لغاية امتى بقى الشوارع حتفضل زحمة !!!!!!

[zanativich]

انا نزلت يوم الجمعة الفجر بالعربية و ساكن قريب من المطار خدت طريق جوزيف تيتو و طبعا كاننى ماشى فى بلد تانية و كانت العربيات جمبي طايرة عملت ايه بقا عشان استمتع بالهدوء شاورت و رعشت نور و بعتهم ان فيه رادار الكل مشى على سرعتى و هديوا تماما الخلاصة احنا بنخاف ما بنختشيش زى المثل و انا مقتنع ان اللى احنا فيه ده نسبة كبيرة منه سلوك و انانية طاغية بقت عند الكل و فى كل نواحى الحياة اليومية ما عدش فيه تسامح و لا ايثار و لا عاد حد طايق التانى لا شارع و لا جار و لا زميل الا من رحم ربى احنا ما كناش كده ايه اللى حصل بقا فى الكام سنة الاخيرة و الناس نفوسها مرضت كده ليه مش عارف لو حد عنده تفسير يقول يا جماعة

انا معك تماما

[D . a .\ AYMAN]

ما هو طول ما بنعمل معارض فى ازحم حته فى مصر , وطول ما استاد القاهره فى قلب المعمعه , وطول ما المصالح الحكوميه متجمعه فى وضع عسكرى دفاعى فى مناطق معينه هنفضل فى الهم اللى احنا فيه كل يوم ده

الكلام ده عليه 50 أو 60% من حل مشكلة الزحام في مصر والباقي مابين السيطرة على العشوائيات والتخطيط الصح للشوارع لو الكلام ده حصل (ده لو حصل طبعا) ساعتها هاتلاقي كل السلوكيات السلبية للقائد المصري إختفت وكله بقى بيسوق على الأقل بهدوء حتى لو مش فاهم قواعد المرور صح

تخيل الوضع هيبقى ايه بعد 10 سنوات مثلاً ؟؟

يادكتور طب ماهم بيقولوا إن المحاور الجديدة اللى بيعملوها هاتقضي على مشاكل الزحام في القاهرة لغاية سنة 2050 مع الأخذ في الإعتبار (كمان هه) عدد الزيادة السنوية في السيارات الجديدة التي يتم ترخيصها ... والكلام ده أنا قريته على لسان أحمد نظيف

[mmffor]

الكلام ده عليه 50 أو 60% من حل مشكلة الزحام في مصر والباقي مابين السيطرة على العشوائيات والتخطيط الصح للشوارع لو الكلام ده حصل (ده لو حصل طبعا) ساعتها هاتلاقي كل السلوكيات السلبية للقائد المصري إختفت وكله بقى بيسوق على الأقل بهدوء حتى لو مش فاهم قواعد المرور صح

انا عاجباني العربيه اللي في توقيعك. بورش جي تي؟ ما تجيب لفة؟

يادكتور طب ماهم بيقولوا إن المحاور الجديدة اللى بيعملوها هاتقضي على مشاكل الزحام في القاهرة لغاية سنة 2050 مع الأخذ في الإعتبار (كمان هه) عدد الزيادة السنوية في السيارات الجديدة التي يتم ترخيصها ... والكلام ده أنا قريته على لسان أحمد نظيف

[OlaOsman]

يادكتور طب ماهم بيقولوا إن المحاور الجديدة اللى بيعملوها هاتقضي على مشاكل الزحام في القاهرة لغاية سنة 2050 مع الأخذ في الإعتبار (كمان هه) عدد الزيادة السنوية في السيارات الجديدة التي يتم ترخيصها ... والكلام ده أنا قريته على لسان أحمد نظيف

أول مرة أعرف ان أحمد نظيف بيقول نكت دمها خفيف كده

[yassin_samir]

انا بقى اعمل اية

تخيلوا واحد معام موتوسيكل و عربية و انا راكب الموتو معظم الوقت فمعنديش مشكلة فى الزحمة خالص خالص بالعكس انا اول واحد يوصل للمكان اللى هو عايزة تخيلوا بقى لما اجى اركب العربية بتبقى حالتى عاملة اية و على فكرة انا درجة اجادة القيادة فى الحالتين ممتاذة انا ممكن يجيلى اكتئاب من العربية و السواقة ولما اخرج بيها اقول مع نفسى مانا لو معايا الموتو دلوقتى كان زمانى و صلت من ساعة مثلا ربنا يعنا على حالنا عندى اقتراح جربوا تركبوا الموتو و هتدعولى
اية يعنى الموتوسيكل ب3000جندى و ترحم نفسكمن القرف