إعـــــــلان

Collapse

.

,
See more
See less

إيه اللي عاجبك في عربيتك و إيه اللي مش عاجبك؟

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة OlaOsman مشاهدة المشاركة
    لا العفو على ايه
    هههههههههههههههههههههههههههههههههههههههههههههههههه ه هههههههههههههههههههههههه
    معلش يا علا والله لسة واخد بالى .... امبارح كنت فى حالة من ال لا وعى وكان نفسى انام
    مش عارف ايه اللى خلانى افتكر ان اللى عامل الموضوع محمود موتوريزر
    بجد يا ريت ماتزعليش وموضوع مفيد جدا على فكرة .. الواحد بقى فى التراوة خالص
    [RIGHT]سبحان الله وبحمده سبحان الله العظيم
    [/RIGHT]

    Comment


    • #17
      موضوع حلو اوي الحقيقه يعني , بالنسبه للانسر من مميزاتها :_
      وسعها الداخلي - شكل العدادات رائع - عاليه عن الارض -الثبات-الفرامل -الشكل بصفه عامه.
      اما بالنسبه للاشياء المتضايق منها :_
      مفش فيها انذار-التابلوه فاضي-في كده حاجة غريبه اوي وهي ان عند السائق يوجد زر بيمنع باقي الراكبين انهم يفتحوا الشباك من عندهم تمام كده ,الاجمل بقى انه بيمنعني انا كمان اني اتحكم في الشبابيك دي ماعدا شباك السائق عادي افتحه واقفله ولما قارنت بسيارة من موديل تاني لاقيت ان الدنيا وردي وان السائق بيبقفل على الناس كلها وهو يفتح شبابيكهم ويقفلها بكيفه دي حاجة سخييييييييييييفه اوي يعني -اخر حاجة المرايات الجانبيه مش عريضه اوي يعني مش زي البومه ,,,وشكرا
      [CENTER][URL]http://www.nilemotors.net/Nile/93497-a-2.html[/URL][/CENTER]

      [CENTER][URL]http://www.nilemotors.net/Nile/152592-a.html[/URL] امثال محرمة [/CENTER]
      [CENTER][URL]http://quran.muslim-web.com/sura.htm?aya=002&[/URL] تفسير القران بالماوس[/CENTER]
      [CENTER][SIGPIC][/SIGPIC][/CENTER]

      Comment


      • #18
        المشاركة الأصلية كتبت بواسطة n.a.j.d مشاهدة المشاركة
        مش فاهم انا حكايه الاهتزاز دي يا خالد
        انا قصدى يا نجد انها بتتحرك فى المطبات كتير ...
        يعنى بتلطع و تنزل كتير ....
        و ده متعب شويه
        [CENTER]
        ولا تحسبن الذين قتلوا فى سبيل الله امواتا بل احياء عند ربهم يرزقون

        [/CENTER]

        Comment


        • #19
          المشاركة الأصلية كتبت بواسطة ringoo مشاهدة المشاركة
          هههههههههههههههههههههههههههههههههههههههههههههههههه ه هههههههههههههههههههههههه
          معلش يا علا والله لسة واخد بالى .... امبارح كنت فى حالة من ال لا وعى وكان نفسى انام
          مش عارف ايه اللى خلانى افتكر ان اللى عامل الموضوع محمود موتوريزر
          بجد يا ريت ماتزعليش وموضوع مفيد جدا على فكرة .. الواحد بقى فى التراوة خالص
          لا ولا يهمك.. بتحصل

          هو يمكن عشان انا و محمود سيريوناوية زي بعض و كمان لون عربياتنا زي بعض

          Comment


          • #20
            المشاركة الأصلية كتبت بواسطة khaled ayman مشاهدة المشاركة
            انا قصدى يا نجد انها بتتحرك فى المطبات كتير ...
            يعنى بتلطع و تنزل كتير ....
            و ده متعب شويه
            يعني دا ف الفكترا 2008 ولا كل اموديلاتها كدا
            ؟؟!!
            [CENTER]soon 2011[/CENTER]
            [CENTER][img3]http://img103.herosh.com/2010/03/17/929079106.jpg[/img3][/CENTER]
            [CENTER]لا اله الا الله محمد رسول الله[/CENTER]
            [CENTER][URL="http://www.nilemotors.net/Nile/148285-a.html#post3872639890"]مناقشه حول ثبات الاوبل[/URL] [/CENTER]
            [CENTER][URL="http://www.nilemotors.net/Nile/155281-test-drive-opel-astra-2010-a.html#post3872734259"]Test Drive opel astra 2010[/URL][/CENTER]
            [CENTER][URL="http://astra.opel.info/pt/astra-photography/photos-opel-astra-durability.html"]picuters 4 astra 2010[/URL][/CENTER]
            [CENTER][URL="http://www.nilemotors.net/Nile/106417-a.html#post3872125574"]موضوع مهم خد بالك منه[/URL][/CENTER]

            Comment


            • #21
              اللى عاجبنى فى العربية :
              شكلها الرياضى ,واسعة,ثابته على اى سرعة مهما كانت سواء ملفات او طريق مستقيم ,واطية عن الارض وانا شايفة ميزة جميلة جدا عشان ماينفعش عربية بالسرعة دية تبقى عالية نهائى ,ماتورها اللى بيعلم على اى حد
              اللى مش عاجبنى:
              قطع غيارها غالية جدا جدا ولازم تجيبها الاصلية ولو ركبت التقليد هتلاقيها واحدة تانية خالص
              استهلاك البنزين الجميل جدا مع المشى العادى لكن يوم ماتفكر تشد انسى انك تفكر فى البنزين ودة بيخلينى ارجع كتير انى اشد بالعربية واقول حرام البنزين اللى هايطير دة
              سقفها من ورا منخفض شوية ودة بيخلى اللى اطول من 185 سم راسهم تخبط فى السقف ولازم يتحركوا بجسمهم الى الامام قليلا لكن اى طول اقل من كدة قاعدين مستريحين جدا مع انها رياضية مش عائلية
              لازم امون 95 عشان تاخد قدرة الماتور كاملة وتسمعة هادى لكن مع ال92 بيضيع كتير قوى من قوة الماتور دة غير انة بيعلى صوتها
              [CENTER][SIZE=6]SEMSEM KANE سابقا[/SIZE][/CENTER]

              [img2]http://nileup.com/up/uploads/nilemotors_13635570671.jpg[/img2]

              Comment


              • #22
                انا باسات و جيتا و هتكلم عن الباسات لانى مبحبش اركب الجيتا
                مميزاتها
                البرستيييييييييج الناس كلها بتبصلك(اللهم لا حسد)
                الثبات ابن تيييت جامد اخر حاجة
                التابلوه و التقفيل جامدين
                مكنة جبارة و بتعلم على اى واحد(عن تجربة)بس من سرعة 30 و انت طالع
                فرامل انقذتنى كذا مرة من اللبس اخرها كنت هلبس فى اتوبيس من ورا
                الواحد بيوديها التوكيل فى المعاد و بعد كدة ينساها بمعنى الكلمة

                عيوبها
                بتحك لو المطب غبى مش عشان واطية لاء لكن عشان طويلة فلو المطب قصير العجل الى قدام بينزل من المطب و الى ورا بيكون لسة مطلعش ف بتحك
                الركن مع انها مش مشكلة عويصة عشان عندنا فى المنصورة الشوارع مش زحمة للدرجة
                لما بسافر بحط 95 عشان تأدى كويس
                العلامة بتتسرق مرة كل اسبوع لدرجة انى جبت 8 علامات صينى و حططيطهم فى العربية عشان لما تتسرق اركب الى بعديها على طول

                ده الى انا فاكره

                Comment


                • #23
                  المشاركة الأصلية كتبت بواسطة n.a.j.d مشاهدة المشاركة
                  يعني دا ف الفكترا 2008 ولا كل اموديلاتها كدا
                  ؟؟!!
                  2008 ...
                  ده نوع من نشوفيه العفشه يا نجد ...
                  و الاوكتافيا كده بس الفيكترا ازيد شويه ..
                  [CENTER]
                  ولا تحسبن الذين قتلوا فى سبيل الله امواتا بل احياء عند ربهم يرزقون

                  [/CENTER]

                  Comment


                  • #24
                    اللى عاجبنى فيها اول حاجه انها مش منتشره ... ومميزه .. لانى من عشاق التميز .. طول حياتى والحمد لله
                    ومفيش ناس كتير عارفه ومقدره قيمة وامكانيات العربيه ... ماشاء الله عليها ...
                    واللى مش عاجبنى فيها .... ان لونها احمر روبى عشان انا زملكاوى ...ههههه
                    بس مالبيد حيله
                    مقدرتش استنى واللون الاسود مكانش موجود
                    اضافه الى سابقا مكان الطفايه بتاع السجاير ادام الفتيس ...
                    لكن معادتش بتشكلى مشكله لانى بطلت تدخين والحمد لله بقالى فتره كويسه
                    [SIGPIC][/SIGPIC]
                    I Love My Car

                    Comment


                    • #25
                      المشاركة الأصلية كتبت بواسطة khaled ayman مشاهدة المشاركة
                      2008 ...
                      ده نوع من نشوفيه العفشه يا نجد ...
                      و الاوكتافيا كده بس الفيكترا ازيد شويه ..
                      منك لله يا منصور
                      انا ياخالد عارف العربيه دي كويس ومفيش عندنا الكلام دا خالص
                      [CENTER]soon 2011[/CENTER]
                      [CENTER][img3]http://img103.herosh.com/2010/03/17/929079106.jpg[/img3][/CENTER]
                      [CENTER]لا اله الا الله محمد رسول الله[/CENTER]
                      [CENTER][URL="http://www.nilemotors.net/Nile/148285-a.html#post3872639890"]مناقشه حول ثبات الاوبل[/URL] [/CENTER]
                      [CENTER][URL="http://www.nilemotors.net/Nile/155281-test-drive-opel-astra-2010-a.html#post3872734259"]Test Drive opel astra 2010[/URL][/CENTER]
                      [CENTER][URL="http://astra.opel.info/pt/astra-photography/photos-opel-astra-durability.html"]picuters 4 astra 2010[/URL][/CENTER]
                      [CENTER][URL="http://www.nilemotors.net/Nile/106417-a.html#post3872125574"]موضوع مهم خد بالك منه[/URL][/CENTER]

                      Comment


                      • #26
                        بروتون برسونا
                        مميزاتها بالنسبه لى :
                        1-ثبات خرافى على السرعات العاليه (مفيش عربيه سعرها تحت ال 100 ثابته كده غيرها)
                        2- تسارع مرضى جدا (يعنى بتشد كويس بس مش زى العربيات الخفيفه فيرنا ونيو اكسنت وكده لانها 1200 كجم)
                        3- كمالياتها كتيييييير جدا
                        4- شكلها روعه جدا وفخم اوى
                        5- عفشه وموتور رياضيين واداءهم عالى جدا
                        6- سعرها روعه ومافيش عربيه زيها وبسعرها ولا كماليات ولا اداء ولا شكل ولا اى حاجه

                        عيوبها :
                        1- زاوية الدريكسيون ديقه (لما تيجى فى ملف ديق لازم تاخده على مرتين)
                        2- مشاكل تافهه كتير بيتدايق الواحد ( مشاكل تقفيل الكماليات والصالون فقط)
                        3- ابعادها غير مرئيه ( عشان تركن لازم بالسينسور لان عمرك ماهتشوف حاجه اكمن الشنطه عاليه جدا)

                        ولكن كمجمل فى رأي افضل سياره فى فئتها السعريه والحمد لله انى اشتريتها


                        نيسان صنى 2009 الشكل الجديد
                        مميزات
                        1- موتور قوى
                        2- عفشه عاليه وعمرها ماتحك
                        3-كماليات كويسه
                        4-سعر رائع مقارنة بجودة نيسان

                        عيوب
                        1- صوت الموتور عالى
                        2-فرامل سهل تزحف جامد
                        3- ديقه جدا من ورا
                        4- دواسات القياده قريبه جدا فلازم تتنى ركبك حتى لو مرجع الكرسى وده سبب ديق الكنبه انك بتضطر ترجع الكرسى جامد

                        لكن ايضا هى عربيه كأساسيات عفشه وموتور ممتازه وحمالة اسيه جدا
                        [CENTER][SIGPIC][/SIGPIC][/CENTER]

                        [CENTER][B][URL="http://www.nilemotors.net/Nile/162345-a.html"][SIZE=5][FONT=Impact][COLOR=darkorchid](هام للمقبلين على شراء سياره مستعمله او جديده) هساعدك فى الاختيار[/COLOR][/FONT][/SIZE][/URL][/B][/CENTER]
                        [CENTER][COLOR=darkorchid]:w6266d[/COLOR][/CENTER]
                        [CENTER][COLOR=#ff8c00][COLOR=#000000][FONT=verdana][COLOR=blue][B][URL="http://http://www.nilemotors.net/Nile/162345-a.html"]http://www.nilemotors.net/Nile/162345-a.html[/URL][/B][/COLOR][/FONT][/COLOR][/COLOR][/CENTER]

                        Comment


                        • #27
                          هيونداي فيرنا... المميزات و العيوب من وجهة نظري

                          مميزات العربية:
                          1- سحب و تسارع ممتازين
                          2- عفشة مريحة مش ناشفة
                          3- تكييف ممتاز و تأثيره على السحب بسيط
                          4- باور و فتيس ناعمين جداً
                          5- استهلاك بنزين جيد جداً لفئة الـ1.6L (وصلت لمعدل 13 كم لكل لتر / اوكتان 92 بدون تكييف و 12 كم لكل لتر بالتكييف )
                          6- افضل قيمة مقايل سعر في فئتها Value for money

                          العيوب:
                          1- خفيفة.. لا اثق فيها على السرعات العالية اكتر من 100 كم/س (العربية حالياً بدون اي تعديل)
                          2- العزل مستواه مش كويس .. مقبول
                          3- الصالون ضيّق
                          4- الهاف اوبشنز فقيرة جداً في الكماليات ... انا معنديش عداد RPM كمثال

                          في النهاية العربية شايفها كويسة جداً بالنسبة لسعرها...لو رجع بيا الزمن كنت اشتريتها اوتوماتيك :) و شكراً لطرح الموضوع

                          Comment


                          • #28
                            لازم الاول اشكر اختي السيريونيه الكبيره علا اللي بتغيب علينا شويه ثم تشرق علينا بموضوع متميز جدا
                            نيجي بقه للموضوع بالنسبه للسيريون موديل 2008 اتوماتيك ممزيتها:
                            1-واااااااااااااااااااااااسعه ومريحه جدااااااااااااا
                            2-باور ناعمممم جدا وخفيف على السرعات الصغيره وماسك نفسه جداااا على السرعات العاليه
                            3-شكلها الخارجي بيعجني 4-شكلها الداخلي ورسمه التابلوه جميله
                            4-تكييف جيدا ومش بياثر قوي على الموتور مع ان عربيتي اتوماتيك ده حتى انا بحس انها من اول سرعه 100 مع التكيفف سحبها بيبقى حلو اوي
                            5-موتور ممتاز جداااااااااا (1300 سي سي ) بس بجد موتور قوي انا كان معايا كريستاله قبلها بصراحه السيريون موتورها شديد عن الكريستاله وبيسحب حلو قوي مع ان شكلها ميديش على جري خالص
                            6-استهلاك البنزين حلو قوي مع السرعه المعقوله وكمان من غير قرص او حرق على العربيه ومش بتفرق تكييف او من غيره تقريبا فر غير ملحوظ
                            7-بيعجبني اوي انها بتنزل فول اوبشن بجد مع فرق الفتيس فقط مانوال و اتوماتيك مش زي عربيات تانيه لسه بيعتبروا الزجاج الكهربائي والسنتر من الكماليات الرهيبه وبينزلوها فاضيه(من غير ذكر اسماء عشان محدش يزعل)

                            العيوب
                            1-شكل العداداااااااااااااااااااااااااااااااااااااااااااا ت بينرفزني ونفسي افهم ايه وجة نظرهم في الكالو او الكبسوله اللي عملنها دي !!!!!!
                            2-مكان زرار المرايات (بس في الاول بس ومع التعود خلاص )
                            3-بتنزل بكاوتشات تعبانه اوي ورفيه جدااااا 14 175/65 و ده منشف العفشه جداا واي نقره او عين القط تحس بالرزع في العربيه وكمان خشن قوي وصوته عالي
                            4-العزل متوسط والكوتشات صوتها مسموع وصت الموتور مسموع
                            5-بعض الاصوات اللي بتظهر وتختفي ودي انا مش بعتبره عيب عربيه اكتر مهو عيب في الطرق المتسفزه بتاعتنا اللي بتهد اي عربيه
                            6-الزجاج الخلفي صغير لو راكب 3 وره يبقى خلاص مش هتشوف اي حاجه (بس تقريبا كل الهاتش باك كده)
                            7-عدم وجود لمبه لحزام الامان وللابواب في التابلوه حاجه غبيه برده
                            8-العربيه بتنزل من غير ريموت وكمان المفتاح بتاعها اللي يشوفوا يفتكروا مفتاح توكتوك
                            9-الدواسات صغيره جدااااااااااا شواء البنزين او الفرامل وخصوصا الفرامل ودي مسببالي انا مشكله لاني متعود على الدواسه الكبيره في الصني او في اللانسر اللي كانت معايا

                            ده اللي انا فاكره دلوقتي

                            بالنسبه للنيسان صني موديل 2008 اتوماتيك مميزاتها :
                            1- شكلها الخارجي ممتاز الصراحه وشكلها فخم اوي
                            2-موتور ممتاز جدااااااااااااااااااااا بعتبره اهم ميزه فيها
                            3-فرامل ممتازه معرفش ناس كتير اول ما جبتها قعدوا يقولولي ده عيبها فراملها ضعيفه محستش بالكام الغريب ده
                            4-تكييف حلو بس تشغله على الهادي لما بشغله على 3او 4 بحس انه مش بيبرد كويس!؟
                            5-تسارع بتاعها جميل واستجابه العربيه للبنزين رهيبه باللمسه فعلا والكيك داون بتاع الفتيس جامد جدااااااا
                            6-الخامات ممتازه واحسن حاجه ان التابلوه مش بلاستيك او قايبر ومعظمه جلد او بلاستيك طري

                            عيوبها :
                            1-شكلها الداخلي قديييييييييييييييييييييييييييييييييييييييييييم جداااااااا تصميمات التسعينات معرفش ليه كده
                            2-الباور تقيل اتقل من اللانسر البومه والسيراتو ؟!!
                            3-العزل متوسط برده
                            4-الثبات حلو اوي لكن بحس ان الدركسيون لازم امسك في بايدي ورجلي عشان ميهربش مني(مبيحصلش كده في السيريون وعشان كدده بققول الباور الكهربه احسن من الزيت في التحكم)
                            5-العربيه ضيقه على شكلها الخارجي يعني هي من بره وحشششششش من جوه كتكوت بالنسبه لبره وده لان الكمابوت والشنطه واكلين العربيه وكمان الفرش ناشف
                            6-اضاءه العدادات باهته وقديمه قوي(السيريون اضاءتها قويه وواضحه)
                            7- بعد الخامات تعبانه زي الجلد بتاع الزجاج لما انزل الزجاج بيتحشر مع الزجاج وبينزل معه في المجره بتاعته وطبعا بيعمل صوت غبي
                            8-الفتيس في اول المشوار بينتش من الاول للتاني فقط وبعد شويه من المشي النتشه بتروح ومعرفش سبب وجودها او زوالها ايه اصلا !!
                            9-استهلاك البنزين متوسط لكن مع الحرق والجري بتبلعوااا بس ده ال 1600 كله تقريبا
                            لكن كمجمل الصني عربيه على قد فلوسها بصراحه 92000 كامله اتوماتيك _اير باج للسائق خير وبركه في عربيات فوق ال100 ومفيهاش اير باج ولا غيره ولا حتى زجاج كهربه
                            سبحان الله وبحمده سبحان الله العظيم

                            Comment


                            • #29
                              بيجو 504

                              يعجبني:
                              1- لما أحتاجها، بادور و أطلع. ما بتقولش لأ
                              2- الردع البصري (عربية سبعينات باكصدام نيكل) و ما يترتب عليه من (اللي خايف يروح، صدر البوز تفوز إلخ....)
                              3- موتور قوي، دفع خلفي، عفشة ناعمة، دركسيون خفيف، فرامل كويسة
                              4- وسع الصالون و ارتفاع السقف. في مرة ركبت معايا 7 أصدقائي (العربية صالون مش 7 راكب) اتنين قدام و أربعة في الكنبة الخلفية و واحد خفيف نايم فوقهم ده طبعاً غير السائق اللي هو أنا كده العربية كان بداخلها 8 أشخاص
                              5- قطع غيار و صيانة في أي حتة + أصبحت أقوم بمعظم عمليات الصيانة و الضبط دون الرجوع للميكانيكي
                              6- سيارة خالية من التعقيد (لأن ببساطة مافيهاش حاجة أصلاً :) ) و سهولة الوصول لكل مسمار في العربية عند الحاجة
                              7- لو حطيت لها بنزين 70 هتمشي برضه

                              ما لا يعجبني:
                              شخصياً مافيش حاجة محددة مش عاجباني فيها.
                              [CENTER][B][SIZE="5"]مدونتي http://historyneverdies.blogspot.com[/SIZE]
                              [SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]

                              Comment


                              • #30
                                المشاركة الأصلية كتبت بواسطة abo_hosni مشاهدة المشاركة
                                بيجو 504

                                يعجبني:
                                1- لما أحتاجها، بادور و أطلع. ما بتقولش لأ
                                2- الردع البصري (عربية سبعينات باكصدام نيكل) و ما يترتب عليه من (اللي خايف يروح، صدر البوز تفوز إلخ....)
                                3- موتور قوي، دفع خلفي، عفشة ناعمة، دركسيون خفيف، فرامل كويسة
                                4- وسع الصالون و ارتفاع السقف. في مرة ركبت معايا 7 أصدقائي (العربية صالون مش 7 راكب) اتنين قدام و أربعة في الكنبة الخلفية و واحد خفيف نايم فوقهم ده طبعاً غير السائق اللي هو أنا كده العربية كان بداخلها 8 أشخاص
                                5- قطع غيار و صيانة في أي حتة + أصبحت أقوم بمعظم عمليات الصيانة و الضبط دون الرجوع للميكانيكي
                                6- سيارة خالية من التعقيد (لأن ببساطة مافيهاش حاجة أصلاً :) ) و سهولة الوصول لكل مسمار في العربية عند الحاجة
                                7- لو حطيت لها بنزين 70 هتمشي برضه

                                ما لا يعجبني:
                                شخصياً مافيش حاجة محددة مش عاجباني فيها.
                                [sor2]http://www.trading4ever.com/aymanroshdyswyd.jpg[/sor2]

                                www.trading4ever.com

                                Comment

                                Working...
                                X