فورميلا الاهرام 2010 ,,, من سئ الى الاسوء على الاطلاق

[OlaOsman]

النهارده مثلا شتمت واحد فى تسويق كيا , السبب كان انى بسأله عن اسعار العربيات فهو بيقولى انهى عربيه قولتله لا انا عايز اسعار كله , فهو بكل تناكه وقله ذوق ماسك كانز كوكا فى ايده بياخد شويه وبعدين يكمل كلامه معاى وانا استناه لما يخلص وبعدين عمال يتلخبط ويقولى اسعار غلط وانا محتاج الاسعار دى مظبوطه

فبقوله طيب لو سمحت لو ينفع تشوف الاسعار تانى علشان انا محتاجهم صح , فاللى جنبه راح بيقولى انت عايز اسعار كله , قولتله اه

قالى بنفس اللفظ : بقولك ايه اسأل على واحد ورا اسمه معتز وهو يقولك على الاسعار اصل الجو حر وانت شكلك فاضى وانا مش طالبه معاى فرهده

انا لم اتمالك نفسى من انى اهزء كرامته , بس الموقف حرق دمى بشكل , مسئول مبيعات قليل الذوق دى بصراحه ماركه جديده فى السوق مش عارف علاجها ايه !!!

[Terrible_DaRsH]

و حكاية الفاتنات ام جيبه قصيرة فانا ليا معاهم حكاية طريفة .

لما كنت فى المعرض الصيف اللى فات كنت عايز اسال عن الكروز و كان فى بنت من اللى انت بتحكى عنهم دول , فسالتها كام سؤال و كانت مش فاهمة حاجة خااااااالص و كل ما اقولها حاجة تقولى اتفضل اسال استاذ معرفش مين , فحبيت اسالها ( امال انتى بتعملى ايه هنا ؟؟ ) معرفتش ترد !

و انا بصور العربية البنت دى طلعت فى الصورة بالصدفة :) شكلها مستفزنى جدا , نفسي اعرف وظيفته ايه فى المعرض , حاسس ان الغرض من وراهم شيء مش ظريف ..

النهارده مثلا شتمت واحد فى تسويق كيا , السبب كان انى بسأله عن اسعار العربيات فهو بيقولى انهى عربيه قولتله لا انا عايز اسعار كله , فهو بكل تناكه وقله ذوق ماسك كانز كوكا فى ايده بياخد شويه وبعدين يكمل كلامه معاى وانا استناه لما يخلص وبعدين عمال يتلخبط ويقولى اسعار غلط وانا محتاج الاسعار دى مظبوطه

فبقوله طيب لو سمحت لو ينفع تشوف الاسعار تانى علشان انا محتاجهم صح , فاللى جنبه راح بيقولى انت عايز اسعار كله , قولتله اه

قالى بنفس اللفظ : بقولك ايه اسأل على واحد ورا اسمه معتز وهو يقولك على الاسعار اصل الجو حر وانت شكلك فاضى وانا مش طالبه معاى فرهده

انا لم اتمالك نفسى من انى اهزء كرامته , بس الموقف حرق دمى بشكل , مسئول مبيعات قليل الذوق دى بصراحه ماركه جديده فى السوق مش عارف علاجها ايه !!!

هما لسه الناس دى متغيروش :)

[Abo_Lina]

السنة الجاية هايقولوا للزوار يقلعوا الجزم و هما داخلين

[yoko]

فى الجووووون الكلمه دى , تعرف ان لو فى عربيه غاليه فى المعرض اللى موجودين فى الجناح بيبقوا شبه ماضيين عليها

يعنى الشركه بتحمل المندوب مسئوليه العربيه كامله فهو بالتالى بيروح واكل المفتاح منعا لوجع الدماغ

نفس القصيده فى العربيات العاديه الكل عايز يريح دماغه

النهارده مثلا شتمت واحد فى تسويق كيا , السبب كان انى بسأله عن اسعار العربيات فهو بيقولى انهى عربيه قولتله لا انا عايز اسعار كله , فهو بكل تناكه وقله ذوق ماسك كانز كوكا فى ايده بياخد شويه وبعدين يكمل كلامه معاى وانا استناه لما يخلص وبعدين عمال يتلخبط ويقولى اسعار غلط وانا محتاج الاسعار دى مظبوطه

فبقوله طيب لو سمحت لو ينفع تشوف الاسعار تانى علشان انا محتاجهم صح , فاللى جنبه راح بيقولى انت عايز اسعار كله , قولتله اه

قالى بنفس اللفظ : بقولك ايه اسأل على واحد ورا اسمه معتز وهو يقولك على الاسعار اصل الجو حر وانت شكلك فاضى وانا مش طالبه معاى فرهده

انا لم اتمالك نفسى من انى اهزء كرامته , بس الموقف حرق دمى بشكل , مسئول مبيعات قليل الذوق دى بصراحه ماركه جديده فى السوق مش عارف علاجها ايه !!!

أنا لو مكانك مكنتش سيبته غير لما ربيته بالكلام وأخدت إسمة وعملتلة مشكله كبيرة (بس لازم الأول أمسح بكرامته الأرض)

[Ahmed Nouh]

هما لسه الناس دى متغيروش :)

لسه الجيبات والبناطيل بقمه سفالتها واسفافها , العارضات فى بيجو اشبه للراقصات من المودلز ولو سألتهم عن حاجه بيردوا بكل بجاحه معندناش اى معلومات عن العربيات ممكن تشوف البروشور والاسعار مش محدده او شوف حد من السيلز اللى اساسا مبيقعدوش فى الجناح

السنة الجاية هايقولوا للزوار يقلعوا الجزم و هما داخلين

والله انا خايف بعد كدا الشركات النضيفه فى المعرض تفرض رسم زياره للجناح بتاعها غير التذكره

أنا لو مكانك مكنتش سيبته غير لما ربيته بالكلام وأخدت إسمة وعملتلة مشكله كبيرة (بس لازم الأول أمسح بكرامته الأرض)

يا باشا طبعا , انا زعيقى اساسا لفت انتباه الجناح كله ومسيبتوش الا لما عملتله مشكله , دا انا فضيحه اوى فى الموضوع ده :)

[yoko]

لسه الجيبات والبناطيل بقمه سفالتها واسفافها , العارضات فى بيجو اشبه للراقصات من المودلز ولو سألتهم عن حاجه بيردوا بكل بجاحه معندناش اى معلومات عن العربيات ممكن تشوف البروشور والاسعار مش محدده او شوف حد من السيلز اللى اساسا مبيقعدوش فى الجناح

طب فين الصور

يا باشا طبعا , انا زعيقى اساسا لفت انتباه الجناح كله ومسيبتوش الا لما عملتله مشكله , دا انا فضيحه اوى فى الموضوع ده :)

الحمد لله (أصل أنا موتي وسمي قلة الأدب -يعني من الأول يقولي معرفش كنت هسيبه-)

[د.محمود صلاح]

الصور ؟؟؟؟

[د.محمود صلاح]

من زمان وهو لا يعجبني مثل أوتوماك

[gouda]

رجاء من الناس اللى بتحاول تثبت ان الجولف احسن من الاسترا او العكس
فتح موضوع منفصل لانكم اخدين نص الموضوع ده لوحدكم
وكل الناس اللى داخله الموضوع ده داخله علشان موضوع معرض الاهرام ومشاكله

محدش يزعل منى بس بجد اتنرفزت

[memo_p910]

شر البليه ما يضحك
مصر ضاعت خلاص حسبنا الله ونعم الوكيل
انا والله رحته من سنتين لقيت التذكره ب 10 جنيه وطبعا رفضت الدخول ورجعت لانه ما يصحش ادفع 10 جنيه وانا زبون المفروض هما الي يكونوا عايزني
حاجه تكسف والله

[moha4tec]

بعد ازن صاحب الموضوع انا عامل تقرير شامل و مصور كامل عن معرض فورميولا الاهرام 2010 على الرابط التالى

http://www.nilemotors.net/Nile/120048-a-3.html (فورميلا الاهرام تقرير شامل (منقول للامانه ))

[N.a.j.d]

معلشي ازاي عربية الكورسا اللي هي مفروض في اوربا اصغر هاتشباك من اوبل و الأقتصادية في تمنها تنزل مصر باكتر من 85-90 الف مين يفكر يشتريها بهذا التمن
الأحسن يجيب جراند بونتو

النهارده ياباشا ح عمل موضوع ف القسم اوبل ليه منصور منزل العربيه كداااا

[menabigboss]

موكيت مقطع ورائحه كوله نفاذه ودهانات تلتصق بملابسك بمجرد الاستناد على اى مكتب لفرق الدعايا هى السمه الاساسيه فى اجنحه معرض فورميلا الاهرام

فكعاده كل المعارض المصريه نرى التجهزيات والالوميتال والنجارين والكهربائيه حتى اخر لحظه فى حاله تأهب قصوى وتجهيز وبناء بعض الاجنحه التى لم تكن قد وجدت مكانا بعد مما يدل على سوء التنظيم وعدم احترام المواعيد واختفاء الخطط الزمنيه للعمل من جداول عمل المعرض

الدخول من الباب كان غير مبشر على الاطلاق حيث تجد هذا الحائط البشرى العملاق والذى يعمل وفق منظومه تقنيه معقده اغلقت كل الابواب وتركت فقط باب اعتقدت فى البدايه انه مخصص لدخول الاطفال ليزيح لك مكانا تستطيع الانزلاق خلاله الى داخل القاعه من تحت ذراعه الايسر وبمحاذاه الباب الزجاجى بينما يخبرك بكل غضب كارنيهك يا استاذ لتظن للحظه انك داخل مقر الظباط الاحرار وقت الثوره

ومن ثم من بعد الباب الذى علمت فيما بعد انه يمكن يكون باب 1 او 2 او 3 او حتى اخر صاله او الصاله الرئيسيه او باب الخروج لأن حتى الصحافه لم يوزع عليهم ترتيب القاعات ولا اى معلومات عن خط السير المقرر للزوار

البدايه بالنسبه لى حيث تختلف الروايات كانت من قاعه الكلاسيك ليدق قلبى بعشق الامريكان ماسلز والمينى كلاسيك والفيرارى والمازيراتى اللتان شهدتا اجمل ايام ايطاليا الا انه قد لفت نظرى بشده ان مهندس الاضاءه لم يصل بعد

ففى جانب الصاله تجد شخص ما قد استعان بلمبه جاز يصطحب على اضواءها الزوار لخفوت الاضاءه فى القاعه بشده وكأنها تعمل بطولها وعرضها على 4 لبمات موفره لأتذكر رحلتى الى الاقصر فى المرحله الاعداديه حيث اخبرنا عم مرزوق ان ممنوع التصوير فى المقابر لأن الضوء بيأثر سلبيا على الحاجات القديمه وهى سياسه يبدو انهم اتبعوها فى صاله الكلاسيك او قد تكون سياسه اخرى تساعد المتفرجين على النوم بعد مشقه اللف فى المعرض لمن سمح توقيتهم المحلى بالوصول لقاعه الكلاسيك اخر قاعه

تركت القاعه ونفسى حزينه على فراق تلك الجميلات الى مزيد من الاضواء قابلنى فى بدايتها العمالقه الالمان bmw و مرسيدس بنز وجها لوجه بجناحين يبدو عليهم ملامح الاقتصاديه بشده , معهم فى نفس القاعه رينو وفولكس فاجن وسوبارو وبيجو ومينى

حقيقه لم يلفت انتباهى الا ال e-class coupe و ال wrx و نسخه مينى الخاصه بعيد الشركه ال 50 و الميجان الهاتش باك والفلونس

ايضا كان هناك بعض السيارات التى تستحق النظر مثل ال c300 و ال 320i sport و الليجاسى والشيروكو و ال 308cc و ال 207rc


فى القاعه التاليه تجد سيات وهيونداى وشيفروليه وأوبل وبرليانيس واسبيرنزا

المميز فيهم كان الابيزا الجديده و البرليانيس ال fsv وهى النسخه السيدان من ال frv و النيو اكسنت سبورت و الاوبل كورسا والاسترا الجديدتان والشيفروليه كامارو والتى تجمهرت جولها الجموع الغفيره حيث قام فريق شيفروليه بتشغل شاشه العرض على الماتش مما جعل قاعه شيفروليه ذات اقبال تاريخى :)


فى الجناح التالى تجد كيا وسوزوكى وليفان والعملاق الروسى لادا والذى اهلكنى كوميديا واخيرا تفاحه المعرض بجناح اسلام مشهور لسيارات مرسيدس المعدله من lorsiner

المميز فيهم كان كل جناح اسلام مشهور بالطبع والذى تجد نظرات الحسره ودموع الجمارك تحيط به من كل جانب والالسنه تعبر الجناح عرضا وطولا من سخونه سيارات مرسيدس المعدله

ومن ثم صاله الدفع الرباعى والتى تجدها بعد صعود السلالم الى الاعلى ثم المشى فى 3 طرقات طويله لتعبر من خلال جناح هارلى ديفيدسون فى مكان لا زرع به ولا ماء ولا بشر حتى لتجد نفسك فى قاعه الدفع الرباعى والتى حشرت بورشه نفسها فيها فى مكان اسوء ما يكون لتلك الشركه

البدايه اسمحولى اوضح لكم كم كان الديكور سئ , حيث حقيقه لا تسعنى كلمات الى وصف ما رأيت

البدايه فى اجنحه الشركات الكبيره والتى تعتبر واجهه للمعرض حيث سأصف لك جناح مرسيدس وهو نفسه bmw وبالظبط بورشه وتبيكال فولكس فاجن وحته منه سوبارو وكيا وتقدر تقول ان هو مهندس ديكور حقير واخد المعرض كله مقاوله

الارضيات بيضاء او رمادى موكيت او ابيض مربعات والشعار فى السقف واسماء العربيات او صورهم على لوحه وحته 72 بوصه فى الخلفيه وعربيه وش يمين وواحده وش شمال وكان الله بالسر عليم

تلك الرؤيه العصريه لن ترى اى مدخلات عليها فى المعرض كله , ثم تنتقل الى الخامات والتى صنعت خصيصا تحت رعايه شركه حراسه اجنبيه تجرب تقنيه جديده للأرضيات التى تساعد رب الاسره على متابعه تحركات ابناءه فى الليل حيث لن تطئ قدميك اى شبر فى ارض الفورميلا الا وتسمع بعدها اييييييء وهو بالطبع صوت تزييق الارضيات

ارضيات المعرض كله بلا استثناء بتزيق ولك ان تتخيل قرابه ال 5 الاف بنى ادم بيزيقوا فى نفس الوقت , جنون يا جدعان جنون

ثم تجد الارضيات فى كثير من الاجنحه مثل هيونداى وسيات بتهبط وكأنها رمال متحركه واليوم فقدنا احد المصورين فى حفره بموقعه سيات واخر كان على وشك هدم القبه الخاصه بالالنترا , الالواح غير مثبته جيدا والطقطقه تشعرك بحاجه ماسه الى اتباع رجيم قاسى

ثم اخيرا مع مهزله الموسم والدهانات فى معظم الاستناندات الخاصه بالمجلات ومسئولى المبيعات والتى يضع عليها المسوقون البروشور الخاص بالسيارات والتى اتسمت فى كل انحاء المعرض بلين الدهان والتصاقه بيدك او ملابسك حسب حظك ونيتك فلو كنت قد اتخذت موقع لمراوغه تلك الفاتنه ام جيبه قصيره من خلف الاستاند فغالبا ستصل الخسائر الى حد البكاء على البنطلون الجديد او ان كنت فى عجله من امرك وبتجمع البروشورات بس زى حلاتى هينتهى الامر بالبكاء على كم القميص اللى اتضطررت لقطعه

ثم اخيرا تلك العاده المصريه الحقيره بغلق كل السيارات فى المعرض وعليك ان تبحث عن البيه اللى معاه المفتاح وتجيب البيه تقوله افتح يقولك ليه حضرتك عايز تسأل على حاجه ويجب ان تدخل معاه دردشه طويله تحلف خلالها براس جدك الكبير انك بتفكر تشترى العربيه فيفتحهالك او يجيبلك الموضوع بصراحه ويقولك مش هينفع او الحجه البايخه المفتاح مش معاى , يا ساده يا افاضل على الشارى ان يشاهد كما يشاء وان كان هذا هو الحال فى يوم رجال الاعمال والصحافه فما الحال فى يوم الجمهور العادى والذى ضحى ب 20 جنيه من حر ماله فى سبيل المشاهده بحرمانه من ركوب السيارات والاطلاع عليها

حتى مندوبى المبيعات بيرد عليك على قد السؤال وكأنه مش فاضى وده فى حاله اذا كان عارف حاجه اصلا

انا راجع من المعرض زعلان جدا جدا جدا , العارضين قمه فى التناكه وقله الذوق والتناحه والبواخه

المعرض فى مستوى تنظيمى لا يقارن حتى بسكشن الكلاب فى سوق الجمعه

الديكورات فى مستوى سئ جدا

السيارات المهمه جمبعها مغلق عدا المحترمين رجال رينو وكيا

نصيحه لا تضيع اموالك ولا وقتك فى زياره المعرض

صدقني يا باشا ..انا من ساعة مارحت المعرض السنة اللي فاتت وحسيت ان الناس بتستهبل ،، حلفت اني ما ارحش اي معرض اهرام بعد كده،،وفعلا ما رحتش.....يا راجل دي بقيت حاجة بايخة فعلا