المشاركة الأصلية كتبت بواسطة goodwave
مشاهدة المشاركة
اولا انا فعلا حطيت نفسى مكان اهل المتوفى لما روحت و حسيت بكل اللى انت قلتة لان انا كنت فى وسط اهلى و فيه اسرة راح منها اب و زوج و اخ... ربنا ما يكتب على حد الشعور دة
احب برضة اقول انى كنت ماشى فى تالت حارة من شمال الطريق و على شمالى عربية جيب من الكبار و بالتالى كانت حاجبة رؤية الرصيف و الحارتين الشمال لانها كانت سبقانى بحوالى نصف طولها
المتوفى رحمة الله كان بيعدى الطريق و انا مش شايفة من الجيب و اكيد هو كمان مش شايفنى لان بالنسبه الة انا ورا العربية الجيب فا كان معتبر انه بيعدى من الجيب بس و مش عامل حسابة ان فيه عربية تانية وراها
المهم الراجل مظهرش فى مجال رؤيتى الا لما بقى فى الحارة بتاعتى و كان بيتجة ناحية ارض المعارض... طبعا انا مسكت فرامل على الاخر بس للاسف العربية برضة لحقتة و خبطتة بطرفها اليمين و توفى على اثر الحادث
انا عرفت بعد كدة ان المتوفى شغال اصلا فى ارض المعارض و ورا موقع الحادث ب40 متر فيه نفق عبور مشاه بيطلع على مدخل ارض المعارض... انا مش بقول انه يستاهل لان محدش يقدر يقول كدة عن ازهاق روح انسان لكن انا بس بوضح الخطاء اللى ادى الى وقوع الحادث
MMamdouh

Comment