النزين هيغلى - حوشوا من دلوقتى

[ahmed-moga]

الخبر محزن لكل الاشخاص الي ربنا يباركلهم عندهم عربية بالتمن الفلاني وبدل العربيه اتنين وتلاته

بس اكيد هيبقي مفرح للغلابه والي حيلتهم عربيه وغالبا هتبقي قليلة

القصد انهم بيحاولوا يوازنوا عشان مفيش تساوي في مصر فعلا بين الطبقات
في طبقة متعرفش حاجه عن مصر وطبقة تانية معاها وعارفه وبتدعي الفقر وطبقة تالته ماشيه بستر ربنا ودي اغلب مصر منها وطبقة تحت الارض

طيب واللي جايب عربيه بالقسط علشان يستخدمها في شغله بدل بهدله المواصلات والسرقه بالأكراه والنشل وغيره ذنبه ايه في الزياده دية مش كل اللي معاه عربيه يبقي ميسور الحال وميهمهوش البنزين يغلي ولا ميغلاش فين ناس كل شغلها وأكل عيشها علي العربيه ولوزودوا البنزين يبقي بينقصوا من مكسبه ولو فرضنا انه مش سواق تاكسي ولا عربيه نقل وصاحب عربيه ملاكي بيستخدمها في توزيع سلعه ما ماينفعش انه يزود في سعرها علشان يعوض فرق المكسب اللي ضاع عليه من الزياده يعمل ايه وبعدين سبكم من كل ده هو من امتي حكومتنا بتشجع الأشتراكيه وبتدعمها وبتطالب بيها
احسن حل ياجماعه ان احنا نحول عربيتنا لغاز او نبيعها ونقضيها عجل او نخترع موتسيكل بيمشي بالماء والكهرباء وباردوا هيطلعونا حاجه علشان ندفع عليها فلوس زياده

[Terrible_DaRsH]

مش الشعب المصرى بيرمى زبالة كتيرة , ايه المشكلة لما البنزين يغلى ..

[abogogo]

محتاجين جمال عبد الناصر آخر من جديد !!!؟؟؟ بس من غير الى كانوا حواليه ونحط تحت عبد الناصر كذا خط يعني مش اي جمال والسلام !!!!!

[mmffor]

الخبر محزن لكل الاشخاص الي ربنا يباركلهم عندهم عربية بالتمن الفلاني وبدل العربيه اتنين وتلاته

بس اكيد هيبقي مفرح للغلابه والي حيلتهم عربيه وغالبا هتبقي قليلة

القصد انهم بيحاولوا يوازنوا عشان مفيش تساوي في مصر فعلا بين الطبقات
في طبقة متعرفش حاجه عن مصر وطبقة تانية معاها وعارفه وبتدعي الفقر وطبقة تالته ماشيه بستر ربنا ودي اغلب مصر منها وطبقة تحت الارض

طبقات ايه! انت مينفعش ترجع البلد للاشتراكيه او الشيوعيه تاني لأن الانظمه دي اثبتت فشلها الذريع. الصح يا حبيبي ان اسعار اي حاجه لازم تبقى واحد على الناس كلها سواءا مدعمه او لأ لأن ده مبدأ العداله و المساواه الاجتماعيه. ثانيا يتم توفير هيئة رعايه اجتماعيه للفقراء يتم تقديم الدعم لهم

[Imhotep]

كل شوية خبر عن الدعم و الكلام عن البنزين كتر.... اعتقد انه فعلا هيغلى لان دى طريقة حصول الامور فى بلدنا.... تمهيد ثم امتصاص غضب الرأى العام ثم حدوث الغلاء

[Haitham10]

طيب واللي جايب عربيه بالقسط علشان يستخدمها في شغله بدل بهدله المواصلات والسرقه بالأكراه والنشل وغيره ذنبه ايه في الزياده دية مش كل اللي معاه عربيه يبقي ميسور الحال وميهمهوش البنزين يغلي ولا ميغلاش فين ناس كل شغلها وأكل عيشها علي العربيه ولوزودوا البنزين يبقي بينقصوا من مكسبه ولو فرضنا انه مش سواق تاكسي ولا عربيه نقل وصاحب عربيه ملاكي بيستخدمها في توزيع سلعه ما ماينفعش انه يزود في سعرها علشان يعوض فرق المكسب اللي ضاع عليه من الزياده يعمل ايه وبعدين سبكم من كل ده هو من امتي حكومتنا بتشجع الأشتراكيه وبتدعمها وبتطالب بيها
احسن حل ياجماعه ان احنا نحول عربيتنا لغاز او نبيعها ونقضيها عجل او نخترع موتسيكل بيمشي بالماء والكهرباء وباردوا هيطلعونا حاجه علشان ندفع عليها فلوس زياده

الظاهر كلامي مكنش واضح لاني اكيد قلت الفرق بين الناس الي هتفرح والناس الي هتزعل

عموما بالنسبة لحضرتك معتقدش انك المفروض من الي هيزعلوا الا لو جايب عربيه ب150 الف او فيما فوق قسط ساعتها متقوليش انك غلبان لمؤاخذه !!

[Haitham10]

طبقات ايه! انت مينفعش ترجع البلد للاشتراكيه او الشيوعيه تاني لأن الانظمه دي اثبتت فشلها الذريع. الصح يا حبيبي ان اسعار اي حاجه لازم تبقى واحد على الناس كلها سواءا مدعمه او لأ لأن ده مبدأ العداله و المساواه الاجتماعيه. ثانيا يتم توفير هيئة رعايه اجتماعيه للفقراء يتم تقديم الدعم لهم

انا بني ادم عادي جدا ولا ليا علاقه بالسياسه ولا افهم حتي الاشتراكيه معناها ايه وكنت بقول الحقيقه المرة
في ناس عايشه في مصر متعرفش يعني ايه باقي المحافظات ولا حتي بتسمع عنها ويمكن اخرهم شرم واسكندريه والقاهره وفي الي عايش في اسكندريه عمره ما خرج منها اساسا وهكذا
احنا في دوامة ناس
اما اسعار اي حاجة تبقي واحد علي الناس دي انا بصراحة مش معاك فيها لان كل حاجه مش عادلة في الحياة هنا و هيئه ايه وفقراء ايه دة في 60% من شعب مصر فقراء وجعانين

بجد الواحد تعب نفسيا في ناس معندهاش اي فكرة عن الحقيقه والحياة الواقعية ومش عايزيني اقول طبقات ؟؟؟؟!!!!!!! لا في طبقات كتير الواحد يتكسف يكتب عنها اصلا

[ahmed-moga]

الظاهر كلامي مكنش واضح لاني اكيد قلت الفرق بين الناس الي هتفرح والناس الي هتزعل

عموما بالنسبة لحضرتك معتقدش انك المفروض من الي هيزعلوا الا لو جايب عربيه ب150 الف او فيما فوق قسط ساعتها متقوليش انك غلبان لمؤاخذه !!

معلش انا مش فاهم حضرتك كويس مين الناس اللي هاتزعل وهاتزعل علي ايه ومين الناس اللي هاتفرح وهاتفرح علي ايه قصد حضرتك هاتفرح علي موضوع الدعم ياريت ويبقي خير وبركه وتبقي مبادره كويسه منها انها بدأت تحس بمعاناة الشعب بس مش علي حسابنا وان احنا اللي نقوم بتمويل الدعم المفروض الحكومه هي اللي بتقوم بالدعم وان احنا اللي نستفاد بالدعم وماشاء الله شوف الدوله بتدي بالملاين علشان حته جلده منفوخه هوا طب ماأحنا أوله وكفايا رجال الأعمال وأصحاب الملاين همه اللي يكافأوهم وكمان عندك المواصلات وعندك قناة السويس وعندك البترول بنود كتير بتدخل فلوس لخزنه البلد
اما بالنسبه للعربيه ام 150 الف يسمع من بقك ربنا بس ادعيلي ماتكونش قسط وأنا هافضل ادعيلك ليل ونهار وليك مني هديه كمان هههههههههههه ياباشا ربنا يقدرني علي اللي معايا وأقدر أصرف عليها وتجيب همها غير كده هابقي مضطر اني ابيعها ربنا يستر لأن الشغل الأيام دية بقي في الضياع والحاله الأقتصاديه في تدهور مستمر

[mmffor]

يا جماعه انا مثلا دخلي الفين جنيه بدفع منهم 400 جنيه بنزين عربيه و الباقي 400 جنيه فواتير و باقيلي 1200 مصاؤيف بيت و قسط عليا بخلصوا و صيانات العربيه
لما يزودوا البنزين تاني للضعف طب ما انا كده حدفع 800 بنزين
يبقى باقيلي 800 جنيه اعيش منهم يعني لو العربيه باظت او لا قدر الله اتخبطت حاحطها جنب الحيط واللا لا قدر الله حد في البيت مرض يبقى العمل ايه. طبعا انا الحمد لله احسن من غيري. المهندس خريج جديد بياخد 1000 او 1200 و بنزين عربيته عليه و بيلف بيها. يعني لو غلوا البنزين مرتبه مش حيكفيه بنزين بس حتى!!!!

[ali_333]

ده طريق للقضائ عالطبقة المتوسطة اللي دخلهم في حدود من ألف ونص ل 3000 تقريبا
كده مش حيبقي في غر طبقتين في البلد الفقيرة والغنية الفقيرة بتاخد دعم
والغنية مش محتاجة دعم طبعا.ده تقسيمة وبتتنفذ
زي تذكرة قطر النوم كان ب 95 جنيه سنة 99او 98
ودلوقتي بقت ب 240 جنيه ولسة في زيادة

سياسة التجويع والفقر مستمرة ومستمرة ومستمرةةةةةةةةةةةةةةةةةة
مصر ده لو بسسسسسسس اتزرعت حنبقي من اغني الدول
ولكن.......................
سياسة التجويع والفقر ستظل مستمرةةةةةةةةةةةةةةةةةةةةةةةةةةةةةةةةة

[Ralliart]

الظاهر كلامي مكنش واضح لاني اكيد قلت الفرق بين الناس الي هتفرح والناس الي هتزعل

عموما بالنسبة لحضرتك معتقدش انك المفروض من الي هيزعلوا الا لو جايب عربيه ب150 الف او فيما فوق قسط ساعتها متقوليش انك غلبان لمؤاخذه !!

معلش مش فاهمك ؟ يعني انا دافع تمن العربيه مرتين للدوله المفروض ماخدش دعم؟؟
لان مش معنى ان واحد راكب عربيه بمليون جنيه انه حرمي !! فلوسي من تعبي وانا حر فيها ودافع قد تمنها تاني للدوله ومش مجبر اني اصرف على الحكومه ولا على حد تاني

[reamoz]

حسبنا الله ونعم الوكيل!

[Akram]

هل ممكن يفكروا يذودا البنزين الـ 95 و 92 على اساس انه بيستخدم لفئات عربيات أعلى .....

[M.Mostafa80]

طول ما الناس ساكته عن حقها وما بتعترضش هينفذو اللى هما عايزينه
وحتى لما بيعارضو بيبقى المعتقل مستنيهم زى ما حصل فى الناس اللى بتعارض اعاده انتخاب الرئيس الحالى لنا الله وحسبى الله ونعم الوكيل فى كل فرد يشغل عقله بأذى الناس اللى خلاص ما بقوش عارفين يلاقوها منين ولا منين

[viper911s]

المسئلة لو حسبتوها بشكل تانى ارجع شوية بالتاريخ
الحدث حريق القاهرة الى قام بية الشعب بعيدا عن قوى الجيش والشرطة
البلد قامت مش فاكر على تعريفو تقريبا ذادت علشان الشعب كان مرتاح ومبسوط هما وصلونا اننا ندور طول الوقت فى ساقية مش ملاحقين وبتالى مش مرتاح خوفك على كل حاجة خايف تخسر شغلك تخسر بيتك تخسر لقمت عيشك فى كل حاجة وللاسف حولوا الكل لحرامية كلة بيسرق من كلة الا من رحم ربى
بالتالى محدش ينتظر هوجة من الشعب او ثورة الجياع انا مش شايف انها ممكن تحصل
حاولوا تستسلموا للامر الواقع الى هما عايزينة هيعملوة
بلاش اكمل واقول امثلة تانية تسجنا
سلام