موضوع استفزنى جدا

[sniperfox]

للأسف الفلاح لما بيحب يتمنظر بيعلق استكرات من أمثال لا اله الا الله
او حكم زي العين صابتني ورب العرش نجاني وهكذا

انما اللي مش فلاحين وبيسمعوا غربي وبيتفرجوا على الأوروبي هما اللي بيلزقوا ستيكرز من النوعية اللي حضرتك ذكرتها

انا مش بقول عليه فلاح عشان لا زق استيكر انا اولت فى المشاركه ان فى استيكارات حلوه وانا عن نفسى ححط استيكر اوريب انا بتكلم على الى حاطط استيكر ممكن يكون فيه شتيمه ليه نفسه ولزقه لمجرد ان عجبه شكله

[E30power]

اعتقد ان المفروض يقصد drive fast and die brave والله اعلم بس انا قلت كدة عشا ن يبئى معنى الجملة ماشى (سوق بسرعة وموت شجاع)

..معلش فاصل اعلانى برة الموضوع اسلم على عمنا غزالى .

[E30power]

فى الاوتوكروس اللى فات واحد كان كاتبها صريحة مكان النمر .

( 5aleha tak...) يعنى الرجل نهى اى مجال للشك :) و عندى صورتها .

انا مشفتهاش.....بس انا سمعت ان فى كرولا شايل النمر وحاططها ومتهيالى كمان انو ظابط الله اعلم ..!!؟


...انا الى بيجننى الى بيحطوا استيكر الواد الى بيعمل زى الناس على الشنطة الى تقريبا نصف البلد بقت حطاه....

[ابوهاشم]

يبقى احسن حاجه عملتها الحكومه فى قانون المرور
منع جميع الملصقات
وبعدين كل الاستيكرات بتقلل من وقار الملاكى
هى معموله للاجره والميكروباص

[ahmed_h_g]

حتى لفظ الجلاله مش مكانه على زجاج العربيه
مش عارف ليه الناس مستهونه بالمواضيع ديه ؟؟؟

[E30power]

للاسف بقت ثقافة بتدل على التخلف وشخصية صاحبها....

[classboy]

الي يعيش ياما يشــــــــوف

[Eng.Geo]

مشفاهم ؟؟

عادى يا جماعه انا لم بشوف حاجه زى دى بقول عليه فلاح
بس مش كل الاستيكارات وحشه فى منها حجات لزيزه
وبعدين البنات بقو بيحطو ستيكارات اوسخ من كدا بكتير زى كام اند سى ماى بينك و جيف مى مور و اف يو كان كاتش مى و اف يو ليك مى كام اند جيت مى يبقا حنزعل لم الشباب يلزقو البلاى بوى او يحطو كليمات موسيءه كل واحد بيعبر عن نفسه فى الى بيعبر بطريقه شيك وفيه الى بيعبر ب طريقه فيها اغراء وفى الى بيعبر ب اليت ادب

هو ده اللي اقصده
اصل الكلام مش كويس ولو البنات فاهماه و حاطينه يبقي الدنيا خربت

[zomzom11]

سترك يا رب

ربنا يلطف بينا ولو ان احسن حاجه نتجاهلهم بس للاسف بيتفرضو علينا

[Michael_Lanos]

انهارده كنت ماشى على المحور فى حالى وهادى ولا بجرى و لا حاجه الاقى فجأه عربيه لانسر كريستاله جايا من ورايا و ماشى صاروخ و مقضيها غرز المهم ببص على القزاز الورانى الاقى الباشا حاطط استيكر مكتوب عليه let it eat u الصراحه لما ترجمتها فى دماغى نرفزنى موووووووووووووووووووووووووووت وكان نفسى احصله و اهزقه على الاستيكر ده بس للأسف والدى كان معايا و هو مش بيحبنى اجرى فأضطريت انى افضل هادى و اقعد ساكت بس بجد يا جماعه الناس وصلت بيها السفاله للدرجه ديه يعنى استيكر بلاى بوى قلنا هبل و ميعرفوش الاستيكر ده بتاع ايه انما دى بقى كتابه اكيد فاهمين وعارفين ايه اللى مكتوب ده هيكون ايه عذره بقى غير انه بنى ادم مش متربى و مستفز انتوا لو كنتم مكانى كنت عملتم ايه

معلش يا مان، وكويس ان والدك كان معاك برده، علشان لو انت سايق ماتريكس وهو لانسر يبقى صعب تحصله وكان هايتحرق دمك اكتر
هزار طبعا

روق روق، شاب اهبل وعاوز يلفت نظر الناس ليه وخلاص

[Samir Elshahawy]

بصراحة انا بأقفل الازاز عندي و بأشغل الراديو أو الكاسيت بالقدر اللي يخليني برضه أركز مع صوت العربية و الطريق و بأحاول انفض لأي أستفزاز علي الطريق و من يوم ماعلقت أستيكر المنتدي علي العربية و أنا بأحاول قدر المستطاع أن أكون قدوة للأخرين علهم يلتزموا و تكون مشاركتي في المنتدي لها هدف و بشكل عملي

[Car's Sniper]

كله من تامر حسنى هو صاحب المقولة الشهيرة (ودماغك خليها تاكلك)....هو ده اللى مبوظ شباب البلد هههههههه

[NoRmAl]

أفضل رد على الـ..... دول
انك متردش عليهم
تَجَــــــــــــــــــــــــــــــــــــــــــــــ ــــــــــــــــــــــــاهَل

[الغزالى]

..معلش فاصل اعلانى برة الموضوع اسلم على عمنا غزالى :y_hi_3[1]:.

عم احمد واحشنى جدا بس انا زعلان منك عشان من اخر مرة كلمتك مفكرتش تعلمها تانى ولمل كنت بكلمك مكنتش بترد ساعتها وبتقولى مش عارف احترك فى الرسالة دة كلة مش عارف تتحرك ولا اية ماشى ماشى اما اشوفك ولا بئت تفتح الميل ولا اى حاجة اصلى اصلى

[E30power]

عم احمد واحشنى جدا بس انا زعلان منك عشان من اخر مرة كلمتك مفكرتش تعلمها تانى ولمل كنت بكلمك مكنتش بترد ساعتها وبتقولى مش عارف احترك فى الرسالة دة كلة مش عارف تتحرك ولا اية ماشى ماشى اما اشوفك ولا بئت تفتح الميل ولا اى حاجة اصلى اصلى

اليوم دة كنت جاى والحياة بيسسس معايا اتقلب بقدرة قادر ارخم يوم فى حياتى ......ومكنتش عايز اول ما نتقابل نتقابل فى الظروف دية واعيش جو الكئابة معايا.....