أخلاق السائقين أصبحت سيئة

[yoko]

النهاردة بجد كنت ممكن أموت حد بسبب قلة الأدب في السواقه
إبتدى اليوم إني صحيت متأخر ساعة وعندي محضرة مهمة في الكليه لبست ونزلت على طول نزلت متأخر تلت ساعة بس عن كل يوم
أجي وأنا طالع من المنطقة في شارع المفروض إتجاهين كل إتجاه حارة واحده جيت أطلع الاقي الشارع كل الناس جيه في وشي ٣ غعربيات ٣ عربيات فطبعا مفيش غير أزمر للناس تزمير ورا بعد مقطع عشان يوسعولي الاقي واحد بيبصلي من الشباك وبيقولي ما تتلم يا كابتن!!!!!!
طبعا سيبته وروحت الكليه على الدائري طبعا الرخامة والتزنيق العادي (مش مشكله)
خلصت الكليه ومروح فمدي إنتظار وبعدل العربيه عشان أروح الاقي واحد بيزنقني من وره عشان معرفش أعدل نفسي ويعدي هو الأول المهم (وأنا راجع كان بعيد أصلا بس هيه قلة أدب) بعدل نفسي وخلاص ماشي قام مزنق عليا تاني عشان مطلعش بس أنا قفلت معايا وعديت (عارف إنها قلة ذوق مني بس بجد إتخنقت من إسلوبه)
يجي بقى أخر واحد ماشي في الأوتوستراد ومدي إشارة يمين وقاعد مقضيها غرز يمين وشمال!!!!!! كل ما أجي أعدي من شماله يزنق عليا مرة والتانيه وببص لقيته بيشاورلي بإيده مش معديك!!! قمت عامل كيك داون وطالع من يمينه!!! (وهو مدي إشارة يمين) والله كنت هزنق عليه وأنزل أشتمة (مع إني عمري ما عملتها قبل كده) بس قلت المسامح كريم وكنت على أخري وعاوز أروح!!!!
هي البلد خلاص لازم أبلطج في السواقة عشان الناس تخاف وتمشي عدل ويبقى عندها ذوق!!!!
بجد بقة حاجة مستفزة كل ما أقول هسوق هادي ومحترم ومن غير غرز ومش هعدي غير من الشمال الناس تضرني لإني أرجع قليل الأدب تاني

[أحمد كمال]

للاسف المؤدب و ابن الناس مالوش مكان في الشارع

[yoko]

للاسف المؤدب و ابن الناس مالوش مكان في الشارع

والله عندك حق يا أستاذ أحمد بس أنا كان نفسي أرجع أسوق محترم زي ما كنت بسوق برة مصر!!!!!
بس واضح للأسف إن مفيش فايده

[Michael_Lanos]

السواقه فى مصر هى انك تتعلم انك تتعامل مع الناس دي

[yoko]

السواقه فى مصر هى انك تتعلم انك تتعامل مع الناس دي

انا بعرف أتعامل معاهم بس كان نفسي أرجع أسوق محترم!!!

[Terrible_DaRsH]

جامدة اوى " ما تتلم يا كابين " هههههه ..

دى حاجة عادية جدا مش فاهم زعلان ليه ! امال لو واحد دخل فيك و هو ماشي عكس و اتصل جابلك بلطجية هتعمل ايه :)

كل يوم فى مصر لازم نشوف جديد .

[yoko]

جامدة اوى " ما تتلم يا كابين " هههههه ..

دى حاجة عادية جدا مش فاهم زعلان ليه ! امال لو واحد دخل فيك و هو ماشي عكس و اتصل جابلك بلطجية هتعمل ايه :)

كل يوم فى مصر لازم نشوف جديد .

الله يكون في عونك قريت موضوعك بس من خنفتي مكنتش قادر أرد

[ZALABANY]

لازم اللي يركب عربيته يبقى شخصية الكارتون اللي بيبقى عايشه حياتها ملاك فوق راسه دايره وبمجرد ما تركب عربيتك تتحول إلى شيطان تحمر وشعرك يقف وعينك تحمر وتكشر وتسوق للأسف لازم نتحول كلنا

[gomangy]

لازم اللي يركب عربيته يبقى شخصية الكارتون اللي بيبقى عايشه حياتها ملاك فوق راسه دايره وبمجرد ما تركب عربيتك تتحول إلى شيطان تحمر وشعرك يقف وعينك تحمر وتكشر وتسوق للأسف لازم نتحول كلنا

انا معاك في رايك يا برنس

[Terrible_DaRsH]

الله يكون في عونك قريت موضوعك بس من خنفتي مكنتش قادر أرد :_alshmokh08[1]:

لا خد على كده عادى .

امبارح نازل اجيب حاجات و انا بتمشي لاقيت واحد راكن عربيته على اول الشارع بالعرض و طلع ينام و ساب الناس تحت تتحرق فى بعض . مفيش غير انى قعدت اضحك .

[kh_talaat]

والله انا كل يوم انزل من البيت واطلع بالعربية اقول لنفسي النهاردة بقى هسوق محترم ولا تزنيق ولا غرز

هوب الاقي واحد بيكسر عليا من على اليمين تييييييييييت حاسب يا أخ ، شويه وواحد بيكسر من الشمال تيييييييييييييت حاسب يا استاذ

وناس بتعدي قدامك بنتهى الهدوء وانت ماشي على سرعه 60 ولو اديت كلاكس يبصلك بأندهاش كأنك معدي بعربيتك في طرقه بيتهم

وشاب فرحان بشبابه وعمال يخيط في العربيات يمين وشمال ومعتمد انك هتخاف وتبعد

وفي ظرف 10 دقايق بكون اندمجت مع سيرك الشارع المصري وبقيت واحد منهم رغما عني ...... وربنا يتوب علينا بقى

[yoko]

لازم اللي يركب عربيته يبقى شخصية الكارتون اللي بيبقى عايشه حياتها ملاك فوق راسه دايره وبمجرد ما تركب عربيتك تتحول إلى شيطان تحمر وشعرك يقف وعينك تحمر وتكشر وتسوق للأسف لازم نتحول كلنا

عندك حق

لا خد على كده عادى .

امبارح نازل اجيب حاجات و انا بتمشي لاقيت واحد راكن عربيته على اول الشارع بالعرض و طلع ينام و ساب الناس تحت تتحرق فى بعض . مفيش غير انى قعدت اضحك .

يا فرحتي

والله انا كل يوم انزل من البيت واطلع بالعربية اقول لنفسي النهاردة بقى هسوق محترم ولا تزنيق ولا غرز

هوب الاقي واحد بيكسر عليا من على اليمين تييييييييييت حاسب يا أخ ، شويه وواحد بيكسر من الشمال تيييييييييييييت حاسب يا استاذ

وناس بتعدي قدامك بنتهى الهدوء وانت ماشي على سرعه 60 ولو اديت كلاكس يبصلك بأندهاش كأنك معدي بعربيتك في طرقه بيتهم

وشاب فرحان بشبابه وعمال يخيط في العربيات يمين وشمال ومعتمد انك هتخاف وتبعد

وفي ظرف 10 دقايق بكون اندمجت مع سيرك الشارع المصري وبقيت واحد منهم رغما عني ...... وربنا يتوب علينا بقى

نفس الي بيحصل معايا بالضبط

[kemoelord]

والله انا كل يوم انزل من البيت واطلع بالعربية اقول لنفسي النهاردة بقى هسوق محترم ولا تزنيق ولا غرز

هوب الاقي واحد بيكسر عليا من على اليمين تييييييييييت حاسب يا أخ ، شويه وواحد بيكسر من الشمال تيييييييييييييت حاسب يا استاذ

وناس بتعدي قدامك بنتهى الهدوء وانت ماشي على سرعه 60 ولو اديت كلاكس يبصلك بأندهاش كأنك معدي بعربيتك في طرقه بيتهم

وشاب فرحان بشبابه وعمال يخيط في العربيات يمين وشمال ومعتمد انك هتخاف وتبعد

وفي ظرف 10 دقايق بكون اندمجت مع سيرك الشارع المصري وبقيت واحد منهم رغما عني ...... وربنا يتوب علينا بقى

+11111111 والله هو ده الي بيحصل باللمليمتر ,الناس اصبحت غريييييييييييييييبه جدا والله في سواقتها وبالذات بقى لما اشوف واحد كابس على الي قدامه يعني مش سايب حتى 30 سنتيمتر من بتوع المسطره علشان بس هدفه انك ما تعدي من قدامه انا والله بسيب السواقه واقعد ابصلهم واضحك على هيافتهم وهبلهم وبدعي ربنا في الوقت ده انه يلبس في الي قدامه علشان يتهزأ ,,,,, حاجه تحرق الدم

[Mohamed.Ramah]

الله يكون فى عونك فعلا ومعلش العمى زاد وقلة الزووق اكتر منها مفيش

[romeo_6887]

امال لو سقت في بورسعيد هتعمل ايه
انا ببقي في لعبه كراش او موست وونتيد
مفيش سواقه في هذه البلد