السرقة في مصر

[mino]

يا جماعة ايه موضوع السرقة اللي زيادة عن اللزوم اليومين دول انا من اسكندرية مرة اتسرقت مني البطارية و مرة العربية اتفتحت و اخدو 2 نظارة وحادة بيرسول شمس وواحدة ستينج ومرة فتحوا الشنطة انا مش عارف ايه الحل
انا نفسي الشرطة تعمل حاجة عشان ما فيش اي كنترول علي الحرامية اللي عاوز يعمل حاجة بيعملها رحت عملت محضر و انا قاعد مع الضابط لقيت لا مبالاه غريبة و بعدين قالي دا انا اتسرقت البطارية بتاعتي بصراحة معرفتش ارد اقولة ايه ..............

[HESHAM AMIN]

ماهى حتعمل اكتر من كدة اية بتقسم معاهم

[Ahmed.ibrahim]

دة صحيح انا عمتي اتسرقت في الشارع من حوالي شهر كدة في الازاريطة زكمان وانا راجع من الشغل الاسبوع اللي فات واحدة اتسرقت قدام عيني ولمل رحت لخطيبتي لقيت حماتي بتحكي عن واحدة اتسرقت برضة
اظاهر ان الحرامية كترو اوي اوي اوي والبوليس مالهوش اي تواجد بالشوارع
بس فالحين ينصصو مع الحرامية
حسبي الله ونعم الوكيل فيكي يابلد

[ibrahimsaad]

المشكله مش فى الحراميه

المشكله ان الحاله الاقتصاديه للبلد تردت جدا واصبحت هناك مجاعه حقيقيه يعنى من هنا ورايح هتلاقى السرقه ده اكثر واكثر وهتصبح هى الحل الوحيد للصوص ومن لايجد مأوى او لقمه عيش

تصدقوا بقى ان انا اتسرق عندى محبس ماسوره المياه وانبوبه غاز

الحرامى سرقها فى وضح النهار لكن الاغرب ان الحرامى يكون معاه عده علشان يفك محبس المياه وياخد قطعه النحاس

انا خايف فى يوم الاقيه سرق الماسوره كمان

وانتشرت كذلك السرقات من الشقق لدرجه اننى سمعت ان من يقوم ببعض هذه السرقات كمان بعض الطلبه فلكم ان تتصوروا

للاسف الضيق وارتفاع الاسعار الجنونيه وانتشار البطاله والفقر وعدم وجود اى فرص للعمل للشباب من ناحيه ومن ناحيه اخرى اللصوص الكبار من رجال الاعمال الذين نهبوا ثروات البلد فلم يعد للفقير شئ
كل ذلك من اهم انتشار اسباب السرقه

ولن تقف عند هذا الحد بل ستزيد ولكن الاخطر من ذلك انه سيصاحبها مستقبلا بلطجه وربما جرائم قتل

فربنا يستر علينا ويكفى مصر شر الفقر والسرقه والجريمه

[Hossam_Hassan]

كل بلاد الدنيا فيها جرائم، بس احنا من البلاد اللى الشرطة فيها أولوياتها فاسدة، يعنى تأمين النظام أهم من تأمين الناس.

[Islam_galal]

ازدياد السرقة مؤشر لازدياد الفقر

بالاضافة لتردي الحالة الاجتماعيه و الاخلاقيه

لا حول و لا قوة الا بالله

[محمد المشد]

للاسف الضيق وارتفاع الاسعار الجنونيه وانتشار البطاله والفقر وعدم وجود اى فرص للعمل للشباب من ناحيه ومن ناحيه اخرى اللصوص الكبار من رجال الاعمال الذين نهبوا ثروات البلد فلم يعد للفقير شئ
كل ذلك من اهم انتشار اسباب السرقه ( اقتباس )
نعم اؤيدك بشدة فى هذا الامر كل الاسباب التى ذكرتها فعلاً من اهم اسباب انتشار السرقة بالاضافة الى ماقالة اخونا حسام حسن ، يعنى تأمين النظام أهم من تأمين الناس.( اقتباس )
نعم الشرطة الان بالرغم من ذلك تهتم بالامن السياسى عن الامن العام للناس
لذا كل مانتمناة ازالة كافة اسباب البطالة وايجاد فرص عمل للشباب وايضاً الضرب بشدة على ايدى الحرامية اصحاب السوابق وهم معروفين للشرطة ويجب ان يتم اعتقالهم بدلاً من الاعتقال السياسى للمواطنين !!!!!!!!!!!!!!!!!

[CryptonX]

امريكا بها اكبر عدد سرقات في السنة
امريكا من اعلي مستويات الدخل
اقل مستويات الفقر ..


الكلام ده مالوش علاقة .. ده استسهال في ظل الفهلوة و التخلف و الشرطة النايمة كالعادة .

[ibrahimsaad]

امريكا بها اكبر عدد سرقات في السنة
امريكا من اعلي مستويات الدخل
اقل مستويات الفقر ..


الكلام ده مالوش علاقة .. ده استسهال في ظل الفهلوة و التخلف و الشرطة النايمة كالعادة .

نعم اخى العزيز كلامك صح

لكن الفرق بينا وبينهم انهم قوم بلا دين ونحن قوم لنا دين ولنا اسلام يحكمنا

فلو تم توفير ربع حياه كريمه مثلما فى امريكا لما حدثت السرقه ولكن فى مصر الناس بتسرق لان الحياه بقت صعبه والفقر واضح جدا

والناس كلها حاسه بضغوط الحياه وارتفاع الاسعار

وكلامى لايفهم منه اننى مع السارق بالعكس يجب الضرب على يده

ولكن مايحدث ان الشرطه تتجاهل ذلك طالما انه لايمس النظام

[Abu Aly]

محدش فى امريكا بيفك و يسرق محبس ميه او صندوق زبالة من الشارع او بلاعة مجارى زى هنا
نوعية السرقة بتبين نوعية الفقر .. و فى امريكا فى ناس بتتخذ الاجرام حرفة Profession زى
الى بيختار يشتغل دكتور او محامى ( مزاج و هواية ! ) .. عندنا السرقة اكتر بسبب الفقر
و الحاجة .. و تردى الحالة الاقتصادية فعلا حتؤدى لازدياد السرقة و الجريمة .. فى مصر الواحد
لازم نتوقع ان الاسوأ لسه جاى ...بكره نقول فين ايام نشال الاتوبيس اللطيف .. فين ايام حرامى
الغسيل ... الخ الخ !! .. الشاعر التركى ناظم حكمت له قصيدة شهيرة بيقول فيها .. خير الايام هى التى لم نعشها بعد .. و بيعدد كل الاشياء الجميلة و الرائعة والعظمية اللى حتحصل فى المستقبل ....دلوقتى هنا لازم نحمد ربنا على الشقاء الى احنا فيه على اساس ان اسود الايام هى التى لم نراها بعد !!! بكرة نقول .. فاكرين لما كان لتر البنزين ب 17 جنيه بس ؟ .. و نتحسر .!!!

[CryptonX]

صحيح كلامكم بس ده برده راجع للجهل

الحرامي الشاب الي بيسرق ماسورة ده مش عايز يشتغل عامل او اي شغلانة تانية ...
و طلاما زي منتا بتقول ان المفروض ان احنا امة ليها دين

يبقى وظيفة محترمة اشرف بكثير من سرقة ..
بس لللأسف احنا هنا ناس انفة .... اشتغل عامل في مصنع او عامل بورشة ! لا اسرق اسهل !

ده غير طبعا الشرطة

ارفض تماما تبرير السرقة بالفقر , وانا فاهم ان حضرتك مش بتدافع عن اللصوص

بس زي مالدنيا بتغلي و كل حاجة بايظة كل واحد قاعد في البلد ليه دول و سبب في الي بيحصل .

ومهما كانت الحكومة .. فهي من مصريين زي و زييك .

[ibrahimsaad]

اخى العزيز كربتونكس

لااحد يبرر السرقه ابدا بالفقر ولكن فعلا فى فئات فى مصر اصبحت معدومه تماما مش فقيره

انا يوميا بلاقى ناس بتدور فى اكياس الزباله على اى حاجه

دا حتى القطط بقت دلوقت مش لاقيه حاجه تاكلها من الزباله لان البشر اصبحوا بينافسوهم فيها وانا بلاقى القطط دلوقت طالع ليا على السلم فوق منتظره اى حاجه

فعلا فيه فى مصر الان فقر شديد جدا واحنا داخلين على سنين يعلم ربنا بيها وربنا يستر

[ابوحميد]

اخى كربتون اكس
اتمنى ان يكون ما تقوله صحيح وبالفعل جزء منه صحيح وهوا وجود الكثيرين ممن يانفون ان يقوموا باعمال اشرف الف مليون مرة من مد اليد لما حرم الله
لكن للاسف ليس الكل فاغلبية النا سلا يجدون اى عمل شريف الاعمال وخسيسها(كل الاعمال شريفة لكن هذه التسمية هى السائدة)
ويضطرون غير معذورين لمد اليد
وربنا يصلح الحال

[محمد ابراهيم 1]

كل بلاد الدنيا فيها جرائم، بس احنا من البلاد اللى الشرطة فيها أولوياتها فاسدة، يعنى تأمين النظام أهم من تأمين الناس.

+1 الشرطه إهتمت بالأمن السياسى على حساب الأمن الجنائى

[yahyanaabil]

يبدو ان حوار السرقه فى اسكندريه زاد انا برضه عربيه اختى اتسرقت فى سموحه بعد ما بوظ الطبلتين بوتع الباب اللى يغيظ الواحد انه سرق حاجات هبله اوى شويه اقلام على شويه عينات ادويه