بتتعامل إزاى مع سايس الشارع ؟

[sheko2013]

اولا انا كان بقالى ثلاث سنوات متصلة بعيد عن مصر
ولسا راجع مكاملتش اسبوع طبعا اتصدمت بالسيرك القومى اللى فى الشارع
ولكن كان متوقع بس اللى فعلن لاحظتوه بزيادة هما البلطجية اللى واقفين عند اى مكان عايز اركن فيه
واللى يقول عايز 3 جنية و5 جنية وطبعا دة يتوقف اكيد على نوع العربية اللى انا راكبها
انا عن نفسى اتخانقت 3 مرات من ساعة ما جيت بسبب نفس الموضوع
فيا ريت كل واحد يحكى عن ازاى بيتعامل مع الناس دى وايه رايه فيهم

[Mohamed.Ramah]

حضرتك هما ملهومش اى لازمة وبيعتبروا الموضوع اتاوة التعامل معاهم هو باهمالهم لو زن قولة وانا ماشى وحضرتك ماشى ولا تعبرة وسيبك منهم لانهم مش من حقهم يعملوا كدة ومنتشرين عند سيتى ستار بكثرة ولا بيخلوا بالهم من العربية ولا اى حاجة

[sheko2013]

تمام متفق مع حضرتك انا مستعد ادفع بس يبقى مقابل خدمة محترمة مش اتاوة غصب عنى وهو على ما اعتقد نوع من انواع الشحاتة المستحدثة ولو ست على ما اعتقد بيقرفوها

[migo9898]

سواء ست او حد كبير فى السن او حتى بنت او اى حد قدامهم وفعلا منتشرين عند سيتى ستار اوى

[الغزالى]

طيب انا ها ضحكم على الناس الى وافقة ادام ستى ستار دول مرة كنت انا واصحابى هناك وداخلين وهانركن العربية برة المهم الراجل عايزن نقلبة وبتاع فبنقلة واحنا راجعين راح يرد علينا يوقلنا معلش اصلى هاسلم الشفت دلوقتى والكلام دة كان حوالى الساعة 10.30بليل

[NoRmAl]

أنا ببساطه بقوله مش هدفع
بيقولى ليه بقوله كده...مش عجبك!
بيمشى و مبيردش
بس طبعا أكيد بيلعن سلسفين جدودى فى سره :)

[Eng_Mostafa_89]

عادى ياباشا قولة وانا راجع وانت راجع متدفعلهوش ولو اتكلم معاك قولة معاك ورقة تثبت انك تبع الحى هيقولك مش عارف اية
طيب يلا بينا على القسم

[د.محمود صلاح]

ده منتشر فى كل الشوارع الرئيسية والميادين وامام المصالح الهامة والوزارات , ما أعرفش تبع ايه بالضبط , انا مرة اتزنقت لهم خلف وزارة الصحة وغصب عنى دفعت 5 ج فى الساعة

[Karim_Mohy]

بالسيرك القومي

ههههههههههه......جبت من الاخر

اديله اللي انت عايزه لكن مايفرضش حاجة عليك..والاحسن الدفع وانت ماشي مش في الاول

بس ساعات في مناطق بتكون مافيش ولا ركنة وانت مستعجل .....فالواحد بينجز من غير ما يصدعك

[Karim_Mohy]

طيب انا ها ضحكم على الناس الى وافقة ادام ستى ستار دول مرة كنت انا واصحابى هناك وداخلين وهانركن العربية برة المهم الراجل عايزن نقلبة وبتاع فبنقلة واحنا راجعين راح يرد علينا يوقلنا معلش اصلى هاسلم الشفت دلوقتى والكلام دة كان حوالى الساعة 10.30بليل

شيفت هههههههههه

[Hondawy_2008]

لسة من يومين كنت بركن في وسط البلد أدام محل القزاز على الرصيف التاني المهم ركنت طلعلي واحد يجري ورايا و بيقولي : هتغيب قولتله : وأنت مالك قالي : أنا سايس و ده باركنج قولتله : و الله هما خصخصوا الشارع و عملوه باركنج دلوقتي قالي : آه و اللي بيركن بيدفع رحت قايله بشخطة : أنت بتكلم ظابط راح قايلي :آسف يا باشا وراح جاري و لما رجعت مشوفتوش ههههههههههههههه

[ahmedsamir79]

النوع ده من البلطجه كتر و مع الأسف

[tigernet]

انا بلف 2 جنية و اديهم لاى واحد واقف
و على فكرة النوعية دية موجودة فى كل حتة
بتاع العجل شيفك جاى بعربية نظيفة يبقا عايز يقلبك
فى التوكيل يقالك كل سنة و انت طيب ياباشا مع ان مفيش عيد

[A7MED_PHARMA]

هوا ده اسلوب أكل العيش الجديد


.
بالبلطجه

[eng.octooo]

احسن حل انك ماتبصلهوش اساسااااااااا ولو لقيتة لزق قولة اتصلى بقسم الشرطة الى مخليك واقف هنا