اوتو ماك هوة الافضل لشراء سيارة جديدة

[احمد عزت]

السلام عليكم
قد يكون هذا الموضوع لايفيد البعض ولكنى طرحتة للنقاش
لاحظت فى الفترة الاخيرة على المنتدى ان هناك الكثيرون الذين يفكرون فى شراء سيارة جديدة ولكن بصفقة بيع تكون مرضية من حيث الشكل والمضمونوانا كنت من هؤلاء الناس والذى وفقنى الله بسيارة اكسنت العادية مش الاسبورت ومن خلال الشهرين ما بعد شراء السيارة لى بعض الملاحظات التى سأكتبها وسأتركم للتعليق عنها لعلها تفيد البعض :

1:لو انت عايز تشترى عربية وبتدور ومش مستعجل اوى ما تشتريش والغى القرار من دماغك وريحك نفسك واستنى اوتو ماك

2:لو انت عايز عربية شبابى صغيرة لية تشترى البيكانتو ولا الى 10 لما السبارك هتنزل لامحالة فى اوتو ماك او اخر السنة وبسعر مقارب جدا ليهم وشكل احسن كتير

3:لو انت من محبى الهاتش المتوسط لية تستعجل وتشترى الجيتز الجميلة لما ممكن تنزل الاى 20 بعد ما غبور يقلعها كماليتها وتبقى زى الجيتز ويزودها 3 او 4 الاف وتبقى بديل الجيتز

4:لية لو انت عايز النترا تشتريها دلوقتى وخلاص الشكل الجديد بردك نازل يا اما اوتو ماك يا اما اخر السنة

5:ولا اقولك لو عجباك السيراتو وسامع هنا فى المنتدى ناس عمالين يقطعوا فى فروتها واللى يقولك عفشة مش عارف اة وكلام كدة وناس تعارض وناس توافق...ما تستنى بردك لاوتو ماك يمكن تلاقى واحد صاحبك او قريبك جابها وتعرف عن العربية اكتر ولو حلوة اشتريها وانت مقتنع وحشة يبقى نقول وحشة وبصوت عالى

6:تويوتا الصانع العملاق اللى يعينى بيعيط دلوقتى عندة فئة دلوقتى مش موجودة فى مصر وهية اليارس استنى يمكن يطلعوا حاجة جديدة واهوم بردك تويتا احسن من غيرهم

7):الرينو الفلوانس الجديدة اللى عجبانى شخصيا اهى لسة نازلة كلها شهرين تلاتة وتبان واديك تبقى عرفت بردك مواصافات اللى حواليك وتبقى مقتنع

وفى النهاية انا طبعا مش بعمل دعاية لاوتو ماك لانة مش محتاج بس انا مشفق على الغلبان اللى مجمع القرشينات وبيشترى فى الوقت دة وكمان كام شهر هتحصل تغيرات كتير بالذات فى اوضاع التوكيلات بعد الصفعات المؤلمة من حماية المستهلك والدنيا هتتغير اكيد ومش مشكلة تصبر كام شهر بعربيتك القديمة او على رجليك والمواصالات.....بس ان شاء الله هتفرح لما تجيب عربية جديدة ...وربنا يكرم الجميع

[ahmedsamir79]

فعلا ساعات بيكون في عروض كويسه

[romeo_6887]

طب المعرض امتي ؟

[shifu]

i think it is in may or june but i know that most of the good stuff appears in auto mech

[mhmhmh75]

لك تحياتي اخي انت راجل محترم الاستعجال دايما بيودي في داهية الصبر جميل ويارب الفلوانس تبقا تمام

[Mohamed.Ramah]

ال i20 حتبتدى من 90 دا اولا

ثانيا الحياة مش وردى علشان اى موديل ينزل جديد من عربية يبقى قريب من السعر واكيد السبارك الجديدة حتبقى فى سعر وفئة الجيتز والالنترا كذلك اى تغيير فى الشكل والمضمون بيبقى سعر تانى

[kareemhisham]

المعرض ان شاء الله هيكون في اخر شهر 5

[shifu]

ال i20 حتبتدى من 90 دا اولا

ثانيا الحياة مش وردى علشان اى موديل ينزل جديد من عربية يبقى قريب من السعر واكيد السبارك الجديدة حتبقى فى سعر وفئة الجيتز والالنترا كذلك اى تغيير فى الشكل والمضمون بيبقى سعر تانى

i am guessing that the new chevrolet spark will be around 65,000

and the new Aveo if it will be sold here wont be less than 90,000

[د.محمود صلاح]

المعرض بيبقى في يونيو وبتبقى فيه عروض وتخفيضات حلوة للي يقدر ينتظر ويصبر

[omar91119]

فعلا الاستعجال بيجيب مشاكل فى غنا عنها

تحياتى

[M.Osman]

عين العقل... تحياتي