أرجو التوضيح من مهندسى نايل موتورز

[osman hisham]

ما هو الفرق بين قوة الموتور بالحصان(hp) و قوة العزم للموتور بالنيوتين
مع العلم بأن قوة الموتور مثلا 120 حصان و العزم 155 نيوتن و أخر 107 حصان و 150 نيوتن يعنى الحصان بيفرق أكتر عن العزم بين المواتير .
و ساعات تلاقى الشركات تركز فى أعلاناتها على قوة الحصان و شركات تانيه تركز على العزم .....

[paladin]

HP = torque * RPM / 5252
torque = HP * 5252 / RPM

in the previous equation the unit of torque is lb/ft
1 lb/ft = 1.35 NM

forgot to tell you that HP is not measured actually but you calculate it from torque

----------------------------
تم دمج المشاركات

شكراً ... ادارة المنتدى

[eng_mkhalaf]

بص يا باشا ببساطة خالص
العزم هو عبارة عن قدرة الموتور لتحريك العربية ضد مقاومة ما فى أتجاة معين وهو عبارة عن قوة مبذولة لنحريك الجسم لمسافة قياسية وهو متر فمثلا عزم 1 نيوتن متر عبارة عن أننا نحتاج قوة قدرة 1 نيوتن لتحريك الجسم مسافة 1 متر وعزم مقدارة 5 معناة أننا نحتاج قوة مقدارها 5 نيوتن لنحرك الجسم مسافة 1 متر وكلما زاد العزم معناة أن الموتور جبار لأنة قادر على بذل قوة عالية جدا لتحريك السيارة من الوضع ساكنا أو لما تكون محمل العربية ودة هتلاقية فى محركات الديزل لأنها مشهورة بالعزم العالى علشان كدة معظم عربيات النقل ديزل بس خلى بالك زيادة العزم بيكون على حساب السرعة
لكن القوة أو الهورس باور ما هى إلا عبارة عن قدرة المحرك على بذل شغل فى فترة زمنية محددة وهيا طبعا تعبر عن قدرة المحرك ولكنها فى النهاية وحسب تصميم المحرك يا أما تتحول إلى سرعة عالية مع عزم منخفض زى عربيات السباق أو سرعة قليلة مع عزم قوى ودة فى عربيات النقل - أما فى العربيات العادية فأنة يتم عمل موازنة بين الأتنين

الشركات إللى بتركز على العزم بتكون شركات العربيات العائلية والجيب والنقل لأنى محتاج موتور عزمة حديد يقدر يشيل إى معاوقة قدامة وإى حمل موجود يعنى من الأخر دوس يا معلم :-)
أما الشركات إللى بتركز على الهورس باور فدية للعربيات الصغيرة وعربيات السبق يعنى خلى بالك موتور سريع لكن لو حملت العربية حمل جامد هتلاقيها بركت منك والموتور صفق منك ومش بعيد تبطل وتشم ريخة شياط من الأسطوانة لأنها مش قادرة تديك عزم عالى يحرك العربية لكن لما تجرى بتبقى فراشة وعربية جراية
بس خلى باللك زة ما قولتلك كلها معادلة واحدة فى قوة الموتور يعنى تعلى السرعة لزم العزم يقل لنفس الموتور ودة بيكون عن طريق علبة التروس أو الجيربوكس والعكس صحيح تماما

ممكن أضيف حاجة بسرعة
باور الموتور ثابت
الباور = السرعة * قوة
العزم = قوة * مسافة

نفترض أن الباور = 50 والسرعة 10 تبقى القوة = 5
وبالتبعية فى المعادلة التانية ناخد القوة 5 والمسافة فرضا 1 هيبقى العزم = 5

تعالى بقى نفترض أن الباور لسة 50 لكن بقى السرعة عايزينها 5 يبقى القوة بقت 10
وبالتبعية فىة المعادلة التانية نأخد القوة ب10 والمسافة 1 هيبقى العزم = 10

----------------------------
تم دمج المشاركات

شكراً ... ادارة المنتدى

[casperinoo]

shokran 3la al m3lomat al mofeeda

[sab3aawy]

الموضوع ده انا كنت حاولت اشرحة بالتفصيل فى الساحة التعليمية،

وده رابط الموضوع ، ارجو انه يحمل لك اجابة كل اسئلتك فى هذا الصدد

http://nilemotors.net/Nile/showthread.php?t=672