رسالة إلى راكنى الصف التانى

[yoko]

انا بشيط لما ألاقي واحد تنك قافل عليك صف تاني وياريته سايب مكن لأ ده واقف بمحاذاتك بالظبط وشادت الهاند ومعشق تاني
وللأسف مبيقفلش عليا صف تاني غير النوعيه دي
وحاجة كمان لما تبقى راكن وسايف مسافة صغيره قدام وورا عشان تطلع من الركنه وتنزل تاني يوم تلاقي الي قدامك رجع لحد ما خلاص مسافة بين العربيتين ومعشق والي ورا نفس الحكايه (غالبا بيبقى ملمسين إكصداماتهم في عربيتك) ومعشق ولو راجل تطلع

[amrbakly]

و الله انت طيب جدا

يا سيدي انا راضي بس انة ميعشقش

و لو جدع قوي ميرفعش فرامل اليد للأخر و انا مستعد ازقها لحضرتة و اطلع و ارجعهالة زي ما كانت كمان

[د.محمود صلاح]

مافيش حل تانى للأسف

[ابو حسين]

فكره كويسه جدا

[migo9898]

فكرة حلوة بس مين هايكتب فى ورقة رقم موبايل ويحطها على التابلوه اللى بيركن صف تانى دة ياريته بياخد خمس دقايق بيطول ولما يرجع مابيعتذرش حتى حاجة اخر قرف

[M.Osman]

انا اعتقد انه مش حل عملي اوي... لأن فعلاً زي ما البشمهندس غازي قال الشباب الظراف كتييير و مش هنخلص

انا شايف ان اللي يركن صف تاني بيكون عشان حاجة طارئة و يكون معاياا حد في العربية و دا اللي انا بعمله .. بكون نازل اجيب حاجة مثلاً (5 دقائق) و اقول للي معايا لو في حد عايز يطلع اديلي رنة ...
اعتقد مفيش اسهل من كدا..
و على فكرة انا دايماً بختار المكان اللي ممكن اقف فيه صف تاني .. يعني مش عند مدخل شارع او شارع ضيق .. او .. او..

لكن اسيب العربية بالساعة صف تاني بصراحة كلام فارغ ..

في حاجة تانية عايز اقولها... انك متبقاش واقف صف تاني و رذل!
الإعتذار و كلمة آسف ليها مفعول السحر بجد.. مرة واحد كان قافل عليا بجيتا و عطلني خمس دقايق .. لما جه قلتله حضرتك اخرتني قاللي انا آسف جداً انا قلت للبواب لو فيه عربية طالعة يقوللي و حقك عليا ... طبعا بعد دا كله مش همسك في الراجل يعني و قلتله حصل خير

بذمتك يا باشمهندس محمد, مش الإمارات أريح بردو من وجع الدماغ ده كله؟؟؟؟؟؟؟؟

الإمارات!
... لا وجه للمقارنة ..
اوروبا الخليج بالنسبة للمرور

[Moh.Abdelbaset]

أنا مرة وقفت أكثر من ساعتين علشان واحد قافل عليا ( شادد الهاند + معشق + كاسر الدركسيون)
فضلت واقف جمبها لحد ما جه 5 رجالة زقوها لقدام شوية

[Ahmed Nouh]

الركن صف تانى وساعات تالت ولا يمنع رابع ومعلش فى السريع كدا 10 دقايق خامس كمان

والركن فى اليوتيرنات , والركن مباشره بعد مدخل شارع جانبى او فى مدخل شارع جانبى او فى مخرج الشارع او حتى صف ثانى فى مكان اساسا بيعدى عربيه واحده بس او قصاد باب جراج او الاحلى من كل ده تبقى عمودى ويجى واحد يقف قصادك موازى او يقف جنبك عمودى بس يصمم ان مرايتك الشمال تبوس مرايته اليمين وانت طبعا ممكن تركب من فتحه السقف مفيش مشاكل

انا كتير بخرج من بيتنا اركب ميكروباص او تاكسى فقط لأن المكان اللى رايحه مفيش فيه مكان اركن بإحترام , وما اكثر الاماكن دى

لما حد بيعرف انى بعمل كدا بيقول على عبيط او سواق على قدى

[Abomar77]

بص ياباشا انا السنة اللي فاتت سافرت السعودية وعندي اصدقاء هناك ... المهم كنت خرجت مع واحد صاحبي سعودي وكان عايز يظبطني في عشوة حلوة والمهم الشارع كان زحمة وركن صف تاني وشد الفرامل ... ضحكت وقلتله ايه يابني هما المصريين علموكم ديه كمان قالي أه بس طلع ورقه كارتون مكتوب عليها ....

أسف للإزعاج لو قافل عليك كلمني وساب رقم موبايله ...

الصراحة الفكرة عجبتني جدا ولقيتها محترمة وماتزعلش حد وكنت ناوي اعملها بس مش مفيش فرصة لأني بالصراحة بستحرم اني اركن صف تاني ....

[SeiffoZ]

و الله العظيم ساعات بركن عن المكان اللي رايحه بكتير جداَ عشان مقفلش علي حد .. بس اللي بيجنني إن برجع ألاقي شعب مصر كله قافل عليا!

الركن صف تاني مش أوبشن عندي أصلاَ و نفسي العادة دي تختفي من البلد هي و حاجات كتير.

صعب تختفى ... لأن لا توجد أماكن لإيواء السيارات أصلا للعدد ده ...

نركن صف تانى ... بحيث عدد السيارات فى الصف التانى 3/4 الصف الأول لسهولة الزق ... ثانيا تمير العربية و ركنها موازية للسيارات ...
إللى عربيته أوتو يسيب نمرة عربيته على السيارة أو لو مش عايز يسيبها يقول لأى حد سواء كان بواب أو محل أو كشك هو فين بالضبط ,,, يعنى يلاقى وسيلة لسهولة الوصول لصاحب السيارة

[tigernet]

فكرا كويسة ياباشا
طب لاى بيركن صف تلات يعمل اية

[WalidAdel]

ارجوك سيب رقم موبايلك فى ورقه على التابلوه

حصل مره موقف كده بردوا و كنت سايب الكارت بردوا و طلعت للاسف واحده ست و قعدت تقولي انت تقفل علي الناس لييييه ماتركن في حته تانيه او حتي مش مهمه تركن خالص هنا قولتلها طيب منا سايب الكارت بتاعي و عليه نمرتي علشان كده قالتلي وانا اتصل ليه بحد معرفوش مانت تركن كويس و بتاع فقولتلها في الاخر واضح ان حضرتك عندك مشكله و سيبته و مشيت في الاخر و قعدت تقولي افرض انا مستعجله و بتاع قولتلها كنتي تتصلي بيا عادي يعني و انا في 3 دقايق هاكون عندك مافيش فايده بردوا فيها

[محمد عز]

والله ياجماعه

اللى انا شايفه ان الركن صف تانى اصبح شىء عادى وطبيعى بالنسبة لناس كتير (انا عمرى فى حياتى ما ركنت صف تانى)

هوا الاصل المنع!!!

لكن هنعمل ايه، ابتلاء

وجود رقم التليفون مع كلمة اسف هتحل مشكلة كبيره يعنى استنى 5 دقايق لحد ما يجى ولا استنى ساعه او ساعتين

اصلا اللى بيركن صف تانى ويقفل على الناس بالساعات شخص معندهوش دم ولا احساس

[محمد عز]

بذمتك يا باشمهندس محمد, مش الإمارات أريح بردو من وجع الدماغ ده كله؟؟؟؟؟؟؟؟

ربنا يقوم والدك بالسلامه ان شاء الله...

هوا اكيد اريح ، بس فى الاخر مهما رحت او جيت اكيد راجع تانى لمصر سواء برغبتى او غصب عنى

ربنا يعزك ويبارك فيك يا غازى على الدعاء

[AbO_FaRaH]

فكره كويسه جدا :s_thum1[1]:
يعني إركن صف تاني اه بس خليك محترم

+11111:b4_388: