ما هي السرعه المناسبه

[ابوهاشم]

افضل حاجه تعملها فعلا انك تتبع السرعه المقرره
لاناا لو قولنا 90/100 هل معنى كده انى همشى بالسرعه دى على كورنيش النيل مثلا يبقى مافيش امان ابدا
فعلا زى ماقال العضو الكريم ان خبراء الطرق هما اللى وضعو
السرعات دى واتبنى عليها حاجات كتير
وسع الطريق وسهولته وضغط السيارات عليه
وكمان وجود مناطق سكنيه ومدارس وقطارات وعربات نقل
انا على حد علمى اكثر طريق مسموح بيه بسرعة 120/ك
هو طريق العين السخنه والغردقه

[N.a.j.d]

والله ياباشا دا يرجع لنوع العربيه ايه
المتوسط لازم يكون 120 كويس بس مش ح ينفع ع كل العربيات دا

[zomzom11]

اقصى سرعه انت الى بتحددها بعد ما تلاقى الطريق واقف ويتفك بعد ما تشوف الحادثه وتتفرج عليها بعدين بتمسك نفسك شويه لكن بعد كام كيلو بتنسى وبتجرى
ربنا يحفظنا جميعا الواحد بيشوف حوادث ما بيصدقش الحاجات دى اتعملت كده ازاى ربنا يحفظنا جميعا
فى التانى السلامه ولو ان التانى ده ساعات بينقط الى وراك

[م.احمد زكريا]

64 كيلو ولا ميل؟

64 كيلو متر / الساعة = 40 ميل / ساعة

[tigernet]

يعنى 150 كويس

يعنو لو واحد ماشى بسيات هاتنسبة 150
و لا قصدك 50
و ياباشا حد الامان من 100 الى 120

[رزق]

ممكن والله تلاقي طريق واسع وزي الفل والمهندسين كاتبين عليه 50 ولا 60 ولا حاجة, ده الواحد لما ياخد المحور ولا الدائري على 90 بيبقى في قمة الكآبة.

مش حيخسروا حاجة لو حطوا عالطرق كلها اقصى سرعة 20 وبعدها تحذير التزم بالسرعة الطريق مراقب بالرادار

عامةً في رأيي أأمن سرعة مابين 60-120 على حسب قدرتك وحالة الطريق.

160+ ده بيهرج بأمانة بالذات لما الطريق ضيق أساسا
والناس اللي بتمشي 60 في الشمال تجيب السكر.

[N.a.j.d]

متاابع معااااااااكو

[M.Osman]

اعتقد 90 - 100 بالكتير هى السرعه المناسبه للحفاظ على السائق واللى معاه

ويمكن التحكم فى العربيه الى حد ما

اكتر من كدا خطر

دى الحوادث اللى على سرعة 100 كتير مابالك فوق ال 100

+1

[zanativich]

أنسب سرعه هى السرعه المقرره
المهندسين الى صمموا الطريق لم يضعوا السرعه المقرره علشان يخنقوا على البشر
ولكن حسب التصميم
امشى زى الليمتس ما ماكتوبه على الطريق
هم الى صمموا و هما الى ادرى بالسرعه المناسبه

مع احترامى
الى صمموا الطريق مش فاهمين حاجة
والاسباب كتيره
بس انا عن نفسى مش بزود عن 100 زراعى وصحراوى وجوه البلد 60 ,70 لو البلد فاضيه

[د.محمود صلاح]

90 كيلو فقط لا غير الطوالى و 60 للداخلية تسلم من غرامة الرادار

[amr.elsayed]

حسب عوامل كتير
طبيعه الطريق
العربيه فيها abs و عوامل امان و لا لأ
تحميل العربيه معاك
طبيعه المنطقه اللي بتسوق فيها
الالتزام قدر الامكان بالسرعه المقررة اللي في احيان كتير بتبقي تهريج
قدرتك علي التركيز في الطريق و سرعه الاستجابه و التصرف

+1000
كلامك سليم جدا

90 كيلو فقط لا غير الطوالى و 60 للداخلية تسلم من غرامة الرادار

+1

[waelfarid]

مع د صلاح +1 وفيه حاجة كمان زمان كانوبيقولو السواقة فن وذوق وأخلاق والحمد لله الله يرحم أيام زمان وحاجة صغيرة كمان المفروض أن اللي بيسوق عربية يبقي مقدر ومدرك أن هو المفروض اللي بيتحكم في العربية والسلامة أولا ولا يتغر بقوة عربيته لإنها سلاح ذو حدين له ولغيره والمفروض البني آدم بيتطور من خبرات متراكمة مش ضروري نمسك سلك كهربا حي علشان نعرف إن الكهربا بتموت وغيره كتير

[hamada1970]

أعتقد من 40 : 60 داخل المدينة و 90 على الطريق السريع و على السرعات دى يمكن التحكم فى العربية فى المواقف الخطرة و برضة سرعة مش قليلة .

[kareemhisham]

كله على حسب العربية الانت سايقها ..

[Samah AbdAllah]

100 كويس اكتر من كده مش هتعرف تلم عربيتك لو حصلت اى مفاجأة فى الطريق وانت مش متوقعها