هام جدا.....انخفاض أسعار السيارات في يناير 2008؟؟؟؟!!!!!!!!

[memo_hefnawy]

يا جماعه معلش مضطر أصحيكم من الحلم الجميل ده

محدش يعقد آمال حلوة على الجات و تطبيقها لأسباب عديدة :

إنت هنا عشان تخفض الجمارك مش هاتكون مضطر إنك تخفض الضرائب بل على العكس ممكن تفرض نوع جديد من الضرائب على السيارات ذات ال 2000 سى سى وطالع بأى حجة

دلوقت لو جينا نحسب حسبة صغيرة أوى كده إحنا حاليا بيترخص سنويا فى القاهرة بس حوالى 60 -70 ألف سيارة ده فى قاهرة المعز بس طب دوول بيمشوا فيين ؟
ياترى فى شوارع بتتوسع ؟ فى طرق بتتمد ؟ فيه أنفاق بتتعمل ؟ كبارى بتتعلق؟ لأ بيمشوا على نفس الطرق إللى إحنا محشورين فيها دلوقت

طب لو الجمارك نزلت ؟ إللى مش قادر يجيب عربية هايجيب و إللى عنده واحده هايجيب 2 و بدل ال 60 70 ألف هايبقى 100 ألف فى السنه

طب هو إحنا عندنا مقابر سيارات ؟ لأ

تعرفوا بحسبة زمان عملتها إكتشفت إنى بروح بيتنا يوميا من المهندسين لمدينة نصر بمتوسط سرعة 20 كم فى الساعه !!!

و فى حسبة تانية لدراسة يابانية أثبتت إن لو بقى الوضع على ما هو عليه هايكون متوسط السرعة سنة 2011 على ما أذكر فى المحروسة 0 كم فى الساعه يعنى إختناق تام و شلل فى المرور ...............


من جانب آخر البنزين الحكومة مشكورة بتقولنا إنه لازم يغلى عشان بيغلى على مستوى العالم (فى الوقت إللى إحنا بنصدر البترول ب 18 دولار$ للبرميل و العالم كله بيبيعه ب 100 $$ ) فالحكومة الرشيدة بارك الله فيها عايزة ترفع الدعم الداخلى من على البنزين و تحط دعم للمستوردين و بدل ما نصدرلهم ب 100$ للبرميل لأ نصدره ب 18 $$ و يابلاش

فى الوقت نفسه السوق المصرى مفيش ليه ظابط ولا رابط يعنى لو ال 2000 سىسى نزلت هاتلاقى ال 1300 غليت مع غلو البنزين و سعرها يتعدى ال 1600 بتاعت دلوقت عشان موفرة فى البنزين إللى واحد صاحبنا الله يكرمه كان صرح إن سعر اللتر من البنزبن المفروض يوصل ل 9 جنيه :?

لك أن تتخيل إن خلال سنتين من دلوقت هاتفول تانكك بدل 50 جنيه هاتفوله 120 جنيه على أقل تقدير

بقولكم إيه خلينت ساكتين أحسن

[Meedo]

(فى الوقت إللى إحنا بنصدر البترول ب 18 دولار$ للبرميل و العالم كله بيبيعه ب 100 $$ )

R U Kidding How Come?????????????

[memo_hefnawy]

Sure I'm not kidding my dear

أنا حاولت أشوفلك دليل يؤكد المعلومة وده إللى لقيته دلوقت

http://www.masrawy.com/News/2007/Egypt/Economy/november/22/petrol.aspx

على فكرة الكلام ده إتقال كثير من زمان

بالظبط ذى عقود الغاز الطبيعى إللى 25 سنه قدام بسعر ثابت :) عمار يا مصر

[tutankhamoun]

أنا مش مع تخفيض الجمارك على العربيات أكثر من 1600 سم مكعب
لدواعي الحفاظ على الثروة البترولية و الحفاظ على البيئة من التلوث
و أقترح أن ترفع الحكومة الضرائب على السيارات الأكبر من 1400 سم مكعب علشان الناس تركب عربيات أصغر و توفر في البنزين و تحافظ على البيئة

[noble911]

السلام عليكم
انا بحثت في موضوع الجات علي الانترنت و وجدت الاتي
( لكن محدش يعلق عليه اي امل انت عارفين البلد دي ماشية بدماغها و ممكن بكره الاسعار تغلي او ترخص)
اتفاقية الجات علي السيارات معاد تطبيقها 2005
لكن في 2004 تقدمت مصر بالتماس لتاجيل التطبيق لحماية الصناعة الوطنية و اظن ده الالتماس التاني و تم قبول الالتماس و اعتباره الاخير
و علي ذلك يكون تطبيق الجات علي العربيات 2010 بالظبط اول السنه او مع اخر شهر 2009
لكن لازم نعرف ان التخفيض حيوصل بالجمارك لحوالي 30-40% يعني 1300-1600 مش حيتاثروا كتير و الانخفاض مش حيكون ملحوظ
و كان التعليق علي الخبر ان من حق البلد فرض ضربية مبيعات لتعويض الناقص من الجمارك للحفاظ علي الاسعار
الخبر الي فات ده كان في اواخر 2004

السنة دي و من حوالي شهر تقربيا زار مصر واحد من البنك الدولي و عزموه علي شوية اكلات شعبية زي الجمبري الكبيري المشوي و كباب و كفتة و كده يعني كلها شعبيات
و في نهاية الزيارة قال انهم اتفقوا مع المصرينن علي خطوات بداية تطبيق الجات من 2010 و بشكل تدريجي حتي 2020
و انتهي الخبر علي كده

انا ماليش دعوة انا نقلت كلام ده من الجرنان و النت انما مصر ماشية براحتها و هذه ليست دعوي شراء او بيع

و انا اتفق مع الرجالة اللي طرحت فكرة رفع سعر البنزين قريبا و تحريك بسيط في اسعار الجمارك

و لنا الله و ربنا يوفقني و اهاجر الخليج هجرة دايمة شاملة كاملة

[tutankhamoun]

و لنا الله و ربنا يوفقني و اهاجر الخليج هجرة دايمة شاملة كاملة

و أنا أرجع مكان ما جيت و أرتاح نفسيا بقى علشان قريب قوي هادخل مستشفى العباسية للمخابيل بسبب السواقة و الفوضى اللي في البلد
و بكدا تكون مستشفى العباسية كسبت مخبول جديد :D :D :D :D

[GoldenManEye]

انا مش عارف هما ليه ميعملوش كده.

1- يلغو الجمارك نهائياً على فئة ال 1300 سى سى (سعرها هيكون قليل جديداً)

2- يمنعو العربيات القديمة من القاهرة الكبرى كلها (نقول اللى فات عليها 20 سنه)

النتيجة:
1- اعطال أقل (واحدة من مشاكل المرور)
2- تلوث أقل
3- توفير فى البنزين
4- الناس ترتاح (مشاكل وخناقات ومستشفى المجانين :roll: )
5- ...... إلخ

[007]

أنا من فتره متابع للمنتدي بس مبشاركش بردود
بس اسمحولي أشارك المره دي
بالنسبه للأخوه اللي بيقولواسحب البنزين كتير لل 200 سي سي
الحكايه مش هتفرق أوي كده
يعني هتفرق ايه فالشهر 10 جنيه بالنسبه لواحد شاري عربيه فوق 150 ألف جنيه ؟؟
أنا عن نفسي عربيتي 4800 سي سي ، 8 سلنر و سحبها فالبنزين مش فارق شاسع من 1600 4 سلندر

[tutankhamoun]

أنا من فتره متابع للمنتدي بس مبشاركش بردود
بس اسمحولي أشارك المره دي
بالنسبه للأخوه اللي بيقولواسحب البنزين كتير لل 200 سي سي
الحكايه مش هتفرق أوي كده
يعني هتفرق ايه فالشهر 10 جنيه بالنسبه لواحد شاري عربيه فوق 150 ألف جنيه ؟؟
أنا عن نفسي عربيتي 4800 سي سي ، 8 سلنر و سحبها فالبنزين مش فارق شاسع من 1600 4 سلندر

أستاذ 007 أنا أختلف معك كليا و جزئيا ( و اختلاف الرأي لا يفسد للود قضية )
أستهلاك البنزين طبعا في العربيات الكبيرة بيفرق كتيرررررررررررررررررر
طيب أنا معايا بونتو 1300 و جين 1600 و كان معايا قبل كدا فورد اسكورت 1600 و كا 1300 و بونتو 1800
و الفروقات كبيرة جدا
يعني الفرق ما بين البونتو ال 1300 و ال 1800 كبير في استهلاك الوقود
و دلوقتي أنا حاسس بفرق في استهلاك الجين 2 ال 1600 أكبر من البونتو 1300
و طبعا العربيات ال 2000 أكبر بكتير و أنا عندي واحد صحبي باع عربيته البورا ال 2000 علشان استهلاك البنزين و جاب واحدة غيرها 1600 و نزل ل 1300 بسبب استهلاك البنزين
و ده طبعا على حساب قوة السحب للسيارة
و يا نهار أبيض عربية حضرتك 4800 سم مكعب و بتقول فرقها مش كبير
:shock: :shock: :shock: :shock: :shock: :shock: :shock: :shock:
يا راجل ده أنت تلاقي عربيتك عايزة بنزينة وراها علشان تلاحق على الاستهلاك

[007]

لا و الله أبدا أنا بفول مره واحده كل أسبوع 55 لتر
بس مشاويري مش كتير أوي مالبيت للشغل 10 كليلو رايح و 10 جاي و مشاوير خفافي حوالي 40 كيلو يوميا لأن هنا فالخليج المشاوير مش كتير بس الطرق سريعه

[Ayman H]

على فكرة أنا مقتنع بمعظم اللي اتكتب
لابد من ارتفاع اسعار البنزين ولابد من فرض ضرايب جديدة ده غير طمع المستوردين وانا افتكر ان لما حصل نفس الموضوع عل السيارات 1600 السعر مانزلش بما يوازي التخفيضات نظرا لجشع كل من الحكومة والمستوردي او اصحاب المصانع
يعني ده لو حصل هينزل سعر السيارات نسبة معينة بس هنا فيه سؤال هل ممكن السيارات ذات الفئة الأقل تتأثر وسهرها يقل بسبب انخفاض اسعار السيارات الأكبر سعة؟؟

[tutankhamoun]

لا و الله أبدا أنا بفول مره واحده كل أسبوع 55 لتر
بس مشاويري مش كتير أوي مالبيت للشغل 10 كليلو رايح و 10 جاي و مشاوير خفافي حوالي 40 كيلو يوميا لأن هنا فالخليج المشاوير مش كتير بس الطرق سريعه

طيب تعرف ال 55 لتر دول يقضوني أد أيه بالونتو 1300 سم مكعب ؟
يمكن أسبوعين أو 10 أيام
و بعدين حضرتك بتقول طرق سريعة .......... يعني أستهلاك بنزين أقل
و شكرا

على فكرة أنا مقتنع بمعظم اللي اتكتب
لابد من ارتفاع اسعار البنزين ولابد من فرض ضرايب جديدة ده غير طمع المستوردين وانا افتكر ان لما حصل نفس الموضوع عل السيارات 1600 السعر مانزلش بما يوازي التخفيضات نظرا لجشع كل من الحكومة والمستوردي او اصحاب المصانع
يعني ده لو حصل هينزل سعر السيارات نسبة معينة بس هنا فيه سؤال هل ممكن السيارات ذات الفئة الأقل تتأثر وسهرها يقل بسبب انخفاض اسعار السيارات الأكبر سعة؟

+100000000000000000
أنت راجل بتفهم يا أستاذ أيمن و حاسس أنك فاهمني قوي ;)

[ابوشريف]

انا مش عارف هما ليه ميعملوش كده.

1- يلغو الجمارك نهائياً على فئة ال 1300 سى سى (سعرها هيكون قليل جديداً)

2- يمنعو العربيات القديمة من القاهرة الكبرى كلها (نقول اللى فات عليها 20 سنه)

النتيجة:
1- اعطال أقل (واحدة من مشاكل المرور)
2- تلوث أقل
3- توفير فى البنزين
4- الناس ترتاح (مشاكل وخناقات ومستشفى المجانين :roll: )
5- ...... إلخ

+1 محتار زيك مش عارف ليه يبقى فى ايديهم حل المشكله ويحيدو عنها

ده غير ان تحديث السيارات هيقلل من استيراد قطع الغيار بشكل كبير جدا

وبالتالى توفير عمله صعبه كنا بنستهلكها فى قطع غيار غالبا تكون غير اصليه وتعرضنا للحوادث

وكفايه المنظر الجميل للشارع لما يكون معظمه سياراته حديثه

ولا نرى دخانا او او نسمع اصوات مزعجه (طبعا هتقولو بحلم ) الأمل فى الله كبير .

[محمدايهاب]

أنا شايف إن تخفيض سعر العربيات ده حاجة أتأخرت جدا مصر بتنمو في السنة بمعدل 7% في المتوسط النمو الكبيير ده لازم يظهر في كل صور المجتمع و تخفيض الحمارك و انتشار العربيات الأعلى فئة بقى حاجة ضرورية
أنا مش فاهم طول عمرنا بنشتكي من الأسعار العليا و نصب الوكلاء على العملاء
و معروف إن تخفيض الجمارك على فئة 2000 سي سي هيخفض الجمارك على الفئات الأخرى ة بالتالي العربيات هينزل سعرها لسعر يبقى مقبول شوية
أما حكاية غلو سعر البنزين ده لازم برميل البترول وصل ل100 دولار فأصبح من الضروري و الملح جدا إلغاء تدريجي للدعم على البنزين

[Ayman H]

أنت راجل بتفهم يا أستاذ أيمن و حاسس أنك فاهمني قوي ;)[/quote]

ياسيدي الله يكرمك بس الفكرة ان حكومتنا خلاص بقت معروفة وحقظنا سياساتها

:shock: :shock: :shock: :shock: