تجربة رائدة في طريق المحلة - المنصورة

[Abdo_Eldesokey]

النهاردة كنت ماشي بالليل على طريق المحلة المنصورة وفوجئت بعد سمنود بشيء غريب جداً

الطريق متحدد من الجنبين بعين القط ، ومحطوط حواجز خرسانية على جانبي الطريق وعليها إشارات عاكسة

أنا مكنتش مصدق نفسي

معقول حد في البلد دي بيفهم ، أخيراً عرفوا الاستخدام الصحيح لعين القط

مش عايز أقلكوا الطريق تحفة بجد .. الدنيا ضلمة .. بس مجرد ما تولع فوانيس الشبورة أو النور الواطي ، تلاقي عين القط محددة لك الطريق ، كأنك بتلعب Games

ده إلى جانب إن المطبات معمول عليها بعرض الطريق عين قط بردوا عشان تشوف المطب من بعيد

بجد أنا من زمان مشفتش حاجة إيجابية في البلد دي ، لكن فعلاً أنا كنت سعيد جداً النهاردة ، وربنا يبارك للراجل الي نفذ الفكرة دي

شفتوا لو كل واحد عمل شغله بما يرضي الله .. حالنا هيبقى أحسن والله

[KHALED AYMAN]

و نفس الكلام طريق المحله طنطا ....

[dode2002]

ونفس الكلام طريق طنطا بسيون

[A.Saad]

ربنا يوفقهم

[Abdo_Eldesokey]

محافظة الغربية أول مرة تتميز في حاجة

شكل المحافظ الي موجود دلوقتي راجل كويس

[M.Osman]

انا لاحظت الكلام دا فعلاً من حوالي شهر
بس المطبات كتير اوي
اوي اوي يعني :(

بس بصراحة
كدا تمام
انا خلاص مش عايز عواميد نور

اللي يغيظ بس ان الموضوع دا في الغربية بس .. اول ما تدخل الدقهلية .... ظلام .. عواميد كتير طافية :(

ربنا يسهل

[Abdo_Eldesokey]

انا لاحظت الكلام دا فعلاً من حوالي شهر
بس المطبات كتير اوي
اوي اوي يعني :(

بس بصراحة
كدا تمام
انا خلاص مش عايز عواميد نور

اللي يغيظ بس ان الموضوع دا في الغربية بس .. اول ما تدخل الدقهلية .... ظلام .. عواميد كتير طافية :(

ربنا يسهل

فعلاً أول ما تلاقي يافطة مرحباً بكم في الدقهلية تلاقي الدنيا ضملت :b4_556:
والطريق بقى زفت

يا رب يعملوا كل طرق مصر كده .. ساعتها مش هسافر غير بالليل

[mr_sameh]

وكمان طريق بلبيس القاهره الصحراوي

[M.Osman]

وكمان طريق بلبيس القاهره الصحراوي

تمام ..
بس معرفش لية عيون القط هناك بدأت تتاكل كدا و الرمل بدأ يغطيها على الجنبين :(

[ashraf229]

محافظة الغربية أول مرة تتميز في حاجة

شكل المحافظ الي موجود دلوقتي راجل كويس

ما هي دي المصيبة ان المحافظ هوه اللي بيحط السياسة و الاسلوب مش بينفذ السياسة و الأسلوب الموجود..........

يعني محافظ كويس و حترم خلاص هنشوف تغيير للأحسن و الناس تتبسط لكن لو محافظ مش مهتم او مش كويس يبئى هنعيش كام سنة في اسوأ الأحوال............حسب مزاج سيادته....و يجعله عامر ان شاء الله

[pro_samir]

عملوها برضو من فترة علي الطريق الزراعي خصوصا عند البلد اللي اسمها ميت حبيش علي ما أذكر فيها نفق حارتين فقط فا تلاقي العربيات نازلة تطوح علي بعضها ، من قبل النفق بشوية لحد ما تطلع منة عملو عيون قط علي الجنبين و في النص وبصراحة طلعت حلوة جدا وبتحدد مسسار العربيات محدش بيحدف علي التاني

وبعض اجزاء أخري من الزراعي معمولة كدة برضو ، وفي حتة بقالها فترة مضلمة معرفش لية بس مع عيون القط بتبقي لذيذة الحتة دي بالليل

لكن نفسي يرحمووووووووووونااااااااااااااااااااااا من العوارض اللي بتقطع الطريق اللي عمالين يزودو في عددها وارتفاعها بجد انا زهققققققققققققت طهقققققققققققققققققققققققققت منها وحاسس العربية اتفككت من بعضها ولا نافع معاها بطئ ولا سرعة حاجة تقررررررررف

عايزين يعملو مطبات يعملو لكن العوارض دي حراااااااااااااااااااااااااااااااااااااااااااام كفاية تخلف بقيييييييييي

انا بفكر اجيب ناس ونلف علي العوارض دي بالليل نخلعها ونرميها إية رأيكم ؟؟؟ أو حتي لو ينفع نشتكي في حد هيعبرنا ؟؟

[Abdo_Eldesokey]

عملوها برضو من فترة علي الطريق الزراعي خصوصا عند البلد اللي اسمها ميت حبيش علي ما أذكر فيها نفق حارتين فقط فا تلاقي العربيات نازلة تطوح علي بعضها ، من قبل النفق بشوية لحد ما تطلع منة عملو عيون قط علي الجنبين و في النص وبصراحة طلعت حلوة جدا وبتحدد مسسار العربيات محدش بيحدف علي التاني

وبعض اجزاء أخري من الزراعي معمولة كدة برضو ، وفي حتة بقالها فترة مضلمة معرفش لية بس مع عيون القط بتبقي لذيذة الحتة دي بالليل

لكن نفسي يرحمووووووووووونااااااااااااااااااااااا من العوارض اللي بتقطع الطريق اللي عمالين يزودو في عددها وارتفاعها بجد انا زهققققققققققققت طهقققققققققققققققققققققققققت منها وحاسس العربية اتفككت من بعضها ولا نافع معاها بطئ ولا سرعة حاجة تقررررررررف

عايزين يعملو مطبات يعملو لكن العوارض دي حراااااااااااااااااااااااااااااااااااااااااااام كفاية تخلف بقيييييييييي

انا بفكر اجيب ناس ونلف علي العوارض دي بالليل نخلعها ونرميها إية رأيكم ؟؟؟ أو حتي لو ينفع نشتكي في حد هيعبرنا ؟؟

على فكرة موضوع تحديد الطريق بعيون القط ده موجود في الطرق الدولية

أنا لما كنت مسافر السعودية بري كان كل الطريق من بعد ما طلعنا من مصر متحدد بعيون القط ، والطريق اساساً كان بين الجبال وحارتين ورايح جاي ، فكان كل منور فوانيس الشبورة وماشي بين الخطين بتوعه

وبالنسبة للعوارض دي بقت مستفزة جداً ، وعلى فكرة بردوا محافظة الغربية هما الي ابتكروها وانتقلت لجميع أنحاء مصر

الي يغيظ الغباء في التخطيط ، المفروض إنه عاملها عشان العربيات تهدي ، ولو هديت فيها العربية بتتبهدل ، فكل الناس بتاخدها على سرعة ، يعني انت عاملها عشان تقول للناس سرعوا شوية

[Abdo_Eldesokey]

شوفوا الاختراع ده كمان .. دي عيون قط بالطاقة الشمسية ، يعني تشحن بالنهار .. وتنور بالليل

[dr.nemo]

ياااااه ..... يعني لسه فيه أمل ؟
ياريت فعلا كل محافظة تعمل كده بفلوس المخالفات المهولة
انا شفت في مطروح وكفر الشيخ عيون القطط المضيئة دي
وكانت بتشتغل مع الاشارات كمان احمر او اخضر
وانا شايف انها احسن من العواميد كمان
وياريت بقى بالمرة يلزموا كل العربيات بتركيب عواكس
خصوصا عربيات البلدية والمشتقات البترولية

[M.Osman]

الي يغيظ الغباء في التخطيط ، المفروض إنه عاملها عشان العربيات تهدي ، ولو هديت فيها العربية بتتبهدل ، فكل الناس بتاخدها على سرعة ، يعني انت عاملها عشان تقول للناس سرعوا شوية

مش بس كدا
هما عاملينها في الغالب قبل المطبات
يعني لازم تهدي
و لو مفيش مطب
تلاقي الناس بتهدي
مهو مش كل الناس حافظة الطريق
و اللي باخدها على الهادي
ظهره بيتبهدل

:(