الموضوع قتل بحثا (No Active Action taking) وانا دمى اتحرق خلاص

[3ateef]

يالا جمعوا نفسكوا كدة وقوموا ولعوا في البنات والستات اللي في الدنيا كلهم حتى اللي مش بتسوق لحسن تفكر في يوم من الايام تسوق ولا حاجة اهو تبقوا خلصتوا منها على سبيل الاحتياط برده.

فكرة ممتازة,,,

[3ateef]

انا معاك ان في ستات سواقتهم تحرق الدم :b4_556: وانا عن نفسي ساعات لما بشوف ست سايقة وعمالة تهيس في الطريق وتقف بلامبرر وتعطل الطريق بعمايلها السودة بيكون هاين عليا انزل اجيبها من شعرها فعلا :b4_556: بس بحاول ابعد عنها بأي شكل يإما اهدي واسيبها تشوف طريقها يإما اعديها واستريح منها خالص.

وعموما ربنا يصبرك على اللي حصل في عربيتك
كلنا لها مش انت لوحدك
انا ياما اتخبطت من رجالة وستات وكلهم الحقيقة عملوا اخطاء تفقع يعني (بس للأمانة الخبطات الشديدة كانت من رجالة أما الستات فممكن تبقي ترييحة او حكة بسيطة أو كسرة غبية ولحقناها وفاديناها كدة يعني) بس هانعمل ايه ربنا يهديهم.


بالنسبة بقي للنقط بتاعتك اللي ذكرتها في مشاركتك انا هاتكلم عن نفسي


الحمد لله انا نسبة تركيزي مبتكونش في اعلي مستوياتها الا وقت السواقة لأني عارفة ان لحظة سرحان واحدة كفيلة بإنها تضيع عمر بني ادم (سواء البني ادم ده أنا او حد ماشي على رجليه أو حد سايق جنبي) وبحاول اكون مركزة كل انتباهي وقت السواقة ولو حسيت اني مش قادرة اركز كويس وبعمل اخطاء ممكن اركن شوية لحد ماهدي واستعيد تركيزي تاني عشان مقرفش الناس حواليا.



لا الحمد لله الأوبشن ده نازل عندي و available ولله الحمد خصوصا في السواقة عشان دي مسئولية



برده الحمد لله عارفة ايه لازمة اليمين وايه لازمة الشمال واكتر شئ بيفرسني لما الاقي حد ماسك شمال وماشئ بطئ وبحس ان اللي يركن ع الشمال بدون عربيته ماتكون عطلانه يبقي انسان معاق ذهنياً.
واحد عملها معايا قبل كدة واتحجج ان عربيته عطلت (رغم اني شايفاها مش عطلانه وهو كان نازل يبص على حاجة أو يسأل على حاجة) وبعد ماعملت الاللي عشان اطلع منه بعد طبعا ماديت اشارة لمدة ربع ساعة وارمي سنة سنة ومحدش راضي يسمحلي اخد يمين عشان اعديه وفين وفين على ماقدرت اعديه لاقيته اتحرك بالعربية وشوفته ورايا عملت معاه نفس الحركة وشغلت الفلاشر وقلتله عطلت وريني بقي هاتطلع ازاي قعد يضحك ويترجاني في المرايا اني اتحرك للأسف كنت مستعجلة فمرضيتش اغلس اكتر من كدة ومشيت مع انه كان يستاهل .


الحمد لله بستخدم دراع الإشارة أكتر مابستخدم دراعي انا شخصياً والمرايات الجانبية بالنسبة ليا روحي ورح العربية كلها ولو حد من المشاه (اللي مبيحبوش يمشوا ع الرصيف) خبط المرايا وتناها لجوه بضطر اقف على جنب واعدلها عشان اتحرك تاني لإني مبعرفش اسوق من غيرهم لا هما ولا مرايا الصالون.



طبعا انا لما بكون سايقة بتكون عيني مش بس على العربية اللي قدامي لأ لازم اكون كاشفة اللي قدام قدامي كمان وياسلام لو كاشفة الشارع كله (طبعا لو محدش مركب ستاير أو اتوبيس ماشي قدامي) فأول مالاقي الشارع وقف واحنا جايين بسرعة بلاقي رجلي لا إرادياً راحت ع الدواسة اللي في النص (اللي هي اسمها دواسة الفرامل :c_laugh[1]:) وبهدي واحدة واحدة وفي نفس ذات الوقت الاقي ايدي لا ارادياً برده راحت على زرار الإنتظار واشغله عشان اللي ورايا ياخد باله ان الطريق اتقفل ويهدي سرعته هو كمان.




رغم ان السواقة الصحيحة في العالم كله انك تمسك الدريكسيون بايدك الإتنين لكن عشان الجملة دي بالذات انا مبسوقش غير بإيد واحدة وهي الشمال أما اليمين فيأما بتكون ع الفتيس أو بتكون على مسند الكرسي بتاعي ومش بمسك في الدريكسيون بإيدي الإتنين الا لو سرعة العربية تعدت ال 120 فما فوق وفي ملفات زي طريق الكورنيش بتاع اسكندرية ده مينفعش يتساق فيه بإيد واحدة لإن الغلطة بفورة.

اما حكاية الجوانتي اللي البنات بتلبسه فده مش عشان الدريكسيون ميتظفلتش لأ ده عشان ايدييهم متسمرش من الشمس (وطبعا عشان انا مبقتش البسه ايدي بقت فحمة من الشمس الجميلة اللي بتكون ضاربه في صالون العربية.
ومش عارفة الجوانتي ده مضايق الرجالة في ايه
اصل اكتر من مرة اسمع تعليق ع الموضوع بتاع الجوانتي ده :u_thin1[1]:.



الحمد لله برده بعرف اركن بين عربيتين بالوش وبالظهر وموازي للرصيف كمان (رغم ان ارخم ركنة بالنسبة ليا هي الموازية دي لكني اتحديت نفسي واتعلمتها) وبركن بإيد واحدة كمان حتى زمايلي في الشغل لما شافوني بركن مرة بيقولولي بتركني بإيد واحدة زي اللمبي (مش عارفة ايه العلاقة :u_thin1[1]:)



برده مش فاهمة ايه المشكلة لما تحط الموبايل في الإيشارب يايدي كإنها مركبة هاند فري ولا بلوتوث مش احسن ماتمسك الموبايل باليمين والفتيس بالشمال والدريكسيون يبقي مع نفسه؟
عموما انا لما بعملها بعملها عشان اسوق بإيد والإيد التانية استخدمها في النقل أو ساعة الطوارئ مثلا واعتقد ده تصرف ظريف مش وحش يعني ودي مش بعملها غير الموبايل السامسونج لإني دورت كتير مش لاقايله هاند فري تنفع معاه اما النوكيا فبركب الهاند فري بتاعته وانا سايقة ومبحطوش في الإيشارب :c_laugh[1]:.


اوكي
انا موافقة تعالوا نبعت الإقتراح ده للإدارة العامة للمرور ونشوف رأيهم ايه.


اوكي برده نصيحة مهمة وياريت تطبق فعلا.

[/quote]

يا استاذة رنا ,,,,الكلام مش موجه لحضرتك شخصيا,,,دا كلام عام ,,,ولكل قاعدة شواذ...

[Eslam.Adly]

ما انا قولت فى الاول ان نسبة منهم 80% مابيعرفوش يسوقو
بس انتى يا Mrs.Rana واضح انك من 20% الكويسين

[Eslam.Adly]

بأمانة أنا بشوف غباء من الجنسين.
يعني مثلا خد عندك سواقين الميكروباص..100% رجالة, 100% سطل:s_thum1[1]:
سواقين التاكسي اللي تلاقيهم بيسوقوا بقالهم 20 سنة بس برده متعلموش إنك ماينفعش تحدف يمين وتكبس فرامل عشان حد شاورلك..برده كلهم رجالة.

فـيعني الرجالة والستات الإتنين فيهم سواقين عايزين يتحرقوا.
بس عامةً برده أنا متخذ الحذر ولو شايف بنت سايقة جمبي أبعِد احسنلي.
نفس اللي بعمله لو شايف شاب كول جمبي, أو عيل صغير شكله بيسوق قبل السن القانونية..أو ميكروباص أو ترللا ..إلخ...

من الآخر ابعد عن الكل

بكلامك عن سواقين التاكسى والميكروباص احنا هاندخل فى موضوع تانى خالص ولازمله كلام جديد غير الى فى الموضوع اساسا لان دول من الاخر واخدين الموضوع قفش وبلطجة وحاجات تانية كتره مش حكاية بيعرفوا يسوقو ولا لاءه

[lanos_power]

مبدئيا الاخطاء واردة من الجميع رجالة و ستات بس الغريب انى بلاقى ست مكلبشة فى الدركسيون و مقربا نفسها من الطارة زى ما تكون الطارة حرامى و هيهرب منها اولا دا بيعيق الحركة وانها تفادى واحد و بعدين معظم مصر بيسوق من غير مرايات و تلاقية بيتفاخر بالحاجة دى رغم انها قمة الخطورة انا عن نفسى لا استغنى عنها لا مرايات الجناب او مراية الصالون و كمان الزاوية الميتة اللى اكتر من الخطورة لاكن لو عملنا مقارنة هنلاقى نسبة السواقين السيئين من الرجالة بالنسبة للملاكى (ملناش دعوة باخوانا التانين) هنلاقيها قليلة جدا مقارنة بالستات

[lido_pink2000]

حرام عليكن انا جالى اكتئاب انا لسة بتعلة السواقة و نسيت اللى اتعلمته بسببكم طيب اعمل اية دلوقتى ارمى العربيه فى البحر و خلينى فى البيت احسن

[lido_pink2000]

وااااااااء

[R A N A]

يا استاذة رنا ,,,,الكلام مش موجه لحضرتك شخصيا,,,دا كلام عام ,,,ولكل قاعدة شواذ...

يافندم انا مقولتش حاجة
وانا مش برد عشان الكلام موجه ليا شخصياً لإن محدش من اللي عمم وكتب الكلام ده شاف سواقتي عشان يحكم عليا شخصياً
انا بس برد على الجملة دي " ولو انا غلطان فى اى حاجة من الى كاتبها فوق اى حد يوضحلى ومافيش اى مشكلة
بس الحاجات ديه بتحصل ادام عينى وجزء منها معايا ماحدش بيحكلى"
يعني بما اني بنت وانتمي لفئة الإناث اللي اتقال انهم بيعملوا العك ده وهما سايقين واكيد في بنات غيري كتير برده اتحسنوا في سواقتهم ووصلوا لمستويات كويسة جدا تفوق بعض الرجال كمان.
اصل السواقة ماهياش جينات وراثية مخلوقة في الذكر ومش مخلوقة في الست دي مهارة مكتسبة زيها زي اي مهارة تانية سهل نكتسبها بالتعلم والممارسة.
بس الناس هي اللي معندهاش صبر ومعندهاش استعداد تتحمل حد بيتعلم وبيخطئ في البداية ودايما بننسي شكلنا كان ايه اول يوم اتعلمنا فيه سواقة وكمية البلاوي اللي عملناها في الشهور الأولى لممارسة السواقة .

ما انا قولت فى الاول ان نسبة منهم 80% مابيعرفوش يسوقو
بس انتى يا Mrs.Rana واضح انك من 20% الكويسين

Miss.Rana
ميرسي يافندم وادينا بنحاول وبنتحسن كل فترة وربنا يهدي الناس اللي مبتحاولش تتعلم وتوصل لمستوى افضل سواء رجالة او ستات .

[agwaa]

الحمدلله بعد ما واحده خبطتنى النهادره زى الى حصل فى النقطة 5 بظبط والله ما اول مره دى تالت مره وكلهم من بنات

وموش بعيد الناس المتجمعين يسيبوها هي ويجيبو الحق عليك .. ما هو إحنا كدة يا مصريين الست دايماً على حق ..
والراجل بقى يغلطني .....!!

[تامر.محمد]

فعلا والله دة اللي بيحصل

أو إنك تلاقي عربية ماشية تعمل حركات غريبة وعمالة تحدف علي خلق الله لحد ما تجيب أخرك وتجري علشان تعدي منها وأول ما تشوف اللي سايق تقول أأأأأأة دي واحدة ست ، نظام إذا عرف السبب بطل العجب

لكن في طبعا بيسوقو كويس جدا ، وبرضو في رجالة سواقتهم زفت بس النسبة دي في الستات 80% والرجالة 10% مثلا

فيه طبعا في الرجالة اللي سواقتهم سيئة جدا
البلطجي
و البارد
و مجنون السرعة
و اللي شغلته انه سواق , نقل , تاكسي , ميكروباص , ميني باص اتوبيس

لكن الستات فعلا النسبة الأغلب منهم كده
و دي احصائية من الواقع مش اتهام

[Eslam.Adly]

حرام عليكن انا جالى اكتئاب انا لسة بتعلة السواقة و نسيت اللى اتعلمته بسببكم طيب اعمل اية دلوقتى ارمى العربيه فى البحر و خلينى فى البيت احسن

اقرى بس الكام نقطة دول واعملى عكسهم تماما واوعى تعملى اى حاجة منهم خالص وان شاء الله ربنا يوفقق وتبقى زى شوماخر فى السواقة.

[3ateef]

يافندم انا مقولتش حاجة
وانا مش برد عشان الكلام موجه ليا شخصياً لإن محدش من اللي عمم وكتب الكلام ده شاف سواقتي عشان يحكم عليا شخصياً
انا بس برد على الجملة دي " ولو انا غلطان فى اى حاجة من الى كاتبها فوق اى حد يوضحلى ومافيش اى مشكلة
بس الحاجات ديه بتحصل ادام عينى وجزء منها معايا ماحدش بيحكلى"
يعني بما اني بنت وانتمي لفئة الإناث اللي اتقال انهم بيعملوا العك ده وهما سايقين واكيد في بنات غيري كتير برده اتحسنوا في سواقتهم ووصلوا لمستويات كويسة جدا تفوق بعض الرجال كمان.
اصل السواقة ماهياش جينات وراثية مخلوقة في الذكر ومش مخلوقة في الست دي مهارة مكتسبة زيها زي اي مهارة تانية سهل نكتسبها بالتعلم والممارسة.
بس الناس هي اللي معندهاش صبر ومعندهاش استعداد تتحمل حد بيتعلم وبيخطئ في البداية ودايما بننسي شكلنا كان ايه اول يوم اتعلمنا فيه سواقة وكمية البلاوي اللي عملناها في الشهور الأولى لممارسة السواقة .

من وجهة نظرى الشخصية ان الغالبية العظمى من البنات او الستات السواقة بالنسبة ليهم وسيلة وليست غاية,,,يعنى هيا اتعلمت السواقة عشان تعرف تروح او تيجى براحتها...لكن نقطة الاهتمام بالسواقة او انها تكون على مستوى فى السواقة مش محطوطة فى الاعتبار اساسا...كل اللى يهمها انها تركب العربية وتوصل المكان اللى هيا عايزة تروحه بغض النظر عن اى حاجة تانية..

[تامر.محمد]

يابمشهندس تامر انا معاك في اللي بتقوله وفعلا بعمل زيك كدة لما اشوف عربية قدامي او جنبي بحط احتمال كبير انها تكون بنت من اللخمة والهبل اللي بتعمله في الطريق (بس بقول معلش متلخميهاش زيادة ابعدي عنها او اديها كلاكس توسعلك وسيبيها هي تكمل عك يمكن تكون لسة مبتدئة) والمبتدئ بيكون دي حالته حتى لو راجل برده على فكرة

كده احنا مش مختلفين


وفعلا في بعض الستات بيفضل ده مستواهم طول عمرهم مبيتحسنوش.

ده بقى اللي باقوله بالظبط , بتفضل زي ما هي على طول , و بتبقى النتيجة الوضع اللي باقول عليه ده , فعلا العربية اللي سايقاها ست غالبا و الله باعرفها


وانا بردة متولدتش بسوق عربيات برده كنت مبتدئة وبخاف في بداية تعليم السواقة وكان ليا اخطاء لكني مع الوقت حسنت نفسي جدا ومستوايا في القيادة كويس جدا بشهادة ناس كتير منهم اعضاء هنا في المنتدي.

ولا اي حد فينا , لكن المشكلة زي ما قلتي , النسبة العظمى من الستات بيفضلوا زي ما هما كده
و القلة اللي بتعلى في مستواها بتفتري عادة

لكن الفكرة المطروحة مسبقاً واللي مرسخة في اذهان معظم السادة الرجال (إلا من رحم ربي) ان طالما بنت اللي سايقة قدامك يبقي اي غلطة هاتعملها هايبقي سببها بس انها واحدة ست
يعني لو نفس الغلطة دي عملها راجل هايكونله مليون سبب ومليون مبرر يشفعله
معلش اصله سرح شوية
معلش اصله صدع فجأة
معلش اصله مخنوق حبتين
معلش اصله نسي يدي اشارة
معلش اصل اللي قدامه فرمل فجأة وملحقش يفاديه
معلش اصل العربية مش مساعداه
معلش مخدش باله جل من لايسهو ياسيدي

لا مش حقيقي و الله , الواحد و هو ماشي مش بياخد اعذار لحد من اللي حواليه لأنه راجل و العكس مع الستات , على الأقل انا , الا اعذار لنفسي طبعا
:)
لكن هاقول لحضرتك حاجة , العربية اللي بيبقى سايقها واحد بيخرف او بيعك ( على اختلاف انواعهم ) كل نوع بيبقى لعربيته و مشيتها شكل , الستات كل اللي بيعكوا منهم بيبقى لهم عادة نفس شكل و هيئة مشية العربية , عشان كده الواحد حفظها

لكن الست بننصبلها المشانق لمجرد انها غلطت غلطة واحدة
ليه ؟ عشان هي واحدة ست وطالما ست لازما وحتما ولابد تبقي غبية وحمقاء ومعندهاش سرعة تصرف وحافظة مش فاهمة ومش تعبانة في العربية ومستهترة وعندها لامبالاة وفيها كل العبر
كل ده ليه عشان هي واحدة ست.

هو مش لأنها ست لكن دي محاولات لتفسير اللي بيحصل , يعني زي ما باقول لك مثلا , واحد معرفتي واحدة خبطت عربيته و لما كلمها قالت له كده "ماعاييش فرامل هاعمل لك ايه ؟؟" , طبعا هو اتنقط
لازم اذكر ان رد الفعل نفسه بييجي كتير برده من رجالة و ردود افعال مستفزة و تنرفز , لكن نسبتها في الستات اكتر بكتير اوي , ده احصائيا مش رأي شخصي ولا لأنها ست


عايزة اقولك اني لما بكون سايقة العربية ومهديين مثلا أو واقفين في اشارة بلاحظ نظرات من بعض الرجال (خصوصا فئة الشباب محبي التحدي) ولسان حالهم بيقول
اه فاكرة نفسك عشان قاعدة ورا الدريكسيون تبقي بتعرفي تسوقي ها ها هيهات ثم هيهات
مهما عملتي برده هاتفضل سواقتك على قدها
وفي منهم اللي بيتعمد يرمي عليا عشان يشوف رد فعلي هايكون ازاي وهاعرف اتصرف وافاديه ولا لأ أو يحاول يسمعني صوت الموتور بتاعه وهو بيحرق عليه عشان اشد معاه وانا اصلا بيكون هدفي اني اروح بيتي بنفسي سليمة وبعربيتي سليمة رغم اني لو دخلت التحدي ده هوصل لمستوى كويس جدا ويمكن اتفوق عليه كمان وجربتها اكتر من مرة وشديت مع ناس ع الطريق وحصلتهم وسبقتهم واخدت غرز وعملت كل حاجة واثبتله اني بعرف اسوق زيه ويمكن احسن كمان .

بكده عرفنا انك من الفئة اللي مستواها بيزيد و بتقضيها غرز
:)
بصي , بصفة عامة الناس اللي بتقولي عليهم دول شوية مجانين او عيال فاضية بيدوروا على اي حد يطلعوا نقصهم عليه او يتسلوا معاه شوية , و يا حبذا لو كانت واحدة ست او بنت طبعا

وساعات بقول على ايه يعني طالما انا واثقة في نفسي وفي سواقتي خلاص خليه يروح يلعب مع حد تاني انا مش فاضياله.
نفسي بس السادة الرجال الناقمين على الكائن المسمي بالأنثى دول يشيلوهم من دماغهم شوية وميشغلوش نفسهم بهن زيادة عن اللزوم صدقوني هايستريحوا ويريحوا والله.
محدش فينا بلا عيوب ومحدش فينا بلا اخطاء


طب انا عايز اقول لك حاجة , انا قريت في كلامك احساس بأن الواحد فينا بيبص للست نظرة دونية انها اقل منه لأنها ست , و شايف انك بتحاولي تثبتي العكس
رأيي انا ان الموضوع مش كده خالص , الفكرة ان فعلا احصائيا الستات عندهم عيوب في السواقة , نقول الغالبية العظمى منهم عشان نبقى منصفين , الواحد مش بيقول كده عشان يثبت ان عنصر متفوق على العنصر الآخر , لكن لأن ده اللي بيحصل فعلا
مش بس الستات ستايلهم انهم بيعكوا في السواقة , و كلامي على الأغلبية مش الكل في اللي جاي
سواقين الميكروباص حريفة جدا لكن اخلاق مافيش
سواقين التاكسي لا حريفة ولا اخلاق
سواقين السوزوكي الربع نقل , متسرعين جدا
سواقين الاتوبيسات , كتير منهم بيبقوا محترمين , لكن واحد بس مش محترم بيبقى ملحوظ و بيسبب بلاوي
سواقين النص نقل كلهم بيقضوها بلطجة اعتمادا على قوة عربياتهم
سواقين اللوري , باخاف اقرب منهم اصلا , بس على الدائري بيمشوا على الشمال و يقرفوا الناس كلها
سواقين الملاكي فئاتهم كتير , ممكن اقول عليهم هما كمان , عادي جدا و انا في فئة منهم
مثلا , عادة تلاقي الفيرنا و الالنترا و البي ام دبليو بتجري بجنون , و تلاقي الشاهين و ال131 و ال125 و العربيات اللي صاجها جامد يا بتعك يا بتبلطج على اللي حواليها ( و يا رب ملاكهم ما يزعلوش )
كل ده من وجهة نظري طبعا
الخلاصة ان كل دول رجالة اهم , و الواحد مش بيقول انهم بيعملوا كذا لاثبات تفوقه , لكن ده احصائيا من اللي الواحد بيشوفه بعينه

[kemoelord]

يافندم انا مقولتش حاجة
وانا مش برد عشان الكلام موجه ليا شخصياً لإن محدش من اللي عمم وكتب الكلام ده شاف سواقتي عشان يحكم عليا شخصياً
انا بس برد على الجملة دي " ولو انا غلطان فى اى حاجة من الى كاتبها فوق اى حد يوضحلى ومافيش اى مشكلة
بس الحاجات ديه بتحصل ادام عينى وجزء منها معايا ماحدش بيحكلى"
يعني بما اني بنت وانتمي لفئة الإناث اللي اتقال انهم بيعملوا العك ده وهما سايقين واكيد في بنات غيري كتير برده اتحسنوا في سواقتهم ووصلوا لمستويات كويسة جدا تفوق بعض الرجال كمان.
اصل السواقة ماهياش جينات وراثية مخلوقة في الذكر ومش مخلوقة في الست دي مهارة مكتسبة زيها زي اي مهارة تانية سهل نكتسبها بالتعلم والممارسة.
بس الناس هي اللي معندهاش صبر ومعندهاش استعداد تتحمل حد بيتعلم وبيخطئ في البداية ودايما بننسي شكلنا كان ايه اول يوم اتعلمنا فيه سواقة وكمية البلاوي اللي عملناها في الشهور الأولى لممارسة السواقة .


.

انا الحقيقه اتفق معاكي تماما في الكلام ده والصراحه كلامك كله كان محايد يعني ما حاولتي تميلي لجبهة البنات والستات فقط , انا مع الناس الي بتقول ان الاخطاء تاتي من الجنسين الذكور والاناث وطبعا كل بني ادم بيرتكب الاخطاء لاننا بشر بس المشكله عندنا في مصر ان منظومة المرور واساليب تعاليم القياده واعطاءالتصاريح والرخص للقياده باساليب غير قانونيه ده الي الي خلى نسبة الناس الي مش بيعرفوا يسوقوا كتيرررررر ونسبة ارتكاب حوادث كبيره وخطيره عاليه . ارجو من الله هدايه الجميع وان الحال ينصلح باذن الله , وربنا يستر طريقنا جميعا

[Eslam.Adly]

يافندم انا مقولتش حاجة
وانا مش برد عشان الكلام موجه ليا شخصياً لإن محدش من اللي عمم وكتب الكلام ده شاف سواقتي عشان يحكم عليا شخصياً
انا بس برد على الجملة دي " ولو انا غلطان فى اى حاجة من الى كاتبها فوق اى حد يوضحلى ومافيش اى مشكلة
بس الحاجات ديه بتحصل ادام عينى وجزء منها معايا ماحدش بيحكلى"
يعني بما اني بنت وانتمي لفئة الإناث اللي اتقال انهم بيعملوا العك ده وهما سايقين واكيد في بنات غيري كتير برده اتحسنوا في سواقتهم ووصلوا لمستويات كويسة جدا تفوق بعض الرجال كمان.
اصل السواقة ماهياش جينات وراثية مخلوقة في الذكر ومش مخلوقة في الست دي مهارة مكتسبة زيها زي اي مهارة تانية سهل نكتسبها بالتعلم والممارسة.
بس الناس هي اللي معندهاش صبر ومعندهاش استعداد تتحمل حد بيتعلم وبيخطئ في البداية ودايما بننسي شكلنا كان ايه اول يوم اتعلمنا فيه سواقة وكمية البلاوي اللي عملناها في الشهور الأولى لممارسة السواقة .

انا هامشى على كلامك الى انتى بتقولى التعلم ,التحسن ,اكتساب المهارات والممارسة كلة كلام زى الفل بس ده ميبقاش مثلا فى ساعات الزحمة او فى شوارع رئيسية...الخ لحد ماتعلم كويس مش انزل بالعربية واتعلم ,اتحسن ,اكتسب المهارات والممارسة على حساب الاخرين ماهو انا مثلا ذنبى ايه ولاذنب عربيتى ايه؟

ولو النظام كدة يبقى نجيب سواق يعد جنبنا يقول حاسب..كدة غلط..هدى هنا..الخ

Miss.Rana
ميرسي يافندم وادينا بنحاول وبنتحسن كل فترة وربنا يهدي الناس اللي مبتحاولش تتعلم وتوصل لمستوى افضل سواء رجالة او ستات

ماشى يا Miss.Rana انا ماكنتش اعرف

.