@@ و داعا لعصر السيارات الحل موجود حولينا و رخييييص @@

[atamim]

طيب فين الدرجات دى بتتباع هنا فى مصر وبكام
وهل بتحتاج سولار أو بنزين ولا البطارية بس . رجاء اللى يعرف حاجة عنها هنا فى مصر يقول وشكرا

المتواتير كل الانواع منها (سولار\بنزين) و منها الكهربائى

ممكن تسئل بتوع الدراجات هما يعرفوا الموزعين اكتر و يدلوك بس روح للتجار الكبار مش الصغيرين

و دا موقع شركة بتبيع محركات 46 سى سى و 80 سى سى للدرجات
http://kingsmotorbikes.com/bicycle_e...or_only_mo.htm

[atamim]

للأسف أنا مش مطلع قوي (أنا لسه في تانيه) بس ممكن نتجنن وأقابلك في أجازة نص السنة ونلف لفة في وسط البلد ونشوف الاسعار

قصدك فى الصيف و عليك خير انا من اسكندرية

[yoko]

قصدك فى الصيف و عليك خير انا من اسكندرية

إن شاء الله وكده هتبقى أسهل لإني هكون بدرب في شركة أو مصنع فهيبقى سهل أعرف أجيب منين المواتير

[N.a.j.d]

مششششششششكور

[Mohamed.Ramah]

فكرتها جميلة جداااااا

[atamim]

فكرتها جميلة جداااااا

طيب لو شفت اى ماتور بيتباع بلغنا على طول

[Terrible_DaRsH]

بقالى فترة بفكر جديا فى شراء دراجة , بس للاسف احنا مجتمع متخلف هاخد تريقة و شتايم للصبح :)

هيقولوا عليا اتجنن , فكرة المواتير بالنسبة لى مش ظريفة مع انها حلوة جدا و لكن انا عايز اجيب دراجة كنوع من الرياضة ..

[A7MED_PHARMA]

بالظبط كده

هي دي المشكله..
انا مثلا صيدلي ..والمسافه بين بيتي وصيدليتي حوالي 12 كيلو
العربيه معايا طبعا
فكرت والله اجيب عجله عشان اروح بيها من البيت للصيدليه
عشان بجد الواحد بقا مرخرخ ..عشان العربيه بتريح الجسم زياده عن اللزوم..وتقريبا قربت تعملي ضمور في العضلات

.
بس لقيت الموضوع هيبقا فكسان
الناس هيقولوا ان الدكتور راكب عجله ..ههههههههههههههههه
ومحدش هيفهم انها رياضه وتنميه للصحه
وانا مش مع موضوع العجله الي لها موتور
يبقا كده ايه الفرق بينها وبين الموتوسيكل بقا.

.
العجله عشان تحرك بيها عضلاتك

[yoko]

الفكره في الموتور حاجة واحده إنك تكبر المسافة الي ممكن تقطعها بالعجلة
وهي الفكره قللت من موضوع إنها رياضة(بس لسا ممكن تبدل وتمشي بالعجله وكمان تشحن البطاريه) على حساب إنك هتوفر بنزين وتعرف تركن في أي حته ومش هيطلع عينك من الزحمة

[ahmedsamir79]

و الله هي فكره حلوه

[waelfarid]

بصوا يا جماعة بإختصار دايما تفتكروا حكاية جحا والحمار وابنه انامتعلم سواقة العجل من 3إبتدائي وبقي عندي عجلة هدية نجاح الاعدادية وفادتني كتير في التجوال في مدينتي ومعرفة اماكن حاجات كتيرة ورش وصنايعية ومنين اقدر اجيب مشتروات البيت وخلصت هندسة واشتغلت واتجوزت وخلفت ولسة بحب سواقة العجل (الدراجة) لانها بتنشط الدورة الدموية والتنفس وبتنجز مصالح كتيرة وسط الزحمةمشاكل الركن ورزالة (تعال ورا كمان كمان فاضي دب مش قلت لك حاسب كل سنة وانت طيب يابيه وحصل خير فين حسنتنا بقي بعد ماخليناك تخيش) وفكرة حلوة بس ماجربتهاش بتاعة الموتور دي واقترح ان ميزتة تكون احتياطية زي (الUPS مصدر القدرة الغير قابل للانقطاع ) اللي بيستخدموه في المستشفيات والبنوك وغيره يعنى لو تعبت من التبديل بس بصو للصين يا جماعة وكمان أوباما بيحب يسوق عجل برضه وعلي فكرة سواقة العجل مش عيب العيب في اللي يستني كلام الناس وانا صغير ابتدائي يعني كان لنا جيران ابنهم دكتور وبيستخدم العجلة هي دي الحضارة الصح تعمل اللي يفيدك ويفيد صحتك وما يخالفش الاخلاق والدين

[atamim]

بصوا يا جماعة بإختصار دايما تفتكروا حكاية جحا والحمار وابنه انامتعلم سواقة العجل من 3إبتدائي وبقي عندي عجلة هدية نجاح الاعدادية وفادتني كتير في التجوال في مدينتي ومعرفة اماكن حاجات كتيرة ورش وصنايعية ومنين اقدر اجيب مشتروات البيت وخلصت هندسة واشتغلت واتجوزت وخلفت ولسة بحب سواقة العجل (الدراجة) لانها بتنشط الدورة الدموية والتنفس وبتنجز مصالح كتيرة وسط الزحمةمشاكل الركن ورزالة (تعال ورا كمان كمان فاضي دب مش قلت لك حاسب كل سنة وانت طيب يابيه وحصل خير فين حسنتنا بقي بعد ماخليناك تخيش) وفكرة حلوة بس ماجربتهاش بتاعة الموتور دي واقترح ان ميزتة تكون احتياطية زي (الUPS مصدر القدرة الغير قابل للانقطاع ) اللي بيستخدموه في المستشفيات والبنوك وغيره يعنى لو تعبت من التبديل بس بصو للصين يا جماعة وكمان أوباما بيحب يسوق عجل برضه وعلي فكرة سواقة العجل مش عيب العيب في اللي يستني كلام الناس وانا صغير ابتدائي يعني كان لنا جيران ابنهم دكتور وبيستخدم العجلة هي دي الحضارة الصح تعمل اللي يفيدك ويفيد صحتك وما يخالفش الاخلاق والدين

كلام صح و هو الخلاصة
انا فعلا لما كتبت الموضوع دا كنت خايف من كمية التريقة بس الحمد لله فية فعلا ناس بتقدر و بتفهم و يا رب لو قدرنا نوصل لحاجة تفيد الجميع كلنا نبلغ بعض

[atamim]

الفكره في الموتور حاجة واحده إنك تكبر المسافة الي ممكن تقطعها بالعجلة
وهي الفكره قللت من موضوع إنها رياضة(بس لسا ممكن تبدل وتمشي بالعجله وكمان تشحن البطاريه) على حساب إنك هتوفر بنزين وتعرف تركن في أي حته ومش هيطلع عينك من الزحمة

و كمان فيها متعة انك تقدر تعرف اماكن المحلات و الشوارع
و احنا بنسوق العربية كل دا بيعدى من غير ما نحس بية

[factorialx]

في باريس في مشروع عجل في الشارع العجله فيها شاشه إلكترونية توريك سرعتك و مكانك فيها جي بي إس بتقبل الكريدت كارد تشتغل تروح بيها أي مكان أول ساعه مجانا و بعد كده بفلوس و بعدين تحطها في أي باركنج خاص بالمشروع ده

و شوفوا بقى الحاجه اللي تجنن بطارية العجله الطاقه اللي فاضلها فيها لما تيجي تحطها في الباركنج بتروح لمحطه كهربة المنطقه يعني إنت كمان بتساهم الكهربه في فرنسا

العجل أأمن و أفضل وسيله مواصلات بيئيا و صحيا 20 واط في 10000 عجله = 200 ألف واط رقم لا يستهان بيه ابداا

[Egyzizo]

موجودة يا جماعة أنا لسه شايف اتنين النهارده وأنا مروح ، وشكلها شيك وروشة .. وتمنها من ألف إلى ألف ونص ..