حكايتى مع التوكيل....

[amrrashed]

انا شفت كام موضوع مفتوحين عن البيع والشراء بالتوكيل وحبيت افيد الناس بحكايتى مع الزمان قصدى التوكيل ....

عربيتى شاريها من واحد صاحبى وزى اخويا. المهم قلت امشى بالتوكيل مدة السنة ونص الباقيين فى الرخصة لحد ما اجدد الرخصة . وقبل نهاية مدة الرخصة رحت اجدد وقلت اجيب شهادة تصنيع محلى لعربيتى اللانوس 99 من مرور العربية الاول علشان اخفض فلوس التسجيل، ورحت وهناك اكتشفت ان رقم الشاسية فى التوكيل بتاعى فيه غلط (فيه صفر ناقص فقط لاغير) والغلط ده برضه فى الرخصة والراجل بتاع المرور كتبلى الرقم السليم، قولت استعبط واروح الشهر العقارى واسجل. معرفتش ابدا مع انى عرضت على الموظف فلوس علشان العطلة الفاضية، الموظف قالى بالحرف (رقم الشاسيه غلط .... مش ممكن مستحيل هى العربية ايه غير شاسيه) قولت اروح ادفع المخالفات - اكسب وقت واعمل اى حاجة ماهى ايام ضايعة وخلاص - جابولى مخالفات من زمان قبل ما اشترى العربية (مع ان صاحبى جايب شهادة مخالفات) وكانت المخالفات ديه لسة ماجاتش المرور ساعت لما صاحبى راح يعمل شهادة المخالفات، مقدرتش اسجل او اجدد رخصة او اصلح رقم الشاسية من غير وجود الموكل (صاحبى، تعليمات يا سيد) او حتى اغير المهم استنيت صديقى اللى بايعلى العربية علبال ما جه من السفر وراح باع لى بعقد مسجل.

والحكاية دى خدت منى اسبوعين بتاكل دماغى واربعة ايام مهدرين مابين المرور بتاعى والشهر العقارى......والهدف من القصة مايلى:
- لاتشترى سيارة بتوكيل الا اذا كنت ضامن البائع ميه فى المية لانه لو مش والدك او والدتك او اخوك المقرب من نفسك ممكن تلف الدنيا ومتلاقيهوش
- ممكن يتحط عليك مخالفات مش بتاعتك لانها لسة ماجاتش ساعة عمل شهادة ابراء الذمة وهتدفع هتدفع لان مفيش تظلم دلوقتى
- احتمال ان يكون التوكيل فيه غلط كبير لان موظفين الشهر العقارى والمرور هما ابطال العالم فى الاخطاء الاملائية
- مفيش حاجة اجمل من ان رخصة العربية بتاعتك يبقى عليها اسمك
- كدة كدة هتدفع فلوس الترخيص لو ناوى تخلى العربية

واسف للاطالة

تم تعديل العنوان من قبل الادارة لعموم الفائدة

[ahmed_gamal]

- لاتشترى سيارة بتوكيل الا اذا كنت ضامن البائع ميه فى المية لانه لو مش والدك او والدتك او اخوك المقرب من نفسك ممكن تلف الدنيا ومتلاقيهوش
- ممكن يتحط عليك مخالفات مش بتاعتك لانها لسة ماجاتش ساعة عمل شهادة ابراء الذمة وهتدفع هتدفع لان مفيش تظلم دلوقتى
- احتمال ان يكون التوكيل فيه غلط كبير لان موظفين الشهر العقارى والمرور هما ابطال العالم فى الاخطاء الاملائية
- مفيش حاجة اجمل من ان رخصة العربية بتاعتك يبقى عليها اسمك
- كدة كدة هتدفع فلوس الترخيص لو ناوى تخلى العربية

+1000000000000 الكلام ده عين العقل

[ashrofa72]

الله ينور عليك وشكرا للنصيحة

[tutankhamoun]

ألف شكر للنصيحة ........... فعلا أستفدت من تلك المعلومات
جزاك الله خيرا

[magedfarid]

كلام صح 100% وشكرا لك

[اسلام المصرى]

جزاك الله خيرا يا أخ عمرو :)
شكرا جزيلا على النصائح ربنا يكفيك شر الطريق.

[amrrashed]

الف شكر ياجماعة على ردودكم الحلوة وربنا يحفظنا واياكم من كل سوء

[ابوحميد]

معلش ليا تعديل بسيط على كلام حضرتك
عنوان المقال يوحى بانه قصتك مع توكيل العربية اللى اشتريتها منه
مش التوكيل بتاع البائع
وشكرا على النصيحة

[eng_mkhalaf]

مفيش حاجة اجمل من ان رخصة العربية بتاعتك يبقى عليها اسمك

+10000000000000 وأسأل مجرب

عنوان المقال يوحى بانه قصتك مع توكيل العربية اللى اشتريتها منه

+1000000

[amrrashed]

معلش ليا تعديل بسيط على كلام حضرتك
عنوان المقال يوحى بانه قصتك مع توكيل العربية اللى اشتريتها منه
مش التوكيل بتاع البائع
وشكرا على النصيحة

صح معاك حق اسف على اللبس يا باشا

[ammahah_ahmed]

مشكور على النصيحة :)

[BASHAR]

الله ينور عليك وشكرا للنصيحة

+111111111111

[magomago]

حرص ولا تخونش
;);););););););););););););););););)