الضرايب و الجمارك المصريه سرقة لزيادة سعر السيارة

[AMA]

الحسبه مش صعبه لما تكون العربيه تمنها = 66 الف
زود جمارك 40% + ضرايب 15% = 40 الف جنيه
وزود مكسب الوكيل + التاجر = 35 الف جنيه

يبقى الناتج تمن العربيه

الموضوع ان السرقه مش من الجمارك والضرايب وبس لا دا في الوكلاء والتجار كمان

مانا عشان كدة قولت عن الجروب أنه لحمايه المستهلك من السرقة مش من الجمارك فقط
و زى ماقولت أن ممكن الوكيل أو التاجر يكون بيبيع السيارة بعد النصب و الجمرك و الضرايب و السرقة و اللذى منه بـ40,000 جنيه و فى الأخر تانى يوم ولا حاجة تلاقيها بـ46,000 جنيه و تقولة ليه يقولك أصلها حققت نجاح طيب ماهى تحقق نجاح طيب أية ذنب المستهلك أو المواطن المصرى أن الحاجة دى نجحت يعنى طبعا واضح السرقة و مفيش رقابة أو مسؤل يقول أية إلى بيحصل طول ماالفلوس بتبقى فى جيبه قبل ماالشعب يتسرق

و للموضوع بقيه

[Mzeid]

بالنسبة للزحمة فدي مش مشكلة المواطنين لا دي مشكلة الدولة اللي عندها سوء تخطيط لأن على حد علمي تخطيط المدن بيتم فيه مراعاة الزيادات السكانية المستقبلية بس طبعا طبعا احنا لا عندنا تخطيط و لا حاجة
بالإضافة الى ان جميع الحلول للمشاكل الي بتأتي بها الحكومة بتكون حلول روتينية و احيانا متخلفة بدلا من التفكير بعبقرية كما في الدول المحيطة و الغرب
و مان غض البصر عن امور سيئة اخرى

[m_7arb200]

طيب احنا ممكن نعمل ايه عشان نحل المشكله
اللى عنده رأى يقوله
انا رأى ان الحمله هى انسب حل
بس نحاول نجمع ناس كتير

[Mzeid]

من رأيي نشر الوعي العائلي
يعني مثلا أكيد في حد في العائلة عايز يشتري عربية سواء كبير أو صغير و هو عايز يشتري و خلاص نحاول نقنعه بالعدول عن رأيه و إقناعه بالفكرة علشان يفهم معارفه من الراغبين في الشراء و بكدة نكون حاولنا نضرب عن شراء السيارات إل حين تنفيذ مطالبنا

[sha2e]

مانا عشان كدة قولت عن الجروب أنه لحمايه المستهلك من السرقة مش من الجمارك فقط
و زى ماقولت أن ممكن الوكيل أو التاجر يكون بيبيع السيارة بعد النصب و الجمرك و الضرايب و السرقة و اللذى منه بـ40,000 جنيه و فى الأخر تانى يوم ولا حاجة تلاقيها بـ46,000 جنيه و تقولة ليه يقولك أصلها حققت نجاح طيب ماهى تحقق نجاح طيب أية ذنب المستهلك أو المواطن المصرى أن الحاجة دى نجحت يعنى طبعا واضح السرقة و مفيش رقابة أو مسؤل يقول أية إلى بيحصل طول ماالفلوس بتبقى فى جيبه قبل ماالشعب يتسرق

و للموضوع بقيه

علشان تاخد فكره كامله عن الل بيعمله الوكلاء ممكن تطلع على الموضوع ده (لآخره)

http://www.nilemotors.net/Nile/117057-a.html

ولو ليك استفسار عن اى نقطه فيه انا تحت أمرك

[AMA]

من رأيي نشر الوعي العائلي
يعني مثلا أكيد في حد في العائلة عايز يشتري عربية سواء كبير أو صغير و هو عايز يشتري و خلاص نحاول نقنعه بالعدول عن رأيه و إقناعه بالفكرة علشان يفهم معارفه من الراغبين في الشراء و بكدة نكون حاولنا نضرب عن شراء السيارات إل حين تنفيذ مطالبنا

فعلا أهم حاجة النشر عشان الحكومة نفسها تعرف ان أحنا مش عاجبنا الوضع دة و بكدة هيدرسوا الموضوع و لازم تبقى وقفة بجد و صح الصح كمان عشان أحنا لو تهاونا ولا كأننا عملنا حاجة زى أى حمله كانت قبل كدة

طيب احنا ممكن نعمل ايه عشان نحل المشكله
اللى عنده رأى يقوله
انا رأى ان الحمله هى انسب حل
بس نحاول نجمع ناس كتير

فعلا يا جماعة إلى عندة رأى يقولة و الحمله يا ريت يبقى كل واحد قائدها بمعنى أصح أحنا ننظم أرائنا بنفسنا و انا بالنسبه لى نشرتها على الفيس بوك و لسه باعت دعوات وصلنا لحد 281 عضوية و إلى مسجل يقولى و يعمل أنفيت للى عنده عشان أعمله مشرف فى الجروب

بالنسبة للزحمة فدي مش مشكلة المواطنين لا دي مشكلة الدولة اللي عندها سوء تخطيط لأن على حد علمي تخطيط المدن بيتم فيه مراعاة الزيادات السكانية المستقبلية بس طبعا طبعا احنا لا عندنا تخطيط و لا حاجة
بالإضافة الى ان جميع الحلول للمشاكل الي بتأتي بها الحكومة بتكون حلول روتينية و احيانا متخلفة بدلا من التفكير بعبقرية كما في الدول المحيطة و الغرب
و مان غض البصر عن امور سيئة اخرى

فعلا كلامك صح و انا وضحت الكلام دة فوق فى الرد بتاعى

علشان تاخد فكره كامله عن الل بيعمله الوكلاء ممكن تطلع على الموضوع ده (لآخره)

http://www.nilemotors.net/nile/117057-a.html

ولو ليك استفسار عن اى نقطه فيه انا تحت أمرك

ماشى و لو الجمارك قليت هيبقى التاجر او الوكيل مكسبه هيبقى طبيعى مش 28% من تمنها دا على كدة بقى فيه ملايين بتيجى كدة و محدش حاسس بيها من جيوب الشعب و كمان إلى بسمعه دلوقتى ان كان فيه عربيه صينى قريب كانت بـ38,000 جنيه و بعد ماحققت نجاح بقيت بـ42,000 جنيه يبقى فيه الرقابة لو فعلا بياخد مكسبه بالتناسب بالجمرك !؟
أصل مفيش حد كبير أو مسؤل يقولة أنت غليتها ليه
عارف الموضوع دة فكرنى بالسجاير أو السكر او أى حاجة فى البلد دى سعرها بيغلى أيام ماغليت كانوا فيه ناس أشتريت كميات كبيرة و خزنتها فى أماكن معينه و كانوا شارينها جمله بالسعر القديم و لما الحاجة دى تغلى بينزلوها السوق بالسعر الجديد يبقى كدة هوا كسب مرتين مرة لما جابها جمله و كان سعرها قديم و لما سعرها غلى زى السجاير كدة كان ليها شكل قديم وأتعرفت بسبب الشكل القديم و كان كله طبعا مقبل على الشكل القديم لأنها مكانش مرسوم عليها تحذيرات و السرقة لازم طبعا تنتشر طول ماالشعب عايز كدة مع زيادة مثل الغالى تمنه فيه للأسف هنتسرق دايما لو موقفناش وقفة كويسة

[د.محمود صلاح]

معاك حق ,, مصاريف الدولة يمكن ان تنخفض لصالح خفض الضرايب والجمارك والترويح عن كاهل الشعب

[AMA]

معاك حق ,, مصاريف الدولة يمكن ان تنخفض لصالح خفض الضرايب والجمارك والترويح عن كاهل الشعب

أصل يا دكتور محمود الحكومة فاكرة أن الجمارك لما تقل مثلا بدل الواحد مايجيب عربيه واحدة هيجيب 8 عربيات مثلا دا على أساس أن شعب مصر دا مثلا الواحد فيه يمتلك مصانع أنتاج و الحكومة مش حاسة أن فيه أسر كل يوم بتركب الترام أو المترو او القطر أو الأتوبيس أو الميكروباصات و كل يوم يتفعصوا عشان يوصلوا شغلهم و طبعا زى مابيقولوا إلى أيدة فى الحرير مش إلى أيدة فى الحديد و إن شاء الله يعنى نقدر نوصل صوتنا للمسؤلين لأن أنا سمعت أن الحساس فيهم أطرش

[AMA]

دا الجروب على الفيس بوك يا جماعة إلى عايز يدخل معانا أو ينشرة فى أى منتدى تانى
أقوى جروب للسيارات المصريه لحمايه المستهلك ضد السرقة
و دا الموضوع للى عايز يتناقش عليه فى الفيس بوك

و الحمد لله وصلنا لحد دلوقتى إلـى 283 واحد فى الجروب إن شاء الله نوصل لرقم أكبر مع الوقت برضة

[fellacd]

أنا أقترح تفعيل حملة "خلوها تصدى وموديلها يعدى"
وننادى بمقاطعة شراء السيارات لمدة 3شهور مثلا
لأن الوكلاء الجشعين مفيش فايدة فيهم
دا حتى التخفيض 10% على جمارك العربيات الأوروبية شفطوها وقالوا إن المستهلك مش هايحس بأى انخفاض نتيجة ارتفاع أسعار اليورو وأسعار أم ترتر
لذلك أقترح حملة جامدة لمقاطعة شراء العربيات لفترة معينة وخلوا الوكلاء يحسوا إن المستهلك المصرى قوى وواعى وممكن يغير السوق
وعلى فكرة .. المقاطعة دى هاتخلى الوكلاء هم بنفسهم يطالبوا بتخفيض الجمارك علشان حالهم يمشى شوية

[تامر.محمد]

للأسف
كم ببلدنا من المقززات
:(

[AMA]

أنا أقترح تفعيل حملة "خلوها تصدى وموديلها يعدى"
وننادى بمقاطعة شراء السيارات لمدة 3شهور مثلا
لأن الوكلاء الجشعين مفيش فايدة فيهم
دا حتى التخفيض 10% على جمارك العربيات الأوروبية شفطوها وقالوا إن المستهلك مش هايحس بأى انخفاض نتيجة ارتفاع أسعار اليورو وأسعار أم ترتر
لذلك أقترح حملة جامدة لمقاطعة شراء العربيات لفترة معينة وخلوا الوكلاء يحسوا إن المستهلك المصرى قوى وواعى وممكن يغير السوق
وعلى فكرة .. المقاطعة دى هاتخلى الوكلاء هم بنفسهم يطالبوا بتخفيض الجمارك علشان حالهم يمشى شوية

يا باشا الحمله إن شاء الله هتكون لحمايه المستهلك المصرى من السرقة بما فيهم الجمرك و الضرايب و الوكلاء و إن شاء الله هتكون بدايه جديدة لأكمال مسيرة حمله خليها تصدى ماهى لو الأسعار فضلت على حالها مين هيشترى بعد توعيه الحمله للمواطن أنه بيتسرق فى أكتر من ضعف التمن و المفروض صوتنا يوصل على الأقل لأى حد من المسؤلين




عمتا أنا بناشد كل الأعضاء و الزوار إلى بيقروا ردى دلوقتى
إنهم ينشروا الجروب أو ينشروا الخبر لعمل ضجه كبيره و المسؤلين يحسوا أن أحنا خلاص بدأنا نفوق

[AMA]

للأسف
كم ببلدنا من المقززات
:(

يا باشا كل بلد فيها مشاكلها لكن أحنا بلدنا جمعت كل مشاكل العالم و حطيته هنا
ممكن واحد مبيفهمش يقول أحنا مش بنحب البلد لأ أحنا بنحب بلدنا وبنموت فيها بس برضة لازم عشان بنحبها ندور على الأحسن وننتقد كل حاجة بتعطل مسيرتنا أنا مش عامل الحمله دى عشان مجرد بلبله فى البلد بالعكس أنا عايز أنشرها للمسؤلين عشان يحسوا انهم بجد سرقوا كتير و أن أحنا أشتكينا بجد من السرقة
أة كل حاجة بنتسرق فيها بس مش حاسين بيها ماهى البطاريات و الموبايلات و الفوانيس و الكمبيوترات و الأجهزة كل حاجة بيتسرق فيها من الجمارك و الضرايب و الوكلاء بس بيبقى سعرها فى متوسط الطبقة المتوسطة لكن السيارات فى العالم كله شئ ضرورى و فى بعض الدول رفاهيه أحنا بقى عندنا السيارات فى مصر بجد عذاب و كله بسبب المسؤلين

[Mohamed.Ramah]

حاجة تقرف فعلا الافضل الواحد يجيب مستعمل ارحملة من التقسيط والمبالغ المباغ فيها

[AMA]

حاجة تقرف فعلا الافضل الواحد يجيب مستعمل ارحملة من التقسيط والمبالغ المباغ فيها

لأ يا عم أحنا هنفضل ورا الحكومة لحد ماتقلل الجمارك والضرايب و بالتالى الوكيل بدل ماياخد 31% على ماأظن من تمن العربيه أكيد هيقل لأن محدش هيشترى منه و برضة هيكون كسبان
ماحنا قلنا أنها تكمله لحمله خليها تصدى بس المرة دى ليها مطالب بقى
أية الأحباط دة من أولها هههههههههههه