موتور سيارة عامل 500,000 كيلو!!!

[javacoder]

هل من الممكن ان واحد يجيب عربية زيرو و يعمل بيها فى السنة 50,000 كم يعنى فى العشر سنين 500,000 كم فهل ممكن الواحد يحافظ على موتور عربيته 500,000 كم؟
و لو ممكن ما هى الخطوات التى يتبعها الواحد للحفاظ على الموتور علما بأن الواحد مش متهور و بيمشى على مهله و ما بيقرصش على الموتور الا فى الطوارئ فقط؟

رجاء الإهتمام بالموضوع و شكرا

[zanativich]

اه ممكن
انا عامل 40000 فى السنة الى فاتت
وزيرو ومش بجرى

[madoo]

عادى جدا ....المهم الاهتمام والمتابعه والصيانات الدوريه وتغيير قطع الغيار بالاصليه

[magomago]

اكيد العربيات البيجو 7 راكب اللى شغاله محافظات من السبعينات عملت اضعاف المسافه دى

[mazagngi2010]

كان عندنا فى المكتب عربيه بومه 1300 مانوال عامله 240 الف كيلو فى سنتين ونص ومازال العداد بيعد وبيفكر صاحبها دلوقتى يعمل لها عمره بقى وهاينها على الاخر ومبتقلش لا
ربنا يبارك له فيها
وعلى فكره معظم العربيات اللى معانا عامله من 100الف الى 144 الف فى سنتين وشغاله تمام وكلها بومه
ولما جه واحد يامن فيهم من شهر قالوا له-كل شركات التامين- العداد عالى (150 الف) وملكش تامين فدفع 100 جنيه عند واحد بيصفر عدادات ونزله العداد ل 41 الف وامن وتمام التمام!!!!!!!!!!!
-------------
المهم المحافظه ونوع العربيه ويتهيالى البومه ملهاش مثيل فى العمليه حتى لو اتف....* معاك

[ahmed_h_g]

500 الف مش حاجه
تعاله أوريك عربيه داخله عال 900 الف موديل 2006

[mada121977]

هو فعلا الصيانه الدوريه والوقائيه لها تأثير فعال فى طول عمر العربيه والموتور يعنى كل ماتدى العربيه اللى هيا محتاجاه وتبقى مراعيها اول بأول بتبقى حالتها ممتازه .. انا الحمدلله كان معايا شاهين موديل 96 تركى بفضل الله عملت بيها 350 الف كم وقعدت معايا 6سنين والموتور بتاعها ماتفتحش ولااتعمله عمره كل اللى غيرته فيه كان طبه المياه اللى فى الموتور من تحت علشان كانت بتسرب

[Fadi Ezzat]

انا والدى عامل فى سنة واحدة بس 60 الف كيلو

[romeo_6887]

انا اعرف واحد صاحبي معاه بيجو 405 موديل 91
عامله 1180000 كيلو و لسه العربيه متعملهاش عمره
و غيرت طقم شنبر 3 مرات بس ايه رأيكوا بقه ؟
انا اعارف ان في ناس كتير مش هتصدق بس دي الحقيقه

[tigernet]

انا عامل بالعربية 14000 من 4 / 2008 حتى الان

[M!NA]

عربيتي موديل 99 و عاملة 560,000 كيلو.... (عملت عمرة مرة واحدة من سنة)

و الحمد لله آدائها ممتاز و أحسن من الجديد....

[Haitham10]

500 الف مش حاجه
تعاله أوريك عربيه داخله عال 900 الف موديل 2006

متهيقلي دى عايزة موضوع وحكايه 900 الف في سنتين او تلاته ...


احــــــكــــــــــــى بالتفــــصـــــــيــــــــــــل إزاااااى

[egyegy]

500 الف مش حاجه
تعاله أوريك عربيه داخله عال 900 الف موديل 2006

فعلا غريبة، ياريت تفاصيل اكتر عن العربية ونوعها.

متهيقلي دى عايزة موضوع وحكايه 900 الف في سنتين او تلاته ...


احــــــكــــــــــــى بالتفــــصـــــــيــــــــــــل إزاااااى

معاك في حكاية موضوع منفصل.

[ahmed_h_g]

متهيقلي دى عايزة موضوع وحكايه 900 الف في سنتين او تلاته ...


احــــــكــــــــــــى بالتفــــصـــــــيــــــــــــل إزاااااى

عربيه دايو لانوس شغاله سفريات ركاب يعنى زى البيجو بس الراجل محافظ عليها وعاملها صيانه دوريه
عندنا فى بلدنا مبنبصش على العداد علشان أقل عداد عندنا 200 الف كيلو للسياره الأستعمال العائلى وبتبقى فبريكا كمان زى ديه .
http://www.nilemotors.net/Nile/112061-2008.html
وللأسف الناس متعرفش المسافات الطويله
أنا ملاحظ ان كل واحد يشوف العداد بييجى فى دماغه ان العربيه متبهدله مش عارف ليه !!!.

[egytamer]

العربيات التيوتا الي بتسافر محافظات اغلبها معدي 500.000 كيلو وساعات بتعدي ارقام مش ممكن تتخيلها بلمحافظة علي الصيانة والاستخدام الجيد ممكن تحقق اقصي استفادة من المتور