أهم العوامل التى تؤثر فى قرار شراء السيارات

[Hosam_Optrawy]

السلام عليكم ورحمة الله وبركاته

عام سعيد على الجميع وان شاء الله يكون أفضل من اللى قبله

شراء عربيه جديده بيتوقف على عوامل كتير

وبتختلف من شخص الى أخر

مش كل الناس لها نفس الاهتمامات

والهدف من الموضوع هو معرفة طريقة تفكير المشترى عند اتخاذ قرار شراء سياره جديده

واهم العوامل والاحتياجات اللى بناء عليها يتخذ قراره


والعوامل هى

السعر - الشكل الداخلى والخارجى - سعة المحرك وقوته بالحصان - استهلاك البنزين - نوع ناقل الحركه ( مانيوال - اوتوماتيك ) - حجم السياره ونوعها ( سيدان - هاتش باك ) - الوسع الداخلى - عوامل الأمان - الكماليات الاساسيه ( باور - تكييف - سنتر - زجاج كهربا - مرايات كهربا ) - كماليات الرفاهيه ( فتحة سقف - فرش جلد - ... ) - والوكيل واسعار قطع الغيار والصيانه - اسعار قطع الغيار خارج التوكيل - سعر اعادة البيع - بلد الصنع - بلد التقفيل

المطلوب ترتيب العوامل حسب الأهميه

ولو انا نسيت حاجه ياريت تضيفوها


وهابدأ بنفسى

1 - السعر

وبيتهيألى محدش فينا هايختلف عليه لانه العامل الأول والأساسى فى اختيار العربيه , والا كلنا كنا ركبنا فيرارى :)

2 - ناقل الحركه

لازم يكون اوتوماتيك ودى مهمه جدا بالنسبه لى , الا لو المبلغ المتاح مايجبش يبقى اكيد هاجيب مانيوال

3 - سعة المحرك وقوته بالحصان

1600 او 1500 و 105 حصان على الأقل

4 - بلد الصنع

كورى او يابانى

5 - بلد التقفيل

كوري او يابانى او اوروبى

6 - سعر اعادة البيع ( مهم )

7 - اسعار قطع الغيار والصيانه فى التوكيل ( تكون معقوله )

8 - حجم السياره ونوعها ( سيدان )

9 - الكماليات الاساسيه

10 - الشكل الداخلى والخارجى

11 - الوسع الداخلى

12 - عوامل الأمان

13 - استهلاك البنزين

14 - كماليات الرفاهيه

15 - اسعار قطع الغيار خارج التوكيل


موضوع صعب ترتيبه بصراحه :)

فى انتظار مشاركتكم

[د.محمود صلاح]

بعد بيعى وشرائى لعدة عربيات دون المستوى :-

رقم 1 : -

الماركة العريقة

ثم كل شئ يأتى بعد ذلك

[Usama Nagi]

بالنسبة لي (الترتيب حسب الأولويات)

1 - السعر

طبعا علي قد الميزانية

2 - سعة المحرك وقوته بالحصان

1600 او 1500 يعتبر مناسب أو 1300 لو هاتشباك

3 - الوسع الداخلى
عشان طويل محتاج سيارة واسعة من جوه علشان اسوق براحتي

4 - الشكل الداخلى والخارجى

يفضل انها تكون مدمجة من الخارج (عشان يبقي سواقتها اسهل) و تكون جذابة و ملامجها جميلة و من الداخل تكون التشطيب جيد "ما احنا دايما بنكون شايفين العربية من جوا "


5 - الصيانه فى التوكيل ( تكون معقوله ) و يكون التوكيل ذو سمعة حسنة و فاهم في السيارة اللي يبيعها


6 - عوامل الأمان

عوامل الأمان من الحاجات المهمة واللي بتسعف الواحد وقت الضرورة (ربنا يحفظنا جميعا)

7 - استهلاك البنزين

تكون موقرة في البنزين


8 - الكماليات الاساسيه


9 - كماليات الرفاهيه


10 - اسعار قطع الغيار خارج التوكيل و سهولة التعامل معها مع الميكانيكية


11 - بلد الصنع

مفضل لي الأوربي تم الياباني ثم اي حاجة (الباقي كله متساوي)

12 - سعر اعادة البيع

رغم انا ما احبش اجيب سيارة علشان ابيعها علطول من المهم ان سعرها ما ينهارش عشان لما احب ابيعها الاقي ليها تمن

[Ahmed Nouh]

1 - السعر

اكيد طبعا اول حاجه هحددها حسب ظروفى ومهم عندى قوى ان تكون الفلوس كلها حاضره ومش هتدين ولا هتزنق ولا هاجى على حاجه تانيه فى حياتى لأن العربيه حاجه ممكن الواحد يستغنى عنها ومش شرط اساسى فى الحياه

2 - ناقل الحركه

بفضل المانيوال فى كل الاحوال الا اذا كان مثلا المانيوال هيحرمنى من كماليات محتاجها وهبقى كدا مضطر اركب اوتوماتيك بس مش هبقى مبسوط بيه

3 - سعة المحرك وقوته بالحصان

مقتنع تماما ان مفيش مكان فى البلد دى للجرى بدون مخاطره وعلشان كدا الموضوع ده مش بيفرق معاى طالما انا اساسا بتكلم فى عربيه هتوفرلى اداء متوسط او اكتر , انا بطبعى بستمتع بالسواقه الهاديه اكتر من الجرى

الاختيار الامثل من فئه ال 1300 لحد ال 1600 المهم يكون اداءه مش ميت على العربيه

4 - بلد الصنع

مش فارق معاى طالما العربيه نفسها جودتها فى المستوى المطلوب

5 - بلد التقفيل

حسب الجوده

6 - سعر اعادة البيع ( مهم )

مهم جدا بالنسبه لى محدش عارف الظروف وممكن امتى احتاج ابيع العربيه

7 - اسعار قطع الغيار والصيانه فى التوكيل ( تكون معقوله )

التوكيل بعد تجربتى الحاليه مع اللانسر عامل هخلى بالى منه قوى المره الجايه لأنى برتاح لما اعرف ان حد فاهم اشتغل فى عربيتى لكن سوء النظام فى التوكيل ومظهره الغير مريح وارتفاع اسعار الصيانه فيه هتبقى حاجه مضايقانى كل 10 الاف كم فى العربيه ومين عارف ايه ممكن يطلعلى فى الضمان

علشان كدا المره الجايه لو هشترى زيرو لازم اعمل التوكيل فى حسابى او على الاقل ابقى ضامن انى لما ازهق منه الاقى اللى عايزه برا

8 - حجم السياره ونوعها ( سيدان )

بفضل السيدان بحكم انى بسافر كتير بحمولات كتيره جدا ومفيش عربيه هاتشباك بتوفينى مساحات التخزين اللى بحتاجها

9 - الكماليات الاساسيه

طبعا لا غنى عن الاساسيات زى الباور والتكييف والزجاج الكهربى كله والكاسيت السى دى والسماعات واى حاجه اكتر من كدا كماليات احتاجها او استغنى عنها حسب الماديات لكن حاجه اقل من الاساسيات دى العربيه لو بتنقط دهب هشيلها من حسابى تماما

10 - الشكل الداخلى والخارجى

عامل مهم فى الاختيار ولو العربيه شكلها وحش هشيلها من حساباتى من الاول بالذات شكل الصالون لأنه العربيه من جوا اهم عندى من برا

11 - الوسع الداخلى

مفهومى عن العربيه عموما يتلخص فى الراحه سواء فى نظام التعليق او الصالون ولو مش هتحقق لى الاختيار ده يبقى مستغنى عنها , يعنى مثلا فى مقارنه بين الكورولا والسيراتو هختار الكورولا عميانى لأن مستوى الراحه فيها احسن من السيراتو

12 - عوامل الأمان

يرجح الكفه عندى ناحيه العربيه الاكثر امانا ويساعد مع باقى الاختيارات لكن مش عامل اساسى فى اختيارى طالما كان فى المستوى المتوسط وبرفض العربيه تماما لو كان مستوى الامان فيها معرف انه سئ

13 - استهلاك البنزين

عامل اختيار سوبر مهم بالنسبه لى لأنى بعشق المواتير الموفره

14 - كماليات الرفاهيه

لو معاى فلوس مش ضروريه هبص للكماليات لكن هتكون بعد ما اخترت افضل عربيه فى الفئه دى وبعدين ابص للكماليات

15 - اسعار قطع الغيار خارج التوكيل

ملاذى الوحيد فى حاله ان التوكيل مش عاجبنى ولازم اعمل حساب النقطه دى واكون واثق ان العربيه حاجتها موجوده بسعر كويس برا من غير لف ودوران على كل فانوس اشاره احتاجه


موضوع رائع يا استاذ حسام واستفتاء جميل قوى

[د.محمود صلاح]

Ahmed0Nouh باشا : -

غريبة إن حضرتك بتفضل المانيوال عن الاوتوماتيك ! الميزة الوحيدة فى المانيوال ( غير الشد ) انه موفر فى البنزين - بس فى زحمة مصر ؛ المانيوال متعب جدا

[Hosam_Optrawy]

بعد بيعى وشرائى لعدة عربيات دون المستوى :-

رقم 1 : -

الماركة العريقة

ثم كل شئ يأتى بعد ذلك

بالنسبة لي (الترتيب حسب الأولويات)

1 - السعر

طبعا علي قد الميزانية

2 - سعة المحرك وقوته بالحصان

1600 او 1500 يعتبر مناسب أو 1300 لو هاتشباك

3 - الوسع الداخلى
عشان طويل محتاج سيارة واسعة من جوه علشان اسوق براحتي

4 - الشكل الداخلى والخارجى

يفضل انها تكون مدمجة من الخارج (عشان يبقي سواقتها اسهل) و تكون جذابة و ملامجها جميلة و من الداخل تكون التشطيب جيد "ما احنا دايما بنكون شايفين العربية من جوا "


5 - الصيانه فى التوكيل ( تكون معقوله ) و يكون التوكيل ذو سمعة حسنة و فاهم في السيارة اللي يبيعها


6 - عوامل الأمان

عوامل الأمان من الحاجات المهمة واللي بتسعف الواحد وقت الضرورة (ربنا يحفظنا جميعا)

7 - استهلاك البنزين

تكون موقرة في البنزين


8 - الكماليات الاساسيه


9 - كماليات الرفاهيه


10 - اسعار قطع الغيار خارج التوكيل و سهولة التعامل معها مع الميكانيكية


11 - بلد الصنع

مفضل لي الأوربي تم الياباني ثم اي حاجة (الباقي كله متساوي)

12 - سعر اعادة البيع

رغم انا ما احبش اجيب سيارة علشان ابيعها علطول من المهم ان سعرها ما ينهارش عشان لما احب ابيعها الاقي ليها تمن

شكرا على المشاركه

1 - السعر

اكيد طبعا اول حاجه هحددها حسب ظروفى ومهم عندى قوى ان تكون الفلوس كلها حاضره ومش هتدين ولا هتزنق ولا هاجى على حاجه تانيه فى حياتى لأن العربيه حاجه ممكن الواحد يستغنى عنها ومش شرط اساسى فى الحياه

2 - ناقل الحركه

بفضل المانيوال فى كل الاحوال الا اذا كان مثلا المانيوال هيحرمنى من كماليات محتاجها وهبقى كدا مضطر اركب اوتوماتيك بس مش هبقى مبسوط بيه

3 - سعة المحرك وقوته بالحصان

مقتنع تماما ان مفيش مكان فى البلد دى للجرى بدون مخاطره وعلشان كدا الموضوع ده مش بيفرق معاى طالما انا اساسا بتكلم فى عربيه هتوفرلى اداء متوسط او اكتر , انا بطبعى بستمتع بالسواقه الهاديه اكتر من الجرى

الاختيار الامثل من فئه ال 1300 لحد ال 1600 المهم يكون اداءه مش ميت على العربيه

4 - بلد الصنع

مش فارق معاى طالما العربيه نفسها جودتها فى المستوى المطلوب

5 - بلد التقفيل

حسب الجوده

6 - سعر اعادة البيع ( مهم )

مهم جدا بالنسبه لى محدش عارف الظروف وممكن امتى احتاج ابيع العربيه

7 - اسعار قطع الغيار والصيانه فى التوكيل ( تكون معقوله )

التوكيل بعد تجربتى الحاليه مع اللانسر عامل هخلى بالى منه قوى المره الجايه لأنى برتاح لما اعرف ان حد فاهم اشتغل فى عربيتى لكن سوء النظام فى التوكيل ومظهره الغير مريح وارتفاع اسعار الصيانه فيه هتبقى حاجه مضايقانى كل 10 الاف كم فى العربيه ومين عارف ايه ممكن يطلعلى فى الضمان

علشان كدا المره الجايه لو هشترى زيرو لازم اعمل التوكيل فى حسابى او على الاقل ابقى ضامن انى لما ازهق منه الاقى اللى عايزه برا

8 - حجم السياره ونوعها ( سيدان )

بفضل السيدان بحكم انى بسافر كتير بحمولات كتيره جدا ومفيش عربيه هاتشباك بتوفينى مساحات التخزين اللى بحتاجها

9 - الكماليات الاساسيه

طبعا لا غنى عن الاساسيات زى الباور والتكييف والزجاج الكهربى كله والكاسيت السى دى والسماعات واى حاجه اكتر من كدا كماليات احتاجها او استغنى عنها حسب الماديات لكن حاجه اقل من الاساسيات دى العربيه لو بتنقط دهب هشيلها من حسابى تماما

10 - الشكل الداخلى والخارجى

عامل مهم فى الاختيار ولو العربيه شكلها وحش هشيلها من حساباتى من الاول بالذات شكل الصالون لأنه العربيه من جوا اهم عندى من برا

11 - الوسع الداخلى

مفهومى عن العربيه عموما يتلخص فى الراحه سواء فى نظام التعليق او الصالون ولو مش هتحقق لى الاختيار ده يبقى مستغنى عنها , يعنى مثلا فى مقارنه بين الكورولا والسيراتو هختار الكورولا عميانى لأن مستوى الراحه فيها احسن من السيراتو

12 - عوامل الأمان

يرجح الكفه عندى ناحيه العربيه الاكثر امانا ويساعد مع باقى الاختيارات لكن مش عامل اساسى فى اختيارى طالما كان فى المستوى المتوسط وبرفض العربيه تماما لو كان مستوى الامان فيها معرف انه سئ

13 - استهلاك البنزين

عامل اختيار سوبر مهم بالنسبه لى لأنى بعشق المواتير الموفره

14 - كماليات الرفاهيه

لو معاى فلوس مش ضروريه هبص للكماليات لكن هتكون بعد ما اخترت افضل عربيه فى الفئه دى وبعدين ابص للكماليات

15 - اسعار قطع الغيار خارج التوكيل

ملاذى الوحيد فى حاله ان التوكيل مش عاجبنى ولازم اعمل حساب النقطه دى واكون واثق ان العربيه حاجتها موجوده بسعر كويس برا من غير لف ودوران على كل فانوس اشاره احتاجه


موضوع رائع يا استاذ حسام واستفتاء جميل قوى

شكرا يا استاذ احمد على المشاركه والحمد لله ان الموضوع عجبك

[dr.nemo]

1 - السعر
2 -حجم السياره ونوعها
3-سعة المحرك وقوته بالحصان
4-بلد الصنع
5-بلد التقفيل وسمعة التوكيل
6- عوامل الأمان
7-اسعار قطع الغيار والصيانه فى التوكيل
8-سعر اعادة البيع
9- الشكل الداخلى والخارجى
10- الكماليات الاساسيه
11- الوسع الداخلى
12-اسعار قطع الغيار خارج التوكيل
13- استهلاك البنزين
14- ناقل الحركه
15- كماليات الرفاهيه

[moudy88]

بسبب المعيشه في مصر والرفاهيه اللي ملهاش حدود

هتكون اختياراتي
1- اسعار قطع الغيار خارج التوكيل ...دي اهم حاجه علشان فانوس يتكسر او اي خبطه لاقدر الله
2-السعر
3-سعة المحرك وقوته بالحصان

4-الشكل الداخلى والخارجى

5-نوع ناقل الحركه ( مانيوال - اوتوماتيك ) ...اوتوماتيك

6-استهلاك البنزين ..

7-الكماليات الاساسيه ( باور - تكييف - سنتر - زجاج كهربا - مرايات كهربا )

8-عوامل الأمان...للاسف العربيات اللي بتتمتع بعوامل سعرها بيبقى مغالى فيه بطريقه رهيبه ..ماعدا الصيني

9-سعر اعادة البيع

10-حجم السياره ونوعها ( سيدان - هاتش باك ) و الوسع الداخلى

11-بلد الصنع

12-كماليات الرفاهيه ( فتحة سقف - فرش جلد - ... ) ...صعب تلاقيه في عربيات سععرها معقول

13-والوكيل واسعار قطع الغيار والصيانه ...اقل اهتماماتي لاني مبتعاملش معاه

[tamertamer]

اهم حاجة عندى انها تكون المانى عشان تتستحمل الشوارع ديو وعشان اهد فيها برحتى

[Hosam_Optrawy]

شكرا للجميع على المشاركه وفى انتظار البقيه

[seqoia]

1_ السعر
2_الامان
3_الجودة والتحمل(بما فيها احيانا بلد الصنع)(سعر قطع الغيار)
4_الفخامة
5_الرفاهية
6_ الشكل
7_سعر اعادة البيع
8_ الجير