بتركن عربيتك فى جراج ولا بتسيبها مرمية فى الشارع؟؟؟؟؟؟

[Ahmed Nouh]

من وجه نظركم
هو ايه الفرق بين الركنة في الشارع او في الجراج ؟

لما بركن فى جراج

برجع الاقى مكان فى اى وقت واقدر اخرج فى اى وقت من غير ما اخاف الاقى حد قافل على , ببقى نايم متطمن على العربيه من السرقه او تنطيط العيال او حتى الخناقات اللى بتحصل فى الشارع ويتكسر فيها العربيات بتاعت الغلابه اللى راكنين بالصدفه فى موقع الخناقه , فرصه خبط العربيه من حد بيركن جنبى تكاد تكون معدومه لأن السايس بيكون مع اى حد خارج او داخل الجراج ولو خبط فى عربيه من اللى راكنين بيكلم صاحب المخبوطه يجى يتفاهم مع اللى خبطه واهو احسن ما يكون عيل هايف بيتعلم يرفع هاند فى الشارع ويضيعلى باب ولا رفرف واخيرا لما ببقى عايز اعمل اى عمليه تخريب فى العربيه بقوم بيها فى الجراج عادى لأنه مقفول ولو فى الشارع مش هعمل اى حاجه فى العربيه من برا لأنى هبقى فرجه للى رايح واللى جاى

[amr.elsayed]

انا بركن فى الشارع بس فى نفس الوقت بيقف ناس امن بدفعلهم 20 حنيه
كل شهر وساعة لما مالاقيش ركنة هو بيخلقلى ركنة
يعنى تقدروا تقولوا كدة ماسك العصاية من النص ولا منى راكن فى جراج
لكن فى نفس الوقت فى ناس سهرانة بلليل بتحرس العربيات
اصل للاسف مفيش جراج قريب منى .. كله كومبيليت

[pharonicking]

فى الشارع تحت البيت والعربية متغطية"

[النوبي]

في الشارعععععععععععععععععععع
ونادرا اني الاقي حد راكن مكاني
وعلي العموم انا دلوقتي داخل في الشهر التاني مش بركب عربيات سايبها لاخواتي واحتمال اشتري عربيه صغيره علشان لسه فيه مكان فاضي ورايا مش عارف اركن فيه ايه
نيههههههههههههههههههههههههههههههههه
(حبيبتي يا الاقصر كل ما اسافر القاهره احس بالنعمه اللي عايش فيها هنا )