سؤال وملقيتلوش منتدى يتحط فية؟؟

[احمد عزت]

اة العربية اللى ممكن تلاقى فيها المواصافات الاتية بترتيب الاولويات
عربية اعتمادية يعنى تسافر وتروح وتيجى وما تخزلكش
شكلها حلو
بنزين موفرة وياريت يكون جدا علشان المواشير الكتير
اوتو ماتيك الكماليات الاساسية واهمها الامان
صيانات متوفرة حتى لو غالية شوية
قطع غيار متوفرة بردو حتى لو غالية حبتين بس تبقى موجودة فى كل حتة
مش فارق اعادة البيع ................

[mada121977]

لازم حضرتك تحط سعر مبدئى لميزانيتك علشان الناس تعرف تساعدك

[احمد عزت]

لحد 125 الف

[M.Osman]

كنت هقول نيسان تيدا بس مش متأكد اذا كانت قطع غيارها متوفرة في كل حتة ولا لأ

[M.almaghraby]

لانسر شارك هيا الوحيدة

[mahmoud_magdy]

في عربيات كتير اعتماديه ومش هتخذلك
يعني اقدر اقول اغلب العربيات بدون مبالغه
بس حضرتك ميال لاي نوع من العربيات الماني ياباني كوري ايه بالظبط
ومحتاج قوة العربيه تكون كبيره ولا متوسطه ولا صغيره 2000 سي سي ولا 1600 ولا 1300 ولا 1100 ولا 1000
عاوزها عائليه ولا متوسطه ولا صغيره
كل نقطه من دول بتخليك تقرب للعربيه المناسبه اكتر
طبعا قطع الغيار والصيانات متوفره بشكل اكبر في هيونداي وشيفورليه وموجوده في بقية العربيات لكن بكل اقل مش لدرجة الندره

[AMA]

لحد 125 الف

على ماأظن كل إلى فى السعر دة هيحقق كل مطالبك بس خش على ماركات مشهورة
زى الأوبل أو الياريس أو التيريوس بس خلى بالك من الثبات لأنه فى الملفات إلى بتاخدها بسرعة عاليه ثباتها مش كويس أو عندك الرينو الميجان السيدان و المازدا 3 و عندك أرخص شوية فيه كيا سيراتو


أو الحاجات إلى منتشرة عشان قطع الغيار و ربنا يقدملك إلى فيه الخير

[romeo_6887]

خليك بقي في الياباني
مثلا الشارك او التيدا

[د.محمود صلاح]

الانترا - السيراتو
اليارس
النيسان تيدا والصني

والله يعينك في الاختيار

[powerofhelll]

رينو فلوانس

[osos_lion]

اعتقد لانسر بوما

[jojooo]

رينو فلوانس كيا سيراتو
هاى لاين