دواسة البنزين تضع تويوتا في قفص الاتهام

[aaaa3939]

دواسات البنزين, برغم صغر حجمها, وضعت شركة تويوتا اليابانية المنتجة لأكثر السيارات مبيعا في العالم, داخل قفص الاتهام في عدد كبير من دول العالم, من الصين, مرورا بأوروبا, وانتهاء بالولايات المتحدة.
وتواجه الشركة ضغوطا متزايدة بسبب عيوب في تصنيع سياراتها, فلقد طالبت الحكومة اليابانية تويوتا أمس بضمان ثقة زبائنها, كما أعلنت تويوتا وقفا مؤقتا لإنتاج وبيع ثمان من ماركاتها بالولايات المتحدة, من بينها راف4, وكورولا لعامي2009 و2010, وأفالون للأعوام من2005 إلي2010, كذلك سيارات كامري للأعوام من2007 إلي2010, وهيلاندر2010, وتوندرا للأعوام من2007 إلي2010, وسيكويا للأعوام من2008 إلي2010. جريدة الاهرام

[Ahmed Nouh]

الاستدعاء حاليا بقا شبه عالمى ولسه مش سامعين اى حاجه من تويوتا مصر عن مصير الكورولا اللى هنا او من تويوتا العالميه عن مصير دفعات كبيره جدا من كل ال 8 موديلات اللى اتوقف انتاجهم واللى بيتباعوا فى الخليج زى القهوه

ده فيديو من اوتوبلوج بيشرح مشكله الدواسه

http://link.brightcove.com/services/player/bcpid17181435001?bctid=64104531001


حاليا القضايا فى طريقها لملاحقه تويوتا من كل بلاد العالم وقد يكون للموضوع ده اثر سلبى كبير قوى على الشركه ومش بعيد التعويضات اللى هتضطر تدفعها تخسرها كتير ان لم يصل الموضوع لحد افلاس الشركه فى حاله ان المحاكم فى اوروبا وامريكا حكمت للملاك بتعويضات من الشركه لأننا بنتكلم فى عدد داخل على 3 مليون عربيه حتى الان

كل ده بسبب البدال اللى اساسا تويوتا بتجيبه من شركه تانيه ومش من صنعها , ربنا يستر فعلا الموضوع صعب جدا على الشركه

حاليا بقا جنرال موتورز وفورد وهيونداى ماشيين فى الزفه وبيسوقوا عربياتهم على حس تويوتا بمنتهى الاستفزاز وكأنهم قرود وقعت قدامهم شجره موز

[NFS]

فعلاً عيب خطير,
طب مش المفروض تويوتا يكون ليها اجراء قانونيى مع الشركه الى اسمها cts, ياعنى تويوتا هتشيل الليله لوحدها ؟!

[aminibrahim]

احتمال كل العربيات 3 مليون تتحول الي مصر من خلال التوكيلات ما هو مافيش ضمير

[dr_abooody]

احتمال كل العربيات 3 مليون تتحول الي مصر من خلال التوكيلات ما هو مافيش ضمير

اعتقد ان العيب مقتصر على دواسة البنزين فقط

هيعملوا استدعاء لل 3 مليون عربية و يغيروا الدواسة بتاعت البنزين و كدا يبقى المشكلة اتحلت و كل واحد ياخد عربيتة

بصراحة تويوتا بدأت تخرف من ساعت ما خلت دول تعبانة تصنعلها عربياتها زي جنوب افريقيا كدا

[Hondawy_2008]

ايه العيب بالظبط اللي في الدواسة؟

[ahmedsamir79]

ايه العيب بالظبط اللي في الدواسة؟

نفس السؤال

[Michael_Lanos]

اما نشوف تويوتا مصر هايحصل فيها ايه .......

اكيد هايضحكوا علينا وقولولنا ان المشاكل دي فى امريكا بس

[أبومعاذ]

اما نشوف تويوتا مصر هايحصل فيها ايه .......

اكيد هايضحكوا علينا وقولولنا ان المشاكل دي فى امريكا بس

العيب دا حصل في أمريكا بس عشان هي دولة متخلفة إنما أحنا

[zaza_lanos]

اكيد الكلام ده بره وعمره ماهيحصل هنا

[kareemhisham]

بصراحة تويوتا بدأت تخرف من ساعت ما خلت دول تعبانة تصنعلها عربياتها زي جنوب افريقيا كدا

هل ذكر في اي مقال او خبر ان العيب في العربيات الخارجة من مصنع جنوب افريقيا ؟؟؟؟؟!!!!!!!!!!!!!!!

البيحصل في جنوب افريقيا هو تجميع مش اكتر ..

كتير جدا من المكونات اوروبية و البقية يابانية

http://www.nilemotors.net/Nile/105926-a.html

جنوب افريقيا هي افضل دولة افريقيا و اقرب مكان ممكن تتجمع فيه العربية ..

دة دلوقتي في ناس بتقولك الكورولا مبالغ في سعرها .. اومال لو كانت جاية من اليابان او امريكا كان هيبقا سعرها عامل ازاى ؟؟!!!

[Youssef.Awad]

يا جماعة ده طبيعى جدااااااااااااااااا فى العالم كله
وأمريكا من أكتر الاسواق التى يتم فيها استدعاءات recalls لسيارات من كافة الماركات وخاصة الامريكية بحكم بلد الانتاج وتويوتا بحكم وحدات الانتاج الكثيرة المنتشرة بالولايات المتحدة اجمع

ويمكن ده بسبب ان تويوتا وضعت أمامها هدف ان تكون الصانع رقم واااااااحد بالعالم فى السيارات بأى شكل يجب ان تصل له وتحققه
وبالفعل تحقق لها مرادها لكن على حساب جودة منتجاتها وترسيخ سمعة الصانع اليابانى العملاق التى اهتزت فى اعين مالكيها وغير مالكيها بالسوق العالمى لاسيما المحلى بسبب عدم الاهتمام بمعايير الجودة quality control & quality assurance
فبشهادة كثير من السعوديين التى تقدر مبيعات تويوتا فى المملكة بنحو 60% من اجمالى سوق السيارات هناك ان جودة السيارات قد انخفضت بالسنوات القليلة الماضية وتحديدا من 2006
وأغلب عمليات الشراء لسيارة تحمل شعار تويوتا بسبب ان سعر اعادة بيعها مرتفع مقارنة مع باقى الماركات وقطع الغيار اوفر والصيانة منتشرة بكافة المناطق
يعنى من الاخر الصيييييييييييييت ولا الغننننننننى

[mido]

طب ما يجيبولنا العربيات الملطوطه دى بنص السعر واحنا نزبطها فى الحرفيين

[Ahmed Nouh]

الشركه عربياتها مش معيبه , ياما شوفنا استدعاءات ولسه كانت قريب لفولكس فاجن ومن فتره لمرسيدس ولسه من كام يوم لهوندا

كل ما فى الموضوع ان استدعاءات تويوتا المره دى كبرت قوى لأنها فى قطعه صغيره مشتركه فى موديلات كتير بعكس اى مشكله بتحصل فى عربيات تانيه صعب ان يكون فى اجزاء ميكانيكيه مشتركه بينها

كفايه انها هتعمل استدعاء عالمى علشان فى بياانات بتقول ان مناطق مختلفه فى العالم اتصدر لها الدواسه دى

العيب فى الدواسه يتلخص فى ان فى زى مسمار نص ماسك الدواسه وهى بتتحرك والمسمار ده لما الدواسه بتدوسها للأخر حصل فى بعض الحالات انها مرجعتش بسبب انه بيتحشر فى البلاستيك

الموضوع مبيحصلش فى كل العربيات بدليل ان فى موديلات بقالها 3 سنين شغاله فى السوق بالدواسه دى ومحصلهاش المشكله , تويوتا بتسحب العربيات كلها لإنها مش عارفه انهى دفعه انتاجيه بالظبط من الدواسات دى اللى فيه المشكله

[د.محمود صلاح]

طيب مايسوق بالفهلوة لمصرية ويرجع الدواسة ببطن رجله !