الفا روميو - نصير

[Mahmoud Saloum]

هل بعد محمد نصير ماخد توكيل الالفا روميو ممكن تغير خطط شراءك لسيارتك القادمة ولا متفرقش ؟ للعلم السيارة دى رائعة جداا بس عاملة زى السوبارو والفورد والستروين والرينو ملهمش حظ فى مصر

[Sharky]

ممكن جدا إنها ماركة ممتازة و موديلاتها حلوة و خاصة إن محمد نصير عامل شغل كويس فى توكيل رينو و كيا و لكن طبعا السعر حيكون عامل مهم جدا

[masoud]

علي ما اعتقد ان الالفا روميو هتبقي منافسة للاودي و اسعارها هتبقي في نفس المستوي

[hazem_khidr]

و فيها ايه لما محمد نصير ياخدو.
الالفاروميو شركه عريقه و موديلاتها تحفه و سوقها الرئيسي المانيا و ايطاليا.
يعني مش عربيه اي كلام و انا متفائل خير انها ترجع تاني و بقوه

[ابوحميد]

اعتقد حتكون خارج حساباتى
اللى اعرفه عنها انها لا اسعارها ولا قطع غيارها ولا حد كتير بيفهم فيها
لو اللى قلته دا اتغير يبقى انا كمان حغير حساباتى

[BASHAR]

ممكن جدا إنها ماركة ممتازة و موديلاتها حلوة و خاصة إن محمد نصير عامل شغل كويس فى توكيل رينو و كيا و لكن طبعا السعر حيكون عامل مهم جدا

فعلا السيارة دي جميلة جدا وموديلتها رائعة بس في مصر الناس بتقولك خليك ماشي جنب الحيط واللي تعرفه احسن من اللي متعرفهوش

[TAG_Turbo0]

أهم حاجة أسعرها هتكون فى حدود كام؟
هى الألفا روميو أمامى ولا خلفى؟

[sab3aawy]

المشاركة الاخيرة قبل الألف

ممكن جدا إنها ماركة ممتازة و موديلاتها حلوة و خاصة إن محمد نصير عامل شغل كويس فى توكيل رينو و كيا و لكن طبعا السعر حيكون عامل مهم جدا

مش متفق معاك ان العالمية للسيارات عاملة شغل كويس لا فى رينو ولا فى كيا

كيا كانت مالية البلد قبل ما العالمية للسيارات تاخد توكيلها ، البرايد خلعت ال128 العتيدة عن عرشها الازلى والسيفيا كانت بتنافس اللانسر على المكان الخاص بسيارة الطبقة فوق المتوسطة

والآن اين السيراتوا والبيكانتو والريو؟ لا يوجد، وغارقين فى مشاكل لا يعلم بها إلا الله مع الوكيل القديم

اما الرينو فبعد ان عرفت الكليو النجاح لأاول مرة فى مصر بسعرها المنافس قتلت فى مهدها باسعار قطع الغيار المبالغ فيها وعدم دفع الموديلات الجديدة باسعار منافسة لسيارات فئتها، اما الميجان التى اكملت مسيرة نجاح الكليو فقد قتلها ايضا اسعار قطع الغيار والصيانة، الى جانب عجز التوكيل احيانا ن حل بض المشاكل المعقدة للسيارة المعقدة اصلا

وبالتالى فلو ان هذة السياسة ستكون سياسة العالمية للسيارات مع الألفاروميو فلا اعتقد انها ستنجح فيما لم تنجح فيه الكيا والرينو، فمن يمتلك ثمن البى إم دبليو فى مصر لن يفكر فى الفاروميو او اودى او فولكس ستروين او ايه ماركة اخرى

نجاح سيارة جديدة لى السوق فى مصر مهما كانت جودتها يتطلب الآتى:

1- اختيار موديل مناسب يملأ فراغ فئة غير مغطاه فى السوق المصرى
2- وضع سعر منافس جدا فى السنة الأولى حتى لو كان بدون مكسب تقريبا ، المهم ان يكون اقل بقدر واضح من سعر منافساتها حتى ينجح فى خلق مساحة للسيارة فى الشارع وخلق تجربة للمصريين معها مما سيخلق لها سمعة ما تختلف عن( منعرفش عنها حاجة)
3-تتوفير مراكز صيانة وقطع غيار (من الإبرة للصاروخ) كما يقولون، بكميات وافرة بحيث لا يسمع عميل ابدا كلمة: استنى لما نجيبهولك من برة، وبأسعار منافسة بدون المكاسب الطائلة التى تحدث فى قطع الغيار
4- تنفيذ حملة دعائية ضخمة تركز على سعر السيارة مقابل قيمتها وفئتها السعرية الحقيقية، الى جانب اسعار قطه الغيار والصيانة

افضل من كان ينفذ تلك الخلطة السرية هو مجموعة ابو الفتوح، وبها نحج بال بى إم دبليو ألألمانية فى الثمانينات، وبالدايو الكورية فى التسعينات والإسبرانزا الصينية فى العقد الاول من القرن الجديد، ومنه تعلم غبور ونجح، وعلى ذلك فمن يريد ان يخلق سوقا لسيارة فى مصر فليتعلم من تلك الخلطة السرية

[Sharky]

سبعاوى باشا بالنسبة لعدم إنتشار سيارات كيا دا نتيجة لمشاكل التوكيل القديم مع الشركة الأم و ليس للتوكيل الجديد أى تقصير فيها بالعكس برغم من إنه ممنوع من بيع أى سيارات كيا فى مصر حتى تحل القضية إلا إنه قد تم بيع عدد لا بأس به من البيكانتو و السيراتو و كل ملاك الكيا اللى ذهبوا لمركز صيانة كيا بتاع نصير شكروا فيه جدا و قالوا إنه أفضل كتير من التوكيل القديم فدا يعتبر بداية موفقة بالنسبة له لحين البت فى القضية
بالنسبة لتوكيل رينو أسعار قطع غيار رينو فى العالم كله غالية كمعظم قطع غيار الأوربى و حتى فى الدول العربية الأخرى غالية جدا و لكن بانسبة لصيانة و إصلاح الميجان فى التوكيل فقد تفوق التوكيل فى هذه النقطة و من توفير قطع الغيار و إصلاح جميع السيارات اللتى تدخل التوكيل و دا بشهادة ملاك السيارة كلهم فى نجاح التوكيل فى توفير قطع الغيار و الإصلاح لكن غلو أسعار قطع الغيار دى سياسة رينو نفسها مش يإيد التوكيل و لكن يحسب له إنتشار الكليو و الميجان فى مصر

[Abo_Lina]

اعتقد مقارنة الالفا بالدايو و الاسبرانزا غريبة شوية..ورهن نجاحها و مقارنته باسلوب و طريقة نجاح الهيونداي مثلا صعب فالماركتين موجهتين الى فئتين مختلفتين تماما..

فلا يمكن مثلا ان انفذ حملة دعاية للالفا تركز على اسعار قطع الغيار- الصيانة فهي بالتاكيد مرتفعة كما ان هذا الامر لن يكون الشغل الشاغل لزبون سيدفع مبلغ قد يتعدى ال 200000 جنيه .

الخلاصة هي ان الالفا هي سيارة خاصة جدا لزبائن خاصة جدا ولن تكتسح السوق مثلا ..خصوصا في مصر حيث المعاناة من التوحد الفكري ولن يكون غريباان ترى من يقول-الفا ده ايه..زود 30000 وهات بي ام-

[Abo_Lina]

سبعاوى باشا بالنسبة لعدم إنتشار سيارات كيا دا نتيجة لمشاكل التوكيل القديم مع الشركة الأم و ليس للتوكيل الجديد أى تقصير فيها بالعكس برغم من إنه ممنوع من بيع أى سيارات كيا فى مصر حتى تحل القضية إلا إنه قد تم بيع عدد لا بأس به من البيكانتو و السيراتو و كل ملاك الكيا اللى ذهبوا لمركز صيانة كيا بتاع نصير شكروا فيه جدا و قالوا إنه أفضل كتير من التوكيل القديم فدا يعتبر بداية موفقة بالنسبة له لحين البت فى القضية
بالنسبة لتوكيل رينو أسعار قطع غيار رينو فى العالم كله غالية كمعظم قطع غيار الأوربى و حتى فى الدول العربية الأخرى غالية جدا و لكن بانسبة لصيانة و إصلاح الميجان فى التوكيل فقد تفوق التوكيل فى هذه النقطة و من توفير قطع الغيار و إصلاح جميع السيارات اللتى تدخل التوكيل و دا بشهادة ملاك السيارة كلهم فى نجاح التوكيل فى توفير قطع الغيار و الإصلاح لكن غلو أسعار قطع الغيار دى سياسة رينو نفسها مش يإيد التوكيل و لكن يحسب له إنتشار الكليو و الميجان فى مصر

اتفق معاك توكيل رينو من افضل التوكيلات في مصر وهذا راي كل من يتعامل معهم.

[CryptonX]

اسعار مين يا جدعان ..
دي موديلات رياضية بحتى ..
اسبرانزا ايه و دايو ايه .. دول في قاع السيارات النسبة للألفا .

الألفا روميو تقارن بموديللات بي ام دبليو الرياضية و اودي و مرسيدس . و لكنا ارخص طبعا .

بس ارخص الغاليين .

نبذة سريعة عن اسعار الآلفا ()

147 2008
13000 جنيه استرليني = 260.000 جنيه

Alfa 159
18.500 جنيه استرليني
360.000 جنيه مصري

Alfa GT
17.500 جنيه استريني
350.000

الاسعار دي " توقعات شخصية " مبنية علي اسعار السيارة في الخارج
اعتقد السيارةالوحيدة الي ممكن تنزل مصر حتكون ال 147
و دي حتنافس الفئة الاولي و الجولف و الاستر و الاودي ال A4

واعتقد تمنها حيتراوح مابين 160الى 200 الف جنيه مصري

فلي بيحلم .. كمل نوم :)

[dragonsmith]

مش متفق معاك ان العالمية للسيارات عاملة شغل كويس لا فى رينو ولا فى كيا

اما الرينو فبعد ان عرفت الكليو النجاح لأاول مرة فى مصر بسعرها المنافس قتلت فى مهدها باسعار قطع الغيار المبالغ فيها وعدم دفع الموديلات الجديدة باسعار منافسة لسيارات فئتها، اما الميجان التى اكملت مسيرة نجاح الكليو فقد قتلها ايضا اسعار قطع الغيار والصيانة، الى جانب عجز التوكيل احيانا ن حل بض المشاكل المعقدة للسيارة المعقدة اصلا

السلام عليكم،
أستاذ خالد، كلام حضرتك منطقي جدا بس ازاي نفسر ان الميجان مالية البلد مع ان التوكيل مش عامل شغل كويس؟

شكرا.

[Abu Aly]

الموضوع مش بس حينجح ولا لا .. الغريب هو حكاية عقلية التكويش ! .. الراجل ده عنده وكلات
فى مليون حاجة مختلفة .. فودافون لوحدها بتجيب دهب .. لكن عاوز يكوش حتى فى مجال واحد زى
العربيات على عدة توكيلات لوحده و يحتكر السوق و ممكن يأخد توكيلات عربيات مفروض بتنافس بعض و ممكن يخش فى حرب شرسة و ضرب تحت الحزام مع منافسين على السيطرة على توكيل ؟؟ و يا ترى بيدفع ضرايب يستفيد منها الغلابة ؟ و ليه مينزلش اسعار قطع الغيار و الصيانة شوية و يخفف عن الناس التعبانه بدل الطمع فى المزيد و المزيد و المزيد فى الفلوس اللى بتصبح غاية مش وسيلة ..

[Abu Aly]

الموضوع مش بس حينجح ولا لا .. الغريب هو حكاية عقلية التكويش ! .. الراجل ده عنده وكلات فى مليون حاجة مختلفة .. فودافون لوحدها بتجيب دهب .. لكن عاوز يكوش حتى فى مجال واحد زى العربيات على عدة توكيلات لوحده و يحتكر السوق و ممكن يأخد توكيلات عربيات مفروض بتنافس بعض و ممكن يخش فى حرب شرسة و ضرب تحت الحزام مع منافسين على السيطرة على توكيل ؟؟ و يا ترى بيدفع ضرايب يستفيد منها الغلابة ؟ و ليه مينزلش اسعار قطع الغيار و الصيانة شوية و يخفف عن الناس التعبانه بدل الطمع فى المزيد و المزيد و المزيد ..