شاهين ولا شاهين

[محمد ابراهيم 1]

أنا بصدد شراء سياره شاهين معروض عليا واحده 1600 كامله
وواحده تانيه 1400 فاضيه والإتنين 2007 والحاله متشابهه والفرق بينهم حوالى 8000
لو انتوا مكانوا تختاروا ايه وماهو مدى كفاءه تكييف شاهين 1600 وأستهلاكها للبنزين

[mada121977]

الاخ الفاضل محمد ابراهيم انا لو مكانك اختار ال1600 بدون تردد علشان التكييف و الباور اولا و علشان قوه الموتور ثانيا و استهلاك االبنزين هيبقى معقول جداا و خاصه انها انجكشن مش كاربيراتير
و بالنسبه لكفاءه التكييف فهوا معقول ومش زى تكييف العربيات اليابانى مثلا.

[hamedo0]

[QUOTE=mada121977;132628]الاخ الفاضل محمد ابراهيم انا لو مكانك اختار ال1600 بدون تردد علشان التكييف و الباور اولا و علشان قوه الموتور ثانيا و استهلاك االبنزين هيبقى معقول جداا و خاصه انها انجكشن مش كاربيراتير
و بالنسبه لكفاءه التكييف فهوا معقول ومش زى تكييف العربيات اليابانى مثلا.[/QUOTE


+1

[ahmed1981]

أختار ال 1600 بدون تردد
كماليات وتطور بفرق 8000 جنيه مش كتير
وأظن المبلغ المتاح هو الذي سيحكم أكثر
وبالنسبة للفرق في الإستهلاك فأظنه بسيط لأن الإثنين حقن إلكتروني وبالتالي سيكون موفر في البنزين

[فادى]

أنا معايا الشاهين 1600 و الحقيقة أنصحك بها.
تكييف أكثر من رائع و لا يؤثر على المحرك, و باور لطيف, و لكن استهلاك البنزين مرتفع قليلا و لكن فى المقابل محرك قوى جدا و متجاوب و تسارعها بلا مبالغة مذهل. و اعتمادية هائلة(40,000 كلم حتى الأن بدون أى مشاكل). و هى مريحة الى حد معين بالاضافة الى الدعم الهائل من قطع غيار و توفر طرق الصيانة.
ال1400 جيدة جدا أيضا لكن حرام أن تشترى سيارة بدون تكييف على الأقل, لأنك ستحتاجه بشدة فى الأيام الحارة.

[hazem_khidr]

ال1600 اكيد لو تقدر تدفع الفرق و كفايه ان تكييفها اصلي مش متركب

[Chicco]

موافق علي كلام الأخ الفاضل فادي لأول مره!!!
بس إعمل حسابك علي تغيير العجل و المساعدين في حسبة التكاليف والله الموفق

[eng_mkhalaf]

ال1600 اكيد لو تقدر تدفع الفرق و كفايه ان تكييفها اصلي مش متركب

+1000000000000

[فادى]

"بس إعمل حسابك علي تغيير العجل و المساعدين في حسبة التكاليف والله الموفق"
طب يا عم الحمدااله اننا اتفقنا على شىء.
بالنسبة لموضوع الاطارات و المساعدين, فحقيقة أنا سمعت هذه النصيحة كثيرا, و لكنى لم أعمل بها, و لم أحتاج لتغيير المساعدين الأماميين و لم أشعر أن بهما مشكلة, لا أعرف ربما هذه المشكلة تظهر فى بعض السيارات أو ظهرت فى دفعة معينة ثم اختفت, بالنسبة للاطارات فهى نسر و هى تيوبلس و لكنها تيل و ليست سلك, و هى "ناشفة" بعض الشىء, و سوف تقلل من راحتك فى المطبات, و لكنى لم أغيرها حتى الأن لأنى "استحرمت" أن أغير الاطارات و هى ما تزال بحالة جيدة, عموما هى لا بأس بها و لم تحدث بها أى مشكلة سوى مرة واحدة فوجئت بالعجلة نائمة. و عموما فان ملاك سيارات بيجو من وجيه أباظة أيضا يعانون من نفس مشكلة اطارات النسر فهى ليست خاصة بالشاهين فقط, عموما فى رأيى النسر اطار لا بأس به و بيعيش لكنه مش مريح.