ذنب الناس إلب عربتها أتكسرت يعيني هما كلهم مائمنين عليها (طبعا لا).وايه ذنب الناس إلي مصالحها أتعطلت والناس المرضى إلي أحتاجوا العلاج ومالقهوش...

...حسبي الله ونعم الوكيل ...

[Ahmed Nouh]

وادى دقنى لو حد عدى من عليه

هما بس شغل عيال صغيره ويقولك ملناش دعوه عايزين كوبرى , و بقيه القرى اللى فيها كبارى الناس برده بتعدى من تحت !!

[م.احمد زكريا]

بمناسبة ميت نما

اتعمل فيها كوبري مشاة ولسة الناس بتعدي من تحت

كباري المشاة في مصر اهدار مال عام لانها لاتستخدم

وضيف ليهم انفاق المشاه واكبر دليل نفق المشاه في شارع الهرم عند الطالبية مهجور مع انه محترم ونظيف

[sab3aawy]

ما يحدث على الطرق الزراعية هو سفالة من جميع الأطراف والخاسر الوحيد فيها هم اصحاب السيارات الذين يقودهم حظهم العاثر لاستعمال الطريق فى احد تلك الأيام المدلهمة

طريق سريع معناه ان محدش يعدى، لو فيه قرية وفيه لزوم للعبور من هذا المكان يبقى يتعمل معبر مشاه ومطب صناعى وعيون قطط وكل تلك البلاوى السوداء التى تجيد الحكومة عملها لتقتلع بها عفشة سيارة اى مسافر، لكن ان كل عيل يهفه الشوق انه يدوق الدرة اللى مزروعة الناحية التانية علشان الدرة اللى على ناحيته مش عاجباه يروح طاير زى قطه حد مولع لها فى ديلها ورامى نفسه وسط العربيات علشان تهفه عربية سائقها لا به ولا عليه، وفى لحظة يتحول الطفل الشارد الذى القاه اهله فى الطريق ونسيوا امره الى شهيد الأسفلت، والبلد عن بكرة ابيها تخرج بالمشاعل هاتفة ان جواز عتريس من فؤادة باطل، لكى يحرقوا ويتلفوا سيارات ليس لاصحابها اى ذنب فى الموضوع من اساسه -ناهيك طبعا عن سائق السيارة الذى فوجى بالطفل الأرعن تحت عجلاته والذى بالتأكيد قد تلقى علقة حولته الى شئ يشبه فانوس سيارتك الخلفى، كل ده سفالة وغوغائية وسلوك حيوانى، سواء من الاهالى او الحكومة، ولو احنا فى بلد محترمة يحاكم السائق بتهمة القتل الخطأ ويحاكم كل من وجد من اهل القرية فى ذلك المكان بتهمة ضرب السائق وتهمة اتلاف اموال سائقى السيارات الذين لا ذنب لهم ، يعنى 100 واحد مثلا خدولهم شهر حبس وللا شهرين مع القيام بالواجب تجاههم فى فترة الحبس محدش فيهم هيفكر يعمل فيها عنتر تانى، لكن لما هم يتم مكافئتهم على حيوانيتهم باقامة كوبرى مشاه يبقى كل واحد عايز يعمل حاجة سواء حقه او مش حقه يخرج على الطريق ويكسر له كام عربية، وزغرطى يا حكومة

[M.Osama]

اسمحولي اني انقل الرد بتاعي في موضوع هنا لان هما الاتنين موضوع واحد

يا جماعه هي ليه الناس بتقول كلام محصلش !!!

ليه تقولو ان الاهالي طلعو علي العربيات وأذوا الناس

القصه كلها كالتالي

اول ايام عيد الاضحي حصلت حادثه عند كفر الحصه - طوخ قليوبيه... حظي كان مخليني اني اول واحد وقفت بعد الحادثه دي علطول وركنت اشوف ايه اللي حصل

ولد وأمه واقفين في اقصي يمين الطريق مستنيين يركبو.. جه بوكس شرطه طايش بياخد غرزه من عاليمين.. قام مطير الواد وامه !! الاهالي اتكاتروا عليه وقدروا يوقفوه

البيه بعد ما وقف.. والناس اتلمت والمخبوطين لسه واقعين عالارض فانتظار الاسعاف.. قام راجع بضهره داس عليهم تاني عشان يهرب من الناس.. وفعلا هرب

الاهالي تجمهرت عشان يمسكو البوكس ده.. خصوصا ان المحافظ كان واعدهم من اكتر من 5 شهور ببناء كوبري للمشاه فالمنطقه دي وجابو حجاره كبيره وقفلوا بيها الطريق ومنعوا اي حد انه يعدي والكلام دا كان الساعه 9 مساءا تقريبا لحد 10.30 لحد اما تدخل مدير الامن وجه بنفسه عشان يحل المشكله

الحادثه التانيه دي اللي الساده بيتكلمو عنها كانت من يومين وبالتحديد رابع ايام العيد عند قرية سندنهور بنها قليوبيه.. برده نفس الحكايه والناس طلعت عشان تطالب بكوبري للمشاه.. بس المره دي مأثرش معاهم لا مدير امن ولا غيره وفضلوا قافلين الطريق

حقهم ولا مش حقهم ؟؟

ولسه من شهرين عربية ولعت عند كفر الحصه دي وكان جواها اربعه وفضلوا جوا العربيه لا مطافي جت ولا نيله لحد اما الناس طالعه من جواها متفحمه

حاجه تقرف

[kemo0o]

ماهو ساعتها بقى لو واحد فيهم راح ضحية انه عدى الطريق بدون استعمال الكوبري يبقى مايقدروش يفتحوا بقهم خالص !

وربنا يستر

[أحمد كمال]

.. أيه ذنب الناس إلب عربتها أتكسرت يعيني هما كلهم مائمنين عليها (طبعا لا).

التأمين لا يغطي حوادث الشغب يعني اي واحد عربيته اتكسرت الله يعوض عليه

[nab!l]

حاجة تغيظ
تخلف فعلا

[Egyzizo]

التأمين لا يغطي حوادث الشغب يعني اي واحد عربيته اتكسرت الله يعوض عليه

جديدة دى ..
r u shure?

[أحمد كمال]

جديدة دى ..
R u shure?

أيوة

راجع أي بوليصة تأمين و هتلاقيها في الاستثناءات


في حالة اعمال العنف و الشغب و العصيان المدني و الاعمال العسكرية حتى لو لم تكن حالة الحرب معلنة

[sab3aawy]

حقهم وللا مش حقهم موضوع

لا مش حقهم ، حقهم عند الحكومة مش عند الناس اللى عربياتها اتكسرت ولا عند الناس اللى اتعطلت بدون ذنب
لو هم بيدروا على حقهم بجد يعملوا شغب وتظاهر واعتصامات امام الجهة اللى بتمثل الحكومة فى بلدهم سواء كانت النقطة او المجلس المحلى او حتى مقر الحزب الحاكم، لكن هم ليس لهم اى حق من اى نوع عند الشخص اللى بيستعمل طريق سفر دفع مقدما ضريبة استخدامه لما جدد رخصة سيارته ولا علاقة له لا بهم ولا ببلدهم ولا بمشاكلهم ولا بمصابيهم علشان يكسرو له عربيته او يعطلوه بالساعات عن قضاء مصالحه
السلوك الحيوانى اللى هم عملوه ده لا يختلف عن سلوك الارهابيين ، لأن تعريف الارهاب هو ايذاء اشخاص لا ذنب لهم للضغط على جهة معينة-يهمها عدم ايذاء هؤلاء الأشخاص- لتحقيق مطالب معينة، عادة ما تكون لاعلاقة لها بالاشخاص الذين وقع الأذى عليهم، وهذا بالضبط هو ما حدث فى حالتنا، بيقى لو اننا فى نظام منصف لكان يجب تطبيق بنود قانون مكافحة الارهاب على هؤلاء

من كام سنة فيه محافظ اتشال من منصبه علشان تجرأ انه يوقف القطار التربينى فى غير محطته علشان ينزل فى عاصمة المحافظة التى يرأسها، فما بال ناس قطعوا الطريق الزراعى كله
قانونا ده ارهاب وشرعا قطع الطريق يدخل ضمناعمال الفساد فى الأرض التى توجب حد الحرابة

يبقى لأ مش حقهم ولا حاجة

[M.Osama]

لا مش حقهم ، حقهم عند الحكومة مش عند الناس اللى عربياتها اتكسرت ولا عند الناس اللى اتعطلت بدون ذنب
لو هم بيدروا على حقهم بجد يعملوا شغب وتظاهر واعتصامات امام الجهة اللى بتمثل الحكومة فى بلدهم سواء كانت النقطة او المجلس المحلى او حتى مقر الحزب الحاكم، لكن هم ليس لهم اى حق من اى نوع عند الشخص اللى بيستعمل طريق سفر دفع مقدما ضريبة استخدامه لما جدد رخصة سيارته ولا علاقة له لا بهم ولا ببلدهم ولا بمشاكلهم ولا بمصابيهم علشان يكسرو له عربيته او يعطلوه بالساعات عن قضاء مصالحه
السلوك الحيوانى اللى هم عملوه ده لا يختلف عن سلوك الارهابيين ، لأن تعريف الارهاب هو ايذاء اشخاص لا ذنب لهم للضغط على جهة معينة-يهمها عدم ايذاء هؤلاء الأشخاص- لتحقيق مطالب معينة، عادة ما تكون لاعلاقة لها بالاشخاص الذين وقع الأذى عليهم، وهذا بالضبط هو ما حدث فى حالتنا، بيقى لو اننا فى نظام منصف لكان يجب تطبيق بنود قانون مكافحة الارهاب على هؤلاء

من كام سنة فيه محافظ اتشال من منصبه علشان تجرأ انه يوقف القطار التربينى فى غير محطته علشان ينزل فى عاصمة المحافظة التى يرأسها، فما بال ناس قطعوا الطريق الزراعى كله
قانونا ده ارهاب وشرعا قطع الطريق يدخل ضمناعمال الفساد فى الأرض التى توجب حد الحرابة

يبقى لأ مش حقهم ولا حاجة

يا بشمهندس الناس مكسرتش حاجه ولا عملت اي شغب... انا كنت هناك فالموقف ده وسط الناس قبل ما اي ظابط ييجي وقبل الاسعاف متيجي حتي واشهدلهم انهم فلاحين بس تفكيرهم غلب تفكير اهل المدن... واعتراض باسلوب حضاري ولازم يقفلوا طريق عشان حد يبصلهم ويسمع هما بيقولوا ايه !!

[د.محمود صلاح]

وتيرة الإعتصامات لتنفيذ قرارات بتتصاعد يوميا

[memoo305]

يا بشمهندس الناس مكسرتش حاجه ولا عملت اي شغب... انا كنت هناك فالموقف ده وسط الناس قبل ما اي ظابط ييجي وقبل الاسعاف متيجي حتي واشهدلهم انهم فلاحين بس تفكيرهم غلب تفكير اهل المدن... واعتراض باسلوب حضاري ولازم يقفلوا طريق عشان حد يبصلهم ويسمع هما بيقولوا ايه !!

ياباشا أنا مكنش هناك بس أحد السائقين في الشغل كن يوميها بليل هناك وحلف أن الأهالي مولعين في الأسفلت ومكسرين العربيات وضربوا عميد الشرطة إلي كان موجود. وبيؤكد أن واحد من إلي كانوا وقفين كان منهار لإن مراته بتولد وكان واخدها في العربية للمستشفىو الطريق طبعاً مقطوع ومش عارف يعمل إيه....
فيا سيدي الفاضل حتي لو كانوا الناس ملائكة ومعملوش حاجة غير أن هما قطعوا الطريق فقط للضعط على الحكومة (مع أن التاريخ مع الحوادث إلي زيها بيقول عكس كده).فده برضة يعتبر إرهاب وبلطجة لأن مشكلتهم مع الحكومة وليست مع المواطنين

[tmz9111]

وادى دقنى لو حد عدى من عليه