الجمارك زادت

[A.Saad]

اكيد دى افتكاسة من التجا ر والوكلاء علشان يبيعوا stock 2009اللىالناس بتطلت تشترية فى تخفيض الجمارك

++++11111

[ابوهاشم]

اكيد دى افتكاسة من التجا ر والوكلاء علشان يبيعوا stock 2009اللىالناس بتطلت تشترية فى تخفيض الجمارك

هو ده الكلام المعقول لانى لسه سامع امبارح ان الجمارك هتنزل 10%

[holiel]

للاسف ماطلعتش افتكاسة تجار ولكن خازوق وكلاء علشان يوقفوا السيارات من غير بلد المنشا او الخليجي يعنى برفع جمركها 7 % بدون النظر للسعر فى فاتورة المستورد والاعتماد على فاتورة الوكيل ولكن لااعتقد انة سوف يرفع السعر لان المستورد والوكيل سوف يدخلوافى مفرمة انخفاض الجمارك التدريجى

[KSA2011]

يعنى كلامى طلع مظبوط
كل عام وانتم بخير وعقبال الحركه الى جايه

[KSA2011]

على فكره فعلا انا سمعت سيره الوكيل فى الموضوع وانه الوكيل قادعلى انه يدخل لنفسه هو فواتير باسعار اقل

[Usama Nagi]

اكيد دى افتكاسة من التجا ر والوكلاء علشان يبيعوا stock 2009اللىالناس بتطلت تشترية فى تخفيض الجمارك

فعلا معظم العروض بتبقي علي المخزون الراكد زي ما بردوا عاملين عرض علي البلوبيرد سيلفي و الليفنا

[m_elkhishin]

عارفين ان العربية 1600 سي سي جماركها 40%+15%ض مبيعات+3%رسم تنمية والحبشتكناتتقريبا النولون الشحن يعني كمان 3% يعني المفروض الاجمالي 61% كلام معقول اللي مش معقول واحد زميلي جوز اخته شغال في جمارك السويس بيقوله ان الفعلي 69% ربنا يرحمنا برحمته

هو قصده ان الفعلى 69% على أصل تمن العربية، لأن الحسبة بتتحسب كالاتي:

1- تمن العربية fob يعني تمن العربية في الفاتورة+مصاريف تخليص السيارة في بلد المنشأ حتى صعودها على المركب

2- ضيف عليهم تمن الشحن ونولون الشحن

3- الرقم اللي يطلعلك فوق زود عليه نسبة الجمارك 40% منه

4- الرقم اللي طلعلك في الخطوة 3 زود عليه 15% ضريبة مبيعات + 3% تنمية موارد

يعني الفكرة انهم بياخدوا حاجة زي الفايدة المركبة

[amrico]

فعلا معظم العروض بتبقي علي المخزون الراكد زي ما بردوا عاملين عرض علي البلوبيرد سيلفي و الليفنا

انا مبشوفش العربيات دي في الشارع ابدا !!!
هو في حد اشتراهم؟

[alisleman]

عمار يا مصر

[N.a.j.d]

ربنا يثبتنا ع عقلنا

[hon]

لا زادت ولا حاجة دا شغل تجار واضح ان حضرتك اشتريت من تاجر اى كلام

[shaddadfalcon1]

الناس في مصر لما الحاجه تغلي تلاقيهم يشتروا اكتر ويقولو "قبل ماتغلي اكتر"

[N.a.j.d]

الله اعلم ايه

[hosini2000]

لأنك مصري منك له و لأننا شعب حلو طيب و صبور فاسمحو لي أن أقدم لكم معادلة السيارة في مصر :

حسبما أعلم فإن المواد و الخامات التي تصنع منها السيارة تختلف جودتها فمنها ما هو درجة أولى و ثانية و ثالثة حسب كمية المادة الخام و درجة التحمل و durability و عدد دوراتCycles...الخ
و للأسف الشديد أغلب مصنعي السيارات حفظوا الشعب المصري و يعلمون طباعه لذلك تجد جودة السيارات التي تنزل مصر أقل كثيرا من مثيلتها التي تباع في الدولة المصنعة أو حتى في الخليج

و لنتصور أن ثمن سيارة ما من تلك السيارات هو 10000 دولار..ينقسم هذا المبلغ إلى حوالي 40% قيمة القطع المكونة للسيارة و 60%تقريبا قيمة تصنيع و تجميع السيارة شاملا الأجور و تكلفة الأبحاث و التصميم و استهلاك خط التجميع و الضرائب و ربح المصتع....الخ
هذه السيارة تباع لك في مصر لو فكرت تشتريها من بره بعد الجمرك و الذي منه ب16900 دولار حسب حسبة الجمارك-------1

إذن قيمة الخامات الممتازة لقطع الغياردرجة أولى تقريبا 4000 دولار..

بينما قيمة الدرجة الثانية أقل و الثالثة أقل..و هكذا

الان بالنسبة للسيارات المجمعة في مصر و التي أنا متأكد أنها تجميع لقطع غيار درجة تاسعة (و اللي مش مصدق يقارن تجهيزات و خامات عربياتنا بعربيات الخليج) تجد أن قيمتها حوالي3000 دولار مثلا إن لم يكن أقل مع جمرك على قطع الغيار 10% فقط ثم يتم تجميعها في خط إنتاج مستعمل باعه المصنع بعد ما توقف انتاج هذا النوع في بلده.. و الخط في مصنع مقام على أرض مقدمة من الدولة للمستثمر بتراب الفلوس و متظبط في تكلفة الطاقة أما بالنسبة للمرتبات فكلنا يعلم أن مرتب عامل النظافة في المصنع الكوري أكبر من مرتب أكبر مهندس في المصنع المصري
و لن أتكلم عن الضرائب .
إذن تكلفة تجميع السيارة كمان 2000 دولار (كتير و الله عليها بس ماشي) و هكذا يكون إجمالي تكلفتها على المصنع المصري 5000 دولار

و لكنه سيبعك إياها برضه ب 16000

سيارة شيفروليه كروز تباع في السعودية بدءا من 53500 ريال و اضربها في 1.4 علشان تعرفها بالمصري كام..و كروز السعودية غير التعبانة اللي جاتلك هنا و اللي انت راضي بيها لأنك ما شفتش غيرها و مع ذلك تباع عندنا ب 120000


فإذا أضفت لقصر عمر و سوء جودة السيارة المصرية سوء حالة الطرق البشعة الموجودة في مصر و الكفيلة ب انهاء السيارة في نصف الوقت
و إذا قارنته بطرق الخليج الرائعة التي تضيف للسيارة عمر على عمرها..

الان فقط تعرف ما يحدث لنا كمصريين من استغلال

مش انت اللي مصري..جاتك القرف (مع الإعتذار للفاجومي)

الأرقام المبينة عالية تقريبية و ليست دقيقة و لكن الغرض منها تقريب الصورة

[ashraf229]

معتقدش 25% مرة واحدة كبيرة أوي دي!!!!!

يعني الأوبترا مثلا مانيوال هتبئى ب 120 ألف و السيراتو هتوصل 170 مثلا!!!!!!

لا أعتقد ان ده ممكن يحصل