السرقة في مصر

[محمد ابراهيم 1]

السبب فى إزدياد السرقه فى سموحه رغم إن مديريه الأمن هناك مش إستهزاء بالشرطه وإن الحراميه بيسرقوا فى عقر دارهم ولكن لأن الحراميه وهما مروحين منها بيقلبوا عيشهم فى السكه وده قمه الإحترام للأجهزه الأمنيه المصريه

[CryptonX]

اخى كربتون اكس
اتمنى ان يكون ما تقوله صحيح وبالفعل جزء منه صحيح وهوا وجود الكثيرين ممن يانفون ان يقوموا باعمال اشرف الف مليون مرة من مد اليد لما حرم الله
لكن للاسف ليس الكل فاغلبية النا سلا يجدون اى عمل شريف الاعمال وخسيسها(كل الاعمال شريفة لكن هذه التسمية هى السائدة)
ويضطرون غير معذورين لمد اليد
وربنا يصلح الحال

اخى العزيز كربتونكس

لااحد يبرر السرقه ابدا بالفقر ولكن فعلا فى فئات فى مصر اصبحت معدومه تماما مش فقيره

انا يوميا بلاقى ناس بتدور فى اكياس الزباله على اى حاجه

دا حتى القطط بقت دلوقت مش لاقيه حاجه تاكلها من الزباله لان البشر اصبحوا بينافسوهم فيها وانا بلاقى القطط دلوقت طالع ليا على السلم فوق منتظره اى حاجه

فعلا فيه فى مصر الان فقر شديد جدا واحنا داخلين على سنين يعلم ربنا بيها وربنا يستر

ربنا يستر يا رب , معرفش ليه بس انا متفائل بالمستقبل .

[KarimAbulEla]

موضوع السرقة ده اصبح يعكس مدى اللامبالاة من الشرطة من ناحية الحرامى - بجانب التطور الواضح فى طريقة السرقة - و التخطيط الذى يتم بعناية من جانب الحرامى .

انا فى الماضى كان عندى عربية 127 بركنها يوميا اثناء فترة العمل صباحا بجوار سور حديقة الاسماك بالزمالك يعنى قريبا من مقر شرطة الحراسات الخاصة و العديد من السفارات - العربية اتسرق منها الكاسيت و اشياء ثمينة مرتين . على مدار سنة و لما لما اشتريت لانوس اصبحت اركنها فى جراج خاص - يعنى جراج الصبح و جراج فى المنزل مساءا و كأنى باشتغل علشان اصرف على الجراجات .....


الاسبوع الماضى احد الاصدقاء لسه شارى عربية نوبيرا و اثناء ركن السيارة اسفل مستشفى دار الفؤاد فى 6 اكتوبر نزل صاحبها ووجد الزجاج الجانبى مكسور و تم سرقة الكاسيت و اشياء ثمينة من التابلوه الامامى بجانب شنطة بها اوراق مهمة من شنطة السيارة .

و ما ذكر اعلاه لا يعنى الا ان الحرامى فى الكثير من الاحيان يختار احد الاماكن ليمارس فيها نشاطه باستمرار و ينزل كل يوم الصبح مثلنا جميعا الى مكان عمله يراقب سلوك الاشخاص هنا و هناك
و اول لما يجد الضحية المناسبة يخطط لها بكل دقة و يهم بفعلته

الجميل فى الموضوع انى من 3 ايام كنت مار فى ش مكرم عبيد و انا باركن العربية وجدت مجموعة من السيارات وقفت فى الطريق فجاة و بيجروا ورا واحد و مسكوه و نزلوه فيه ضرب مبرح من اللى قلبك يحبه و كأن كل واحد اتسرق منه حاجة فى الماضى لما صدق و وجد حرامى ممسوك و قعد يضرب فيه - حتى بعد لما سلموه لأمين الشرطه فضلوا يضربوا فيه - بصراحة انا صعب عليا الحرامى و طلبت من الناس يوقفوا الضرب فى الراجل - بعدين المدام بتاعتى فى السيارة بتقولى هو ايه اللى حصل قولتها مش عارف - قللتى طيب هو ايه اللى اتسرق - قولتلها مش عارف
قالتلى يعنى قاعد تزعق فى الناس و تقولهم كفاية ضرب فى الحرامى و انت مش عارف حاجة
رحت ضاحك و ماشى بالعربية و انا اتذكر هذا الموقف - الغرض من هذا الحكاية سوف اذكره بعد سطرين .

شوفوا كلامكوا كله سليم 100 % ضعف الرقابة من الشرطة و فى بعض الاحيان عدم فعاليتها اطلاقا و الحالة الاقتصادية الغير ادمية لكثير من فقراء الشعب المصرى ممكن تكون اهم الاسباب

لكن يبقى عنصر مهم جدا و هو اللامبالاة مننا فى بعض الاحيان اذا راينا موقف غريب يحدث امامنا
مثل ان تجد احد الاشخاص يفتح سيارة امامك بشكل مريب - لو تصرفت بشكل ملائم قد تمنع حادث سرقة - و قد لن يحتاج منك الموضوع اكثر من دقائق لمتابعة الموضوع و تاكدك ان كل شىء طبيعى اما لو حدث العكس فاطلب المساعدة من الاشخاص الموجودين فى المنطقة او احتى اطلب 112 من هاتفك المحمول و سوف تجد المساعدة مباشرة - كثيرين لما حيصدقوا يلاقوا حرامى و ينزلوا فيه ضرب و حيلبوا طلبك بالمساعدة بكل سرور :d

[aliabutaleb]

الاسبوع الماضى احد الاصدقاء لسه شارى عربية نوبيرا و اثناء ركن السيارة اسفل مستشفى دار الفؤاد فى 6 اكتوبر نزل صاحبها ووجد الزجاج الجانبى مكسور و تم سرقة الكاسيت و اشياء ثمينة من التابلوه الامامى بجانب شنطة بها اوراق مهمة من شنطة السيارة .

و ما ذكر اعلاه لا يعنى الا ان الحرامى فى الكثير من الاحيان يختار احد الاماكن ليمارس فيها نشاطه باستمرار و ينزل كل يوم الصبح مثلنا جميعا الى مكان عمله يراقب سلوك الاشخاص هنا و هناك
و اول لما يجد الضحية المناسبة يخطط لها بكل دقة و يهم بفعلته
:d

نفس المكان اللي عربيتي الـ 128 اتسرقت فيه
بس انا استخسرت أبلغ

[mo3tazelgamal]

كلام الأستاذ كريم أبو العلا صح ميه فى الميه بس أنا أحب أضيف نقطه أن الناس فى مصر ما عادتش حاسه بالأمان يعنى تلاقى موظف كبير ويسرق أو وزير الصبح وحرامى فى كل الأوقات (مش بعد الضهر يعنى)
قصدى أن الموضوع مش مرتبط بوجود عمل أو لا
فيه ناس كتيرة أوى بتشتغل وأخر الشهر ما بيلاقيش إللى يكفى بيه عياله
اليومين إللى فاتوا أكيد سمعتوا على إضراب موظفى الضرائب العقاريه , فيه واحد منهم ظهر فى العاشرة مساء بيقول إن أجمالى الدخل الشهرى ليه بعد 14 سنه خدمه فى الضرايب مش مش ثانوى لا يتعدى 440 جنيه !!!!!!!!!!!
تفتكر أن فيه حد يقدر يفتح بيت بالمبلغ دة؟؟؟
هى معادله قدامك فلوس كتير حرام وبيتك مفيهوش ولا لقمه حتعمل إيه؟
أنا مش بشجع على السرقه (اللهم أغننا بفضلك عن من سواك) بس هى closed loop ملهاش حل غير عند الحكومه الموقرة

[Ahmed.ibrahim]

يا جماعة فين البوليس فين الشرطة فين الدوريات الراكبة او حتي الماشية انا ملاحظ ان كلة بقي سعران علي الفلوس وبس تلاقي الشاويش همة حيلم غلة كام كل يوم وبس وتظ في الناس

[Mido80]

انتوا ناسيين حاجة مهمة جدا يا اخوانا ان البلد اصلا مسروقة فكيف نلوم علي الحرامي لما يسرق نظارة او ساعة او كاسيت سيارة. اذا كان رب البيت بالدف ضارباًً...فما بالك بافراد البيت.

[shady_elkady]

انا عاوز اقولكم انى و اللة دة حصل معايا (طبعا الكلام دة عرفتوا من الى شاف) جت عربية و قفت جنب عربيتى و كسروا الزجاج و خدوا 1- الكاسيت 2- السمعات 3- الايكلوزير 4- الكنبة 5- مساند الراس 6- الاستبن 7-البطارية و الحمد اللة سابوا كرسى السواق بتاعى علشان اعرف اروح اركب زجاج