ماذا تفعل لو كنت مكاني جنط ولا تامين

[Amrrr]

تأمين
انا عوضت من مصر للتأمين في حاجات بسيطة ومتحملتش معاهم حاجة تذكر !!! بس تعبوني عشان الشيك ومدفعتش حاجة عشان اخده !!! وكان المفروض اني هادفع حوالي 100جم - كارت شحن اتطلب مني عشان عدم المعاينة بعد الحادثة قلتلهم اجي اعاين معنديش مشكلة اتردد الراجل وقاللي خلاص كدة مش لازم تيجي وانا هاظبطلك المهندس وبرضة اصر قلتله ماشي ولما اتأخروا في الشيك خليت واحد صاحبي قفش على مندوب التأمين اللي يتعامل معاه واللي كان ماشيلي في الموضوع من الأول واخدت الشيك من غير ما أدفع حاجة !!! مندوب التأمين كان طمعان انه يعمل بوالص لصاحبي عن طريق الموظفين اللي في الشركة وكدة عشان كدة كان ملوي دراعه !!! وللأسف هو دا الأسلوب اللي يجيب من الآخر
بس برضة الأفضل انك تأمن

[AbO_FaRaH]

في وجهة نظري التأمين أفضل
على الاقل تلاقي حد في ظهرك وقت المكروه لاقدر الله
والجنوط تيجي واحدة واحدة

+1111
الجنوط تيجى جنط....جنط

[aks601]

جنوط وخليها على اللة

[د.محمود صلاح]

لو معاك ربع ثمن العربية في البنك لزوم الحوادث والطوارئ يبقى ما تامنش وتوكل على الله ,,

أما حتى ولو معاك مثل ثمن العربية بالكامل وهتركب جنوط ,,, فماأنصحكش تركب جنوط ,, مصاريف على الفاضي والغطيان تفي بالغرض

[solycar]

انا مش هاقول جنزط او تأمين

بس انا عاوز اقول للناس اللى بتقول تأمين عشان الحوادث::

بعد انتشار التامين فى مصر زادت الحوادث و زادت ايضا نسبة الاستهتار و الجرى و عدم الاحساس بالمسئولية


كل الشباب بالذات دلوقتى ماشى باسلوب همجى و هو مطممن
مهو الباشا مأمن و لو حصل حاجة مش هيغرم جنيه

ليا سؤال لصاحب الموضوع

هو فى علاقة بين الجنط و التأمين ولا انت بتسأل من باب الصفقة المالية ؟؟

[maka]

متفق معاك في النقطة دي لأني مجربها وحسبتها كده برضه في مرة من المرات


وبعدين كمان لما بيحصل حاجة لا قدر الله التأمين نفسه في مصر مقرف وعشان تاخد فلوسك منهم بيطلع عنيك ده لو خدتها كلها كمان وفي الآخر بعد ما قعدت تدفع دم قلبك أقساط عشان تعيش مطمن تلاقي نفسك شايل نص الليلة معاهم مثلا ... ساعتها بقعد أفكر طب وعلى إيه .. لما يبقى فيه نظام تأميني محترم في البلد أبقى ءأمن

وبرضه أنا في نفس الحيرة فا مش ها أقدر أفيد صاحب الموضوع .. لكن ده كان جزء من تفكيري فقط

بتعيقك ده انت جبت النص التانى من تفكيرى فى الموضوع وهو قرف شركات التأمين..... و لان الواحد من اللى بيحبوا يمشوا دوغرى وملوش فى اللوع و القذارة بتاعة الشركات دى فا اصلا انى اتعامل مع قرف الشركة فى حالة لا قدر الله حصول حاجة ده بيمثل لى هم فوق الهم...... يكفى انى اقولك ان ابويا كان بيشتغل فى مصر للتأمين اصلا بس فى قسم العقارات لكن حاليا على المعاش..... و اخويا فى مصر للاصول العقارية اللى هى فرع من فروع مصر للتأمين سابقا....... لكن اول حاجة قالهالى ابويا لما جيت أأمن قالى ان قطاع السيارات ده اقذر قطاع فى مصر للـتأمين كلها و كله رشاوى و ناس زبالة الزبالة الزبالة....... تخيل بقى الحيرة اللى بزيادة...... يعنى انا مش مجرد زبون..... لأ ده اقرب الناس لى عارفين الوضع من جوة عامل ازاى..... اضف الى ذلك القرف اللى هسببه لهم فى حالة حصول حاجة و هخليهم يلجأوا للى يسوا واللى ميسواش عشان اخد فلوسى..... وانا عندى انا و العربية فداهم و فدى قلة راحة البال اللى هيبقوا فيها بسببى..... شوفت يا عزيزى الحيرة حجمها اد ايه......

طاب ما فيه فكرة احلى و هى انك تحط مبلغ التامين فى البنك باسمك وكل ما يجى معاد التجديد حط المبلغ على حسابك واهو كده يبقى ابنى فى حضنى و لما احتاجه مدورش عليه

[eino666]

رأيى الشخصى تأمين بس يكون فى شركة محترمة
....................
محمود عينو

[hima012]

طاب ما فيه فكرة احلى و هى انك تحط مبلغ التامين فى البنك باسمك وكل ما يجى معاد التجديد حط المبلغ على حسابك واهو كده يبقى ابنى فى حضنى و لما احتاجه مدورش عليه

11111111
+

[M.Osman]

لو معاك ربع ثمن العربية في البنك لزوم الحوادث والطوارئ يبقى ما تامنش وتوكل على الله ,,

أما حتى ولو معاك مثل ثمن العربية بالكامل وهتركب جنوط ,,, فماأنصحكش تركب جنوط ,, مصاريف على الفاضي والغطيان تفي بالغرض

موافق حضرتك يا دكتور بخصوص اللي تحته خط

بالنسبة لباقي الكلام.... فأنا شايف ان الجنط فعلاً حلو و بيزود الإحساس بالثبات.....دا طبعاً لو معايا الإمكانية...... يبقى و ماله ؟؟

[Amrrr]

بس انا عاوز اقول للناس اللى بتقول تأمين عشان الحوادث::

بعد انتشار التامين فى مصر زادت الحوادث و زادت ايضا نسبة الاستهتار و الجرى و عدم الاحساس بالمسئولية


كل الشباب بالذات دلوقتى ماشى باسلوب همجى و هو مطممن
مهو الباشا مأمن و لو حصل حاجة مش هيغرم جنيه

ودا سبب ادعى للتأمين
فيه ناس بتنزل تلاقي ربع عربته طاير في حادثة وعشان يصلح بنظافة في التوكيل هيدخل في 15 وعشرين ألف جم !!!!!

[Amr Axel]

الـتأمين اولا والجنوط تيجي في اي وقت حتي لو تقسيط لكن التأمين اهم

و بالتوفيق ان شاء الله

[macdiv]

التامين مش حرام لانه تامين تكافلي ، يعني ايه ده موضوع شرحه يطووول ،،،
طبعا اامن عشان التامين هيجبلك الجنوط لو اتسرات انما الجنوط مش هتصلحلك العربيه لو اتخبطت او اتسرأت

[د.محمود صلاح]

موافق حضرتك يا دكتور بخصوص اللي تحته خط

شكرأ باشمهندس محمد

بالنسبة لباقي الكلام.... فأنا شايف ان الجنط فعلاً حلو و بيزود الإحساس بالثبات.....دا طبعاً لو معايا الإمكانية...... يبقى و ماله ؟؟

لو حبيت أشتري عربية مستعملة وألاقيه مجنطها >> أتركها وامشي على طول ,, لا أحب أي عربية مجنطة أو مغيره الشكل الأساسي ليها اللي شركتها دفعت فيه بلاوي ( وانت مساهم كمان في الفلوس دي من تمن العربية ) في تصميم شكل العربية ...

طبعاً والموضوع ازواق