إعـــــــلان

Collapse

.

,
See more
See less

ما هي أكثر السيارات التي تكرهها

Collapse
X
 
  • Filter
  • الوقت
  • Show
Clear All
new posts

  • ما هي أكثر السيارات التي تكرهها

    مش عارف هل أنا بس اللي عندي الإحساس دة تجاة بعض السيارات ولا ناس تانية بتشاركني الإحساس الغير لطيف دة

    يعني هناك بعض موديلات السيارات بشوفها بيبقي نفسي وقتها ربنا يديني دبابة و أدخل أدغدغ العربية دية و طبعا جزء من السلوك دة بيكون بسبب بعض السائقين اللطاف الظراف اللي كفيل يصنع عندك حالة من حالات الستريو تايب المطعم بكل الشهوات الإجرامية تجاة العربية و الشركة اللي عملتها و الوكيل التيت اللي استوردها

    فمثلا لا يمكن لأحد أن ينسي أبدا تجاربة مع التاكسي الشاهين و سواقينة اللي مفيش حد فيكي يا مصر ربنا نجاة من رمية و لا كسرة و لا فرملة مفاجأة من هذا التابوت الأسود في أبيض القادر علي خرشمة عربية سعادتك مهما كان نوعها بمنتهي البرود حيث أن البية يمتلك رفرفا بإمكانة أن يحيلك للتوكيل فيخرب بيتك و بيت كل العيلة و هو يروح يشرب شاي عند (السنكري) و ياخدلة شاكوشين علي البارد بعشيين جنية (عشرون جنيها مصريا فقط لاغير) و يرجع الحاج شاهين بكامل قوته التدميرية مرة أخري علشان يطين عيشة زبون جديد

    كمان لا يمكن لأحد أن ينسي الصابونة النقل اقصد السوزوكي النقل اللي بقدرة قادر تلاقيها لازقة في قفاك في إشارة و تعملك فيلم رعب لمدة ثواني لو أنت من هواة متابعة مراية المنتصف عندما تتوقف في إشارة، فسائق السوزوكي النقل يتفنن في ملاصقة مسمارية البيض (بتوع النمر الجديدة) في مسامير سعادتك علشان يتأكد له حرفيتة الشديدة في السواقة و رغم هذا الواضع المتلاصق التي يفوق تلاصق عربات مترو الأنفاق فبمجرد ما تتحول أضواء الإشارة للون الأخضر تلاقية معدي من جنبك و متعرفش إذاي حتي لو أنت في أقصي الشمال أو اليمين و جنبك رصيف هو بيتزفلط كدة و متعرفش منين و طبعا أوعي تنسي غرز اليمين المتشدد التي يتفنن فيها سائقي الصابونة النقل و اللي دائما تنتهي بإمرأة عجوز تخرج عن شيوختها و تسب للبرنس 100 ملة و لا عيل صغير حافي راكب عجلة بيلعن لة اللي خلفوة و اللي خلف اللي خلفوة، او راجل في الخمسينات يا عيني لسة جايب عربية بالتقسيط و يلاقي إكصدامة المسكين في الأرض علشان الشاب أبو سوزوكي عايز يلحق الإشارة و هي علي أخر ثانيتين علشان يفوت من الأمين اللي حيقولة رخصك لأنك محمل 200 طن علي عربية وزنها نص طن

    و طبعا لا يمكن أن تنسي دبابة منصور المتوحشة اللي دايما جاية وراك بتضرب كلاكس و بتلعب نور علشان تفوت منك مهما كان الطريق فاضي، يعني اوعي تستغرب لو أنت علي صلاح سالم الساعة 5 الفجر و انت لوحدك في صلاح سالم أبو خمس حارات و ماشي علي 140 مثلا و في حارة في النص و تلاقي وراك دبابة بتلعبلك نور و كلاكسات للصبح علشان تفوت منك، هو كدة لازم يكدرك و يعرفك أنة موجود

    طبعا النتيجة الحتمية لكل هذا أنك حتكرهه الثلاث عربيات اللي قولنا عليهم فوق و مجرد ظهورهم جنبك حيبدأ السينسور بتاع القتال يشتغل أوتوماتيك و لو محصلكش كدة أنصحك بزيارة أقرب وحدة صحية لمتابعة قواك العقلية

    طبعا أجي بقي لبيت القصيد و هو ملوك الملاكي و كل السيارات التي أكرهها في حياتي و اللي لو إتحطلي عليها فلوس ولا احط رجلي فيها بسبب عقدي اللي ربما تكون شخصية ( و مع إحترامي لأصحابها اللي أكيد مش كلهم كدة بس لو حد معانا من الإخوة البعدا أتمني أنة يعرف مشاعري الدفينة تجاهه)

    اللانصر (لانسر سابقا) : سيارة مخصصة للرمي عليك و إصدار أصوات غريبة (أجوجوجوجوجوجوجو، ليليليليليليليليليلي) و قطع الطريق يمينا و يسارا في الأفراح و إثبات أن عنصر الكروم و النيكل لا يزال موجودا في الطبيعة .... تستحق لقب الوريث الشرعي لفيات 131 في الشارع المصري.

    فيات 131 : سيارة تشاهدها من الخلف لتعرف ان الكورونا فيها زيت و ممكن يشر و بجوارها تعرف و تعلم أولادك رائحة البنزين و في أحيان أخري تسمع منها بعض أنواع المزيكا الصادرة من اللانصر و خاصة مع شاب روش مفيم الزجاج الخلفي و كاتب علية بالأنجليزي كلمات دايما فيها اسبيلنج غلط.

    فيات 127 و 128 : سيارة الشباب العصري القادم من الثمانينيات تعرفها من شكمانها اللي أوسع من بلاعة شارعكم اللي كل يوم لازم تلبس فيها بسبب واحد راكن صف تاني، و يصدر منها دائما اصوات هيب هوب و راب و أحيانا شريط إيهاب توفيق الجديد و عمرو دياب الجديد و محمد فؤاد الجديد و لازم تسمع زنة منها لأن العربية عندما صنعت لم تكن تكنولوجيا الأجهزة الصوتية وصلت إلي مرحلة الطائرات كاسرة جدار الصوت

    الفيرنا Ferna و ليس Verna : عربية بتجري جري غريب يعني أعتقد أنها ممكن تنافس الفيراري في الغيار الأول و الثاني ، و طبعا المصريين فقسوا الموضوع فبقي طبيعي تتحول كل إشارات المرور مع الفيرنا إلي محطة إنطلاق سباق فورميولا ، يعتاد سائقوها الشباب علي المشي علي سرعة 170 كيلو متر في الساعة و طبعا تجربتي مع العربية دية لطيفة جدا لأني لأول مرة كنت بشوف عربية بترعش علي 80 ! اة و الله 80، و بحس أحيانا ان العربية دية لما تجري ممكن تقلع كل البادي بتاعها لوحدها و كأنها بتعمل ستبرتيز ، يعني ممكن تلاقي رفرف طاير في وشك و ممكن كبوت أحيانا، كرههي لهذة السيارة نابع من عدم التوازن يا إما تلاقي شاب راكبها و ماشي بيها علي 140 كبداية أو راجل عجوز ماشي علي 60 كأقصي سرعة و العربية يا عيني بتسقف منة لأنة جايب الخامس مثلا !

    في النهاية أحب أقول لأصحاب السيارات اللي فوق أن إنطباعاتي دية ناتجة عن السواقة في القاهرة، و بما أن القاهرة أكثر مدن العالم فوضي فربما تكون المشكلة في القاهرة مش في سائقيها أو في العربية أو في اي حد

    و يا رب ميكونش أدمن من الأدامن معاه عربية منهم و يهفني بلوك لمدة شهر

  • #2
    أعتقد و الله أعلم ان الموضوع ده مكرر
    [CENTER][SIZE=6][COLOR=darkslateblue] [/COLOR][/SIZE][/CENTER]

    Comment


    • #3
      الصينى بكل انواعه
      [SIZE=6][COLOR=seagreen][B][I]لا اله الا الله محمد رسول الله[/I][/B][/COLOR][/SIZE]

      Comment


      • #4
        مش عارف ليه مش بحب إسبرانزا حاجه إلهيه كده
        بتحس انك ماشى جنب سفينه وعماله تتمرجح
        اما التويوتا ( أقصد المايكروبص ) الكل عارفه وعارف حركاته وياسلام لما تكون مسافر باليل ويكون راجل محترم وعاوز يوجب معاك...تلاقيه بقدره قادر إختفى من المرايه بتاعتك الوسطانيه دى عشان الباشا طفى النور وماشى لازق فى الشنطه بتاعتك وتبقى نفسك تمسك فرامل تلبسه فى الشنطه بس تفكر فى التوكيل وإلى ممكن يحصلك على ايدين التوكيل.
        دول إلى فى بالى دلوقتى
        مستنى بقيه الأعضاء
        [img3]http://img72.imageshack.us/img72/4968/logo2g.png[/img3]

        Comment


        • #5
          ههههههههههههههههههههه
          حلو قوي
          ضيف الاسبيرانزا
          http://www.fx-arabia.com/vb/showthread.php?t=9654

          Comment


          • #6
            المشاركة الأصلية كتبت بواسطة Ramytoyota مشاهدة المشاركة
            الصينى بكل انواعه
            +1
            [CENTER][FONT=Century Gothic][I]I am my problem[/I][/FONT][/CENTER]
            [CENTER][aldl]http://gickr.com/results4/anim_b94f28a8-06c8-72b4-9d4c-9e96384a88f2.gif[/aldl][/CENTER]
            [CENTER]Eng. M.Ali[/CENTER]

            Comment


            • #7
              الفرنا- التاكسي بأنوعه(جديد وقديم) - الميكروباصات - النقل بأنواعه (نص - دبابة -شاحنة-مقطورة)
              كل دول بسبب سواقينهم
              العربيات القديمة كلها (بتعطل كتير وبيسوقوا بنظام ضربوا الأعور على عينه -ده ميمنعش إني بسوق كده بال١٢٨ لما أكون مخنوق-)
              [img3]http://img21.imageshack.us/img21/3957/28138510150332809507433.jpg[/img3]

              Comment


              • #8
                لانسر بومة
                أسبرانزا a213 السيدان الضفدعة
                [COLOR=Blue][SIZE=5]
                [/SIZE][/COLOR]

                Comment


                • #9
                  شكررررا لصاحب الموضوع ومعاه في كل اللي قاله
                  [SIZE=6][SIZE=5][B]الحمد لله الذي عافانا مما ابتلي به غيرنا وفضلنا علي كثير ممن خلق وجعلنا مسلمين<!-- google_ad_section_end -->[/B][/SIZE] [/SIZE]
                  [B][SIZE=6]كن عالما أو متعلما أو محبا للعلم ولاتكن الرابع:3_3_102[1]:[/SIZE][/B]

                  Comment


                  • #10
                    موضوع لزيز و طريقة العرض و الكتابه هيله

                    [CENTER]Gen2 Is a part of me[/CENTER]

                    Comment


                    • #11
                      واضح أن هناك إجماع من الإخوة الأعضاء علي الإسبيرانزا الوسطانية تقريبا 216

                      هو برضة في واحدة من الصيني لطيفة جدا و هي السكوربيو الجيب الكبيرة اللي مفيش منها غير أسود دية، و مشكلة العربية دية بقي أن بعض اصحابها مصدقوا ركبوا جيب ( أعتقد أننا جميعا عندنا نفس الشهوة لأننا من سكان سيارات الأرضي) فمتخيل نفسة بقي حيدوس علي الصراصير الصغننة اللي ماشية جنبية و اسمها سيدان و هاتش باك

                      لماذا لم أذكر الميكروباص ؟ أعتقد أن نظرية الميكروباص أصبحت كنظرية فيثاغورث بتاعت تانية إعدادي مش محتاجة إضافة، بس و الله كويس انك فكرتني بحكاية التويوتا علي السريع علشان لحد النهاردة نفسي افهم هو لية بيمشي مش مولع النور و تتفاجأ بية مرة واحدة كدة طالعلك من اليمين بيديك كلاكس طوووووووووووويل النغمة و كأنة بيشتمك شتيمة هوائية ليس فيها حروف

                      Comment


                      • #12
                        اكتر عربية بكرهها هى اللادا والصينى كله
                        مقابلة جديدة للطنطاوية
                        http://www.nilemotors.net/Nile/259689-a.html

                        Comment


                        • #13
                          الصيني والقديم والنقل الكبير المقطوره

                          Comment


                          • #14
                            الكيا السيراتو القديمة عندما يكسوها اللون الاصفر وتحمل على دماغها لمبة مدخفسة تخبرنا ان السيارة وسائقها تابعان لمشروع تاكسى العاصمة ويمارس بها قائدها اعتى انواع الغباء المرورى المتعمد وكوللو على خيساب صاخيب الماخيلل
                            البيجو ال 504 التى يرفض معظم من يقودونها من ملاكى واجرة -ومثلها ال 132 وقائدوها-قبول فكرة انها عزيز قوم ذل ويصرون على تحدى كل من فى الشارع، وكل مرة يدخلو تحدى مع اى عربية هايفة يتقطعوا وبرضه مش عايزين يهمدوا
                            السيارة السيات 133 التى يصر قائدها على السير فى اليسار باعتبار انه مش اقل من الباقيين ودافع ضريبة سنوية زيهم والنتيجة هى سد الطريق وارباكه لأن المذكورة طبعا يوم ما سرعتها بتعدى ال40 صاحبهابيبخرها من الحسد
                            واسوء من هؤلاء جميعا المينيباظ الأخضر حسبى الله ونعم الوكيل فى المونوباظ لخضر وسواقين المونوباظ لخضر، اهو دول فعلا تفوقوا فى السفاله على مشجعى فريق الأخضر بتوع كاس العالم
                            [SIZE=5][COLOR=navy]سبعاوى[/COLOR][/SIZE]
                            _______________________________________________

                            Comment


                            • #15
                              أي عربية .... بتطلع موضة كده لدرجة إنك لما تفتح الحنفية تلاقيها نازللك......البومة عربية كويسة بس كنت وصلت ل مرحلة مكنتش قادر اشوفها أكتر من كده كفاااااااية
                              من كام سنة كانل ال excel وبعديها اللانوس وبعدها الكورولا والبومة ودلوقتي السيراتو الجديدة ....أنا مش بأقول إنهم وحشين أنا قصدي إنهم بيكتروا لدرجة تزهق
                              [SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].

                              Comment

                              Working...
                              X