ممكن توصل حد ما تعرفهوش بسيارتك ؟؟؟؟؟؟؟

[yousef1978]

السلام عليكم ورحمة الله وبركاته

أرجو من كل إخواتنا المعلقين إنهم يحسنوا الظن ببعض

مش عايزين حوارنا الجميل الهادف ده يضايق أي حد

[ahmedsamir79]

السلام عليكم ورحمة الله وبركاته

أرجو من كل إخواتنا المعلقين إنهم يحسنوا الظن ببعض

مش عايزين حوارنا الجميل الهادف ده يضايق أي حد

صح
كلنا هنا أخوه

[د.محمد الشيخ]

ممكن لكن بشروط قليلا ما تتوفر ..يعنى غالبا لا

[misoalex]

انا الصراحة ما اضمنش اني اركب حد معايا في العربية ماعرفهوش وماعملتهاش غير مرة واحدة بس كنت عند الكهربائي ولقيت راجل عجوز اوي اوي اوي وقف قدام المحل وقال للكهربائي معلش ممكن كرسي ثواني استريح عشان مش قادر امشي . المهم انا اخدت الراجل ده في طريقي وكنت عاوز اوصله لحد البيت بس ماكنش راضي وفتح الباب وكان حينط من العربية قولتله خلاص حوقفلك تاكسي وححاسبه وخليه يوصلك لأي مكان برضه مارضاش ونزل عند المحطة وركب الترام .
بس كدة

ربنا يجازيك خير

[pro_samir]

انا مبفترضش ان الملتحين متدينين و ان مفيش مهنم قلق بس مثلا لو فى 100 واحد مش ملتحى هيطلع منهم مثلا 10 حرمية لكن لو 100 واحد ملتحى هيطلع منهم واحد او اثنين بالكتير يعنى انا أخد بالاسباب و خلاص و مش معنى كده انى بكره الى مش ملتحين لاء لكن من باب الاحتياط مينفعش اركب حد مش واثق فى خصوصا ان عربيتى باسات مش فيات ولا لادا
و موضوع اثر السجود و كدة لو انت تقصد تهزر فهزارك مقبول و لو تقصد تتريق فالله يسامحك

لا مش تريقة ، زى ما حضرتك بتبص على اللحية أنا ببص على أثر السجود

لأن برضو نسبة القلق من الناس اللى بتصلى هتكون معدومة أو ضعيفة جدا

[Dr.lancer]

كنت زمات بعملها يعنى عسكرى غلبان أو واحد كبير واقف فى عز الحر بس للأسف من كتر ما سمعت من حوادث بالصحف بطلت...

[zkralla]

أحنا المفروض ندور على حد نوصله ست كبيره راجل كبير حد شايل شيله تقيله واحد معاه مر اته وشايل عيال
أنا بمشى ادور على حد ممكن اوصله واخد ثواب
لكن اكيد لازم نحاول نتجنب توصيل أى حد شاكين فيه فالمؤمن كيس فطن

[ahmed-moga]

أول ماشتريت العربيه واحد صاحبي حذرني اني أقف وأخد أي حد معايا خصوصا لو باليل لأن حصل معاه موقفين

أسوأ من بعض اول واحد كان ماشي باليل فاواحده ست شايله بنت صغيره وعماله تعيط وراحت

موقفاه وقعدت تتحايل عليه علشان يوديها أقرب مستشفي علشان بنتها موتسيكل خبطها وزي ماتكون بتطلع في الروح

فبدون تفكير ركبها معاه علي طول وعلي اققرب مستشفي تتخيلوا قالي عملت ايه لما وصلها للمستشفي

قالت لبتوع الأمن بتوع المستشفي أمسكوه هو اللي خبط بنتي ودول ماصدقوا وقعد يحلفلهم انه بيعمل

خير وكان بيوصلها علشان الحاله اللي كانت فيها هي والبنت وبعد ربع ساعه طلعتلهم وقلتلهم سبوه مش هو طب الزاي

ياست انتي بتقولي انه هوه اللي خبط بنك قالتلهم معلش كنت عايزاه يفضل موجود

علشان لو المستشفي رفضت البنت يوديني مستشفي تانيه طبعا الكل قعد يشتم ويسب فيها

المره التانيه كان رايح بلد أرياف وتاه فابيسأل واحد فقله انا رايح هناك تعالي وأنا أوديك وخد علي

حته مقطوعه وسبته وسرقه بالأكراه ولحظ صاحبي الأسود كان معاه شغل كروت ب

50000 الف جنيه ده غير الموبيل وساعه من أرقي الأنواع وفلوسه الشخصيه

ونصيحه تانيه أدهاني لو أي عسكري أو أمين شرطه شاورلك وعايزك توصله أأقفله

ووصله لأنه ممكن يكون من المرور ويشيعك مخالفات ب10000 جنيه

[dode2002]

كنت بعملها زمان انما الان لالالالالالالالالالالا
وخصوصا ممنوع اي عسكري او امين شرطه او اي حد تبع المرور اوصله ولو شاورلي حد من دول بيشاور بتناحه ويسد الطريق اروح داخل بكل سرعتي كأني هشيله يروح موسع ويخبط راسه في اتخن حيط

[pesso]

طالما التوصيل خالص الى وجه الله الكريم فلا تخف ابدا واعمل الخير وتأكد ان الله معك

[Ahmed Hassan]

No way.....

[abo_lamar]

من رابع المستحيلات اني اركب حد ماعرفوش لان ولاد الحرام ماسبوش لولاد الحلال حاجة

[zkralla]

سبحان الله الاخ صاحب موضوع الملتحيين قال كلمة ومعنها كان واضح وانا كنت مبسوط من كلمته جدا اما الاستاذ صاحب التعليق والتعقيب والتوضيح لم يضيف شى الى اصحاب اللحاءاللى هى سنه موكده عظيمة بس اضاف باضافة اساة لهم وقام بتعميم الامر على كل الملنحيين ولم يسلم منهم حتى من ينظر الليهم وهم من لدية اثر السجود وسبحان الله نحن لنا الظاهر اما الباطل فهو لله واحده

بالمناسبة النهاردة وانا مروح قدراً لقيت واحد من اصحاب اللحية واقف على استحياء ووقفتله وقولتله اتفضل قلى جزاك الله خير (دا دعاء مش شكر) قولتله اتفضل انت ماشى فى طريقى يعنى مفيش تعب ولا حاجة المهم الكلام دا كان قبل المغرب بفترة اول ما ركب سلم ورحب وعرفنى بنفسه وشكر تانى ودعاء بالبركة لى وللسيارة والاهم انه قالى انا بفكرك وبفكر نفسى باذكار المساء وبصرحة كنت فى غاية الاحراج عشان اكتشفت انى بقالى فترة كبيرة اوى مقلتيش الاذكار وقلت لنفسى دى تانى فايدة بعد الدعاء وهونازل شكر ودعاء تانى قولت احسن حاجة الواحدعملها النهاردةوربنا يرزقنا كل يوم بواحد من اصحاب اللحية اللى الاخ زعلان منهم0

اعتذر للاطالة

يا اخونا الفاضل مش كل الملتحين ناس افاضل ومتدينين فى ناس بيربوا لحيتهم عشان اكل العيش وده بيظهر بعد التعامل معاهم يعنى أنا واحد معرفه حكالى عن واحد بلحيه جزار ذبحه له فى العيد وسرق جزء من الذبيحه فالاخ عايز يقول ما تثقش فى اى حد بسبب اللحيه وحاول تستخذم فطنتك فى قراءه شخصيته
ده لا يسى ء الى اللحيه فى شىء بل بالعكس بيؤكد أنها من شيم الصالحين والذين يستنون بسنه النبى صلى الله عليه وسلم بدليل أن بعض الغوغاء والافاقين واللصوص يطلقوا لحاهم عشان يوهموا الناس أنهم صالحين ودول الى الاخ بيحذر منهم
بالمثل كثير من الدجالين يتمتم بالقرأن وأنت قاعد معاه عشان يخدعك بالقرأن وتقول عنه متدين وهو هدفه ينصب عليك هل ده يقلل من القرأن فى شىء
بس على فكره أنا والدى بقاله اكثر من 55 سنه - بفضل من الله - لم يترك صلاه مفروضه ومعندوش زبيبه صلاه فى رأسه واعرف ناس الزبيبه بتطلع لهم بعد شهر من الصلاه يعنى برضه مش الزبيبه هى دليل الصلاح

[hany_mohamed]

فى مارينا بجانب انك تجد أن معظم الناس بتحترم المرور وبتصبر وبتتعامل بشكل لطيف فى السواقة
كمان بتلاقى موضوع ركوب ناس مع ناس متعرفهمش بتكرر كتير
خاصة اللى رايح الى بورتو او اللى طالع الى البوابات

[m_mekkawy]

لأ طبعا
الدنيا مش عادت امان زى زمان (ايييييييييييييه ولا زمان ياعم مجاهد)
طب اقلك على حاجه
انا كنت فى ام الحمام الغربيه فى الشوارع الى بعيد عن الطريق الرئيسى كنت راجع من عند اختى حوالى الساعه 2 بليل اه نسيت اقلكوا دى فى الرياض- السعوديه وعلى فكره برضه العيله بتاعتنا كلها مشرده (انا واخويا واختى وجوز اختى كلنا فى السعوديه)
المهم كنت راجع انا واخويا لاقينا واحده بتسوط سعوديه وعايزه تركب معانا رحت قافل السنتر وطيران بعديها على اول الشارع لقينا واحد بيجرى وراها ومسكها وراح رقعها كام كف
قلت لا لازم نشوف ايه الحكايه يمكن تكون مش يعرفا وعايز آآآآآآآآآ هه انتوا عارفين
تدججنا بالسلاح الأبيض الموجود دائما فى السياره لاستخدامه ضد العناصر السوداء اصلهم كلهم حرامية موبايلات ورجعنا فيه ايه ياعم قال (قليلة الحيا اللى ما ستسحى على وجها بتكلم رجاجيل ع الماسجر حقتها)
سيح للبت فى قلب الشارع فسألته انت مين حضرتك
(انا خويها وابونا شايب ما يقدر يأدبها)
قلتله ع البركه خدها ع البيت وانتوا حرين سوا ميصحش فى الشارع
قالى والله انك صااج (سادق) يعنى
فلو كنت خدها كان خد رقم العربيه و ع السريع بلغ انى خطفتها فليه نورط نفسنا؟؟؟؟؟؟؟؟