إعـــــــلان

Collapse

.

,
See more
See less

اخيرا .. معرض فورميلا الاهرام 2010

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    اخيرا .. معرض فورميلا الاهرام 2010

    السلام عليكم
    بسم الله الرحمن الرحيم

    اخيرا الصور اتحمضت .. و اخيرا هعمل التقرير :)

    اولا و قبل ما نبتدي التقرير في كام ملاحظة :

    - انا كنت بصور بكاميرا كبيرة .. وانا جديد في التصوير .. عشان كدة ممكن تلاقوا صور مهزوزة

    - هتلاقوا ان كتير من الصور مصورها من زاوية معينة .. و هي اني اصور نص العربية .. و ذلك ظنا مني ان دة هيوضح اللمحة الجمالية للسيارة

    - انا صورت العربيات التي ممكن تحوذ على اهتمام زوار المعرض .. و مصورتش العربيات الحافظنها و عارفنها

    كفاية كلام بقا و نبدأ التقرير :)


    اول قاعة في المعرض كانت قاعة ال4×4 .. و من وجهة نظري هي كانت الاجمل و الاكثر سكونأ

    و في بداية القاعة وجدت احد احث ابداعات هيونداي و هي ix35
    العربية فعلا جميلة .. و خطوط تصميمها جميلة و جريئة
    و طبعا العربية كان عليها زحام شديد .. فمقدرتش اصورها من جوة .. ولا من ورا حتى :)


    و كان هناك ايضا الوحش سانتا في .. و من وجهة نظري هي افضل من الix35 الجديدة شكلا و موضوعا ..


    و تواجدت ايضا نيسان بالجميلة مورانو .. و التي تتسم بالشكل الهجومي في التصميم


    و من الطبيعي ان نجد اودي في هذه القاعة ..
    و طالما وجدت اودي في قاعة ال4×4 .. فيجب ان يوجد


    اظن واضحة :) ..
    تواجدت الملكة .. التحفة .. الجميلة .. اودي Q7


    و لم تنسى ايضا ان تقدم لنا اودي .. الاخت الصغيرة Q5 .. و التي ظهرت في معرض اوتوماك 2009



    و طبعا عندما نذكر ال4×4 .. يجب ان نذكر رانج روفر

    تواجدت رينج روفر بقوة في هذه القاعة .. و لكني اكتفيت بتصوير موديل واحد ..
    لانني مقتنع ان رينج روفر ليست سيارة للتصوير .. و لكنها سيارة للاداء البحت

    و كانت هناك مفاجئة في اخر القاعة .. الحقيقة لم اتوقعها تماما .. و هي وجود PORSCHE
    تواجدت بورشه بموديلين و هما البانميرا الجديدة و التاجرا .. و من الغريب ان الكايين لم تكن هناك
    و وقفت هناك البانميرا الجديدة بشموخ بينما تفقدها العديد من الزوار

    انها فعلا تستحق

    السيارة خطوط تصميمها ممتازة و توحي بالجمال البسيط و القوة المفرطة

    و هي اول سيارة صالون تنتجها بورشه ذات 4 ابواب
    و لكن للوهلة الاولى .. لا تشعر ان هذا بورشه .. ففكرة ال4 ابواب هي جديدة كليا على بورشه
    و لكن مجرد التدقيق في التفاصيل .. يجعلك تتذكر انك واقف امام سيارة بورشه .. من افضل السيارات الصالون في العالم

    الناس دول مابيهزروش :)


    و كان هناك ايضا التاجرا .. طبعا السيارة جميلة مفيش كلام ..
    و لكن بعد ان تمعنت الفخامة و الجمال التان تتمتع بهما البانميرا ..
    فقد بدت لي التاجرا كأنها سيارة هزيلة ..
    و دة احساس مش اكتر يا جماعة :)

    للاسف صور التاجرا طلعت مهزوزة و لكن هوريهالكم




    و بكدة تكون خلصت قاعة ال4×4 ..

    و للعلم .. كان هناك ايضا مرسيديس GLK .. و شيفروليه كابتيفا

    و بعدها دخلنا المكان المخصص للبنوك .. و بعدها قاعة الهارلي دافيسون (لست من هواتهم اطلاقا .. و بعدها ممر لاشياء صينية كثيرة :)

    و بعدها جاءت السيارات الكلاسيكية ..

    ابقوا معنا :)


    ارجو عدم الرد لحين اكتمال الموضوع
    [CENTER][SIGPIC][/SIGPIC][/CENTER]
    الكلمات الدلالية (Tags): 00, 010, 09, 10, 14, 149, 16, 20, 200, 2009, 2010, 23, 25, 28, 2c, 2e, 30, 33, 35, 36, 3d, 45, 46, 47, 48, 49, 4×4, 50, 62, 90, a5, ah, b9, c2, center, cl, da, dv, dx, enter, er, f0, fm, gl, glk, gs, h2, h3, http, ix, ix35, lg, lk, mg, mk, mp, pic, porsche, pt, q5, q7, rr, rs, s8, si, size, te, ti, tp, tt, wd, x1, x3, ابدا, ابداع, ابداعات, ابقوا, ابواب, ابي, اتهم, اتوقع, اجرا, اجمل, احساس, اخر, اخير, اخيرا, ادا, اداء, ار, ارجو, اس, اسف, اشياء, اطلاق, اظن, اف, افضل, اقف, اكثر, ال4×4, الاجمل, الاخ, الاخت, الاكثر, الاهرام, الاول, الاولى, البسيط, الت, التاج, التاجر, التحفة, التصوير, التفاصيل, التقرير, التي, الجديد, الجديدة, الجمال, الجميل, الجميلة, الحافظ, الحق, الحقيقة, الرحمن, الرحيم, الرد, الزوار, السلام, السيارات, السيارة, الشكل, الصالون, الصغير, الصغيرة, الصور, الطب, الطبي, الع, العالم, العديد, العر, ا
  • #2
    شكرا على المجهود
    [COLOR=blue][I]:7bteen:Life Is Chemistry[/I][/COLOR]

    Comment

    • #3
      نكمل ..

      دخلنا بعدها قاعة الكلاسيك كارز .. قاعة جميلة جدا
      و من اهم السيارات التي كانت متواجدة بها هي طبعا ..

      رولزرويس .. اجمل سيارة في القاعة ..
      و لكن كان واقف جنبها جميلة اخرى و هي البنتلي

      و تواجد هناك ايضا الجاجوار .. حبي الاول و الاخير .. و قيادتها حلم اتمنى ان يتحقق في يوم من الايام


      تواجد في هذه القاعة ايضا مازيراتي و مرسيديس و فيراري

      بعدها دخلنا المعرض الحقيقي .. لتجد مرسيديس على يمينك و BMW على شمالك ..
      و لكن مرسيديس كان لها تأثير الاكبر .. و ذلك لكبر حجم مساحة العرض و وجود موديلات عديدة و جديدة ..
      اما BMW فقد اكتفوا بتقديم الفئة التالتة و الخامسة ..
      ولكن مرسيديس قدموا تقريبا كل موديلتهم منها الB-class و الc-class بجميع فئتها .. و كان منها الc300 AMG (عندي صورة حلوة جدا ليها .. لكن للاسف الCD بتاعها مش شغال)

      للاسف مكنش موجود الE-class الصالون .. و دة لان العربية عليها طلب كبير و مش ملحقين ..
      و لو كان عندهم واحدة للمعرض .. كانوا ادوها لحد من العلى الوايتنج ليست احسن :)

      و لكن الصراحة مقصروش .. و استعاضوا عنها بنجمة جناح مرسيديس .. بل المعرض كله
      THE E-CLASS COUPE

      اتفرجوا على الجمال


      و بعدها على طول .. تجد جناح رينو .. تميز بالبساطة الشديدة ..
      و لم يكن به الا الفلونس الجديدة و الميجان هاتشباك الجديدة .. و لوجان MCV ..

      كان في استطلاع في قسم رينو .. عن انهي الافضل في الشكل .. الفلونس ولا الميجان II .. انا صوت للميجان ..
      و لكن لما شفت الفلونس في المعرض .. اعجبت بها جدا .. و بالتأكيد هي افضل من الميجان في الشكل

      و اسف جدا لو الصور مش كتير و لكن الزفت الCD العليه الصور الباقية مش شغال :(


      و كان هناك الميجان III هاتشباك .. استغربت جدا لما عرفت ان سعرها يبدأ من 128 الف .. و لكن لاحظت ان الكانت واقفة في المعرض تختلف كثيرا عن البنشوف صورها على النت

      مش عارف ليه محستش بالابهار الكنت متوقعه .. بالعكس حسيت ان العربية فقيرة

      طبعا ممكن يكون الموضوع دة بسبب الاضاءة .. او لون العربية .. كله هيبان لما نشوفها في الشارع

      و بعدها تقدمت الى جناح سوبارو .. الجناح برده لم يحتوي الا على الامبريزا سيدان .. و طبعا كلنا عارفينها كويس
      و على الليجاسي الجديدة .. تحفة تحفة فعلا ..

      و طبعا الامبريزا WRX .. دي برده من افضل السيارات في المعرض


      و كان بالقرب من جناح سوبارو .. جناح فولكس فاجن .. الذي لم يتمتع باي جديد ..
      و كان واقف هناك الشيروكو


      و التيجوان


      و التوران الجديدة .. التي من الغريب ان لم يلتفت اليها احد في المعرض او في المنتدى .. و من الممكن ان يكون سعرها المرتفع هو السبب ..
      فسعر هذه السيارة 205 الف جنيه


      و طبعا مينفعش يكون في فولكس فاجن و ميكنش في .....
      جولف 6

      و تواجد هناك ايضا الجيتا و الباسات ..

      و بكدة ميكنش فاضل في القاعة دي غير البيجو .. و للاسف هما على نفس الCD المش شغال .. عامة احنا عارفنهم كويس ..

      بس كان في حاجة حلوة و هي ال207 RC ..


      و بكدة نكون خلصنا القاعة دي ..

      انتظروا القاعة القادمة .. ابقوا معنا :)


      ارجو عدم الرد لحين اكتمال الموضوع
      [CENTER][SIGPIC][/SIGPIC][/CENTER]

      Comment

      • #4
        نكمل ..

        تدخل القاعة البعدها لتجد سيات على شمالك و هيونداي على يمينك
        طبعا سيات تواجدت بالابيزا الجديدة

        عربية شبابية و جميلة .. مظهر هجومي من الخارج

        و لكن للاسف .. مستوى السيارة من جوة دون مستوى فئتها و سعرها

        و كان هناك ايضا الليون


        و اسف جدا .. و لكن جناح غبور كان مستفز و مقرف فقررت اني مش عايز اجي جنبه ..
        مش مصدق بالصراحة البيعمله ..
        شوية شغل في الحرفيين .. و جاي يبيعهم و يقولك سبورت .. لأ الموضوع كان مستفز فعلا

        و كان على مقربة من جناح غبور .. جناح حبيبه .. منصووور :)
        للامانة .. منصور حسيته كان بيحاول يحسن صورته في المعرض ..
        جناحه كان اكب جناح في المعرض .. جايب فيه عربيات جديدة .. و تحفة ;)

        المهم .. اولا الخدعة الكبيرة .. قصدي الكورسا الجديدة
        عربية كنت مستنيها على نار .. نزلت و الحمد لله و رحت عشان اشوف الاسعار بقا ..
        قلت ياريت ميستهبلوش و لاقي سعر الهاي لاين 125 الف مثلا .. اروح الاقي الهاي لاين ب150 ههههههههههه .. و الله دمك خفيف يا منصور ..
        لأ بكام بجد .. ايوااا 150 الف هاي لاين

        علبة الكبريت دي ب150 ؟؟؟؟؟!!!!!!
        ايوا يا فندم ماهي الماني ..
        الماني ايه .. دي لو الاتحاد الاوروبي كله اشترك في صنعها .. مش هشتريها بالسعر دة :)
        لأ و غير كدة .. و انا بسأل على السعر لقيت المنظر دة .

        ملقيتش تعليق اقوله :)

        للامانة العربية شكلها جميل و احلى من كل المنافسين .. و لكن دة مش مبرر للسعر المبالغ فيه دة


        نيجي بقا للاسترا الجديدة .. الاسترا الجميلة :)

        احد ابداعات اوبل .. قررت اوبل استعراض عضلاتها بتقديم الاسترا الجديدة و الانسينيا الجديدة .. بعد ان الموديلات السابقة لم تلقى نجاحا كبيرا كما تعودت اوبل

        الاسترا الجديدة بردو كان عليها زحام كبير و لذلك هي دي الصورة العرفت اجيبها للتابلوه :)



        دلوقتي بقا نيجي لوحش منصور .. وحش مبيهزرش .. عربية يعشقها اي حد لمجرد النظر اليها .. و دي بقا بجد كانت مفاجئة المعرض ..

        شيفرولية كامارو

        احلى صور صورتها في المعرض كله كانت للعربية دي :)


        فضلت واقف قدامها حاجة بتاعت نص ساعة :)

        كان في الناحية التانية جناح اسبيرانزا .. و بردو مكنش في حاجة جديدة ..

        دخلنا القاعة البعدها و كان فيها كيا .. و اظن ان احنا كلنا حافظين كيا صم و مش مستنين الصور يعني :)

        و لكن في وسط القاعة .. وقفت سيارات مرسيديس المعدلة من قبل لورينزر

        و على حظي .. و انا واقف في جناح كيا .. فجأة اسمع صوت موتور .. مسمعتش زايو في حياتي .. و ابص قلاقي عربية من بتوع لورينز مفتوحة و حد مودورها و بيدوش بنزين .. كنت هروح اقتله :)


        و برده للاسف هنا الفيلم الاخير المعايا خلص .. و لكن المعرض كان خلص برده .. و الباقي كان شوية عربيات صيني تقليد و غير بتوع الاكسسوارات .. و دي كانت اسواء قاعة في المعرض كله ..

        تحس انك ماشي في شارع عبد العزيز ..

        و بكدة يكون التقرير اكتمل :) .. طبعا ملاحظين ان عمال اقول اسف و CD مش شغال و بتاع .. بس مكنش بأيدي .. ربنا عايز كدة .. كذا موقف حصله ..
        بس مش مشكلة الحمد لله عرفت اعمل التقرير و ان شاء الله يحوذ على اعجابكم

        و ياريت تبدو رأيكم في الصور و تقولولي على افضلهم .. لاني داخل في موضوع التصوير اليومين دول و محتاج تقييمات

        و شكرا :)
        [CENTER][SIGPIC][/SIGPIC][/CENTER]

        Comment

        • #5
          التقرير حلو بس كان نفسى تصور العربيات من جوه

          Comment

          • #6
            المشاركة الأصلية كتبت بواسطة t_790 مشاهدة المشاركة
            التقرير حلو:s_thum1[1]: بس كان نفسى تصور العربيات من جوه
            صدقني والله انا كمان كان نفسي :) ..

            بس الموضوع فعلا صعب .. عشان الكاميرا عايزه ايدي تبقا ثابتة .. بس الدنيا زحمة جدااااااا
            [CENTER][SIGPIC][/SIGPIC][/CENTER]

            Comment

            • #7
              شكراا يا كريم باشا على التقرير الجميل و التغطيه الممتازه....
              [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
              [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
              [CENTER][SIGPIC][/SIGPIC][/CENTER]

              Comment

              • #8
                المشاركة الأصلية كتبت بواسطة ghazy12 مشاهدة المشاركة
                شكراا يا كريم باشا على التقرير الجميل و التغطيه الممتازه....
                شرف ليا مرورك يا باشا :) .. مقولتليش انهي صورة عجبتك اكتر ؟؟
                [CENTER][SIGPIC][/SIGPIC][/CENTER]

                Comment

                • #9
                  التقرير كويس
                  بس ليه الصور صغيره

                  Comment

                  • #10
                    المشاركة الأصلية كتبت بواسطة kareemhisham مشاهدة المشاركة
                    شرف ليا مرورك يا باشا :) .. مقولتليش انهي صورة عجبتك اكتر ؟؟
                    كذا صوره عجبتني بصراحه....

                    -بورش بانميرا...
                    -أودي q7 و q5...
                    -مرسيدس e-class كوبيه...
                    -شيفروليه كامارو...

                    تحف فنيه خراااااااااااافيه بجد....

                    شكراا مره تانيه على الصور و التقرير الجميل يا كريم بك...
                    [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
                    [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
                    [CENTER][SIGPIC][/SIGPIC][/CENTER]

                    Comment

                    • #11
                      شكراً على كريم

                      تقرير رائع
                      [CENTER]Where there are no tigers, a wild cat is very self-important ......Korean Proverb [/CENTER]

                      Comment

                      • #12
                        المشاركة الأصلية كتبت بواسطة romeo_6887 مشاهدة المشاركة
                        التقرير كويس
                        بس ليه الصور صغيره
                        انا خليت الصور صغيرة ..

                        عشان في اول مشاركة كانت كبيرة و لقيت ان مش كلهم باينين
                        المشاركة الأصلية كتبت بواسطة ghazy12 مشاهدة المشاركة
                        كذا صوره عجبتني بصراحه....

                        -بورش بانميرا...
                        -أودي q7 و q5...
                        -مرسيدس e-class كوبيه...
                        -شيفروليه كامارو...

                        تحف فنيه خراااااااااااافيه بجد....

                        شكراا مره تانيه على الصور و التقرير الجميل يا كريم بك...
                        حلو اوي :) ..

                        متشكر جدا يا غازي باشا :)
                        [CENTER][SIGPIC][/SIGPIC][/CENTER]

                        Comment

                        • #13
                          شكراياباشا كريم ع الموضوع داا الله ينور عليك

                          بس حلوه دي اوبل لم تلقى نجاحا كبيره ف مبيعاتها
                          !!!!؟
                          دا موضوع تانيي خاالص لو عايز اقولك عليها
                          بس لو كان قصدك منصور يبقى متفق معااااك ام غير كدااا حضرتك
                          لااا اوبل تلقت نجاحا كبيره ف عربيات ف السنوات العشره الاخيره
                          [CENTER]soon 2011[/CENTER]
                          [CENTER][img3]http://img103.herosh.com/2010/03/17/929079106.jpg[/img3][/CENTER]
                          [CENTER]لا اله الا الله محمد رسول الله[/CENTER]
                          [CENTER][URL="http://www.nilemotors.net/Nile/148285-a.html#post3872639890"]مناقشه حول ثبات الاوبل[/URL] [/CENTER]
                          [CENTER][URL="http://www.nilemotors.net/Nile/155281-test-drive-opel-astra-2010-a.html#post3872734259"]Test Drive opel astra 2010[/URL][/CENTER]
                          [CENTER][URL="http://astra.opel.info/pt/astra-photography/photos-opel-astra-durability.html"]picuters 4 astra 2010[/URL][/CENTER]
                          [CENTER][URL="http://www.nilemotors.net/Nile/106417-a.html#post3872125574"]موضوع مهم خد بالك منه[/URL][/CENTER]

                          Comment

                          • #14
                            المشاركة الأصلية كتبت بواسطة n.a.j.d مشاهدة المشاركة
                            شكراياباشا كريم ع الموضوع داا الله ينور عليك

                            بس حلوه دي اوبل لم تلقى نجاحا كبيره ف مبيعاتها
                            !!!!؟
                            دا موضوع تانيي خاالص لو عايز اقولك عليها
                            بس لو كان قصدك منصور يبقى متفق معااااك ام غير كدااا حضرتك
                            لااا اوبل تلقت نجاحا كبيره ف عربيات ف السنوات العشره الاخيره
                            انا يتكلم على هنا في مصر ..

                            لما تقارن الموديلات الاخيرة دي بموديلات التسعينات ..
                            [CENTER][SIGPIC][/SIGPIC][/CENTER]

                            Comment

                            • #15
                              المشاركة الأصلية كتبت بواسطة kareemhisham مشاهدة المشاركة
                              انا يتكلم على هنا في مصر ..

                              لما تقارن الموديلات الاخيرة دي بموديلات التسعينات ..
                              دي ياباشا انا شخصيا بقارن عربيا ت منصور بتوكتوك وليس بعربيات بجد
                              [CENTER]soon 2011[/CENTER]
                              [CENTER][img3]http://img103.herosh.com/2010/03/17/929079106.jpg[/img3][/CENTER]
                              [CENTER]لا اله الا الله محمد رسول الله[/CENTER]
                              [CENTER][URL="http://www.nilemotors.net/Nile/148285-a.html#post3872639890"]مناقشه حول ثبات الاوبل[/URL] [/CENTER]
                              [CENTER][URL="http://www.nilemotors.net/Nile/155281-test-drive-opel-astra-2010-a.html#post3872734259"]Test Drive opel astra 2010[/URL][/CENTER]
                              [CENTER][URL="http://astra.opel.info/pt/astra-photography/photos-opel-astra-durability.html"]picuters 4 astra 2010[/URL][/CENTER]
                              [CENTER][URL="http://www.nilemotors.net/Nile/106417-a.html#post3872125574"]موضوع مهم خد بالك منه[/URL][/CENTER]

                              Comment

                              السابق 1 2 3 template التالي
                              Working...
                              X