هيستفيد ايه لما الناس كلها تشتري عربيات صيني؟

[yyy]

في كذا موضوع اتعملوا قريب بيدافعو عن العربيات الصيني
انا عاوز اعرف بقي ليه بيدافعو عنها ايه الحكمه يعني ..؟
هيستفيد ايه لما يقنع الناس كلها بالعربيات الصيني ؟
والناس هتستفيد ايه لما تركب صيني ؟

[mahmoudselim]

أعتقد والله و أعلم ان اكبر مستفيد من بيع العربيات الصيني هما

تجار الخردة ( وكالة البلح)

[Ashraf_Ashraf]

اصبروا بس ياجماعه على العربيات الصينى دى سنتين ثلاثه وهتشوفوا العجب قليل لو شوفنا عربيه منهم نصين ولا سقفها طار
زى ماشوفت هنا مواضيع عن فتيس ضرب لعربيه زيرو وغيرها

[kareemhisham]

مش لازم يكون في حكمة ..

متنساش ان احنا في منتدى سيارات .. يعني مناقشات عن السيارات و كل واحد يقول رأيه

مش اي حد يدافع عن عربية يبقى تاجر ؟!!

[romeo_6887]

انا شايف ان العربيات الصيني كويسه كبدايه
( و خصوصا الاسبيرانزا )
بس التقفيل المصري هو اللي مبهدل العربيات دي

[mahmoud_magdy]

هو مفيش حكمه ولا حاجه في اعتقادي
القصه كلها تتلخص في نقطه واحده مشتركه بين كل المصريين تقريبا
كل واحد بيختار العربيه على اد اللي يقدر يدفعه
وبالتالي الفلوس اللي جت بطلوع وجابت العربيه دي لازم يتدافع عنها
ووجهة نظر اي واحد ان عربيته احلى عربيه ان فلوسه مرمهاش في الارض
وبالتالي عربيته حلوه وجميله وخلافه
واللي يجيي عليها لازم يتعض هههههه

[Imhotep]

هو مفيش حكمه ولا حاجه في اعتقادي
القصه كلها تتلخص في نقطه واحده مشتركه بين كل المصريين تقريبا
كل واحد بيختار العربيه على اد اللي يقدر يدفعه
وبالتالي الفلوس اللي جت بطلوع وجابت العربيه دي لازم يتدافع عنها
ووجهة نظر اي واحد ان عربيته احلى عربيه ان فلوسه مرمهاش في الارض
وبالتالي عربيته حلوه وجميله وخلافه
واللي يجيي عليها لازم يتعض هههههه

تحليل سليم تماما.... هو ميكانيزم نفسى ليس اكثر و لا اقل..... بنفس الطريقة الفهلوية المصرية الاصيلة..... ما احنا جامدين برضه اهوا

[M.Osman]

هو مفيش حكمه ولا حاجه في اعتقادي
القصه كلها تتلخص في نقطه واحده مشتركه بين كل المصريين تقريبا
كل واحد بيختار العربيه على اد اللي يقدر يدفعه
وبالتالي الفلوس اللي جت بطلوع وجابت العربيه دي لازم يتدافع عنها
ووجهة نظر اي واحد ان عربيته احلى عربيه ان فلوسه مرمهاش في الارض
وبالتالي عربيته حلوه وجميله وخلافه
واللي يجيي عليها لازم يتعض هههههه

+1

[aly_hosny]

طب انت متدايق ليه ؟؟؟
ما في مواضييييييييييييييييييييييع كتييييييييييييييييييير عشان تدافع عن السيراتو ال بيعمل كدا هيستفيد ايه لما الناس كلها تجيب سيراتو

[ahmedsamir79]

طب انت متدايق ليه ؟؟؟
ما في مواضييييييييييييييييييييييع كتييييييييييييييييييير عشان تدافع عن السيراتو ال بيعمل كدا هيستفيد ايه لما الناس كلها تجيب سيراتو

+1

[sarawe511]

هي سبحان اللة اذواق . ولو لا اختلاف الاذواق لبارت السلع . و بعدين خلي ايلي يكلم يكلم و ايلي عايز يشتري صيني يشتري صيني . لان الناس ايلي بيشترو اكيد يعني مش اطفال اكيد ناس كبار نضجين عارفين احتياجتهم كويس من السيارة . و بعدين ايلي ياكل ع درسة ينفع نفسة . و معظم ايلي بيحب الصيني بيحبة عشان هو معاة صيني و الكوري ايضا كذلك لكن الياباني و الاوربي عشان ثقتنا ف منتجتهم و جودتها . بس معتقدش ان الصيني ممكن يكون معمر يعني اخرها اوي 5 سنين و بيع

[medo_2060]

يعنى انت مدايق من المواضيع دى ومشوفتش المواضيع بعدد مضاعف وكمان الردود الى بتشتم فى الصينى عمال على بطال
هى الفكره كلها فى الى بيدخل ينتقد فى الصينى عشان صينى دا بيعمل جدل كبير لكن ممكن واحد يدخل ينتقد بموضوعيه وعن تجربه تلاقى الموضوع عادى وارد ان اى عربيه تبقى وحشه او حتى مقلب

[د.محمود صلاح]

ياجماعة اوعوا الصينى ان لم يكن ماركة عريقة ,, أخوكم مجرب لمدة 14 شهر جيلي سى ك 1 اشتريتها ب 64 وبعتها بالعافية ب 41 الف روحت التوكيل 6 مرات للصيانة والأعطال خلال السنة

[Mohamed.Raafat]

يا اخواني كل عربية في الدنيا ليها مميزات و عيوب
حتى فطاحلة السيارات في العالم ( مرسيدس و بي ام ) عربياتهم بيكون فيها عيوب

و فولكس مش بعيد عننا لسه ساحبة كام الف عربية عشان فيها عيوب

مش معنى اني اشتريت نوع معين يبقى خلاص هو ده احسن نوع موجود في السوق ( لازم اعرف ان فيه انواع تانية احسن و انواع تانية اسوأ )

بس مشكلتنا هنا ان كل واحد متحيز لعربيته بطريقة زائدة عن اللزوم لدرجة ان الامر بيوصل للخناق بين الاعضاء

من وجهة نظري المتواضعة و من واقع خبرتي في العمل بمعرض سيارات
لقيت ان العربيات الصيني 50% عربيات فاشلة ( بس و للأمانة مع الوقت الناس بيصلحوا العيوب اللى كنا بنشوفها )
الاسبرانزا كنا شايفين انها عربية كويسة جدا ( مع انها تقفيل مصري ) بس كويسة بس للأسف اهم عيب فيها اسعار قطع الغيار

البريليانس frv معشوقة الملايين ( كان التقفيل بتاعها سيء جدا جدا جدا جدا ) كنت لما تتفحص العربية تشوف اللحامات باينة حتى مش هاين عليهم يساووها ببعض . تبص على الشنطة تلاقي جنب منها الفرق بين الفونايس و الزجاج بتاع الشنطة مضبوط و الجنب التاني تلاقي الفرق واسع جدا

عربيات تانية صيني كنت تيجي تقفل الباب تلاقي درج التابلوه وقع

و حاجات تانية كتير جدا

بس العيوب دي مكانتش مستمرة عالطول و كنا كل ما بنجيب عربيات تانية بنلاقي العيوب مش موجودة

باختصار الصين لسه جديدة في مجال السيارات فلازم تلاقي بعض العيوب
بس الميزة عندهم انهم بيطوروا من نفسهم كل شوية
و برده العيب مش عليهم العيب على المستوردين و الجشع اللى فيهم

[Mohamed.Raafat]

ياجماعة اوعوا الصينى ان لم يكن ماركة عريقة ,, أخوكم مجرب لمدة 14 شهر جيلي سى ك 1 اشتريتها ب 64 وبعتها بالعافية ب 41 الف روحت التوكيل 6 مرات للصيانة والأعطال خلال السنة

الck i عربية كان فاشلة بكل المقاييس
جرب تركب الck ii و جرب الوكيل الجديد
بجد هتحس بالفرق