حل ايجابى من الشعب للمساعده فى حل مشكله المرور

[أبو ياسين]

السلام عليكم
طبعا و الحمد لله كلنا تعبنين من المرور فى القاهره الكبرى
فى حل فى دماغى من زمان هو متعب شويه و مش منطقى بس بالمساعد و المشاركه ممكن يتنفذ
احنا طبعا فى استيكر ل nilemotors
فالاقتراح هو ان الناس المعندهاش عربيه ممكن توقف العربيات المعالقه الاستيكر عشان تركب معاها لاقرب مكان ممكن
بشروط السلامه و الامان يعنى
ممكن يتعمل اشتراك بسيط ماديا لكل واحد من معارفنا و اصحبنا و نطلع كارنيه للناس عشان نتاكد من شخصيتهم قبل ميركبو معانا
و الاشتراك المادى يروح جزء منه بعد الاتفاق مع بعض البنزينات و يتم الخصم من ثمن البنزين
و طبعا كل مشترك يسجل على المنتدى كل بياناته

يعنى الفوائد
1-تقليل ثمن البنزين
2-بدل ما العربيه قاعد فيها واحد هيبقى فيها 5 يعنى هنقلل الناس الماشيه فى الشارع و بتركب اتوبيسات و محشوره
3-هتاخد حسانات كتير

ولكم جزيل الشكر
حل صعب تنفيذه مش كده؟؟؟؟؟؟؟؟؟؟؟ظ

[wildwest100]

اعتقد الحل دا صعب شوية انك تعرف تظبط مواعيدك فى شغلك مع مواعيد ناس تانيين بالذات لو فى القطاع الخاص

[أبو ياسين]

الموضوع مش مرتبط بموعيد اى حد ماشى فى الشارع معاه الكارنيه من المنتدى ممكن يوقف اى حد معلق الاستيكر

[eng_mkhalaf]

صعبة أوى - لأن عددنا لسة قليل

[TAG_Turbo0]

حل خيالى
وصعب التطيبق

[mostafabakry]

برده هتلاقي زحام علي عربيات نايل موتورز و هتحتار تركب مين ولا مين لان كل مصر هتعرف و هتشترك في المنتدي و تطلع كارنيهات عضوية و تبقي با ابوزيد كانك ما غزيت ههههههههههههههههههههههههه
الحلول كتيرة جدا بس احنا مصعبين الدنيا علي نفسنا
البلد واسعة و كبيرة بس احنا مش عارف ليع بنوت في دباديب القاهرة و متقوقعين فيها و سايبين باقي البلد فاضي

[حاتم سليم]

عزيزى abzaky

تحياتى الى ياسين بك ...

اى نشاط فيه دخل
يبقى حيكون فيه ضرائب

و ما أدراك الضرائب و ما الضرائب !!

و عييييييييييييييييييييش ...

[أبو ياسين]

عموما بما ان الحل مستحيل
فلو لقيت لانوس سيلفير و قفاه بتركب حد و بتساله رايح فين يبقى انا
و لو حد اتزنق ممكن يبقى يوقفنى واخده فى طريقى
متنسوش لانوس سيلفير (هاهاهاهاهاهاها)

[ashour]

فكرة حلوة جدا.... بصراحه أنا متكيف من الفكرة أوى
كل يوم الصبح لما ببقى رايح الشغل بشوف ناس واقفه فى نفس المعاد تقريبا يوميا
و ببقى نفسى فى يوم أقف أقول لحد فيهم انتوا سكتكوا ايه؟؟؟

و بالنسبه لنايل موتورز ...
الفكرة هتبقى اكتر عمليه لو الاعضاء متعاملا مع بعض, يعنى لو ممكن نعمل اجتماع شهري على سبيل المثال و يبقى فى تنسيق ما بينهم.
و لو تسمحلى أضيف حاجه ان احنا ممكن الاعضاء اللى بتمشى فى نفس الطرق فى مواعيد متشابهة يبقى فى تنسيق ما بينهم لتقليل عدد السيارات و زياده التعاون بينا.

[hazem_khidr]

تحياتي ليك يا ابو ياسين علي تفكيرك و استقطاع جزء من وقتك.
لكن عمليا مستحيل الاقتراح يتنفذ

[Eng.Osama.Afifi]

أناعن نفسي بركب أي حد في طريقي !

[شريف]

ممكن الحل دة يطبق داخل الشركة الواحدة
بمعنى ان الواحد يشوف زميل فى العمل ساكن جانبة و يوصلة يوميا للشغل معاة و يرجعة بعد الشغل
انا بعمل كدة لاتى ساكن فى مصر الجديدة و شغلى فى المعادى يعنى مشوار جامد