ركب جسم عربيه على شاسيه عربيه تانيه

[A7MED_PHARMA]

يا شباب
استفسار من اهل الخبره
واحد تاجر معاه عربيه هوندا باج ..موديل حاجه وتمانين
المهم
بيقولي انه عملها
قولتله مش فاهم؟؟
قالي ان اشترى عربيه فولكس قديمه حوادث بالفين او تلات الاف جنيه ..وركب عليها جسم الهوندا وغير المكنه..وان العربيه اسمها في الرخصه فولكس..مع نها شكل الهوندا
الحوار ده حقيقي ولا لأ
يعني ممكن الواحد يجيب عربيه فولكس حوادث او ماشابه,ويركب عليه بودي عربيه سبور
زي الفيات 124 دي مثلا

اه صحيح
فين الواحد يلاقي الفيات الـ 124 دي

[IMG][/IMG]

[Ashraf_Ashraf]

اعتقد صعب جدا انه لو فعلا قدر يعمل كده ( وانا بصراحه اشك ) المرور مش هيرخص العربيه وخصوصا ان التغيير الكبير فى شكل العربيه علطول بيخلى بتوع المرور يقول تغيير ملامح ( غباء طبعا ) ويرفضوا الترخيص

[Mohamed.Ramah]

يعنى هو شارى البودى بتاع الهوندا ومركب علية موتور عربية عاملة حادثة فولكس واجن طب ازاى رخص انا الموضوع دة انا شفتة للبى ام فقط مع الاختلاف انة بيجيب بى ام من برة وبيلحم انصاص وبتبقى عربية كاملة بى ام بتوضيبة هو بموتور العربية اللى جاية من برة يعنى بيجيب بى ام لبى ام مش لموديل تانى

[د.محمود صلاح]

ما سمعناش عن كدة أبدا

[A7MED_PHARMA]

منا بسأل عشان افهم..
لو الموضوع ده ممكن
يبقا جامد كيك

وبرضوو محدش قالي؟؟
مصر فيها فيات 124 زي الي في الصوره دي

[Ashraf_Ashraf]

انا مره من فتره كبيره شوفت واحده زيها
واعتقد انك لو لقيت واحده هتكون حالتها اخر سوء عموما اللى يدور يلاقى

[A7MED_PHARMA]

مش مهم الحاله
العربيه دي بسط أحط إيدي عليها
وانا اخليها بورش باذن الله( شكلا بس طبعا)
ونشوف لها مكنه حلوه كده
وتبقا راكب عربيه -بجد وبدون مبالغه-مفيش منها اتنين

[Ahmed Nouh]

تنفع لو جسم العربيه دى اساسا معمول انه يركب على الشاسيه ده والا هتحتاج تعديلات فى جسم العربيه نفسها

بمعنى كان فى حلقات فى برنامج street customs ركبو فيها فعلا اجسام عربيات على شاسيهات مختلفه تماما لكن كانوا دايما بيختارو اقرب شاسيه للجسم ده بحيث ان التعديلات على الجسم نفسه تبقى اقل ما يمكن وكان فى مشاريع بتتعرض عليهم بنفس الفكره وتترفض لصعوبه تنفيذها

ببساطه الفكره بتتعمل بس محتاجه شغل ناس فاهمين اوى و مينفعش اى شاسيه على اى جسم

[nomercy22]

منا بسأل عشان افهم..
لو الموضوع ده ممكن
يبقا جامد كيك

وبرضوو محدش قالي؟؟
مصر فيها فيات 124 زي الي في الصوره دي

انا شفت واحده من شهر نضيفه جدا

[ahmedbasto]

كل حاجة فى بلدنا دى ممكنة

[Mohamed.Ramah]

منا بسأل عشان افهم..
لو الموضوع ده ممكن
يبقا جامد كيك

وبرضوو محدش قالي؟؟
مصر فيها فيات 124 زي الي في الصوره دي

ياريت تقولنا فكرتك علشان نستفيد واية موضوع البورش دة

[egytamer]

اعتقد موضوع تجميع العربيات اتوقف من فترة زمان كانت الناس بتشتري شاسية وتجمع عربية علية اغلبها كان جيب رانجلر ويركبو متور تيوتا بس اعتقد ان الموضوع دة اتلغي دلوقتي

[misoalex]

بالعكس الى عنده العربيه دى حيكون محااااااااافظ عليها جدا لانه حيكون عارف قيمتها

[mxz911]

فى واحد زيها فى الشارع الجنبى اللى جنب رمسيس هيلتون (الشارع اللى فيه مول رمسيس هيلتون واللى اخره ماسبيرو )
مركونه هناك ناحيه المحلات وبالظبط قدام محل كشرى هناك اسمه كشرى ابو محمد تقريبا

العربيه متركب عليها شبكه دايو لانوس وشكلها مسخره وهيه دايما هناك

[A7MED_PHARMA]

فى واحد زيها فى الشارع الجنبى اللى جنب رمسيس هيلتون (الشارع اللى فيه مول رمسيس هيلتون واللى اخره ماسبيرو )
مركونه هناك ناحيه المحلات وبالظبط قدام محل كشرى هناك اسمه كشرى ابو محمد تقريبا

العربيه متركب عليها شبكه دايو لانوس وشكلها مسخره وهيه دايما هناك

شبكه لانوس؟؟؟؟
صاحبها ده مش عارف قيمه العربيه الي معاه
معاه عربيه سبوووووور مكشوفه
الـ ............*
طيب بالله عليك
إسألي عليها شوف لو بتتباع ولا لأ.؟؟


وحقك محفوظ ياسيد المعلمين